Wazifa For Skin Infection And Skin DiseaseFOCUS NEWS NETWORK(Speacial correspondent ZIA MUGHAL)

Wazifa For Skin Infection And Skin Disease

Nazireen aaj jo hum aap ko Wazifa batayengay wo skin infection aur skin disease ke liye ha. Nazireen agar aap skin disease ka shikar hein ya skin infection se mutasir hein ya chehre ya badan par koi daagh dhabba ho to Surah Baqarah ki Ayat e Mubaraka 71 ka ye hissa jo hum ne screen par highlight kar di ha is ko 41 martaba medicine ya marham jo aap ko Doctor ya Hakeen ne tajweez ki ha us par dam karein phir us ko use karein. Jab bhi aap medicine ya marham use karein to us par lazmi dam karein us ke baad use karein. Medicine agar ziyada ho ya Doctor ya Hakeem ne medicine aur marham dono tajweez ki ho to sab par 1 hi dafa dam kar dein alag alag karnay ki zaroorat nahi ha. Insha Allah har qisam ke daagh dhabbe bohat jald door ho jayengay.
Is ke ilawa Surah Baqarah ki Ayat # 259 ko rozana 3 baar awal aakhir 3, 3 Durood Shareef parh kar pani par dam kar ke pee liya karein Insha Allah jild ke tamam amraz se shifa milegi.
Allah Ta'la se Dua ha ke jo koi bhi in marz mein mubtala ha un sab ko shifa e kulli ata farmaye aur hum sab ko Apnay hifz o aman mein rakhay.

from Islamic Knowledge, Rohani Ilaj, Health & Beauty Tips https://ift.tt/2jZbuV5
via IFTTT

مکمل تحریر >>>

Wazifa For Face Beauty Fair Skin And Remove Pimples On FaceFOCUS NEWS NETWORK(Speacial correspondent ZIA MUGHAL)

Wazifa For Face Beauty Fair Skin And Remove Pimples On Face

Agar aap ke chehre par danay hein ya aap chehre ke daagh dhabbo se pareshan hein to mein aap ko 1 nuskha aur 1 Wazifa bataoonga jis ke karne se Insha Allah aap ko chehre ke danay aur daagh dhabbo se nijat mil jaye gi.
Nazireen chawal har ghar mein mojood hote hein aur har mulk mein hi chawal khaye jatay hein, ye bhi masla nhi hoga ke aap chawal khareednay jayen aur ye cheez mushkil se milay.
Khanay ke 3 spoon sirf rice lenay hein aur chawal ko achi tarah aap ne ubal lena ha. Chawal jab bilkul achi tarah naram ho jayen to chawal ka pani nathar lein, chawal ka pani alehda nathar kar mehfooz rakhein. Un chawalon ke andar 1 spoon doodh dalein aur 1 spoon honey dalein aur is ko achi tarah mix kar lein aur is ka paste aap tayyar kar lein. Phir is paste ko pooray chehre par laga lein aur 10 minute tak rehne dein. Us ke baad wohi pani jo chawalon ka nathar kar aap ne alehda rakhna ha us pani se apnay chehre ko dho lein, dhonay ke baad aap jo bhi soap use karte hein  us se chehre ko achi tarah wash kar lein, Insha Allah is ki barkat se chehre ki jild naram mulaim, saaf shaffaf aur har kisam ke daagh dhabbay door ho jayengay. Aur ye amal aap ne hafte mein sirf 1 dafa karna ha. Aur ye amal aap har hafte karte jayen.
Aur agar kuch din aagay peechay bhi ho jayen to koi masla nahi ha. Ye bohat hi asan nuskha ha ye nuskha log zaroor use karein jo chehre ke daagh dhabbo ki waja se pareshan hein Insha Allah ye pareshani hamehsa ke liye khatam ho jayegi.
Is ke ilawa 1 Rohani amal bhi mein aap ko bata deta hu jo aap ne pani peete waqt karna ha, agar aap chahte hein ke aap ka chehra khoobsurat ho jaye aur daagh dhabbe khatam ho jayen to aap jab bhi pani piyen to pani peete waqt aap 1 martaba Durood Shareef parhein us ke baad 3 martaba Surah Fatiha parhein aur akhir mein doobra 1 baar Durood Shareef parh kar pani par dam kar ke pee lein, Durood Shareef aap koi sa bhi parh sakte hein. Din mein aap jab bhi pani piyen koshish karein ke ye amal karein aur phir pani piyen jesay hi pani aap ki ragon mein jayega. Ragon mein jitni bhi is tarah ki asarat hote hein jo aap ke chehre ko kharab kar detay hein Allah ke hukum se wo khatam ho jayengay.
Namaz ki pabandi lazmi karein takay aap ke har kaam mein barkat ho aur Wazifa bhi asar kare.

from Islamic Knowledge, Rohani Ilaj, Health & Beauty Tips https://ift.tt/2GbzBs1
via IFTTT

مکمل تحریر >>>

Quran Girne Ka KaffaraFOCUS NEWS NETWORK(Speacial correspondent ZIA MUGHAL)

Quran Girne Ka Kaffara

Quran Pak agar ghalti se gir jaye to is ka koi kaffara nahi ha is liye ke girane wale ki koi niyat be hurmati ki nahi thi Allah ke kitab ki choot gai gir gai ghalti se aur kisi Musalman se ye tasawur nahi kiya ja sakta ke wo Quran Pak ko khud se giraye. Lekin baaz jaga par Quran Pak ki izzat, adab o ahteram ki waja se jab Quran Pak gir jata ha to Musalman pareshan ho jata ha to ye bhi us ke Iman ki alamat ha, Quran se mohabbat ki alamat ha, to is aetibar se fikarmand ho jana ya pareshan ho jana ye to us ke adab aur Iman ki alamat ha. Lekin agar kisi se Quran Pak ghalti se gir gaya to sharan is ke upar koi girift nahi ha. Agar Quran Pak ghalti se gir jaye to foran us ko uthayen aur choomein aur Allah se maafi mangein.

from Islamic Knowledge, Rohani Ilaj, Health & Beauty Tips https://ift.tt/2rDNIC3
via IFTTT

مکمل تحریر >>>

Surah Muzammil Ka WazifaFOCUS NEWS NETWORK(Speacial correspondent ZIA MUGHAL)

Surah Muzammil Ka Wazifa

Aaj jo Wazifa mein aap ko bataoonga Wo Surah Muzammil ka Wazifa ha aur is ki ijazat aam ha yani is ke liye aap ko kisi se ijazat lenay ki zaroorat nahi. Surah Muzammil bari ba barkat Surat ha kiyounke ise Huzoor Pak PBUH se khusoosi munasibat ha. Hazrat Abi Bin Kaab Razi Allah Tala Anhu se riwayat ha ke Huzoor e Aqdas PBUH ne farmaya ke jo shakhs Surah Muzammil parhe ga to Allah usay dunya aur akhirat mein khush rakhe ga. us ke aflas ko door karde ga aur mushkilat asan kar dega.
Is ke ilawa Is Surat ka hamesha parhne wala Hamaray Piyaray Nabi PBUh ki ziyarat se musharraf hoga aur uski tamam jaiz dunyawi hajatein poori hongi.
Nazireen jo Wazifa mein aap ko bataoonga Ye bohat mujarrab aur aazmooda amal ha.  Ye aap ne sirf Fajar ki Namaz ke baad karna ha. Karna aap ne ye ha Fajar ki Namaz ke baad 1 dafa Surah Muzammil parhein aur jab is ayat par pohanchay to is ko 3 baar parhein aur phir Surah Muzammil complete karein. Aur phir aap ki jo hajat ha ya phir maqsad ha us ke liye Dua karein Insha Allah agar wo aap ke haq mein behtar huwa to zaroor aap ki Dua jald ya dair zaroor qabool hogi.
Namaz ki pabandi lazmi karein takay aap ke har kaam mein barkat ho aur Wazifa bhi asar kare aur hasbe tofeeq sadqa bhi karte rahein.

from Islamic Knowledge, Rohani Ilaj, Health & Beauty Tips https://ift.tt/2I8ByLH
via IFTTT

مکمل تحریر >>>

Bismillah Ir Rahman Ir Rahim Ka WazifaFOCUS NEWS NETWORK(Speacial correspondent ZIA MUGHAL)

Bismillah Ir Rahman Ir Rahim Ka Wazifa

bismillah ir rahman ir rahim ki fazilat

Aaj jo Wazifa hum aap ko batayengay wo Bismillah Ir Rahman Nir Rahim ka Wazifa ha aap is ko har jaiz maqsad ke liye kar sakte hein, is Wazifa ki ijazat aam ha yani aap ko kisi se ijazat lenay ki zaroorat nahi, koshish karein ke Wazifa ke liye koi 1 waqt muqarrar kar lein aur daily usi waqt Wazifa karein Lekin agar kisi majburi ke waja se 1 hi waqt pr na kar sakein to kisi aur waqt mein bhi kar sakte hein lekin agr 1 hi waqt par roz karengay to bohat behtar hoga. Jo bhi ye Wazifa karega koi bhi dushman us ko nuqsan nahi pohancha sakega aur is Wazifa ke karne walay par kabhi jadu tona waghera asar nahi karega. Is Wazifa ke bohat saray fawaid hein aap Wazifa karengay to aap ko khud is baat ka andaza ho jayega. Nazireen ab mein aap ko batata hoo ke Wazifa kis tarah karna ha, aap ne 11 baar Duroodh Shareef parhna ha Durood Shareef aap koi sa bhi parh sakte hein us ke baad aap ne 1000 martaba Bismillah Ir Rahman Nir Rahim parhna ha us ke baad doobara 11 baar Durood Shareef parhna ha. Is ke baad aap apni hajat aur maqsad ke liye dua karein, is Wazifa ki barkat se aap ki sari Duaen agar aap ke haq mein behtar hongi to dair ya jald zaroor qabool ho jayengi aur jo aap ka maqsad hoga wo Insha Allah poora ho jayega. Aap is Wazifa ko daily karein jab tak aap ka maqsad poora na ho jaye. Yani ta husool e maqsad aap ko ye Wazifa karna ha. Namaz ki pabandi lazmi karein takay aap ke har kaam mein barkat ho aur Wazifa bhi asar kare aur hasbe tofeeq sadqa bhi karte rahein. Allah Ta'la se dua ha ke jo bhi ye Wazifa kare Allah Ta'la un ki har jaiz hajat aur murad ko poori kare. Aameen

from Islamic Knowledge, Rohani Ilaj, Health & Beauty Tips https://ift.tt/2KdRhG4
via IFTTT

مکمل تحریر >>>

Ya Allahu Ya Rahmanu Ka WazifaFOCUS NEWS NETWORK(Speacial correspondent ZIA MUGHAL)

Ya Allahu Ya Rahmanu Ka Wazifa

Aaj hum aap ko aesa Wazifa batayengay jo zindagi ke har maqam par bohat kaam aaye ga. 1 chota sa amal ha jis se har jaiz hajat poori hogi. In namon ke andar bohat taqat aur bohat barkat ha. Aap PBUH ne farmaya jab tak La Ilaha Illallah kehne wala 1 admi bhi agar mojood hoga to ye nizame kainat mojood rahega. Ya Allahu Ya Rahmanu ye 2 mubarak naam itni azmat walay hein itni barkat walay hein ke agar aap raat ko sonay se pehlay in namon ko parh lein Yani Ya Allahu Ya Rahmanu ka wird karien is mein koi limit nahi jitni dafa bhi aap chahein parh sakte hein lekin kam se kam 1000 dafa aap is ko zaroor parhein aur awal aakhir 3, 3 baar Durood Shareef zaroor parhein, Durood Shareef aap Durood e Ibrahimi Parhein. In namon ka zikar kartay huway apni hajat ko zehan mein rakh kar uska tasawur karein Insha Allah subah honay se pehlay pehlay aap ki jaiz hajat poori ho jayegi. Wazifa ke doran kisi se baat cheet na karein.
Jab bhi aap ko koi musibat ya pareshani aa jaye to aap ye amal zaroor karein Insha Allah aap ko fori uska hal mil jayega. Agar aap is amal ko apni zindagi ka mamool bana lein to har kisam ki musibat aur pareshani se bachay rahengay. Namaz ki pabandi lazmi karein takay aap ke har kaam mein barkat ho aur Wazifa bhi asar kare aur hasbe tofeeq sadqa bhi karte rahein. Allah Ta'la se dua hai ke Allah Ta'la sab ki musibat aur pareshani ko door farmaye. Ameen

from Islamic Knowledge, Rohani Ilaj, Health & Beauty Tips https://ift.tt/2wsigM2
via IFTTT

مکمل تحریر >>>

Surah Kosar Ka WazifaFOCUS NEWS NETWORK(Speacial correspondent ZIA MUGHAL)

Surah Kosar Ka Wazifa

surah kausar ka wazifa

Nazireen 1 aesi muqaddas Kitab jo hamari akhirat mein nijat ka bai's ha, jo dunyawi muamlat mein hamari rehnuma ha jis ka har 1 lafz rooh ko pur sukoon krta ha jo dilo ke itminan ka bai's ha, ye kitab hamein achai aur burai ki tameez batati ha, naiki aur badi mein farq sikhati ha, jis par amal kar ke hum Allah ke pasandeeda bando mein shamil ho sakte hein, jo hamari deen aur dunya dono mein kamyabi ki zamin ha aur is mein hamaray liye hidayat hi hidayat ha aur wo Kitab ha Quran Majeed Furqan Hameed.
Quran Pak ke Har Surat ki alag alag fazail aur fawaid hein. Aur agar hum in Surah mubaraka ka wird karengay to na sirf hamari akhirat sanware gi balke dunya mein bhi bohat kuch milega.
Nazireen is video mein hum aap ko Surah Kausar parhne ke fawaid batayengay. Agar aap Surah Kausar rozana sirf 1 baar parhengay to aap ko beshumar fawaid aur fazail milengay.
Surah Kausar Quran Pak ki azeem Surah ha is ko Quran Pak ki mukhtasar tareen Surah honay ka aezaz hasil ha lekin fawaid aur barkaat ke lihaaz se ye bohat bhari Surah ha ye choti si Surah intahai kaseer faidon ki hamil ha.
Agar aap apnay maal o dolat mein izafa chahte hein to apnay roz mara ke ikhrajat ke jo paisay aap ke paas hote hein 1 kapray ki choti se potli bana lein aur wo paisay is mein rakha karein rozana 1 baar wuzu kar ke Surah Kausar parh kar is potli par dam karein is ke ilawa paisay rakhte ya nikalte waqt Surah Kausar parh liya karein aap ke paiso mein barkat hogi maal o dolat kabhi khatam na hoga Insha Allah.
Namaz ki pabandi lazmi karein takay aap ke har kaam mein barkat ho aur Wazifa bhi asar kare aur hasbe tofeeq sadqa bhi karte rahein.

from Islamic Knowledge, Rohani Ilaj, Health & Beauty Tips https://ift.tt/2IqYcOS
via IFTTT

مکمل تحریر >>>

Raat Ko Sonay Se Pehlay Ayat Al Kursi Parhne Ki Fazilat FOCUS NEWS NETWORK(Speacial correspondent ZIA MUGHAL)

Raat Ko Sonay Se Pehlay Ayat Al Kursi Parhne Ki Fazilat 

Nazireen raat ko sonay se pehlay Ayat Al Kursi parh kar sonay ki bari fazilat Hadees mein aai ha. Allah ke piyaray Nabi PBUH ne farmaya ye bukhari ki riwayat ha A logon jo shakhs sonay se pehlay Ayat Al Kursi parh kar sota ha Allah Ta'la ki taraf se 1 Farishta us shakhs ki hifazat ke liye muqarrar kar diya jata ha jo subah Fajar tak us shakhs ki hifazat karta ha, shaitan ko us shakhs ke qareeb bhi nahi aane deta. Nazireen agar raat ko aap ko dar lagta ha ya buray khuwab aate hein ya aap ko jadu taweez in cheezon ka shak ha to aap Ayat Al Kursi parh kar befikar hokar so jayen kiyounke ab Allah ka 1 Farishta aap ke liye muqarrar ha jo in tamam cheezon se aap ki hifazat karega. Nazireen agar aap raat ko sonay se pehlay mobile tv in cheezon mein khokar hi so jayengay Allah ka zikar na karengay to phir aap khud hi batayen ke zindagi mein sukoon aaye ga ya pareshani aaye gi. Aap raat ko sonay se pehlay Quran ki ye Ayat Ayat Al Kursi parh kar soyen phir aap dekhengay aap ke dil ko bhi itminan aaye ga aap ki rooh ko bhi sukoon aaye ga aur aap ke ghar mein barkatein aur rahatein aayengi. Is liye nazireen raat ko sotay waqt Ayat Al Kursi zaroor parh liya karein ise parhne mein mushkil se 1 minute bhi nahi lagega lekin poori raat aap hifazat mein rahengay.
Nazireen is ke ilawa bhi Ayat Al Kursi ki bohat fazilat ha jo hum aap ko batate hein.
Jab ghar mein dakhil hote waqt parhengay to aap ke ghar se mohtaji door ho jaye gi.
Jab Wuzu ke baad parhengay to 70 darjay buland hongay.
Aur agar farz Namaz ke baad parhengay to aap ka 1 paon zameen aur doosra jannat mein hoga.

from Islamic Knowledge, Rohani Ilaj, Health & Beauty Tips https://ift.tt/2KHl8aX
via IFTTT

مکمل تحریر >>>

70,000 Farishton Ki DuaFOCUS NEWS NETWORK(Speacial correspondent ZIA MUGHAL)

70,000 Farishton Ki Dua

Agar koi naik shakhs hamaray liye Dua kare to hum kine khush hote hein, logon ko batate hein ke falan Aalim ne falan buzrug ne meray liye Dua ki ha. Lekin us shakhs ki khush naseebi ka kiya kehna jis ke liye Allah ke Farishtay Dua karein.
1 Hadees jo Sahi Muslim aur Musnade Ahmad ki ha, Meray piyaray Nabi Sallallahu Alaihi Wasallam ne farmaya jo shakhs kisi mareez ki ayadat ke liye jata ha subah se lekar sham tak 70000 Allah ke Farishtay us shakhs ke liye Dua e maghfirat karte rehte hein aur agar koi raat ko kisi mareez ki ayadat ke liye jata ha to raat se lekar subah tak Allah ke 70000 Farishtay us shakhs ke liye Dua e maghfirat karte rehte hein. Wo dua karte hein A Allah is shakhs ki maghfirat farma day is shakhs ki bakhshish farma day. Nazireen ye kitni khush naseebi ki baat ha k Allah ke hazaron Farishtay hamaray liye Dua karein. Nazireen aap jis mareez ki ayadat ke liye ja rahay hein agar us ki maali halat sahi na ho to us ki aap maali madad kar dein ya dawai waghera use dila dein Insha Allah is ka aap ko bohat acha ajar milega. Jab bhi mareez ki ayadat ke liye jayen to waqt dekh kar jayen aur mareez ke liye koi na koi hadya lekar jayen aur us mareez ke paas beth kar us ke lye Dua karein aur us se kahein ke wo aap ke liye bhi Dua kare aur mareez ko tasalli dein.
Nazireen agar aap mareez ki ayadat karne us ke ghar jayen to apni nazron ki hifazat karein.
Nazireen agar koi shakhs aap ke ird gird beemar ha to Allah ki raza ke liye zaroor us ki ayadat ke liye jayen is amal se 70000 Farishtay aap ke liye Duaon men lag jayengay.

from Islamic Knowledge, Rohani Ilaj, Health & Beauty Tips https://ift.tt/2IkbRai
via IFTTT

مکمل تحریر >>>

Tamam Masail Aur Fitna Se Bachne Ka WazifaFOCUS NEWS NETWORK(Speacial correspondent ZIA MUGHAL)

Tamam Masail Aur Fitna Se Bachne Ka Wazifa

Aaj hum aap ko fikro mushkilat se azadi ke kuch Wazaif batayengay, is dunya mein koi bhi aesa shakhs nahi jo kisi na kisi mushkilat ya fikar mein na ghira huwa ho chahe wo koi crore pati ya arab pati hi kiyoun na ho. Kisi ko apnay bacho ki shadi ki fikar, kisi ko business mein nuqsan ka dar, Koi Muashi badhali ka shikar ha, Kisi ko raat ko neend nahi aati, koi beemarion mein ghira huwa ha nez har koi apni apni fikar o mushkilat mein ghira huwa ha.

Hazrat Abu Darda farmate hein ke agar koi shakhs Surah Toba ki Ayat # 129 ko subah sham 7 martaba parhta ha to Allah Ta'la us ke tamam fikar o mushkilat ke liye kafi ho jata ha.

Hazrat Ali R.A farmate hein Rasool Allah Peace Be Upon Him ne irshad farmaya jo shakhs Juma ke din surah Kahaf parh lay wo aglay jumay tak har fitne se mehfooz rahe ga agar is doran dajjal bhi nikal aaye to to us ke fitne se bhi mehfooz rahe ga.

Dunya bhar ke tamam masail ke hal ke liye ya aap kisi pareshani mein mubtala hein ya aap ko koi hajat darpesh ha to wuzu be wuzu chalte phirte Ya Allahu Ya Rahmanu Ya Raheemu ka wird karte rahein Insha Allah is mubarak naam ke waseelay se aap murad pa leingay.

from Islamic Knowledge, Rohani Ilaj, Health & Beauty Tips https://ift.tt/2KAQ9x4
via IFTTT

مکمل تحریر >>>

Jannat Mein Le Jane Wali DuaFOCUS NEWS NETWORK(Speacial correspondent ZIA MUGHAL)

Jannat Mein Le Jane Wali Dua

Hamaray Piyaray Nabi Sallallahu Alaihi Wasallam ne jo hamein piyari piyari Duaen mangni sikhai hein un mein se 1 dua ye bhi sikhai ha ke hamein chahiye ke hum rozana 3 martaba Allah se Jannat ka sawal karein, farmaya logon jo shakhs rozana 3 baar kehta ha A Allah mujhay jannat ata farma day A Allah mujhay Jannat ata farma day to nazireen us ke 3 martaba sawal karne par phir Allah ki Jannat kehti ha A Allah is shakhs ka thikana Jannat bana day Subhan Allah.
Aur jo shakhs rozana 3 martaba ye bhi dua mangta ha A Allah mujhay jahannum se apni panah mein rakh A Allah mujhay jahannum se nijat day day to nazireen phir jahannum kehti ha A Allah is shakhs ko mujh se door kar day to kitni piyari dua ha aur kitni asan dua ha. Nazireen agar aap rozana 3 martaba ye kahengay A Allah mujhay Jannat ata kar day A Allah mujhay jahannum se door kar day to Allah ki Jannat aap ko mangay gi aur Allah ki jahannum aap se door kardi jaye gi to nazireen apni duaon mein ye Dua zaroor shamil karien us Jannat ko manga karein wo Jannat jis ki fizain hawain khushboodar hein jo Nabiyo Siddiqeen aur naik logon ko thikana ha. Us jahannum se bhi Allah ki panah manga karein wo jahannum jise dekh kar Allah ke Farishtay khof se rotay hein. Nazireen is Dua ko apni zindagi ka zaroor hissa bana lein. Allah se Dua hai ke Allah hamein is par amal karne ki tofeeq ata farmaye.

from Islamic Knowledge, Rohani Ilaj, Health & Beauty Tips https://ift.tt/2rgYxsN
via IFTTT

مکمل تحریر >>>

Surah Ikhlas Ka Wazifa In UrduFOCUS NEWS NETWORK(Speacial correspondent ZIA MUGHAL)

Surah Ikhlas Ka Wazifa In Urdu

surah ikhlas ka wazifa

Quran Pak ki 1 Surat Surah Ikhlas ha is Surat ki fazilat ka kiya kehna ye wo Surat ha jis ke baray mein piyaray Nabi PBUH ne farmaya A logo jo 3 baar Surah Ikhlas parh leta ha is ke parhne ki barkat se pooray Quran Pak parhne ka ajar us ke namae aemaal mein likh diya jata ha, phir 1 aur riwayat mein Nabi Kareem PBUH ne is ki barkatein batate huway farmaya A logo jo 10 baar Surah Ikhlas parh leta ha is parhne ki barkat se us ke naam ka mehal Jannat mein bana diya jata ha, nazireen is Surat mein aur is ke lafzon mein bara asar ha jo banda rozana 100 baar is Surat ko parhega Allah Ta'la parhne walay ko Ghani kardengay, usay dheron shan o shoukat se nawazengay is Surat ko parhne ki waja se us ke ghar mein barkatein aayengi, khushyan aayengi us ke ghar mein sukoon aaye ga, aapas mein mohabbatein barhengi, jo rozana kasrat se Surah Ikhlas parhega us ka paisa beemarion pr nahi lagega.
Nazireen jis ghar mein Surah Ikhlas kasrat se parhi jayegi wahan Allah ki rehmatein nazil hongi wahan rahatein aayengi kiyounke ye Surat Allah Ta'la ko bohat pasand ha, to nazireen gharon mein sukoon ke liye, maal o dolat mein izafay ke liye, Jannat mein mehal bananay ke liye, apnay namae aemaal ko naikiyon se bharne ke liye is Surah ke sath dosti lagayen is ko parhein aur dunya o akhirat ke khazano ke malik ban jayen, jo is Surah ko kasrat se parhta rahega wo apnay dil mein aur apnay ghar mein wazeh sukoon Insha Allah mehsoos karega. Allah Ta'la se Dua ha ke Allah Ta'la hamein is par amal karne ki tofeeq ata farmaye.

from Islamic Knowledge, Rohani Ilaj, Health & Beauty Tips https://ift.tt/2rbL3ia
via IFTTT

مکمل تحریر >>>

Ya Rehman Ka WazifaFOCUS NEWS NETWORK(Speacial correspondent ZIA MUGHAL)

Ya Rehman Ka Wazifa

ya rahman ka wazifa

Allah ki rehmaton ko hasil karne ke liye Duaon ko qabool karane ke liye bara asan bara behtareen lafz Ya Rahmanu is lafz ko apni Duaon mein zaroor parha karien aur Duaon ke ilawa bhi zaroor parha karein. Jo shakhs apni Duaon mein Allah Ta'la ke is naam ko parhta ha, is naam ke parhne se Allah Ta'la ki rehmat ko josh aata ha ye bara behtareen aur bara asan Wazifa ha aur Allah Ta'la ko ye naam kitna pasand ha, Apnay kalam Quran mein 1 Surat ka naam hi Surah Rahman rakh diya, Allah Ta'la ko ye naam kitna pasand ha Quran shru hone se pehle parha jata ha Bismillah Ir Rahman Ir Rahim shru Allah ke naam se jo bara Rahman aur bara Raheem ha phir Surah Fatiha Quran ki pehli Surat ha aur us Surat mein Allah Ta'la ne jo apni pehli Sift batai Alhamdulillahi Rabbil Alamin Ar Rahman ir Raheem wo Rab jo bara Rahman bara Raheem ha, Allah Ta'la ko ye naam bohat pasand ha aur is naam se jo banda Dua mangta ha Allah Ta'la us ki Dua zaroor qabool farmata ha. Nazireen is ka 1 bara behtareen Wazifa ha ghamon aur pareshanio ko door karnay ke lye.
Jo shakhs Asar ki Namaz ke baad sirf 7 baar Ya Rahmanu parh le to usay sab se pehla faida ye hoga ke usay Allah Ta'la ki mohabbat milegi, doosra faida ye hoga is naam ke parhne se har har kisam ke jadu, bandish, rishton ki bandish, karobar ki bandish se mehfooz rahega, teesra faida ye hoga Allah Ta'la usay aulad ata farmayega, aulad e narina ke liye bhi is Wazifa ko parha ja sakta ha. Ye kai logon ko azmaya huwa Wazifa ha is naam ke parhne se Allah ki Rahmatein milti hein barkatein milti hein, is naam ke parhne se dil saaf hota ha, is naam ke parhne se gunah maaf hote hein, is naam ke parhne se sukoon milta ha. Nazireen koshish karein agar ho sake to har Namaz ke baad parh lein nahi to Asar ki Namaz ke baad 7 baar Ya Rahmanu lazmi parhein, Insha Allah is naam ki barkat se Allah Ta'la dunya o akhirat ki bhalayan aap ko ata farmayengay.

from Islamic Knowledge, Rohani Ilaj, Health & Beauty Tips https://ift.tt/2HDpoKz
via IFTTT

مکمل تحریر >>>

Shab e Barat Ka WazifaFOCUS NEWS NETWORK(Speacial correspondent ZIA MUGHAL)

Shab e Barat Ka Wazifa

Hum aap ko shab e barat ki raat 3 dafa Surah Yaseen parhne ke fawaid batayengay aur is ki ijazat aam ha. Yani agar aap shab e barat ki raat 3 dafa Surah Yaseen parhengay to aap ko konsay konsay fawaid hasil hongay. Ye fawaid jaan lenay ke baad Insha Allah aap Shab e Barat ki raat zaroor Surah Yaseen parhengay. Aur hamara yehi mashwara ha ke Shab e Barat ki raat saal mein 1 dafa aati ha aur anqareeb aanay wali ha to aap Shab e Barat ki raat 3 dafa Surah Yaseen zaroor parhein. Shab e Barat ki raat Namaz e Isha ada karnay ke baad nawafil ada karein kam se kam 2 rakat nawafil zaroor ada karein nawafil ada karne ke baad Surah Yaseen ki 3 dafa tilawat karein. Lekin agar kisi ki Namazein Qaza ho to wo nawafil ke bajaye Qaza Namazein ada karein kiyounke jis ke zimmay Farz Namazein qaza ho us ki nawafil qabool nahi hoti. 3 dafa Surah Yaseen parhne ke baad Allah Pak se Dua karein aur apni jaiz hajatein Allah Pak ke samnay pesh karein.
Shab e Barat ki raat 3 dafa Surah Yaseen parhne ka sab se pehla faida ye hai ke rizq mein barkat hoti ha, maal o asbab barhte hein. Doosra faida daraziye umar ha yani is se umar mein izafa hota ha, umar lambi ho jati ha aur teesra faida ye ha ke insan nagahani aafaton se mehfooz rehta ha balaon se mehfooz rehta ha. Allah Ta'la hamein is par amal karne ki tofeeq ata farmaye. Ameen

from Islamic Knowledge, Rohani Ilaj, Health & Beauty Tips https://ift.tt/2r8ndno
via IFTTT

مکمل تحریر >>>