اسلام آباد: آج اور کل پنجاب و خیبر پختونخوا کے مختلف علاقوں میں تیزہواؤں، آندھی اور بارش کا امکان ہے۔
ایکسپریس نیوز کے مطابق پنجاب و خیبر پختونخوا سمیت ملک کے مختلف علاقوں میں کئی روز سے کہیں ہلکی اور کہیں تیزبارش کا سلسلہ جاری ہے۔ آج اور کل بھی تیز ہواؤں کے ساتھ بارش کا امکان ہے۔ محکمہ موسمیات کے مطابق آج مالاکنڈ، ہزارہ، راولپنڈی، اسلام آباد، فاٹااورکشمیر میں بارش کا امکان ہے۔ جب کہ پشاور، مردان، کوہاٹ، سرگودھا، گوجرانوالہ، لاہور اور گلگت بلتستان میں بھی چند مقامات پر بارش متوقع ہے۔
اس خبرکوبھی پڑھیں: طوفانی بارشوں سے 6 افراد جاں بحق
کل مالاکنڈ، ہزارہ، کوہاٹ، پشاور، مردان ڈویژن، راولپنڈی، سرگودھا، گوجرانوالہ، لاہور ڈویژن، کوئٹہ، قلات، ژوب ڈویژن، اسلام آباد، فاٹا، گلگت بلتستان اورکشمیر میں چندمقامات پر بارش کا امکان ہے۔
گزشتہ رات بھکر میں تیز آندھی کی وجہ سے گھر کی چھت گرنے سے چار افراد ملبے تلے دب گئے۔ مقامی افراد اور ریسکیو اہلکاروں نے ملبے تلے دبے افراد کو نکالا اورزخمی افراد کو ہسپتال منتقل کیا۔ ہسپتال منتقل کرنے کے دوران 2 افرد راستے میں ہی دم توڑ گئے۔ ہلاک ہونے والوں میں پانچ سالہ عبدالشکور اور 25 سالہ بابر شامل ہیں، جب کہ زخمیوں میں بچے بھی شامل ہیں۔
واضح رہے کہ گزشتہ روز باجوڑ ایجنسی میں طوفانی بارشوں کے باعث 6 افردا ہلاک اور16 زخمی ہوگئے تھے۔
The post پنجاب وخیبرپختونخوا کے مختلف علاقوں میں تیز آندھی اور بارش کا امکان appeared first on ایکسپریس اردو.
from ایکسپریس اردو https://ift.tt/2IbZn5s
via IFTTT
0 comments:
آپ بھی اپنا تبصرہ تحریر کریں
اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔اگر آپ کے کمپوٹر میں اردو کی بورڈ انسٹال نہیں ہے تو اردو میں تبصرہ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کرکے شائع کردیں۔