An abandoned high-rise building occupied by squatters in downtown Sao Paulo caught fire and collapsed Tuesday, sending chunks of fiery debris crashing into neighboring buildings and surrounding streets.
from Yahoo News - Latest News & Headlines https://ift.tt/2KrEdOb
from Yahoo News - Latest News & Headlines https://ift.tt/2HHDHy0
from Yahoo News - Latest News & Headlines https://ift.tt/2w10lvz
from Yahoo News - Latest News & Headlines https://ift.tt/2rdq3aw
from Yahoo News - Latest News & Headlines https://ift.tt/2jnPwdQ
from Yahoo News - Latest News & Headlines https://ift.tt/2Kr9Qrb
from Yahoo News - Latest News & Headlines https://ift.tt/2jlN5sr
from Yahoo News - Latest News & Headlines https://ift.tt/2HIZ7GW
from Yahoo News - Latest News & Headlines https://ift.tt/2raW6rS
from Yahoo News - Latest News & Headlines https://ift.tt/2rdChA5
لاہور: ہائی کورٹ نے توہین عدالت کیس میں وفاقی وزیر داخلہ احسن اقبال کو 7 مئی کو طلب کرلیا۔
لاہور ہائی کورٹ میں احسن اقبال کے خلاف توہین عدالت کیس کی سماعت ہوئی۔ جسٹس مظاہر علی اکبر نقوی کی سربراہی میں فل بینچ نے سماعت کی۔ عدالت نے احسن اقبال کو نوٹس جاری کرتے ہوئے 7 مئی کو طلب کرلیا۔ درخواست گزار ایڈووکیٹ اظہر صدیق نے متفرق درخواست میں کہا کہ وزیر داخلہ احسن اقبال نے چیف جسٹس میاں ثاقب نثار کے خلاف نازیبا الفاظ استعمال کیے۔ عدالت نے احسن اقبال کو ذاتی طور پر پیش ہونے کا حکم دیا۔
یہ بھی پڑھیں: بہت ہوگیا چیف جسٹس صاحب! ہماری بھی عزت ہے، احسن اقبال
علاوہ ازیں سپریم کورٹ میں بھی وفاقی وزیر داخلہ احسن اقبال کے خلاف توہین عدالت کی درخواست دائر کردی گئی۔ درخواست گزار محمود اختر نقوی نے کہا کہ احسن اقبال نے اپنے بیان میں چیف جسٹس کی توہین کی، انہیں آئین کے آرٹیکل 63-62 کے تحت نااہل قراردیا جائے، احسن اقبال سے 2008 سے اب تک وصول کی گئی تمام مراعات اور تنخواہ بھی واپس لی جائے۔
The post توہین عدالت کیس میں وزیر داخلہ احسن اقبال طلب appeared first on ایکسپریس اردو.
from Yahoo News - Latest News & Headlines https://ift.tt/2HDsLkS
کراچی: نقیب اللہ قتل کیس میں ملزم راؤ انوار آج بھی عدالت میں پیش نہ ہوئے تاہم ملزم کی بیماری کا میڈیکل سرٹیفکیٹ پیش کردیا گیا۔
کراچی انسدادِ دہشت گردی کی عدالت میں نقیب اللہ قتل کیس کی سماعت ہوئی اس موقع پر ڈی ایس پی قمراحمد سمیت 11 ملزمان کو عدالت میں پیش کیا گیا تاہم سابق ایس ایس پی راؤ انوار کی پیش نہیں کیا جاسکا۔
جیل حکام نے راؤ انوار کی بیماری کا میڈیکل سرٹیفکیٹ عدالت میں پیش کرتے ہوئے بتایا کہ ملزم راؤ انوار بیمار ہے اس لیے پیش نہیں ہوسکتا، راؤ انوار کو پیش نہ کرنے پر عدالت نے برہمی کا اظہار کرتے ہوئے آئندہ سماعت پر راؤ انوار کو ہرصورت پیش کرنے کی ہدایات کی۔
عدالت نے تفتیشی افسر ایس ایس پی ڈاکٹر رضوان کی عدم پیشی پر بھی برہمی کا اظہار کیا اور انہیں فوری طلب کرتے ہوئے حکم دیا کہ بتایا جائے مفرور ملزمان کی گرفتاری کے لیے کیا اقدامات اٹھائے۔ عدالت نے سماعت 14 مئی تک ملتوی کردی۔
13 جنوری 2018 کو کراچی کے ضلع ملیر میں اس وقت کے ایس ایس پی ملیر راؤ انوار کی جانب سے ایک مبینہ پولیس مقابلے میں 4 دہشتگردوں کی ہلاکت کا دعویٰ کیا گیا تھا تاہم بعد میں معلوم ہوا کہ ہلاک کئے گئے لوگ دہشتگرد نہیں بلکہ مختلف علاقوں سے اٹھائے گئے بے گناہ شہری تھے جنہیں ماورائے عدالت قتل کردیا گیا۔ جعلی پولیس مقابلے میں ہلاک ہونے والے ایک نوجوان کی شناخت نقیب اللہ کے نام سے ہوئی۔
سوشل میڈیا صارفین اور سول سوسائٹی کے احتجاج کے بعد سپریم کورٹ نے واقعے کا از خود نوٹس لیا تھا۔ از خود نوٹس کے بعد راؤ انوار روپوش ہوگئے اور اسلام آباد ایئر پورٹ سے دبئی فرار ہونے کی بھی کوشش کی لیکن اسے ناکام بنادیا گیا۔ کچھ عرصے بعد وہ سپریم کورٹ میں پیش ہوئے جہاں سے انہیں گرفتار کرلیا گیا۔
The post نقیب اللہ قتل کیس؛ راؤ انوار بھی جیل میں بیمار پڑگئے appeared first on ایکسپریس اردو.
from Yahoo News - Latest News & Headlines https://ift.tt/2JK82rY
کوئٹہ: مشرقی بائی پاس کے قریب زیر تعمیر مکان کی دیوار گرنے سے 3 مزدور جاں بحق ہوگئے۔
ایکسپریس نیوز کے مطابق کوئٹہ میں مشرقی بائی پاس کے قریب زیر تعمیر مکان میں چند مزدور سوئے تھے کہ ان پر دیوار آگری، جس کی زد میں آنے سے 3 مزدور زخمی ہوگئے۔
حادثے کی اطلاع ملتے ہی پولیس اور ریسکیو اہلکار فوراً موقع پر پہنچ گئے اور زخمی مزدوروں کو فوری طور پر قریبی اسپتال منتقل کردیا گیا جہاں طبی عملے نے تینوں کی ہلاکت کی تصدیق کردی۔ پولیس نے لاشوں کو شناخت کے بعد لواحقین کے حوالے کردیا۔
The post کوئٹہ میں زیر تعمیر مکان کی دیوار گرنے سے 3 مزدور جاں بحق appeared first on ایکسپریس اردو.
from Yahoo News - Latest News & Headlines https://ift.tt/2I5IHf6
from Yahoo News - Latest News & Headlines https://ift.tt/2jqxQP3
from Yahoo News - Latest News & Headlines https://ift.tt/2Ku047Q
کراچی: انسداد دہشت گردی کی عدالت نے متحدہ قومی موومنٹ کے رہنما ڈاکٹر عمران فاروق کے قتل کیس میں گرفتار 3 ملزمان پر 3 برس بعد فرد جرم عائد کردی۔
ایکسپریس نیوز کے مطابق اسلام آباد کی انسداد دہشت گردی عدالت کے جج شاہ رخ ارجمند نے اڈیالہ جیل میں عمران فاروق قتل کیس کی سماعت کی۔ ایف آئی اے پراسیکیوٹر خواجہ امتیاز نے عدالت میں کیس کا چالان پیش کیا۔ چالان میں کہا گیا ہے کہ عمران فاروق کے قتل کی سازش برطانیہ اور پاکستان میں مشترکہ طور پر تیار ہوئی۔ اس سازش کو عملی جامہ 2010 میں لندن میں پہنایا گیا، اس سازش کے تحت ایم کیو ایم کے رہنما کو قتل کیا گیا۔
عدالت نے تینوں ملزمان خالد شمیم، معظم اور محسن پر فرد جرم عائد کرتے ہوئے بانی ایم کیو ایم کے دائمی وارنٹ گرفتاری، ان کی جائیداد ضبط کرنے اور قومی شناختی کارڈ بلاک کرنے کا حکم بھی جاری کردیا ہے۔ عدالت نے 8 مئی کو استغاثہ کے 2 گواہوں ایڈیشنل ڈپٹی کمشنر کیپٹن (ر)شعیب اور ایف آئی اے کاؤنٹر ٹیرارزم ونگ کے افسر عبدالمنان کو طلب کرلیا۔
واضح رہے کہ عمران فاروق کو 16 ستمبر 2010 کو لندن میں قتل کیا گیا تھا، جون 2015 میں 2 ملزمان محسن علی اور خالد شمیم کی چمن سے گرفتاری ظاہر کی گئی جبکہ معظم علی کو کراچی میں نائن زیرو کے قریب ایک گھر سے گرفتار کیا گیا۔ یکم دسمبر 2015 کو اس وقت کے وزیر داخلہ چوہدری نثار علی خان نے عمران فاروق قتل کیس کا مقدمہ پاکستان میں درج کرنے کا اعلان کیا تھا۔ تینوں ملزمان سے لندن کی اسکاٹ لینڈ یارڈ بھی تفتیش کرچکی ہے۔
The post عمران فاروق قتل کیس میں گرفتار ملزمان پر 3 برس بعد فرد جرم عائد appeared first on ایکسپریس اردو.
اسلام آباد: مسلم لیگ (ن) کے رہنما اور سابق وزیر خارجہ خواجہ آصف نے نااہلی کا فیصلہ سپریم کورٹ میں چیلنج کردیا۔
ایکسپریس نیوز کے مطابق سابق وزیر خارجہ خواجہ آصف نے اپنی نااہلی کے خلاف سپریم کورٹ میں اپیل دائر کرتے ہوئے اسلام آباد ہائیکورٹ کا فیصلہ اور الیکشن کمیشن کا نوٹیفکیشن کالعدم کرنے کی درخواست کی۔
خواجہ آصف نے موقف اختیار کیا کہ وہ اپنے کاغذات نامزدگی میں بیرون ملک کا بینک اکاؤنٹ غیر اداری طور پر ظاہر نہ کر سکے، اس بینک اکاؤنٹ میں کاغذات نامزدگی کے ڈیکلیئرڈ (ظاہر شدہ) اثاثوں کی 0.5 فیصد رقم تھی، تاہم نااہلی کی رٹ دائر ہونے سے قبل وہ بینک اکاؤنٹ اور اقامہ ظاہر کر چکے تھے۔
یہ بھی پڑھیں: خواجہ آصف تاحیات نااہل قرار
خواجہ آصف نے درخواست میں کہ اسلام آباد ہائیکورٹ نے بغیر شواہد غیر فعال بینک اکاؤنٹ کو ظاہر نہ کرنا بدنیتی قرار دے دیا، حالانکہ خود سے اکاؤنٹ ظاہر کرنے کے عمل کو بدنیتی نہیں کہا جا سکتا، اسلام آباد ہائیکورٹ کے فیصلے میں ملکی اور متحدہ عرب امارات کے قوانین کو مدنظر نہیں رکھا گیا، ہائیکورٹ نے درخواست گزار کے رویئے کو بھی سامنے رکھنا ہوتا ہے، درخواست گزار تحریک انصاف کے رہنما عثمان ڈار نے ہائیکورٹ سے حقائق چھپائے۔
خواجہ آصف نے اپیل میں کہا کہ کاغذات نامزدگی میں 6.8 ملین روپے کی بیرونی آمدن کو ظاہر کیا، بیرون ملک کی ظاہر کردہ آمدن میں تنخواہ بھی شامل تھی، ہائیکورٹ نے قیاس آرائیوں پر مبنی فیصلہ دیدیا، میرے خلاف رٹ 2017 میں دائر ہوئی، جب کہ میں 2015 میں اقامہ ظاہر کرچکا تھا۔
واضح رہے کہ 26 اپریل کو اسلام آباد ہائی کورٹ نے وزیر خارجہ خواجہ آصف کو آرٹیکل 62 ون ایف کے تحت تاحیات نااہل قرار دے دیا تھا۔ عدالت نے فیصلہ دیا کہ خواجہ آصف نے وزارت دفاع اور خارجہ کے قلمدان رکھتے ہوئے جان بوجھ کر بیرون ملک ملازمت اور حاصل ہونے والی تنخواہ کو ظاہر نہیں کیا جس کی وجہ سے وہ صادق اور امین نہیں رہے۔ انہوں نے نیشنل بنک آف دبئی کا بنک اکاوٴنٹ بھی کاغذات نامزدگی میں ظاہر نہیں کیا۔
The post خواجہ آصف نے نااہلی کا فیصلہ سپریم کورٹ میں چیلنج کردیا appeared first on ایکسپریس اردو.
اسلام آباد: چیف جسٹس پاکستان جسٹس ثاقب نثار نے کوئٹہ میں ہزارہ کمیونٹی کی ٹارگٹ کلنگ کا پراز خود نوٹس لے لیا۔
ایکسپریس نیوزکے مطابق چیف جسٹس آف پاکستان جسٹس ثاقب نثارنے ہزارہ کمیونٹی کے قتل کے معاملے پرازخود نوٹس لیتے ہوئے کہا کہ میں کوئٹہ میں ہزارہ برادری سے مل کرآیا تھا، وہاں ان کا قتل ہورہا ہے، یہ لوگوں کی زندگی کا معاملہ ہے، ہزارہ کمیونٹی کے لوگوں کے بچے تعلیمی اداروں میں نہیں جا سکتے۔
اس خبرکو بھی پڑھیں: آرمی چیف سے ملاقات کے بعد ہزارہ برادری کا دھرنا ختم
چیف جسٹس نے بلوچستان حکومت، لیویز، پولیس اوروزارت داخلہ سے رپورٹ طلب کرتے ہوئے استفسار کیا کہ لاء اینڈ آرڈر کو برقرار رکھنا کس کا کام ہے اورکیا ہزارہ کمیونٹی پاکستانی نہیں ہے، حکومت ہزارہ کمیونٹی کے لیے کیا کر رہی ہے، کیا سیکورٹی فراہم کرنا حکومت کا کام نہیں ہے جب کہ ہزارہ برادری کے قتل میں ملوث افراد کھلے عام جلسے کررہے ہیں۔ کیس کی سماعت 10 مئی کے بعد ہوگی۔
واضح رہے کہ کوئٹہ میں ٹارگٹ کلنگ کے خلاف دھرنے میں بیٹھے ہزارہ برادری کے مظاہرین نے دھرنا ختم کرنے سے انکار کرتے ہوئے مطالبہ کیا تھا کہ آرمی چیف ان سے ملاقات کریں اور ہمارے مطالبات سنیں۔ آرمی چیف کی ملاقات کے بعد گزشتہ روز ہزارہ برادری کا دھرنا ختم کرنے کا فیصلہ کیا تھا۔
The post کوئٹہ میں ہزارہ کمیونٹی کی ٹارگٹ کلنگ؛چیف جسٹس پاکستان نے ازخود نوٹس لے لیا appeared first on ایکسپریس اردو.
گھڑیاں بنانے والی معروف کمپنی نے دستخط کرنے والی پاکٹ سائز مشین تیار کرلی ہے جو خودکار طریقے سے آپ کا ہوبہو دستخط کرسکتی ہے۔
بین الاقوامی خبر رساں ادارے کے مطابق گھڑیاں بنانے والی معروف کمپنی نے ایک ایسی مشین ایجاد کی ہے جو ہزاروں کاغذات پر دستخط کرنے والے تاجروں اور ایسی مشہور لیکن مصروف شخصیات کو آٹو گراف دینے کے لیے درکار وقت میں بچت کا باعث بن سکتی ہیں۔ بزنس مین کو ایک ہی وقت میں ہزاروں کاغذات پر دستخط کرنے ہوتے ہیں جس کے لیے بہت وقت ضائع ہوتا ہے۔
پاکٹ سائز اس مشین میں ایک خود کار قلم موجود ہوتا ہے جو اصلی دستخط کرنے کی صلاحیت رکھتا ہے۔ اس کےلیے صارف کو اپنے دستخط کا نمونہ کمپنی کو دینا ہوگا جو اس مشین میں دستخط کی ترتیب کریں گے اور مشین میں موجود 500 سے زائد پرزے قلم کو درست اور ہو بہو دستخط کےلیے مدد فراہم کرتے ہیں۔ اس مشین کی قیمت 3 لاکھ 65 ہزار ڈالر ہے۔
واضح رہے کہ یہ مشین لکھاریوں اور نقشہ سازوں کےلیے 17 ویں صدی میں بنائے گئے خصوصی قلم سے متاثر ہوکر بنائی گئی ہے جو بڑی صنعتوں کے مالکان اور مشہور شخصیات کےلیے کارآمد ثابت ہوسکتی ہے۔
The post مصروف تاجروں کے لیے دستخط کرنے والی خود کار مشین ایجاد appeared first on ایکسپریس اردو.
راولپنڈی: آرمی چیف جنرل قمر جاوید باجوہ نے ہزارہ برادری کی ٹارگٹ کلنگ کرنے والوں کو انجام تک پہنچانے کا اعلان کیا ہے۔
پاک فوج کے شعبہ تعلقات عامہ آئی ایس پی آر کی طرف سے جاری کردہ بیان کے مطابق آرمی چیف جنرل قمر جاوید باجوہ نے کوئٹہ میں ہزارہ برادری کے نمائندوں سے ملاقات کی۔ وفاقی وزیر داخلہ احسن اقبال، وزیر اعلیٰ بلوچستان عبدالقدوس بزنجو، سدرن کمانڈر بھی ہمراہ تھے۔ ہزارہ براری کے نمائندوں نے ٹارگٹ کلنگ پر تحفظات کا اظہار کیا۔ آرمی چیف نے ٹارگٹ کلنگ پر افسوس کا اظہار کرتے ہوئے مرنے والوں کیلئے فاتحہ خوانی کی۔
آرمی چیف جنرل قمر جاوید باجوہ نے کہا کہ عزیزوں کے نقصان کا مداوا کسی بھی طرح ممکن نہیں، ہزارہ برادری کی ٹارگٹ کلنگ کرنے والوں کو انجام تک پہنچایا جائے گا، ہزارہ برادری کے ہر فرد کی ہلاکت ہمارے لئے باعث تشویش ہے۔
یہ بھی پڑھیں: آرمی چیف سے ملاقات کے بعد ہزارہ برادری کا دھرنا ختم کرنے کا فیصلہ
آرمی چیف نے کہا کہ ہماری بہادر افواج ملک میں قیام امن کیلئے قربانیاں دے رہی ہیں، رواں سال بھی اب تک کوئٹہ میں 37 سکیورٹی اہلکار شہید ہو چکے ہیں، ہم نے بہت سے دہشت گرد گروپوں کا خاتمہ کر دیا ہے، ان دہشت گردگروپوں کو دشمن ایجنسیوں کی حمایت حاصل ہے, ہم پہلے مسلمان ہیں پھر کچھ اور، مذہب،مسلک،زبان اور برادری کی تفریق کے بغیر ہر پاکستانی دشمن کیخلاف متحد ہے، ہمیں قومی اتحاد سے دشمن کے عزائم کو شکست دینا ہے، پاکستان کی سلامتی کیلئے پر اقدام اٹھایا جائے گا۔
ہزارہ برادری نے پاک فوج پر مکمل اعتماد کا اظہار کرتے ہوئے تعاون کی یقین دہانی کرائی اور دھرنا ختم کرنے کا فیصلہ کرلیا۔
The post ہزارہ برادری کی ٹارگٹ کلنگ کرنے والوں کو انجام تک پہنچایا جائے گا، آرمی چیف appeared first on ایکسپریس اردو.
سائنس دانوں نے انسانوں کے بات کرنے کے دوران زبان کی حرکت کی ایم آر آئی ویڈیو ریلیز کی ہے جس میں الفاظ کی ادائیگی میں زبان کے کردار کو بخوبی دیکھا جا سکتا ہے جس سے قوت گویائی سے محرومی کی وجہ جاننا آسان ہو جائے گا۔
بین الاقوامی خبر رساں ادارے کے مطابق معروف ماہر طبیعیات جینز فرہم کی ایجاد کردہ ’ریئل ٹائم ایم آر آئی‘ کی مدد سے گفتگو کے دوران زبان کی اندرونی حرکات کا مطالعہ کیا جا سکتا ہے۔ اس ٹیکنالوجی کو میکس پلانک انسٹی ٹیوٹ فار بایو فزیکل کیمسٹری کی ماہر ٹیم نے جینز فرہم کی سربراہی میں ایجاد کیا ہے جو فلیش ایم آر آئی میں جدید تبدیلیوں کےلیے کام کر رہی تھی۔
اس ٹیکنالوجی کی بدولت طبی ماہرین پہلی بار گفتگو کرنے کے دوران زبان، ہونٹ لیرنکس اور فیرنکس کی حرکات کا مطالعہ کرنے میں کامیاب ہوئے۔ اس سے قبل ان اعضاء کے ایکس رے یا ایم آر آئی ساکت حالت میں کیے جاسکتے تھے لیکن گفتگو کے دوران ان حرکات کو اندرونی طور پر نہیں دیکھا جاسکتا تھا۔ اس مطالعے سے قوت گویائی سے محروم افراد کے علاج میں مدد ملے گی۔
67 سالہ ماہر طبیعیات جینز فرہم نے ایم آر آئی میں 2010 میں انقلابی تبدیلیاں کیں جس کے باعث مشکل سے مشکل مرض کو آسانی سے تشخیص کیا جا سکتا ہے۔ انہوں نے فلیش ایم آر آئی میں بھی تبدیلیاں کیں اور نئی ٹیکنالوجی متعارف کرائی جس پر یورپین پیٹنٹ آفس کی جانب سے یورپین انوینٹر ایوارڈ 2018 کےلیے نامزد کیا گیا ہے۔
واضح رہے کہ ایم آر آئی یعنی Magnetic Resonance Imaging میں مریض کے جسم میں کسی قسم کی سوئی چبھوئے اور خطرناک شعاعوں کے بغیر، مقناطیسی گمگ کی مدد سے جسم کے اندرونی اعضاء کی تصاویر حاصل کی جا سکتی ہیں اور جسم میں ہونے والی کسی بھی مرضیاتی یا فعلیاتی تبدیلی کو واضح طور پر دیکھا جاسکتا ہے۔ اس عمل سے مرض کی تشخیص میں آسانی ہوجاتی ہے۔
The post خصوصی ’ایم آر آئی‘ کے ذریعے قوت گویائی سے محرومی کی تشخیص آسان appeared first on ایکسپریس اردو.
ستر کی دہائی میں قائد عوام، سابق وزیراعظم اور پاکستان پیپلز پارٹی کے بانی ذوالفقار علی بھٹو، کراچی کے علاقے لیاقت آباد میں مشہور سپر مارکیٹ کا افتتاح کرنے آئے تھے جو حادثاتی طور پر جل جانے والی دکانوں کی جگہ پر بنا کر دی گئی تھی۔ اس موقعے پر لیاقت آباد کے ایک جوتا ساز نے اپنے ہاتھ سے بنے ہوئے جوتے قائد عوام کو بطور تحفہ پیش کیے۔ اسی مقام پر بھٹو صاحب نے پاکستان کا سب سے پہلا اور مقبول ترین سیاسی نعرہ ’’روٹی کپڑا اور مکان‘‘ لگایا؛ اور ایک ایسا نعرہ دیا جو آج تک پیپلز پارٹی کےلیے ووٹ کے حصول کا ذریعہ بنا ہوا ہے۔
1974 کا نعرہ روٹی، کپڑا اور مکان سب سے منفرد اور ہر دلعزیز ثابت ہوا۔ یہ نعرہ بہت مہارت سے تخلیق کیا گیا تھا جسے عوام کی بالکل بنیادی ضروریات کو سامنے رکھ کر بنایا گیا تھا۔
اس بات کو 44 سال گزرچکے مگر آج بھی وہی نعرہ پیپلز پارٹی کےلیے اہم سلوگن ہےاور پہلے ہی کی طرح دلوں میں زندہ ہے۔ مگر اس بار بلاول نے کراچی کی عوام کو مایوس کیا۔ عوام امید کر رہے تھے کہ بلاول کوٹا سسٹم کے خاتمے کا اعلان کرے گا اور اردو بولنے والے سندھیوں کو کچھ خاص دے گا، 44 سال بعد لیاقت آباد آنے پر تحفہ دے گا، مگر ایسا کچھ نہیں ہوا۔ بلاول، نانا کے نقش قدم پر چلتےہوئے لیاقت آباد تک تو آگئے مگر اسٹیج سے نیچے نہ اترے اور نہ ہی نانا جیسی کوئی چیز لیاقت آباد والوں کو دی نہ لی۔
یہ ایک روایتی پاور شو تھا جو پی پی نے اپنا ہوم ورک پورا نہ ہونے کی وجہ سے فلاپ کردیا۔ اس جلسے میں لیاقت آباد کے بسنے والوں نے ہی شرکت نہیں کی تو تحفے تحائف تو دور کی بات ہے۔ دوران رپورٹنگ میری 100 سے زیادہ لوگوں سے بات ہوئی جو دکانیں بند کرکے فٹ پاتھ پر بیٹھے تھے۔ ان سب کا یہی کہنا تھا کہ اس جلسے میں ہمارے لیےکچھ نیا نہیں، تو ہم کیوں جائیں۔
دوران گفتگو معلوم ہوا کہ لیاقت آباد کے عوام سے پیپلز پارٹی کے کسی بھی رہنما نے ملاقات نہیں کی اور نہ ہی ان کے مسائل جاننے کی کوشش کی گئی۔ لیاقت آباد کے عوام کی عدم دلچسپی کا اندازہ اس بات سے لگایا جاسکتا ہے کہ انہیں یہ تک معلوم نہیں تھا کہ زرداری صاحب آرہے ہیں یا نہیں۔ بات چیت سے احساس ہوا کہ عوام اور رہنماؤں میں ذہنی مطابقت نہیں یا عوام انہیں قبول نہیں کرنا چاہتے کیونکہ جلسے سے پہلے ہی پی پی کے خلاف علاقے میں وال چاکنگ اور بینرز آویزاں کردیئے گئے تھے۔ علاقہ مکینوں سے با ت کرتے ہوئے اس طرح کے جملے سامنے آتے تھے: ’’پی پی کا تحفہ، نہ بجلی نہ پانی اور یہ کچرے کے ڈھیر، اور پی پی والے مہاجروں کے قاتل۔‘‘ عوام کا کہنا تھا کہ پی پی جو خرچہ جلسے پر کررہی ہے وہی خرچہ ہمارے پانی و صفائی کے مسائل حل کرنے پر کردیتی تو شاید ہمیں اچھا لگتا۔
جلسے کی وجہ سے ٹنکی گراؤنڈ کے اطراف سے کچرا و گندگی صاف کیا گیا تھا مگر یہ تو پہلے بھی ہوچکا ہے کہ جو بھی لیڈر یا دختر و پسر حاکم کا امکانِ آمد ہوا تو شہر سے کچرا ایسے غائب جیسے کوئی چور چپل بغل میں لیے دوڑ لگاتا ہے۔ مگر اس کے بعد جمعدار اور صفائی کرنے والے اس طرح بھول جاتے ہیں گویا کوئی بے وفا محبوبہ اپنے سچے عاشق کو بھول جاتی ہے۔ اگر یہ کام بغیر جلسے کے کرلیا جاتا تو شاید عوام کا دل جیتنے میں بلاول کامیاب ہوجاتے۔ اب بھی دیر نہیں ہوئی، بلاول نے جن علاقوں میں رکنیت سازی مہم کے کیمپ لگائے تھے، وہاں پر صفائی مہم شروع کروا کر ایمرجنسی نافذ کروادیں اور خود لوگوں سے جاکر ملیں جس طرح اندرون سندھ میں عوام کے درمیان میں ہوتے ہیں۔ پھر دیکھیں کراچی والے کیسے بلاول کو خوش آمدید کہتے ہیں۔
بلاول بھٹو زرداری فرزند کراچی ہیں تو ان کو بطور فرزند عوام کے بیچ میں ہونا ہوگا۔ بھٹو عوامی لیڈر تھا اور عوامی لیڈر بننے کےلیے عوام کے درمیان جانا پڑتا ہے۔ لیاقت آباد کے جلسے کا یہ حال تھا کہ بلاول کے آنے کے بعد صحافیوں کو بھی پنڈال میں آنے نہیں دیا گیا اور مقامی رہنما دوران جلسہ خوف کا شکار رہے۔ ایک لیڈر بھی عوام اور میڈیا کے درمیان موجود نہیں تھا۔ تمام مقامی رہنما بلند و بالا اسٹیج پر سے عوام کو ہاتھ ہلاتے رہے۔ جلسوں کا مزہ تب آتا ہے جب عوام اپنے گھروں کی چھتوں اور دیواروں پر بیٹھ کر تالیاں بجاتے ہیں مگر یہاں ایسا کچھ دیکھنے کو نہیں ملا۔
دوسری جانب جلسہ گاہ سے میلوں دور صحافیوں کو اپنی گاڑیاں کھڑی کرنا پڑیں۔ جلسہ گاہ تلک پہنچنے میں میڈیا کو بڑی دشواری کا سامنا کرنا پڑا جو خوش آئند بات ہر گز نہیں۔ ایسا لگ رہا تھا کہ اس بار پیپلز پارٹی کوریج نہیں چاہتی تھی حالانکہ بلاول ہاؤس سے میڈٰیا کے پاسز جاری کیے گئے تھے مگر پھر بھی بلاول کی آمد کے بعد بہت سے صحافیوں کو کارڈ ہونے کے باوجود میڈٰیا گیلری کی طرف نہیں جانے دیا گیا۔ ہم بھی انہی لوگوں میں شامل ہیں کیونکہ ہم باہر عوام سے بات چیت کر رہے تھے، اس لیے ہم نے سوچا کہ بلاول کی آمد کے بعد میڈیا گیلری کی طرف جائیں گے مگر مجال ہے جو خوف میں مبتلا اہلکاروں نے ایک سنی ہو۔ بہرحال ہمارا کام تو باہر کھڑے ہو کر بھی ہورہا تھا۔ بس ہم نے اپنی رپورٹ بنا ہی لی۔
بقول پی پی رہنماؤں کے ’’الطاف حسین کا چیپٹر کلوز ہوچکا ہے‘‘ تو بلاول کی پوری تقریر صرف بانی ایم کیوایم پر کیوں تھی؟ اس کا مطلب الطاف حسین اب بھی کراچی میں موجود ہے۔ اب پی پی قیادت کی جانب سے سیاسی قیادت خصوصاً سابق وزیراعظم نوازشریف، ایم کیو ایم اور پی ٹی آئی چیئرمین کو تنقید کا نشانہ بنانا یہ ظاہر کر رہا ہے کہ پیپلز پارٹی جیسی جمہوری جماعت آنے والے سیاسی حالات اور انتخابات میں اپنے سیاسی فلسفے، اپنی سیاسی تاریخ اور سب سے بڑے عوامی نعرے ’’روٹی، کپڑا اور مکان‘‘ کے بجائے اب محض اپنی حریف سیاسی شخصیات کو ہدف بنائے گی۔
بلاول کی تقریر میں ایک بات تو سمجھ میں نہیں آئی کہ بلاول کونسے مینڈیٹ کی بات کرتے ہیں جو ان سے چھینا گیا؟ انہوں نے اپنے خطاب میں کہا کہ کراچی کو ہم نیویارک جیسا بنائیں گے۔ تو کیا اس وقت سندھ میں ان کی حکومت نہیں؟ یا کراچی سندھ کا حصہ نہیں؟ بقول ان کے، ہماری پارٹی سے مینڈیٹ چھینا گیا پھر بھی ہم کام کرتے رہے۔ نہ جانے وہ کونسے کام کی بات کررہے تھے؟ چیف جسٹس کے حکم کے باوجود سندھ حکومت کچرا اٹھوانے میں مخلص نظر نہیں آئی۔
بلاول کی تقریروں میں ابھی تک پختگی نہیں آئی۔ لاہور میں پاکستان پیپلزپارٹی کے 49 ویں یوم تاسیس کی ایک تقریب میں خطاب کرتے ہوئے بلاول بھٹو زرداری کا کہنا تھا کہ آئندہ انتخابات میں کامیابی حاصل کرکے وہ ملک کے اگلے وزیراعظم بننے والے ہیں؛ جبکہ ابھی 19 اپريل 2018 کو بی بی سی نیوز کے پروگرام ’ہارڈ ٹاک‘ میں اپنے سیاسی مستقبل کے بارے میں بات کرتے ہوئے بلاول بھٹو زرداری کا کہنا تھا کہ وزیراعظم بننے کی خواہش نہیں۔ اگر بلاول اسی طرح اپنی کہی ہوئی باتیں بھولتے رہے تو لوگ میاں صاحب کی طرح ان کی باتوں کو بھی سنجیدہ لینا چھوڑ دیں گے۔ دوسری بار بلاول کراچی میں جہاں بھی جلسہ کریں، ایک دن پہلے عوام کے درمیان جائیں کیونکہ کراچی کے عوام بھی بلاول کے بازو پر امام ضامن باندھنا چاہتے ہیں۔ ان کے ماتھے پر پیار کرنا چاہتے ہیں۔ بلاول اپنے سب مقامی رہنماؤں کو عوام کے درمیان بھیجیں، بغیر سیکیورٹی کے، جس طرح چیف جسٹس صاحب نے حکم جاری کیا ہے کہ جو افسران موت سے ڈرتے ہیں وہ نوکری چھوڑ دیں۔ بالکل اسی طرح جو سیاست دان عوام کے درمیان آنے سے ڈرتے ہیں، وہ سیاست چھوڑ دیں۔
نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں۔
اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 الفاظ پر مشتمل تحریر اپنی تصویر، مکمل نام، فون نمبر، فیس بک اور ٹویٹر آئی ڈیز اور اپنے مختصر مگر جامع تعارف کے ساتھ blog@express.com.pk پر ای میل کردیجیے۔
The post بلاول اپنے نانا کی روایات برقرار نہ رکھ سکا appeared first on ایکسپریس اردو.
from Yahoo News - Latest News & Headlines https://ift.tt/2r9mtOE
from Yahoo News - Latest News & Headlines https://ift.tt/2HH1olN
from Yahoo News - Latest News & Headlines https://ift.tt/2I2B8Wg
from Yahoo News - Latest News & Headlines https://ift.tt/2vWG5LN
from Yahoo News - Latest News & Headlines https://ift.tt/2jizPEJ
from Yahoo News - Latest News & Headlines https://ift.tt/2HZp9Jl
