![](https://static01.nyt.com/images/2019/03/12/lens/12Freedoms1/12Freedoms1-mediumThreeByTwo440.jpg)
By FAYEMI SHAKUR from NYT Lens https://ift.tt/2SV4d7L
.FOCUS WORLD NEWS MEDIA GROUP EUROPE copy right(int/sec 23,2012), BTR-2018/VR.274058.IT-
لاہور(جی سی این رپورٹ)لاہور ایئرپورٹ پر سی اے اے کی ملازمہ نے دیانت داری کی مثال قائم کرتے ہوئے 40 لاکھ روپے مالیت کے زیورات سے بھرا گمشدہ بیگ مالک کو واپس لوٹا دیا۔علامہ اقبال انٹرنیشنل ائیر پورٹ پر سول ایوی ایشن اتھارٹی کی ایک ملازمہ نے 40 لاکھ روپے مالیت کا زیورات سے بھرا بیگ مسافر کو واپس لوٹا دیا۔ زیورات سے بھرا بیگ پی آئی اے کی لندن جانے والی پرواز پی کے 757 کے مسافر مشتاق انٹرنیشنل ڈیپارچر لاؤنج میں بھول گئے تھے۔بیگ کو سول ایوی ایشن اتھارٹی کی شمع نامی خاتون ملازم نے اپنے قبضے میں لیا اور لاہور علامہ اقبال انٹرنیشنل ایئرپورٹ کے مینیجر کو آگاہ کردیا۔مینجر نے مشتاق کی فیملی کو فون کے ذریعے ٹریس کیا اور 40 لاکھ روپے مالیت سے بھرا زیورات کا بیگ واپس کردیا مشتاق کی فیملی نے بیگ ملنے پر سول ایوی ایشن اتھارٹی اور خاتون ملازم کا شکریہ ادا کیا۔
کراچی(جی سی این رپورٹ)ساؤتھ زون انویسٹی گیشن پولیس نے قصر ناز میں کھٹمل مار دوا کے باعث 5 بچوں اور ان کی پھوپھی کی ہلاکت کے مقدمے میں 6 ملازمین کو گرفتار کرلیا۔ایکسپریس کے مطابق چند روز قبل کوئٹہ کے رہائشی فیصل زمان اپنے خاندان کے ہمراہ اہلیہ کے علاج کی غرض سے کراچی پہنچے اور انھوں نے قصر ناز میں رہائش اختیار کی۔ اس دوران انھوں نے پریڈی کے علاقے میں قائم ایک ریسٹورنٹ سے بریانی کھائی جس کے چند گھنٹے بعد ہی 5 بچوں، ان کی ماں اور پھوپھی کی حالت خراب ہوگئی، تمام افراد کو اسپتال لے جایا گیا لیکن 5 بچے اور ان کی پھوپھی انتقال کرگئے جبکہ ماں کو علاج کے بعد اسپتال سے روانہ کر دیا گیا۔جاں بحق ہونے والوں میں ڈیڑھ سالہ علی، 4 سالہ عزیز فیصل، 6 سالہ علینہ، 7 سالہ توحید اور 9 سالہ سلویٰ کے علاوہ ان کی پھوپھی بینا شامل ہیں۔ بچوں کی ہلاکت 22 فروری کو ہوئی تھی جبکہ بچوں کی پھوپھو اگلے روز دوران علاج اسپتال میں دم توڑ گئی تھیں۔واقعے کی جب اعلیٰ سطح پر تحقیقات شروع کی گئی تو اس میں ثابت ہوا کہ قصر ناز میں کھٹمل مار دوا استعمال کی گئی تھی جس کے اثر کے باعث تمام افراد کی موت واقع ہوئی۔ گزشتہ روز اعلیٰ پولیس حکام نے نام ظاہر نہ کرنے کی شرط پر بتایا کہ قصر ناز کے 6 ملازمین کو گرفتار کرلیا گیا ہے جن میں ایک افسر بھی شامل ہے۔ان افراد نے کھٹمل مار دوا کمروں میں ڈالی تھی جبکہ اس دوا کو استعمال کرنے کے بعد 24 سے 36 گھنٹے بعد کمرے کھولے جاتے ہیں تاہم مقررہ وقت سے قبل ہی نہ صرف کمرے کھول دیے گئے بلکہ انھیں رہائش کے لیے بھی دے دیے جہاں کوئٹہ کے بدنصیب خاندان نے قیام کیا اور وہ اپنی جان سے چلے گئے۔ ذرائع نے مزید بتایا کہ گرفتار کیے گئے افراد سے تفتیش کا آغاز کردیا گیا ہے۔
میرٹھ (جی سی این رپورٹ)بھارتی ریاست اترپردیش کے شہر میرٹھ میں مبینہ تجازوات کے خلاف کارروائی کے دوران مظاہرین اور پولیس کے درمیان تصادم سے 10 افراد زخمی ہوگئے جبکہ ایک مسجد سمیت مسلمانوں کے کئی گھروں کو نذر آتش کردیا گیا۔بھارتی اخبار ٹائمز آف انڈیا کی رپورٹ کے مطابق میرٹھ کے علاقے قیصر گنج میں پولیس اور شہریوں کے درمیان تصادم میں کم ازکم 10 افراد زخمی ہوئے اورکئی گاڑیوں کو بھی نقصان پہنچا, جبکہ پولیس کی بھاری نفری وہاں موجود تھی اور اسی دوران کئی جگھیوں پر آگ لگی جس میں ایک مسجد بھی شامل تھی۔رپورٹ کے مطابق مظاہرین نے پولیس کی خلاف شدید احتجاج کیا جس کے بعد مزید سیکیورٹی فورسز کی بھاری نفری کو شہر کے مرکزی علاقوں قیصر گنج اور بھوسمنڈی میں تعینات کردیا گیا جس میں کنٹونمنٹ بورڈ اور پولیس کی مشترکہ ٹیمیں شامل تھیں۔انتظامیہ کا کہنا تھا کہ مقامی افراد فوج کی زمین پر 150 سے زائد گھر بنا کر ٹھہرے ہوئے ہیں جبکہ مقامی افراد نے پولیس کو واقعy کا ذمہ دار قرار دیتے ہوئے کہا کہ سیکیورٹی اہلکاروں نے گھروں اور مسجد کو آگ لگا دی۔مقامی شہری محسن احمد کا کہنا تھا کہ ‘سب سے پہلے کنٹونمنٹ بورڈ کے عہدیداروں کے ساتھ صدر تھانے سے پولیس کی دو گاڑیاں پہنچیں, انہوں نے کچی آبادی کے رہائشیوں سے پیسوں کا مطالبہ کیا جنہوں نے ایک مکان کی تعمیر شروع کی تھی’۔
#Meerut #India fire 🔥 burnt 200+ Muslims houses… Culprits were official… pic.twitter.com/BBeqUwCkNd
— Ismåil 🐾 (@ismail_inn0) March 11, 2019
ان کا کہنا تھا کہ ‘جب ہم نے احتجاج کیا تو انہوں نے بدتمیزی کی اور ایک لمحہ ضائع کیے بغیر مزید فورس کو طلب کیا اور جھگیوں اور مسجد کو آگ لگانا شروع کردیا جس کے بعد تصادم ہوگیا’۔انتظامی عہدیدار انیل ڈھینگرا کا کہنا تھا کہ ‘ہماری پہلی ترجیح آگ بجھانا تھی اور وہاں پھنسے افراد کو بچانا تھا اور تصادم کے حوالے سے ہم انکوائری کریں گے اور اس میں ملوث ہر کسی کے خلاف مقدمہ درج کریں گے’۔ان کا کہنا تھا کہ ‘اس وقت صورت حال کنٹرول میں ہے اور سیکیورٹی فورسز کی بھاری نفری کو علاقے میں امن بحال رکھنے کے لیے تعینات کیا گیا ہے’۔میڈیا کی رپورٹس کے مطابق مسلمانوں کے 200 گھروں کو نذر آتش کیا گیا ہے جس کا الزام مقامی مسلمان سیکیورٹی فورسز پر عائد کررہے ہیں۔پولیس کی کارروائی کے بعد علاقے میں کئی گاڑیوں کو بھی نقصان پہنچا اور بس سروس کو بھی معطل کردیا گیا ہے۔ایک بس ڈرائیور محمد اسد کا کہنا تھا کہ ‘میں آنند وہاڑ سے آرہا تھا اور بس اسٹینڈ میں پہنچنے والا ہی تھا کہ مشتعل افراد نے بس کو نشانہ بنایا جس سے بس کو نقصان پہنچا’۔
اسلام آباد(جی سی این رپورٹ)امریکا کی قومی سلامتی کے مشیر جان بولٹن نے پاکستان کے وزیر خارجہ شاہ محمود قریشی سے ٹیلی فون پر رابطہ کیا۔دونوں رہنماؤں کے درمیان ہونے والی بات چیت میں پلوامہ واقعے کے بعد خطے میں امن و امان کی صورتحال پر تبادلہ خیال کیا گیا۔وزیرخارجہ شاہ محمود قریشی نے کہا کہ پاکستان خطے میں امن و امان کا خواہاں ہے، وزیراعظم نے جذبہ خیرسگالی کے تحت بھارتی پائلٹ کو واپس بھجوایا، بھارتی جارحیت کے خلاف پاکستان کا جواب حفاظتِ خود اختیاری کے تحت دفاع میں تھا۔شاہ محمود قریشی نے بھارت کے جارحانہ عزائم کے ممکنہ خدشات سے بھی آگاہ کیا جبکہ امریکی مشیر جان بولٹن نے افغان امن عمل میں پاکستان کے مؤثر کردار کی تعریف کی، خطے میں امن و امان کیلئے پاکستان کی طرف سے کیے گئے اقدامات کو سراہا۔دونوں رہنماؤں نے افغان امن عمل میں مشترکہ کاوشیں جاری رکھنے کے عزم کا اعادہ بھی کیا۔امریکا کے قومی سلامتی کے مشیر جان بولٹن نے حالیہ پاک بھارت بحران کے دوران کشیدگی میں کمی کیلئے پاکستان کے اقدامات کو سراہتے ہوئے زور دیا ہے کہ فریقین صبر و تحمل کا مظاہرہ کریں۔وزیر خارجہ شاہ محمود قریشی نے بولٹن کو بتایا کہ بھارت کی طرف سے 26 فروری کو کی جانے والی دراندازی نہ صرف پاکستان کی حدود کی خلاف ورزی تھی بلکہ اقوام متحدہ کے چارٹر کے بھی منافی تھی، اس جارحیت کے خلاف پاکستان کا جواب حق حفاظت خود اختیاری کے تحت اپنے دفاع میں تھا، پاکستان خطے میں امن و امان کا خواہاں ہے، اس لیے وزیراعظم عمران خان نے جذبہ خیرسگالی کے تحت انڈین پائلٹ کو بھارت واپس بھجوایا۔انہوں نے کہا کہ پاکستانی ہائی کمشنر سہیل محمود مشاورت مکمل کرنے کے بعد بھارت واپس پہنچ چکے ہیں، ہم 14 مارچ کو کرتارپور راہداری معاہدہ پر گفت و شنید کیلئے ایک سرکاری وفد بھارت بھجوا رہے ہیں۔امریکہ کے قومی سلامتی کے مشیر جان بولٹن نے کہا کہ میں اور وزیر خارجہ پومپیو شمالی کوریا کی قیادت کے ساتھ انتہائی اہم مذاکرات میں مصروفیت کے باوجود پاکستان اور بھارت کے مابین کشیدہ صورتحال کے سبب دونوں ممالک کی قیادت کے ساتھ رابطہ میں رہے تاکہ کشیدگی میں اضافہ نہ ہو۔انہوں نے خطے میں امن و امان کے حوالے سے پاکستان کی طرف سے کیے گئے اقدامات کو سراہا۔ اس موقع پر وزیر خارجہ مخدوم شاہ محمود قریشی نے بھارت میں حالیہ الیکشن کے باعث بھارت کی طرف سے جارحانہ عزائم کے ممکنہ خدشات سے بھی آگاہ کیا جن سے انہوں نے اتفاق کیا۔
دبئی (جی سی این رپورٹ)پاکستانی کرکٹ ٹیم نے ٹی ٹوئنٹی طرز میں بہترین کارکردگی کے باعث انٹرنیشنل کرکٹ کونسل (آئی سی سی) کی تازہ درجہ بندی میں اپنی پہلی پوزیشن کو برقرار رکھا ہے جبکہ انگلینڈ نے آسٹریلیا سے تیسری پوزیشن چھین لی ہے۔آئی سی سی کی جانب سے جاری ٹی ٹوئنٹی کی تازہ درجہ بندی کے مطابق پاکستانی ٹیم 135 ریٹنگ پوائنٹس کے ساتھ بدستور سرفہرست ہے اور بھارت کا دوسرا نمبر ہے۔انگلینڈ کی ٹیم نے ویسٹ انڈیز کو ٹی ٹونٹی سیریز میں کلین سویپ کرنے کے بعد ایک درجہ ترقی پا کر تیسری پوزیشن حاصل کرلی ہے جس کے بعد آسٹریلیا ایک درجہ تنزلی کے ساتھ چوتھے نمبر ہے۔جنوبی افریقہ جیسی مضبوط ٹیم کوئی بہترین نہ کر پائی اور پانچویں نمبر پر موجود ہے اور نیوزی لینڈ کی ٹیم چھٹی نمبر پر موجود ہے۔ٹی ٹوئنٹی کی عالمی چمپیئن ویسٹ انڈیز بدترین کارکردگی کے ساتھ ساتویں جبکہ افغانستان نے اپنے شان دار کھیل سے نہ فتوحات کا سلسلہ جاری رکھا بلکہ درجہ بندی میں سری لنکا اور بنگلہ دیش کو پیچھے چھوڑتے ہوئے آٹھواں نمبر حاصل کرلیا ہے۔ٹی ٹوئنٹی کی عالمی درجہ بندی میں تجربہ کار سری لنکا کی ٹیم اور بنگلہ دیش کی ٹیم مسلسل ناقص کارکردگی کے باعث بالترتیب نویں اور دسویں نمبر پر موجود ہیں۔ٹیسٹ اسٹیٹس رکھنے والی زمبابوے کی ٹیم اسکاٹ لینڈ کے بعد بارھویں نمبر پر جبکہ نیدرلینڈز کی 13 پوزیشن ہے، ایک روزہ کرکٹ میں بڑی ٹیموں کو شکستوں سے دوچار کرنے والی آئرلینڈ کی باصلاحیت ٹیم تاحال ٹی ٹوئنٹی میں اپنی کارکردگی سے متاثر کرنے میں ناکام رہی ہے اور درجہ بندی میں عمان جیسی غیر معروف ٹیم سے محض ایک درجہ آگے 17 ویں نمبر پر موجود ہے۔خیال رہے کہ ٹی ٹوئنٹی کے کھلاڑیوں کی درجہ بندی میں بابراعظم سرفہرست اور فخر زمان نویں نمبر بہترین بلےباز ہیں، اسی طرح ٹی ٹوئنٹی کے بہترین باؤلرز کی فہرست میں شاداب خان کا دوسرا، عماد وسیم کا تیسرا اور فہیم اشرف کا نواں نمبر ہے۔ٹی ٹوئنٹی کے بہترین آل راؤنڈرز کی فہرست میں کوئی بھی پاکستانی کھلاڑی پہلے دس نمبر پر موجود نہیں، سابق کپتان محمد حفیظ اور شعیب ملک بالترتیب 13ویں اور 15 ویں نمبر پر براجمان ہیں۔
لاہور(جی سی این رپورٹ) محکمہ صحت نے ملک کی معروف ادویہ ساز کمپنی سرل کی ادویات جعلی ہونے پر فروخت پر پابندی عائد کرتے ہوئے اور جو غیر معیاری ،مضر صحت قرار دی جانیوالی کمپنی کی تمام ادویات کو فوری طور پر مارکیٹ سے اٹھانے کیلئے رات گئے میڈیسن ری کال نوٹس کے نام سے نوٹیفیکیشن جاری کر دیا ،صوبائی ڈرگ اتھارٹی یونٹ کی طرف سے جاری کر دہ نوٹس کے مطابق سرل فارما سیوٹیکل کی ادویات جن میں بیسکارڈ ایم جی.5 2 کے چاربیج 0357 .0358,0359 اور 0360 جو ہای بلڈ پریشر کی دوائی ہے کے سیمپل فیل ہو گئے ہیں انہیں فو ری طور پر مارکیٹ سے اٹھا لیا جائے ،اسی طرح میٹو ڈائن ڈی ایف کے تین بیج گراوینیٹ کے 2 بیج بننے والی ادویات نمو نہ جات دورانِ ِ ٹیسٹنگ فیل ہو گئے ہیں اور سرل searl کی یہ ادویات انسانی صحت کیلئے خطرناک ثابت ہو سکتی ہیں کوئی میڈیکل سٹور فارمیسی انہیں فرو خت نہ کرے اور کمپنی ان ادویات کو فوری طور پر مارکیٹ سے اٹھا نے کو یقینی بنائے۔
سٹاک ہوم (جی سی این رپورٹ)سٹاک ہوم میں قائم امن پر تحقیق کرنیوالے انسٹیٹیوٹ سِپری کے مطابق 2009 سے2013 کے مقابلے میں دنیا بھر میں 2014 سے لے کر 2018 تک ہتھیاروں کی تجارت میں 8 فیصد اضافہ ہوا۔ ہتھیار فروخت کرنیوالا دنیا کا سب سے بڑا ملک امریکہ ہے جو مجموعی طور پر دنیا میں 36 فیصد ہتھیار فروخت کر رہا ہے۔ امریکہ کے بعد اسلحہ برآمد کرنیوالے سب سے بڑے ممالک بالترتیب روس، فرانس، جرمنی اور چین ہیں۔ دنیا میں زیادہ ہتھیار خریدنے والے ممالک میں سعودی عرب پہلے نمبر پر ہے۔
بنکاک(جی سی این رپورٹ)تھائی لینڈ کی تاریخ میں پہلی بار ایک مخنث وزارت عظمیٰ کی دوڑ میں شامل ہو گئیں۔2014 کے فوجی انقلاب کے بعد تھائی لینڈ میں دو ہفتے بعد 24 مارچ کو عام انتخابات ہونگے ۔اس بار 49 سالہ شی میل پالینے گارپرنگ بھی وزیر اعظم کے امید وار کی حیثیت سے سامنے آئی ہیں ۔رپورٹ کے مطابق پالینے گارپرنگ سمیت تھائی لینڈ بھر سے دیگر 20 مخنث افراد بھی انتخابی میدان میں اتریں گے، تاہم وزیر اعظم کے عہدے کیلئے وہ اکیلی مخنث ہیں۔
راولپنڈی (جی سی این رپورٹ)لائن آف کنٹرول پر بھارتی فوج بلااشتعال فائرنگ کے نتیجے میں دو شہری شہید اور 4 زخمی ہوگئے۔پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق بھارتی فوج نے ایل او سی پر چکوٹھی سیکٹر میں بلا اشتعال فائرنگ کی۔ترجمان پاک فوج کے مطابق بھارتی فوج کی بلااشتعال فائرنگ میں شہری آبادی کو نشانہ بنایا گیا جس کے نتیجے میں ایک خاتون سمیت 2 شہری شہید جبکہ 4 زخمی ہوئے۔آئی ایس پی آر کے مطابق پاک فوج نے بھارتی فوج کی بلااشتعال فائرنگ کا بھرپور جواب دیا جس میں بھارتی چوکیوں کو نشانہ بنایا گیا۔پاک فوج کے مطابق شہید ہونے والوں میں بکوٹ گاؤں کا ایک رہائشی غلام حسین اور گاؤں سوکا کی رہائشی نوشین بی بی شامل ہیں جبکہ زخمیوں میں راجا محمود، زاہدہ بی بی، غلام محمد اور محمد ذاکر شامل ہیں۔
لاہور(جی سی این رپورٹ) پاکستان پیپلزپارٹی کے چیئرمین بلاول بھٹو زرداری کی کوٹ لکھپت جیل میں سابق وزیراعظم نوازشریف سے ملاقات جاری ہے۔پاکستان پیپلزپارٹی کے چیئرمین بلاول بھٹو زرداری پارٹی وفد کے ہمراہ سابق وزیراعظم نوازشریف سے ملاقات کے لیے کوٹ لکھپت جیل پہنچے، اس موقع پر جیل کے اطراف سیکیورٹی سخت انتظامات کیے گئے ہیں۔بلاول کے ہمراہ قمر زمان کائرہ، جمیل سومرو، مصطفیٰ نواز کھوکھر، علی قاسم گیلانی اور سید حسن مرتضیٰ ہیں۔
اسلام آباد(جی سی این رپورٹ) اداکاراؤں میں ریما، بابرہ شریف اور مہوش حیات، کھلاڑیوں میں وسیم اکرم اور وقار یونس اور مشیر ماحولیات ملک امین اسلم بھی سول اعزاز پائیں گے۔ ایوارڈز 23 مارچ کو یوم پاکستان پر دیئے جائیں گے۔سول اعزازات کیلئے 12 کیٹیگریز میں نمایاں خدمات انجام دینے والے 18 غیر ملکیوں سمیت 127 شخصیات اعزاز کو منتخب کیا گیا ہے۔ نامور قومی کرکٹرز وسیم اکرم اور وقار یونس ہلال امتیاز پانے والوں میں شامل ہیں۔ سانحہ مستونگ میں شہید ہونے والے سراج رئیسانی کو تمغہ شجاعت کے لئے نامزد کیا گیا ہے۔معروف گلوکار عطا اللہ عیسیٰ خیلوی اور سجاد علی، اداکارہ بابرہ شریف اور ٹیسٹ کرکٹر یاسر شاہ کو ستارہ امتیاز سے نوازا جائے گا۔ اداکارہ مہوش حیات اور ریما کو بھی سول ایوارڈ کیلئے نامزد کیا گیا ہے۔ ریسلر انعام بٹ اور مشیر ماحولیات ملک امین اسلم بھی سول اعزاز پانے والوں میں شامل ہیں۔
اسلام آباد(جی سی این رپورٹ) نوازشریف نے العزیزیہ ریفرنس میں ضمانت کی درخواست کو جلد سننے کے لیے سپریم کورٹ میں نئی درخواست دائر کردی۔سابق وزیراعظم نوازشریف کے وکلاء کی جانب سے دائر درخواست میں مؤقف اختیار کیا گیا ہےکہ کیس کی جلد سماعت کیلئے پہلے بھی درخواست دائر کی تھی، پہلی درخواست میں 6 مارچ کو ضمانت کا کیس مقرر کرنے کی استدعا کی تھی، عدالت پہلے 6 مارچ کو کیس مقرر کرنے کی استدعا مسترد کر چکی ہے۔درخواست میں استدعا کی گئی ہےکہ معاملے کی نزاکت اور بگڑتی صحت کے سبب درخواست کو رواں ہفتے سماعت کے لیے مقرر کیا جائے۔واضح رہے کہ اسلام آباد ہائیکورٹ العزیزیہ ریفرنس میں طبی بنیادوں پر ضمانت کے لیے نوازشریف کی درخواست مسترد کرچکی ہے جس کے بعد انہوں نے سپریم کورٹ سے رجوع کیا ہے۔سپریم کورٹ گزشتہ ہفتے نوازشریف کی ضمانت کی درخواست جلد سننے کے لیے دائر کی جانے والی درخواست کو بھی مسترد کرچکی ہے۔
کراچی(جی سی این رپورٹ) سندھ ہائیکورٹ نے شاہ زیب قتل کیس کے ملزمان کی سزا کے خلاف اپیلوں پر سماعت مکمل کرکے فیصلہ محفوظ کرلیا۔سندھ ہائیکورٹ میں سماعت کے دوران مدعی کے وکیل نے مؤقف اپنایا کہ مدعی مقدمہ اور مقتول کے والد کا انتقال ہوچکا ہے، مدعی کے پسماندگان میں بیوہ اور دو بیٹیاں ہیں، تینوں خواتین بیرون ملک ہیں اور عدالت نہیں آنا چاہتیں، عدالتی نمائندہ اسکائپ یا کسی اور طرح رابطہ کرلے تو سمجھوتے کی تصدیق کرسکتے ہیں۔سرکاری وکیل نے اپنے دلائل میں کہا کہ سرکار نے ملزمان اور مدعی کے درمیان سمجھوتے پر اعتراض کیا تھا، اسپیشل پبلک پراسیکیوٹر کی رضامندی کے بغیر سمجھوتا پیش نہیں کیا جاسکتا، مدعی کے وکلا کی قانونی حیثیت پر بینچ کے تحفظات تھے۔اس موقع پر عدالت نے کہا کہ مقتول کے ورثا کا ایڈریس ہی کم سے کم ریکارڈ پر ہونا چاہیے۔وکیل نے عدالت کو بتایا کہ ورثا بیرون ملک مقیم ہیں، انہیں ملزمان سے نہیں بلکہ سوشل میڈیا سے خطرہ ہے۔عدالت نے استفسار کیا کہ کس سے خطرہ ہے کب تک چھپتے پھریں گے؟ جن سے خطرہ ہے ان کے خلاف مقدمہ درج کرائیں۔مدعی کے وکیل نے کہا کہ سمجھوتے کے بعد سوشل میڈیا دشمن ہوگیا،کس کس سے لڑیں گے؟ ایک مرتبہ سمجھوتہ ہو جائے تو ورثا منحرف نہیں ہوسکتے، سیشن عدالت انکواٸری کرکے سمجھوتے کو دباؤ سے پاک قرار دے چکی ہے، سمجھوتا ملزمان کے وکلا نے عدالت میں پیش کیا۔وکیل صفائی نے عدالت کو بتایا کہ ہمارے دلائل مکمل ہوچکے اور تحریری دلائل بھی جمع کرادیے ہیں۔عدالت نے دلائل مکمل ہونے کے بعد کیس میں نامزد ملزمان شاہ رخ جتوئی، سراج تالپور، سجاد تالپور اور غلام مرتضی لاشاری کی سزا کے خلاف اپیلوں پر فیصلہ محفوظ کرلیا۔
کراچی (جی سی این رپورٹ)پاکستان اور بنگلہ دیش کرکٹ بورڈز کے درمیان رابطے تیز ہو گئے ہیں ، پی سی بی ذرائع کا کہنا ہے کہ بنگلہ دیش کرکٹ ٹیم رواں برس پاکستان کا دورہ کر سکتی ہے۔پاکستان اور بنگلہ دیش کرکٹ بورڈز کے درمیان ماضی میں تعلقات کشیدہ رہے ہیں لیکن اب اس میں بہتری آنے کی وجہ سے دونوں بورڈز کے درمیان روابط بھی تیز ہو گئے ہیں۔پی ایس ایل کے موقع پر بنگلہ دیش کرکٹ بورڈ کے صدر نظم الحسن کا کراچی آنا بھی اسی سلسلے کی کڑی ہے، ذرائع کا کہنا ہے کہ نظم الحسن کی آمد سے بنگلہ دیش کرکٹ ٹیم کے دورہ پاکستان کے حوالے سے مثبت پیش رفت کا قوی امکان ہے۔پی سی بی نے بنگلہ دیش کرکٹ ٹیم کو دورہ پاکستان کی دعوت دی ہو ئی ہے، بورڈ کے اعلیٰ عہدیدار نظم الحسن کے ساتھ تفصیلی بات چیت کریں گے۔بنگلہ دیش وویمن اور انڈر 19 ٹیموں کے دوروں پر بھی گفتگو ہوگی، پی سی بی ذرائع کا کہنا ہے کہ بنگلہ دیش کرکٹ ٹیم اس برس پاکستان کا دورہ کر سکتی ہے ۔
لاہور(جی سی این رپورٹ)پاکستان کرکٹ ٹیم کے بلے باز محمد حفیظ نے بھارت کے خلاف چیمئنز ٹرافی 2017 کے درمیان استعمال کی گئی شرٹ بھارتی طیارہ گرانے والے پاک فضائیہ کے ہیرو حسن صدیقی کو بطور تحفہ پیش کرنے کا اعلان کیا ہے۔بھارت کی جانب سے 25 اور 26 فروری کی درمیانی شپ پاکستانی فضائی حدود کی خلاف ورزی کی گئی اور بھارتی طیارے دراندازی کرتے ہوئے پاکستانی حدود میں بھی داخل ہوئے لیکن پاک فضائیہ کی بروقت اور بھرپور کارروائی کے باعث بھارتی طیارے راہ فرار اختیار کر گئے۔بھارتی طیاروں نے 27 فروری کو ایک بار پھر پاکستان میں دراندازی کی کوشش کی لیکن اس بار پاک فضائیہ کے جوانوں نے بھارتی طیاروں کو راہ فرار کا موقع نہ دیا اور دو بھارتی طیاروں کو مار گرایا۔بھارتی فضائیہ کا ایک طیارہ مقبوضہ کشمیر میں گرا جب کہ دوسرا طیارہ آزاد کشمیر میں گرا جس کے پائلٹ کو بھی پاکستان نے حراست میں لے لیا تھا۔وزیراعظم پاکستان نے جذبہ خیر سگالی کے بعد بھارت کے گرفتار پائلٹ ابھی نندن کو رہا کرنے کا اعلان کیا اور بھارت کو ایک بار پھر امن کا پیغام دیا لیکن بھارت کی جانب سے روایتی ہٹ دھرمی کا مظاہرہ کیا گیا اور میڈیا پر بڑے پیمانے پاکستان مخالف پروپیگنڈا شروع کر دیا گیا۔پاک فضائیہ کے جن دو پائلٹس نے بھارتی طیاروں کو نشانہ بنایا ان میں حسن صدیقی اور ونگ کمانڈر نعمان علی خان شامل تھے۔دشمن کو کرارا جواب دینے پر پوری قوم کی جانب سے پاک فضائیہ کو خراج تحسین پیش کیا گیا۔قومی ٹیم کے سابق کپتان اور ابتدائی بلے باز محمد حفیظ نے بھی سوشل میڈیا پر پیغام جاری کیا۔حفیظ نے کہا کہ 27 فروری کو پورے پاکستان کا نام فخر سے بلند کرنے والے پاک فضائیہ کے پائلٹ حسن صدیقی کو سلام۔انہوں نے کہا کہ میرے لیے یہ اعزاز کی بات ہو گی کہ میں 2017 میں ہونے والی چیمپئنز ٹرافی کے فائنل میں استعمال کی گئی شرٹ حسن صدیقی کو پیش کر کے ان کے ساتھ جیت کے لمحات شیئر کروں۔خیال رہے کہ پاکستان نے 2017 میں ہونے والی چیمپئنز ٹرافی کے فائنل میں بھارت کو 180 رنز کے بڑے مارجن سے شکست دی تھی۔
نئی دہلی(جی سی این رپورٹ) بھارت نے پاکستان کا اضافی پانی روک لیا اور کہا ہے کہ پاکستان میں جانے والے پانی کو روک کر سندھ طاس معاہدے کی خلاف ورزی نہیں کی۔ بھارت کے وزیر مملکت برائے آبی وسائل ارجن میگوال کا کہنا ہے کہ بھارت نے مشرقی دریاؤں سے اب تک 5 لاکھ 30 ہزار ایکڑ فٹ پانی پاکستان جانے سے روکا ہے اور یہ پانی اب خود استعمال کریں گے۔بھارتی وزیر نے گزشتہ روز راجستھان میں میڈیا سے بات کرتے ہوئے کہا کہ 0.53 ملین ایکٹر فٹ پانی پاکستان جانے سے روکا ہے اور جب راجستھان یا پنجاب کو اس کی ضرورت ہوگی یہ تب استعمال ہوگا۔ارجن میگوال کا مزید کہنا تھا کہ روکا جانے والا پانی پینے اور زمینوں کو سیراب کرنے کے لیے استعمال کیا جائے گا۔دوسری جانب انڈس واٹر کمیشن کے حکام کا کہنا ہے کہ بھارت کی طرف سے پانی روکے جانے کا جائزہ لے رہے ہیں، اگر بھارت نے ایسا کیا تو عالمی ثالثی عدالت سے رجوع کیا جائے گا، بھارت سندھ طاس معاہدے کے مطابق پاکستان کا پانی نہیں روک سکتا۔حکام انڈس واٹر کمیشن کے مطابق پانی روکنے سے متعلق بھارتی انڈس حکام نے پاکستان کو مطلع نہیں کیا، بھارت میں الیکشن کی وجہ سے پاک بھارت پانی پر مذاکرات تاخیر کا شکار ہوسکتے ہیں، پانی پر پروپیگنڈا کرنا بھارت کی پرانی عادت ہے پھر بات چیت پر آجاتا ہے۔حکام انڈس واٹر کمیشن کا مزید کہنا ہے کہ وزارت پانی و بجلی بہ غور جائزہ لے رہی ہے، بھارت کو پانی کا رخ موڑنے میں کئی سال لگیں گے۔
فی الحال اس کی تشخیص کے لیے کوئی ٹیسٹ نہیں تاہم مریض کی میڈیکل ہسٹری، جسمانی معائنہ اورمتاثرہ شخص میں موجود دیگر امراض کی بنیاد پر اس کی تشخ...
جملہ حقوق ©
WAKEUPCALL WITH ZIAMUGHAL
Anag Amor Theme by FOCUS MEDIA | Bloggerized by ZIAMUGHAL