from BBC News اردو - خبریں، تازہ خبریں، بریکنگ نیو | News, latest news, breaking news https://ift.tt/2YU4HBO
via IFTTT
.FOCUS WORLD NEWS MEDIA GROUP EUROPE copy right(int/sec 23,2012), BTR-2018/VR.274058.IT-
برمنگھم (جی سی این رپورٹ)انگلینڈ کو آسٹریلیا کے خلاف ایشز کے پہلے میچ میں کامیابی کے لیے آخری روز مزید 385 رنز درکار ہیں اور اس کی 10 وکٹیں باقی ہیں۔برمنگھم میں کھیلے جارہے ایشز کے پہلے میچ کے چوتھے روز آسٹریلیا نے اپنی دوسری اننگز 7 وکٹوں پر 487 رنز بنا کر ڈیکلیئر کی اور انگلینڈ کو جیت کے لیے 398 رنز کا ایک بڑا ہدف دے دیا۔آسٹریلیا نے چوتھے روز بغیر کسی نقصان کے اپنی دوسری اننگز کا آغاز کیا تو ابتدائی 3 وکٹیں 75 رنز پر گر چکی تھیں جب ڈیوڈ وارنر 8، بینکرافٹ 7 اور عثمان خواجہ 40 رنز بنا کر آوٹ ہوئے۔سابق کپتان اسٹیون اسمتھ نے دوسری اننگز میں بھی شان دار کارکردگی کا مظاہرہ کیا اور 142 رنز کی بہترین اننگز کھیل کر ٹیم کو ایک اچھی پوزیشن پر لاکھڑا کیا۔ٹم ہیڈ نے 51 اور میتھیو ویڈ نے 110 رنز بنا کر اسمتھ کا بھرپور ساتھ دیا جس کی بدولت آسٹریلیا نے 7 وکٹوں پر 487 رنز بنا کر اپنی برتری 398 رنز تک پہنچائی اور اننگز بھی ڈیکلیئر کردی۔آسٹریلیا نے جب 487 رنز کے مجموعی اسکور پر اننگز ڈیکلیئر کی تو پیٹیسن 47 اور کمنز 26 رنز کے ساتھ وکٹ پر موجود تھے۔انگلینڈ کی جانب سے بین اسٹوکس نے سب سے زیادہ 3 وکٹیں حاصل کیں اور معین علی نے 2 کھلاڑیوں کو آؤٹ کیا۔برمنگھم میں جب چوتھے روز کھیل کا اختتام ہوا تو انگلینڈ نے بغیر کسی نقصان کے 13 رنز بنائے تھے اور اسے جیت کے لیے مزید 385 رنز درکار ہیں۔انگلینڈ کے برنز نے 7 اور جیسن روئے نے 6 رنز بنائے تھے اور وہ پیر کو اپنا کھیل جاری رکھیں گے۔قبل ازیں آسٹریلیا نے پہلی اننگز میں 284 رنز بنائے تھے جس کے جواب میں انگلینڈ کی ٹیم 374 رنز بنا کر آؤٹ ہوئی تھی اور پہلی اننگز میں 90 رنز کی برتری حاصل کی تھی تاہم آسٹریلیا نے دوسری اننگز اسمتھ کی شان دار سنچری کی بدولت 487 رنز کا ایک بڑا مجموعہ ترتیب دیا۔
The post ایشز سیریز کا پہلا ٹیسٹ،جیت کیلئے انگلش ٹیم کو کیا ہدف ملا؟ appeared first on Global Current News.
لاہور: (محمد شاہد) مکئی نشاستہ دار سبزی اور اناج ہے۔ صدیوں سے اسے دنیا بھر میں کھایا جا رہا ہے۔ یہ ریشے، حیاتین اور معدنیات کا بھرپور ذریعہ ہے۔مکئی کی جائے پیدائش میکسیکو اور عمر 9000 برس ہے۔ مقامی امریکی اسے اگاتے تھے اور یہ خوراک کا بنیادی ذریعہ تھی۔ عام طور پر مکئی زرد رنگ کی ہوتی ہے لیکن یہ سفید، سرخ، جامنی اور نیلے رنگ میں بھی پائی جاتی ہے۔اسے مختلف طریقوں سے پکایا جاتا ہے اور مختلف طرح کے کھانوں میں استعمال کیا جاتا ہے۔ اسے جانوروں کی خوراک بھی بنایا جاتا ہے۔ دورِ جدید میں اس سے ایندھن بھی تیار کیا جاتا ہے۔دراصل مکئی کی کل امریکی پیداوار کا 40 فیصد ایندھن بنانے کے کام آتا ہے، جبکہ دنیا میں مجموعی طور پر 60 سے 70 فیصد مکئی جانوروں کی خوراک بنتی ہے۔غذائیت سے بھرپور مکئی میں نشاستہ، ریشہ، حیاتین اور معدنیات بہت مقدار میں ہوتے ہیں۔ میٹھی زرد مکئی کے ایک کپ (164 گرام) میں 177 حرارے، 41 گرام نشاستہ، 5.4 گرام لحمیات، 2.1 گرام چکنائی، 4.6 گرام ریشہ، روزانہ کی ضرورت کا 17 فیصد وٹامن سی، 24 فیصد تھیامین (وٹامن بی 1)، 19 فیصد فولیٹ (وٹامن بی9)، 11 فیصد میگنیشیم اور 10 فیصد پوٹاشیم ہوتا ہے۔مکئی میں شامل نشاستہ خون میں شکر کی مقدار بڑھاتا ہے تاہم اس کا انحصار اس امر پر ہے کہ آپ کتنی مکئی کھاتے ہیں۔ اس کے غذائی اجزا کے پیشِ نظر زیادہ تر لوگ اس کے دانوں کو پورا یا پاپ کارن کی شکل میں کھاتے ہیں۔ یہ گلوٹن کے بغیر قدرتی غذا ہے۔ وہ افراد جن کا جسم گلوٹن قبول نہیں کرتا، وہ اسے کھا سکتے ہیں۔دوسری جانب پراسسڈ مکئی جو تیل یا سیرپ کی شکل میں ہوتی ہے، کم غذائیت رکھتی ہے۔ ریشہ اور نباتاتی مرکبات مکئی میں اینٹی آکسیڈنٹ اور نباتاتی مرکبات ہوتے ہیں جو صحت کے لیے فائدہ مند ہیں۔مکئی میں لوٹین اور زیاکسن تھین زیادہ مقدار میں ہوتے ہیں۔ یہ دونوں کیروٹینائیڈز ہیں جو آنکھ کے عدسے کے دھندلے پن (cataracts) اور عمر کے ساتھ پٹھوں میں آنے والی کمزوری کو روکتے ہیں۔دراصل ہماری آنکھ کا وہ حصہ جو پٹھوں پر مشتمل ہے، اس میں ان اجزا کی زیادہ مقدار پائی جاتی ہے۔ 365 بالغوں پر ہونے والی ایک تحقیق سے معلوم ہوا کہ جو افراد کیروٹینائیڈز، لوٹین اور زیاکسن تھین کی زیادہ مقدار کھاتے ہیں، ان میں عمر کے ساتھ پٹھوں کی کمزوری کا امکان تھوڑا کھانے والوں کی نسبت 43 فیصد کم ہوتا ہے۔آنتوں اور انہضام کے مسائل مکئی میں پایا جانے والا ریشہ آپ کو فائدہ پہنچا سکتا ہے۔ ریشے سے بہت سے امراض کا امکان کم ہو جاتا ہے جن میں دل کی بیماریاں اور چند اقسام کے سرطان شامل ہیں۔مطلوبہ مقدار میں ریشہ نظام انہضام کی صحت کے لیے مفید ہے اور گَٹ کی حفاظت کرتا ہے۔ مکئی نظام انہضام کے متعدد مسائل سے بچا سکتی ہے جن میں ’’ڈائیورٹیکولر‘‘ کا مرض شامل ہے جس کی اہم خصوصیت ہاضمے کے راستے میں سوزش کا ہونا ہے۔بالغ مردوں پر ہونے والی ایک تحقیق سے پتا چلا کہ ہفتے میں دو بار پاپ کارن کھانے والوں میں اس بیماری کا خطرہ قابلِ ذکر حد تک کم ہو جاتا ہے۔چند تحقیقات کے مطابق مکئی اور پاپ کارن کھانے سے گَٹ کی صحت بہتر ہوتی ہے تاہم اس سلسلے میں مزیدتحقیق کی ضرورت ہے۔ خون میں شکر اور وزن مکئی میں نشاستے کی زیادہ مقدار کے سبب خون میں شکر کی مقدار بڑھتی ہے، اس لیے آبادی کے ایک حصے کے لیے اس کے استعمال کا مشورہ نہیں دیا جاتا۔ذیابیطس میں مبتلا افراد کو نشاستہ دار غذاؤں کا استعمال کم کرنا چاہیے جس میں مکئی بھی شامل ہے۔ وہ افراد جو اپنا وزن کم کرنا چاہتے ہیں، انہیں نشاستہ دار غذائیں کم کھانی چاہئیں۔جینیاتی تبدیلی مکئی کی فصلوں کو جینیاتی تبدیلیوں کی مدد سے بھی تیار کیا جاتا ہے۔ اس کا مقصد پیداوار میں اضافہ اور نقصان دہ کیڑوں اور بیماریوں وغیرہ کے خلاف مزاحمت پیدا کرنا ہوتا ہے۔مکئی کی بہت سی اقسام کو جینیاتی تبدیلی کے ذریعے تخلیق کیا گیا ہے۔ بعض تحقیقات سے معلوم ہوا کہ جینیاتی تبدیلیوں سے حاصل شدہ مکئی کے مضر اثرات بھی ہیں۔دوسری جانب ایسی تحقیقات بھی موجود ہیں جو اس کی نفی کرتی ہے۔ ان کے مطابق جینیاتی طور پر تبدیل شدہ اور غیر تبدیل شدہ مکئی کے فوائد ایک جیسے ہیں۔ اس سلسلے میں وسیع اور گہری تحقیق کی ضرورت ہے۔
The post مکئی کے طبی فوائد appeared first on Global Current News.
لاس اینجلس(جی سی این رپورٹ) ہالی وڈ اداکار ڈیوائن جانسن نے اپنی نئی فلم”فاسٹ اینڈ فیوریس: ہابس اینڈ شا“ کی پذیرائی پر پاکستانی مداحوں کا تہہ دل سے شکریہ ادا کیا ہے۔تفصیلات کے مطابق ہالی وڈ سپر سٹار ڈیوائن جانسن نے اپنی نئی فلم ”فاسٹ اینڈ فیوریس: ہابس اینڈ شا“ کی پاکستان میں پذیرائی پر پاکستانی مداحوں کا شکریہ ادا کیا ہے۔سماجی رابطوں کی ویب سائٹ ٹویٹر پر جاری اپنے خصوصی پیغام میں ڈیوائن جانسن نے لکھا کہ میں پاکستانی مداحوں کا بہت شکر گزار ہوں کہ انہوں نے فلم کو اتنا پسند کیا اور ہمیں اتنا پیار دیا۔خیال رہے کہ دی راک کے نام سے مشہور ڈیوائن جانسن کی نئی فلم ہوبز اینڈ شا سینما گھروں کی زینت بن چکی ہے۔ ہوبز اینڈ شا فاسٹ اینڈ فیورس سیریز میں متعارف ہونے والے کرداروں پر مبنی فلم ہے۔ہوبز اینڈ شا کو سیون بکس پروڈکشن اور یونیورسل سٹوڈیوز مشترکہ طور پر پروڈیوس کر رہے ہیں۔ اس فلم کی ڈائریکشن ڈیوڈ لیٹچ نے دی ہے۔ دلچسپ بات یہ ہے کہ مشہور ریسلر رومن رینز بھی اس فلم سے سے ہالی ووڈ میں انٹری دے رہے ہیں۔
Wow – this is huge / thank you Pakistan for the love and enjoy @HobbsAndShaw
🙏🏾👊🏾🥃— Dwayne Johnson (@TheRock) August 3, 2019
The post راک پاکستانی مداحوں کے شکرگزار کیوں؟ appeared first on Global Current News.
آئی آئی ٹی میں داخلہ ہر انڈین سٹوڈنٹ کا خواب ہوتا ہے لیکن اتل کمار کا خواب اس وقت چکنا چور ہو گیا جب داخلہ فیس جمع کروانے کا پورٹل آخری وقت ...
جملہ حقوق ©
WAKEUPCALL WITH ZIAMUGHAL
Anag Amor Theme by FOCUS MEDIA | Bloggerized by ZIAMUGHAL