لاہور: رمضان المبارک کے آخری عشرہ کے دوران لاہورمیں حضرت داتاعلی ہجویری کےمزارپراعتکاف میں بیٹھنے والوں کے ناموں کی قرعہ اندازی 15 رمضان المبارک کوہوگی۔
تفصیلات کے مطابق رمضان المبارک کے آخری عشرے کے دوران حضرت داتا علی ہجویری کے مزار پر اعتکاف میں بیٹھنے والوں کے ناموں کی قرعہ اندازی 15 رمضان کو ہوگی جب کہ تاریخی بادشاہی مسجدمیں اعتکاف میں بیٹھنے کے خواہشمند 10 رمضان المبارک تک درخواستیں جمع کرواسکتے ہیں،منہاج القرآن کے شہراعتکاف میں 25 ہزار افرادمعتکف ہوں گے۔
لاہورمیں صوبائی محکمہ اوقاف ومذہبی امورکے تحت جامع مسجدداتاعلی ہجویری،بادشاہی مسجد، مسجدوزیرخان سمیت محکمہ اوقاف کے زیرانتطام دیگرمساجدمیں فرزندان اسلام کے اعتکاف میں بیٹھنے کا اہتمام کیاجارہا ہے ، جامع مسجدداتاعلی ہجویری میں اڑھائی ہزارافراداعتکاف میں بیٹھیں گے اس حوالے سے 16 مئی تک درخواستیں وصول کی گئی تھیں جن کی جانچ پڑتال جاری ہے، 15 رمضان المبارک 31 مئی کواعتکاف میں بیٹھنے والوں کے ناموں کی قرعہ اندازی ہوگی،کامیاب درخواست دہندگان کوبذریعہ خط آگاہ کیاجائیگا، بادشاہی مسجدلاہورمیں ایک ہزارکے قریب افراداعتکاف میں بیٹھیں گے ،بادشاہی مسجدمیں اعتکاف میں بیٹھنے کے لیے 26 مئی تک درخواست جمع کروائی جاسکتی ہے۔
لاہورمیں سب سے زیادہ افرادمنہاج القرآن کے زیراہتمام شہراعتکاف میں معتکف ہوں گے، منہاج القرآن کے شہراعتکاف میں مرد اورخواتین کے لیے اعتکاف بیٹھنے کے علیحدہ انتظامات کئے جاتے ہیں، مجموعی طورپر25 ہزارافراداعتکاف میں بیٹھیں گے جن میں 18 ہزارمردجبکہ 7 ہزارخواتین شامل ہوں گی، شہراعتکاف میں اعتکاف بیٹھنے والوں سے سحری اورافطاری کی لئے اڑھائی ہزار روپے وصول کیے جائیں گے۔
لاہورمیں دیگربڑی مساجدکی بات کی جائےتو جامعہ اشرفیہ میں 200 ،جامعہ نعیمیہ میں بھی 200 افراد معتکف ہوں گے۔ اسی طرح جامعہ القادسیہ اورجامعہ منصورہ سمیت دعوت اسلامی کے زیراہتمام مساجدمیں بھی سینکڑوں لوگ اجتماعی اعتکاف میں بیٹھیں گے،معتکفین کی سحری،افطاری کا انتظام انتطامیہ کی طرف سے کیا جاتا ہے، اعتکاف کے موقع پرمساجد میں سیکیورٹی کے بھی سخت انتظامات کئے جارہے ہیں۔
The post حضرت داتا علی ہجویری کے مزار پراعتکاف میں بیٹھنے والوں کی قرعہ اندازی 15 رمضان کو ہوگی appeared first on ایکسپریس اردو.
from ایکسپریس اردو https://ift.tt/2LjBLtx
via IFTTT
0 comments:
آپ بھی اپنا تبصرہ تحریر کریں
اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔اگر آپ کے کمپوٹر میں اردو کی بورڈ انسٹال نہیں ہے تو اردو میں تبصرہ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کرکے شائع کردیں۔