![](https://static01.nyt.com/images/2019/04/22/smarter-living/22well-travel/merlin_153820068_84b5869f-4ac6-4515-aae0-f6dd04df5116-mediumThreeByTwo440.jpg)
By CLAIRE ZULKEY from NYT Well https://nyti.ms/2PmLPo5
.FOCUS WORLD NEWS MEDIA GROUP EUROPE copy right(int/sec 23,2012), BTR-2018/VR.274058.IT-
لنکا شائر(جی سی این رپورٹ)برطانیہ کے شہر لنکا شائر میں پولیس نے مسجد کی دیوار پر متعصب اور نسل پرستانہ جملے لکھنے والے شخص کو گرفتار کرلیا۔دی انڈیپینڈنٹ میں شائع رپورٹ کے مطابق دو روز قبل مسجد سلام کے بیرونی گیٹ کی دیوار پر ’پاکستانیوں‘ سے متعلق نسل پرستانہ جملے لکھے گئے تھے۔اس حوالے سے بتایا گیا کہ ’مسجد انتظامیہ نے مذکورہ توہین آمیز جملے مٹادیے تھے‘۔بعدازاں ہفتے اور اتوار کی درمیانی رات کو مزید قابل اعتراض اور نسل پرستانہ جملے لکھے گئے۔اس حوالے سے اخبار نے دعویٰ کیا کہ پولیس نے مسجد کی دیوار پر نسل پرستانہ جملے لکھنے والے 47 سالہ شخص کو گرفتار کرلیا۔لنکا شائر کے کانسٹیبلری کے مطابق زیرحراست شخص کا معائنہ کرنے کے بعد مینٹل ہیلتھ ایکٹ کے تحت مقدمہ درج کرلیا گیا ہے۔چیف انسپکٹر گرے کرویو نے کہا کہ ’میں خاص طور پر عبادت گزاروں (مسلمانوں) کو یقین دہانی کراتا ہوں کہ ہم مذکورہ معاملے کو انتہائی سنجیدگی سے لے رہے ہیں‘۔انہوں نے بتایا کہ ’اسی طرح کی دیگر 3 رپورٹس موصول ہوئی ہیں جس کے باعث مقامی کمیونٹی میں مایوسی کی فضا ہے‘۔چیف انسپکٹر نے یقین دلایا کہ ’یہ عمل ناقابل برداشت ہے اور ہم غیراخلاقی اور نسل پرستانہ جملوں یا اشکال کو جلد از جلد صاف کررہے ہیں اور اس ضمن میں تعاون پر کمیونٹی کے شکرگزار ہیں‘۔واقعے کے بعد پولیس نے علاقے میں اپنی گشت بڑھا دی۔خیال رہے کہ امریکا اور برطانیہ میں متعدد ایسے واقعات رونما ہو چکے ہیں جس میں مسلمانوں اور ان کی مسجد کو تعصب اور نسل پرستانہ رویے کا سامنا رہا۔گزشتہ دنوں امریکی کانگریس کی خاتون رکن الہان عمر کو ’مسلمان‘ ہونے کی بنیاد پر قتل کی دھمکی دینے والے شخص کو گرفتار کر لیا گیا تھا۔نیویارک کے مغربی ضلع میں قائم امریکی اٹارنی کے دفتر نے دھمکانے والے شخص کی گرفتاری کی تصدیق کی تھی۔درج شکایت میں بتایا گیا تھا کہ ’نیویارک کے علاقے ایڈیسن کے رہائشی پیٹریک کارلائینو نے الہان عمر کو مسلمان ہونے کی بنیاد پر قتل کرنے کی دھمکی دی‘۔
The post مسجد کے باہر سے ایک شخص گرفتار، جانتے ہیں وہ وہاں کیا کارروائی ڈال رہا تھا؟ appeared first on Global Current News.
یوکرین کے مزاحیہ اداکار ویلودومیر زیلنسکی نے صدارتی انتخاب کے دوسرے مرحلے میں بھی بڑی کامیابی حاصل کرکے موجودہ صدر کو شکست دے دی اور اب وہ ملک کے صدر کی حیثیت سے منصب سنبھال لیں گے۔خبرایجنسی اے ایف پی کی رپورٹ کے مطابق زیلنسکی کا سیاست میں کوئی پس منظر نہیں ہیں اور انہیں صرف ٹی وی کے ایک شو میں صدر کا کردار ادا کرنے کا تجربہ ہے تاہم انہوں نے صدر پیٹرو پورشینکو کو 73 فیصد ووٹ حاصل کرکے شکست دی ہے۔صدارتی انتخاب کا دوسرا مرحلہ مکمل ہونے کے بعد کئی تھنک ٹینکس کی جانب سے ووٹوں کی گنتی کی گئی جس زیلنسکی کو واضح کامیابی حاصل ہوئی۔رپورٹ کے مطابق مذاق کے طور پر شروع ہونے والی انتخابی مہم اب حقیقت کا روپ دھار چکی ہے جہاں ووٹرز نے غربت، کرپشن مشرقی سرحد میں جاری پانچ سالہ جنگ کے نتیجے میں 13 ہزار جانوں کے ضیاع کے بعد تنگ آکر اپنا فیصلہ سنا دیا ہے۔سرونٹ آف دی پیپل کے نام سے ٹی وی سیریز میں اداکاری کے جوہر دکھانے والے 41 سالہ زیلنسکی اب 4 کروڑ 50 آباد کے حامل ملک کے صدر کی حیثیت حکومت سنبھال لیں گے جہاں ان کے لیے کئی امتحان اور گمبھیر ترین سیاسی حالات کا سامنا ہوگا۔کامیابی کے بعد زیلنسکی کے حامیوں نے ان کی مہم کے مرکز میں جشن منایا اور اپنےخطاب میں زیلنسکی کا کہنا تھا کہ ‘میں آپ لوگوں کو مایوس نہیں کروں گا’۔ان کا کہنا تھا کہ ‘اب تک میں باقاعدہ طور پر صدر نہیں ہوں لیکن یوکرین کے شہری کے طور پر سویت یونین سے نکلنے والے تمام ممالک کو کہہ سکتا ہوں کہ ہماری طرف دیکھیے! سب کچھ ممکن ہے’۔انتخابی نتائج کے مطابق زیلنسکی نے ملک کے تمام ریجنز میں کامیابی حاصل کی اور صدر پوروشینکو کو شکست کا سامنا کرنا پڑا جبکہ انہیں ملک کے مغربی علاقوں میں زبردست حمایت حاصل تھی۔پوروشینکو نے شکست کے بعد اپنے مرکز میں خطاب کرتے ہوئے کہا کہ ‘نتائج واضح ہیں جس کے مطابق اپنے مخالف کو مبارک باد نہ دینے کی کوئی وجہ نہیں اس لیے میرے مخالف کو مبارک دیجیے’۔شکست تسلیم کرتے ہوئے انہوں نے کہا کہ ‘میں دفتر چھوڑ دوں گا لیکن میں یہ واضح کرنا چاہتا ہوں میں سیاست سے الگ نہیں ہورہا’۔یاد رہے کہ یکم اپریل کو صدارتی انتخابات کے پہلے مرحلے میں زیلنسکی نے 30 فیصد ووٹ کے ذریعے برتری حاصل کرلی تھی لیکن دوسرے مرحلے میں پوزیشن مزید بہتر بناتے ہوئے واضح کامیابی حاصل کی۔پہلے مرحلے میں پوروشینکو نے 16 فیصد ووٹ حاصل کیے تھے اور سابق وزیراعظم یولیا ٹیموشینکو نے 13 فیصد ووٹ لیے تھے۔انتخابات میں کُل 39امیدواروں نے حصہ لیا لیکن کوئی بھی امیدوار 50فیصد ووٹ حاصل نہیں کر سکا تھا اور دوسرے مرحلے میں حتمی نتائج کا انتظار تھا تاہم اب زیلنسکی کی کامیابی کے بعد وہ صدر منتخب ہوگئے ہیں۔
The post تبدیلی اسے کہتے ہیں، یوکرائن کے صدارتی انتخابات میں حیران کن نتائج سامنے آگئے appeared first on Global Current News.
کراچی(جی سی این رپورٹ) پاکستان سمیت دنیا کے بیشتر حصوں میں رمضان المبارک کا چاند 5 مئی (29 شعبان) کو نظر نہ آنے کے قوی امکانات ہیں جبکہ سعودی عرب اور اس کے ہمسایہ ممالک میں 5 مئی کو ہی چاند کی رویت ہوگی تاہم پاکستان اور خطے کے دیگر ممالک میں پہلا روزہ منگل 7 مئی کو ہوگا۔جامعہ کراچی کے انسٹی ٹیوٹ آف اسپیس اینڈ پلانیٹری ایسٹرو فزکس کے سابق ڈائریکٹر اور معروف سائنسدان پروفیسر ڈاکٹر شاہد قریشی کے مطابق رمضان کے چاند کی پیدائش 5 مئی 2019 کو پاکستان کے وقت کے مطابق علی الصباح 3 بج کر45 منٹ پر ہوگی اور اسی روز غروب آفتاب کے وقت چاند کی عمر 15 گھنٹے اور18منٹ ہوگی تاہم غروب آفتاب کے وقت اس کی افق سے بلندی صرف 7 ڈگری ہوگی اور ان حالات میں ہلال کا نظر آنا ناممکن ہے، اسی سبب 5 مئی کو غروب آفتاب کے وقت پاکستان میں کسی بھی مقام پر رمضان کا ہلال نظر آنے کا کوئی امکان نہیں ہے چنانچہ پاکستان میں رمضان کا چاند 30 شعبان 6 مئی کو نظر آ سکے گا اور پہلا روزہ منگل 7 مئی کو ہوگا جبکہ پاکستان کے ہمسایہ ممالک بھارت اور بنگلہ دیش کے علاوہ ایران میں بھی چاندکی رویت 6مئی کو ہی ہوگی اور ان ممالک میں بھی رمضان کا آغاز 7 مئی سے ہوگا۔ڈاکٹر شاہد قریشی کے مطابق 5 مئی کو رمضان کا ہلال ایشیا، افریقہ اور یورپ سے نظر آنے کا بھی کوئی امکان نہیں ہے، البتہ براعظم جنوبی امریکا کے شمالی علاقوں، وسطی امریکا اور متحدہ امریکا کے جنوبی علاقوں سے ہلال باآسانی دیکھا جا سکے گا۔
The post پاکستان میں رمضان المبارک کا چاند کب دکھائی دیگا،پہلا روزہ کس تاریخ کو ہوگا؟ appeared first on Global Current News.
کراچی (جی سی این رپورٹ)کراچی کے علاقے اورنگی ٹاؤن کے گلشن بہار میں واقع ایک مکان سے خاتون اور ان کے دو کم سن بچوں کی لاشیں بر آمد ہوئیں جنہیں تیز دھار آلے سے قتل کیا گیا۔پاکستان بازار پولیس اور ایدھی فاؤنڈیشن کے مطابق خاتون اور ان کے دونوں بچوں کو اتوار کی رات کو قتل کیا گیا۔ان کا کہنا تھا کہ مقتولین کی لاشوں ان کے گھر واقع سیکٹر 16 گلشن بہار سے برآمد کرلیا گیا جہاں انہیں گلہ کاٹ کر قتل کیا گیا تھا۔پولیس کے مطابق خاتون کی عمر 32 سال تھی اور بچوں کی شناخت عبدالہادی اور فاطمہ کے نام سے ہوئی ہے۔پولیس نے لاشوں کو ضروری قانونی کارروائی کے لیے عباسی شہید ہسپتال منتقل کردیا۔پولیس کا کہنا تھا کہ تاحال قتل کے محرکات کا سراغ نہیں لگایا جاسکا ہے۔نجی ٹی وی کے مطابق ایس ایس پی ویسٹ شوکت کھتیان کا کہنا تھا کہ مقتول خاتون کا شوہر 8 بجے برگر لینے کے لیے گھر سے باہر گیا تھا اور 10 بجے واپس آیا تو ان کی لاشیں دیکھیں۔ان کا کہنا تھا کہ پولیس جائے وقوع سے شواہد اکٹھی کر رہی ہے اور مزید تفتیش جاری ہے۔یاد رہے کہ رواں سال فروری میں اورنگی ٹاؤن کے رہائشی ایک جوڑے کو مبینہ طور غیرت کے نام پر قتل کیا گیا تھا۔کراچی پولیس نے دعویٰ کیا تھا کہ چند روز قبل حب ڈیم سے متصل روڈ پر ملنے والی 2 لاشوں کو مبینہ طور پر ‘غیرت کے نام‘ پر قتل کیا گیا ہے۔واضح رہے کہ پولیس کو سرجانی ٹاؤن کے علاقے میں ایک مرد اور خاتون کی گلا کٹی لاشیں ملی تھیں۔پولیس کا کہنا تھا کہ جوڑے کا تعلق خیبرپختونخوا سے تھا اور وہ اورنگی ٹاؤن کے علاقے میٹروول میں رہائش پذیر تھے جبکہ اپنے گھروں سے ’لاپتہ‘ تھے۔پولیس کے مطابق مقتول کی شناخت نصیب زرخان سے ہوئی تھی۔
The post ماں اور دو معصوم بچوں کی لاشیں گھر سے برآمد، قتل کس نے کیا، والد اس وقت کہاں تھا؟ appeared first on Global Current News.
کراچی(جی سی این رپورٹ) غلط انجکشن سے مفلوج نشوہ بچی کے کیس میں پولیس نے دارالصحت اسپتال کے ایڈمن آفیسر اور نرسنگ انچارج سمیت خاتون نرسنگ انچارج کو بھی گرفتار کرلیا جس کے بعد گرفتار افراد کی تعداد چار ہوگئی۔نجی ٹی وی کے مطابق شارع فیصل تھانے میں دارالصحت اسپتال میں نوماہ کی بچی نشوہ کو غلط انجکشن لگانے کے درج مقدمے 19/354 میں تفتیشی پولیس نے دارالصحت اسپتال کے ایڈمن آفیسر احمد شہزاد اور نرسنگ انچارج عاطف جاوید کو گرفتارکرلیا۔شارع فیصل تھانے کے انویسٹی گیشن افسر اسلم مغل نے بتایا کہ گرفتار ملزمان کو نشوہ کے والد قیصرعلی نے مقدمہ ہونے کے بعد تفتیشی پولیس کو دوبارہ دیئے جانے والے تفصیلی بیان میں نامزد کرایا تھا، والد کی جانب سے بیان میں مزید 6 سے7 لوگوں کو نامزد کیا گیا ہے جن کی گرفتاری کے لیے چھاپے مارے جا رہے ہیں لیکن فی الحال کوئی گرفتاری عمل میں نہیں آئی۔تفتیشی افسرکے مطابق پولیس نے دارالصحت اسپتال کے مالک کو بھی ایک اور نوٹس بھجوا دیا لیکن وہ گھر پر موجود نہیں تھے۔دوسری جانب گرفتار نرسنگ انچارج عاطف جاوید نے بتایا کہ میڈیکشن کی ذمہ داری صوبیہ کی تھی اور صوبیہ نے انجکشن پر لیبل لگائے بغیر معیز کو دے دیا، انجکشن لگانا معیز کا کام نہیں تھا لیکن معیز نے بچی کو انجکشن لگا دیا، لیبل نہ ہونے کے باعث انجکشن مکس اپ ہوگیا اور انجکشن بھی غلط طریقے سے لگایا گیا۔انھوں نے بتایا کہ سب سے بڑی غلطی ثوبیہ کی تھی یہ غفلت ان کی طرف سے ہوئی، ان کی ذمہ داری تھی کی وہ میڈیکشن خود کرتیں، جس روز یہ واقعہ ہوا وہ ہفتہ وار تعطیل پر تھے۔نرسنگ انچارج نے بتایا کہ ایک انفرادی شخص کی غلطی ہے ادارے کی غلطی یا کوتاہی نہیں ہے، ثوبیہ سینئر ہیں اور وہ پانچ سالہ تجربہ رکھتی ہیں ادارہ ایسی کسی غلطی کی اجازت نہیں دیتا۔
ایڈمن انچارج احمد شہزاد کا کہنا تھا کہ اسپتال میں علاج و معالجہ کے حوالے سے معاملات سے کوئی سروکار نہیں، میری معلومات کے مطابق معیز کی غفلت کے باعث واقعہ پیش آیا نشوہ کی حالت پر افسوس ہے۔دریں اثنا غلط انجکشن کے معاملے پر پولیس نے خاتون نرسنگ انچارج ثوبیہ کو بھی گرفتار کرلیا۔ ثوبیہ کا کہنا ہے کہ وہ گزشتہ 8 ماہ سے اسپتال میں ملازمت کررہی ہے، وقوعہ کے روز وہ نائٹ شفٹ میں تھی، انجکشن لگانے والا معیز بھی نائٹ شفٹ میں تھا، اسے صبح جاتے وقت سپر وائزر نے روک لیا تھا کیونکہ دوسرا اسٹاف نہیں آیا تھا۔ثوبیہ کا کہنا تھا کہ اس روز صبح وہ فائل ورک کررہی تھی اور زیادہ تر مریضوں کو دوائیں اور انجکشن وغیرہ دے چکی تھی لیکن تین چار مریض ابھی باقی تھے جنھیں دوائیں دینے کے لیے میں نے معیز کو کہا، میں نے انجکشن اور دوائیں بنا کر رکھی ہوئی تھیں، اس کے بعد مجھے نہیں معلوم کہ معیز نے کون سا انجکشن لگایا اور کتنی مقدار میں لگایا۔ دوسری جانب تفتیشی افسر کا کہنا ہے کہ آج (پیر) تمام گرفتار ملزمان کو عدالت میں پیش کیا جائے گا جبکہ ثوبیہ کو وومن پولیس کے حوالے کردیا جائے گا۔یاد رہے کہ قبل ازیں پولیس نے اتوار کی دوپہر اسپتال کے دیگر دو ملازموں کو بھی حراست میں لیا تھا اس سے قبل بھی معیز نامی شخص کو گرفتار کیا جاچکا ہے جس کے بعد اب تک اس کیس میں مجموعی طور پر چار افراد گرفتار کیے جاچکے ہیں۔نشوہ بچی کے کیس پر اسپتال کے ایگزیکٹو ڈائریکٹر نے استعفی دے دیا۔ اسپتال کے وائس چیئرمین ڈاکٹر سید علی فرحان رضی کے مطابق ہفتے کو اسپتال میں بورڈ ممبران کا اجلاس منعقد ہوا۔ اجلاس میں بورڈ ممبران نے نشوہ کے علاج میں انتظامیہ و عملے کے کوتاہی برتنے پر شدید غم و غصے کا اظہار کیا اور بتایا کہ غفلت برتنے والے عملے کے خلاف ایکشن لیتے ہوئے انہیں فوری طور پر نوکریوں سے نکال دیا گیا ہے۔بورڈ ممبران کا کہنا تھا کہ نشوہ کی حالت پر ان کے والدین کے ساتھ اسپتال انتظامیہ کھڑی ہے اور علاج پر ہر ممکن تعاون کرنے کا فیصلہ کیا گیا ہے۔ بورڈ ممبران نے بتایا کہ لیاقت نیشنل اسپتال کو تحریری طور پر کہا ہے کہ نشوہ کے علاج کے تمام اخراجات دارالصحت اسپتال انتظامیہ برداشت کرے گی۔بورڈ ممبران کے اجلاس میں اسپتال کے ایگزیکٹو ڈائریکٹر ڈاکٹر شہزاد عالم نے اپنا استعفی پیش کیا جسے بورڈ ممبران کی جانب سے قبول کرلیا گیا۔بورڈ ممبران نے واضح کیا کہ وزیراعلی سندھ کی بنائی گئی کمیٹی کو دارالصحت اسپتال انتظامیہ نے تمام حقائق سے آگاہ کیا ہے، دو رکنی کمیٹی کے ساتھ ہر ممکن تعاون کر رہے ہیں جبکہ ہیلتھ کئیر کمیشن کی جانب سے اسپتال کی مکمل تحقیقات بھی کی گئی ہیں، ہیلتھ کیئر کمیشن کی رپورٹ کے منتظر ہیں۔واضح رہے کہ ایک روز قبل مقامی عدالت نے معصوم بچی نشوہ کو غلط انجکشن لگانے کے مقدمے میں ملزم معیز کے ریمانڈ میں 4 دن کی توسیع کرتے ہوئے سی سی ٹی وی فوٹیج پیش کرنے کا حکم دیا ہے۔ ملزم نے عدالت میں کہا تھا میرا قصور نہیں، انتظامیہ کو تو پوچھا نہیں جارہا، مجھے تو چھوڑا جائے میں سپروائزر، ڈاکٹرز کا نام بھی بتا چکا ہوں، مریضوں کو دوا دینا یا انجکشن لگانا میری ڈیوٹی نہیں، میں نے ڈاکٹر عطیہ اور مس ناز کے کہنے پر فلیجل کا انجکشن لگایا تھا۔
The post appeared first on Global Current News.
کراچی(جی سی این رپورٹ) پولیس اہل کاروں کی فائرنگ سے شیر خوار کے قتل کے الزام میں گرفتار چاروں پولیس اہلکاروں کو سی ٹی ڈی پولیس نے تحویل میں لے لیا۔ تفصیلات کے مطابق گزشتہ منگل 16 اپریل کو سچل تھانے کے علاقے یونیورسٹی روڈ صفورہ چورنگی کے قریب پولیس اہلکاروں کی فائرنگ سے 20 ماہ کے شیر خوار محمد احسن ولد کاشف کے قتل کے الزام میں گرفتار چاروں پولیس اہلکاروں ہیڈ کانسٹیبل پیار علی، ہیڈ کانسٹیبل خالد اقبال، کانسٹیبل عبدالصمد اور کانسٹیبل امجد خان کو سی ٹی ڈی پولیس نے سچل انویسٹی گیشن پولیس سے اپنی تحویل میں لے لیا۔ سی ٹی ڈی حکام کے مطابق چاروں اہلکاروں سے سی ٹی ڈی تفتیش کرے گی اور ان کے بیانات دوبارہ قلمبند کیے جائیں گے، فائرنگ کے واقعے میں مقتول محمد احسن کے والد کاشف بھی معمولی زخمی ہوئے تھے زخمی کاشف کا بھی ایم ایل کرایا جائے گا، حکام سی ٹی ڈی کے مطابق مقتول کے والد کا ایم ایل کرانے سے گولی کی ڈائریکشن معلوم کرنے میں مدد ملے گی احسن کے والد کی ایم ایل رپورٹ بھی تفتیش میں مدد گار ثابت ہوگی جبکہ عینی شاہدین کے بیانات بھی لیے جارہے ہیں۔پولیس حکام کے مطابق جائے وقوع سے ملنے والا واحد خول اہلکار امجد کے اسلحہ سے میچ کرگیا تھا، جائے وقوع کے اطراف سے ملنے والی سی سی ٹی وی فوٹیج کا بغورجائزہ لیا جارہا ہے۔
The post پولیس مقابلے کے دوران اس معصوم کو قتل کرنے والے اہلکار اب کہاں ہیں؟ appeared first on Global Current News.
خیبر پختون خواہ ایجوکیشن بورڈ کی جانب سے جاری کردہ چوتھی جماعت کی اسلامیات کی کتاب سے ختم نبوت سے متعلق عبارت اور سوالات حذف کر دئیے گئے ہیں. 2018 کے ایڈیشن میں صاف واضح الفاظ میں لکھا تھا کہ “رسول اللہ صل اللہ علیہ وسلم آخری نبی ہیں اور ان کے بعد کوئی نبی نہیں آئے گا. اور آپ کے بعد نبوت کا دعویٰ کرنے والا جھوٹا ہے اور اسلام سے خارج ہے.” یہ عبارت 2019 کے ایڈیشن سے مکمل طور پر ڈیلیٹ کر دی گئی ہے، ختم نبوت سے متعلق سوال بھی حذف کر دیا گیا ہے.ہو سکتا ہے آپ کے نزدیک یہ کوئی بڑی بات نہ ہو، لیکن یہ ایک ایسا زہر ہے جو آہستہ آہستہ ہی نئی نسل کے کچے ذہنوں میں ڈالا جا رہا ہے. یہ تبدیلی کس نے اور کس کے حکم پر کی، مکمل تفتیش ہونی چاہیے اور اس کے زمے داروں کو سزا دی جانی چاہیے.گزارش ہے کہ آپ کا تعلق کسی بھی فرقے کسی بھی مسلک سے ہے، ختم نبوت کے مسئلے پر کمپرومائز مت کریں. ہمارے ساتھ آواز اٹھائیں تاکہ خیبر پختون خواہ حکومت سے یہ کتاب دوبارہ تبدیل کروائی جا سکے
The post خیبرپختونخوا حکومت کی جانب سے اسلامیات کی کتاب میں ایسی تبدیلی جو آپ کو ہلا کر رکھ دیگی appeared first on Global Current News.
لاہور(جی سی این رپورٹ) گورنر پنجاب چوہدری سرور نے کہا ہے کہ سب کچھ جہانگیر ترین ہیں توہم یہاں آلو چنے بیچنے نہیں آئے ہیں۔نجی ٹی وی چینل سے گفتگو میں گورنر پنجاب نے کہا کہ کچھ لوگوں کو تکلیف ہے کہ میں صاف پانی عوام کو کیوں دے رہا ہوں کسی نے مجھے ہٹانے کا سوچا تو پہلے استعفیٰ دے دوں گا، اگر سب کچھ جہانگیر ترین ہیں تو ہم یہاں آلو چنے بیچنے نہیں آئے؟ پارٹی میں اختلافات ہوتے ہیں مگر وزیراعظم عمران خان کی قیادت میں سب متحد ہیں۔وزیر اعلیٰ پنجاب عثمان بزدار کی تبدیلی سے متعلق سوال کے جواب میں گورنر پنجاب نے کہا کہ میرے علم میں ابھی ایسی کوئی بات نہیں اور نہ ہی وزیراعلی عثمان بزدار سے میرا کوئی جھگڑا ہے۔چوہدری سرور نے مزید کہا کہ عمران خان کے پاس جادو کی چھڑی نہیں کہ مسائل ختم کردیں، 50 لاکھ گھر بنانا بہت مشکل ٹارگٹ ہے، البتہ 5 لاکھ گھر بنائے جاسکتے ہیں، حکومت کہیں نہیں جارہی 5 سال پورے کریں گے۔
The post تحریک انصاف میں دراڑیں وسیع ہونے لگی، گورنر پنجاب کی بلی تھیلے سے باہر آگئی appeared first on Global Current News.
واشنگٹن (جی سی این رپورٹ)امریکا کے صدر ڈونلڈ ٹرمپ کو سری لنکا میں گرجا گھروں اور ہوٹلز پر ہونے والے دھماکوں پر تعزیت کرتے ہوئے حملوں میں ہلاک افراد کی تعداد 138 کے بجائے 13 کروڑ 80 لاکھ لکھنے پر شدید تنقید کا سامنا ہے۔یو ایس اے ٹوڈے کی رپورٹ کے مطابق سری لنکا میں بم دھماکوں کے بعد ابتدائی طور پر ایسوسی ایٹڈ پریس نے رپورٹ کیا تھا کہ دھماکوں میں 138 افراد سے زائد ہلاک ہوگئے اور ہلاکتوں کی تعداد میں مزید اضافے کا خدشہ ہے۔خیال رہے کہ سری لنکا کے دارالحکومت کولمبو میں ایسٹر کے موقع پر گرجا گھروں اور ہوٹلوں میں یکے بعد دیگرے 8 بم دھماکوں کے نتیجے میں ہلاکتوں کی تعداد 207 تک پہنچ گئی۔بعد ازاں امریکی صدر ڈونلڈ ٹرمپ نے سری لنکا سے تعزیت کرتے ہوئے ٹوئٹ کیا تھا کہ ’ سری لنکا میں گرجا گھروں اور ہوٹلز پر ہونے والے دھماکوں پر امریکی عوام کی جانب سے تعزیت کا اظہار کرتا ہوں جس کے نتیجےمیں 13 کروڑ 80 لاکھ افراد ہلاک اور 6 سو سے زائد شدید زخمی ہوگئے ‘۔
انہوں نے اپنے ٹوئٹ میں مزید کہا تھا کہ ہم سری لنکا کی مدد کے لیے تیار ہیں۔بعد ازاں ڈونلڈ ٹرمپ نے ٹوئٹ ڈیلیٹ کردیا اور سری لنکا سے متعلق ایک اور ٹوئٹ میں کہا کہ ’گرجا گھروں اور ہوٹلوں پر کیے گئے دھماکوں کے سلسلے میں 138 افراد کی ہلاکت پر امریکا، سری لنکا سے تعزیت کا اظہار کرتا ہے اور ہم سری لنکا کی مدد کے لیے تیار ہیں‘۔سری لنکا کے وزیراعظم رانیل وکرم سنگھے کی جانب سے غیر مصدقہ اطلاعات پھیلانے سے گریز کرنے سے متعلق ٹوئٹ کیا گیا تھا۔انہوں نے کہا تھا کہ ’ میں اس نازک وقت میں سری لنکا کے عوام سے متحد رہنے کا مطالبہ کرتا ہوں، غیر مصدقہ رپورٹس پھیلانے اور شکوک و شبہات پیدا کرنے سے گریز کریں، حکومت اس صورت حال پر قابو پانے کے لیے فوری اقدامات کررہی ہے‘۔تاہم سوشل میڈیا صارفین کی جانب سے سری لنکا میں ہلاکتوں کی غلط تعداد لکھنے کی وجہ سے ڈونلڈ ٹرمپ پر شدید تنقید کی جارہی ہے۔سوشل میڈیا صارف نے ٹوئٹ کیا کہ ’ہم اس بات کو کور اپ نہیں کرسکتے کہ ابتدائی طور پر انہوں نے 138 ملین لکھا تھا‘۔ایک اور صارف نے ٹوئٹ کیا کہ ’138 ملین نہیں؟ کیا آپ کو اس پر یقین ہے؟‘امریکی ماہر نفسیات جیفری گٹرمین نے ٹوئٹ کیا کہ ’ ٹرمپ لازمی اس ٹوئٹ کو ڈیلیٹ کردیں گے، یہاں اس کا اسکرین شاٹ ہے‘۔خیال رہے کہ یہ پہلا موقع نہیں کہ ڈونلڈ ٹرمپ کو ان کی ٹوئٹ پر تنقید کا سامنا ہے، امریکی صدر اکثر اپنے متنازع بیانات اور ٹوئٹس کی وجہ سے عوام کی تنقید کی زد میں رہتے ہیں۔
The post سری لنکا میں دھماکوں پر امریکی صدر ڈونلڈ ٹرمپ کاشرمناک ٹویٹ سامنے آگیا appeared first on Global Current News.
اسلام آباد(جی سی این رپورٹ) وفاقی وزیر ریلوے شیخ رشید احمد کا کہنا ہے کہ اگرتحریک انصاف اپنے گندے کپڑے گھر کے اندر دھوئے تو آدھے مسائل ختم ہو جائیں۔نجی ٹی وی چینل کے پروگرام ‘ میں گفتگو کرتے ہوئے شیخ رشید کا کہنا تھا کہ وزیراعظم ہاؤس میں کچھ لوگ میچور نہیں ہیں، اس لیے اب سوچتا ہوں کہ وزیراعظم ہاؤس زیادہ جایا کروں۔انہوں نے کہا کہ اگر تحریک انصاف اپنے گندے کپڑے گھر کے اندر دھوئے تو آدھے مسائل ختم ہو جائیں، اگر پی ٹی آئی کے لوگ اپنے گندے کپڑے اپنے گھر میں دھوئیں تو اگلی حکومت بھی عمران خان کی ہوگی۔ان کا کہنا ہے کہ اسدعمر کے ساتھ رابطے میں ہوں، وہ دو دن بعد اسلام آباد آرہے ہیں تو ان سے ملاقات کرکےکابینہ میں واپس لانے کی کوشش کروں گا۔وفاقی وزیر کے مطابق عمران خان لوگوں کو وارننگ بھی دیتا ہے، اگر مسئلہ حل نہیں ہوتا وہ فیصلے بھی کردیتا ہے اور عمران خان کے ہر فیصلے میں ان کے ساتھ ہوں۔انہوں نے کہا کہ فواد چوہدری اچھا وزیراطلاعات تھا اور مجھ سے بہتر کارکردگی دکھارہا تھا، نوازشریف اور زرداری نے خزانے کو لوٹا، اس لیے اشیاء کی قیمتوں میں اضافہ ہوا ہے۔ایک سوال کے جواب میں شیخ رشید کا کہنا تھا کہ چوہدری نثار سے میری ملاقات نہیں ہوئی، عمران خان عثمان بزدار کے ساتھ ہیں اور عثمان بزدار سے متعلق حالیہ خبروں پر عمران خان سے پوچھا ہے، عمران خان نے جواب دیا کہ بزدارشریف آدمی ہیں، اس لیے ان کے حوالے سے ایسی خبریں چل رہی ہیں۔ان کا کہنا ہے کہ میں نے عثمان بزدار کے ساتھ سفرکیا ہے، وہ اتنے بھی سادہ نہیں جتنا ہم نے سمجھا ہوا ہے۔وفاقی وزیر ریلوے کا کہنا تھا کہ صدارتی نظام میں اچھی چیزیں ہیں مگر پاکستان پارلیمانی نظام کے بغیر نہیں چل سکتا، عمران خان اپنے دوست کی قربانی دے کر ایک ایکسپرٹ کو لائے ہیں۔
The post شیخ رشید نے پاکستان تحریک انصاف کے گھر کی باتیں باہر کرنا شروع کردیں appeared first on Global Current News.
حکومتی وزرا نے اس بجٹ کا دفاع کرتے ہوئے کہا کہ آئی ایم ایف کے ساتھ نئے قرض پروگرام کے حصول کے لیے اضافی ٹیکس عائد کرنا آئی ایم ایف کی شرائط ...
جملہ حقوق ©
WAKEUPCALL WITH ZIAMUGHAL
Anag Amor Theme by FOCUS MEDIA | Bloggerized by ZIAMUGHAL