from BBC News اردو - تازہ ترین خبریں https://bbc.in/2JHVOEi
via IFTTT
.FOCUS WORLD NEWS MEDIA GROUP EUROPE copy right(int/sec 23,2012), BTR-2018/VR.274058.IT-
لندن (جی سی این رپورٹ)سمرسیٹ نے ون ڈے کپ کے فائنل میں ہیمپشائر کو 6وکٹوں سے شکست دے کر چیمپیئن بننے کا اعزاز حاصل کر لیا۔ہیمپشائر نے پہلے کھیلتے ہوئے 8وکٹوں کے نقصان پر 244رنز بنائے، نارتھ ایسٹ نے 56 اور فُلر نے 55 رنز کی اننگز کھیلیں۔جواب میں سمرسیٹ نے 39گیندوں قبل ہی 4وکٹوں کے نقصان پر ہدف حاصل کر لیا، بینٹن نے 69، ہلڈریتھ نے ناقابل شکست 69 اور پاکستان کے اظہر علی نے 45رنز بنائے۔میچ کے بعد جب سمرسیٹ کی ٹیم اپنی فتح کا جشن منا رہی تھی تو اظہر علی نے ابتدائی طور پر اس جشن میں حصہ لیا۔تاہم انگلش ٹیموں کے جشن کے روایتی انداز سے واقف اظہر فوری طور پر وہاں سے بھاگتے ہوئے نکل گئے جس کے بعد تمام انگلش کھلاڑیوں نے اپنے انداز میں شراب پھینک کر جشن منایا۔سوشل میڈیا پر جہاں لوگوں نے اظہر علی کے وہاں سے شراب پھینکنے سے قبل نکل جانے کو سراہا وہیں انگلش کرکٹرز کی بھی تعریف کی جنہوں نے پاکستانی کرکٹر کی موجودگی تک احتراماً شراب نہیں اچھالی۔یاد رہے کہ ایونٹ کے دوران اظہر علی نے شاندار بیٹنگ کا مظاہرہ کرتے ہوئے 451رنز بنانے کے ساتھ ساتھ 7وکٹیں بھی لیں۔
Your 2019 Royal London One-Day Cup Champions…….SOMERSET 🏆🏆🏆#WeAreSOMERSET #SOMvHAM #CHAMPIONS pic.twitter.com/PeybBXqVjE
— Somerset Cricket 🏏 (@SomersetCCC) May 25, 2019
The post سمرسیٹ کائونٹی کی جیت کا جشن،اظہر علی کیوں بھاگ گئے؟ appeared first on Global Current News.
نئی دہلی (جی سی این رپورٹ)بھارتی وزیراعظم نریندر مودی کی تقریب حلف برداری کے لیے مختلف ممالک کے سربراہان کو شرکت کے دعوت نامے بھیجنے کا فیصلہ کیا گیا ہے۔بھارتی میڈیا کے مطابق بھارتی وزیراعظم نریندر مودی کی تقریب حلف برداری 30 مئی کو ہو گی۔نریندر مودی کی تقریب حلف برداری کے لیے مختلف ممالک کے سربراہان مملکت کو مدعو کرنے کا فیصلہ کیا گیا ہے۔میڈیا رپورٹس کے مطابق تقریب حلف برداری میں شرکت کے لیے سری لنکا، روس اور فرانسیسی صدور کے علاوہ اسرائیلی وزیر اعظم کو بھی مدعو کیا جا رہا ہے۔بھارتی میڈیا کے مطابق ولی عہدابوظبی محمد بن زاید النہیان اور بنگلا دیشی وزیراعظم شیخ حسینہ واجد کو بھی تقریب حلف برداری میں مدعو کیا جا رہا ہے۔بھارتی میڈیا سے بی جے پی ذرائع کے حوالے سے بتایا ہے کہ نریندرمودی کی تقریب حلف برداری میں وزیراعظم پاکستان عمران خان کو مدعو نہیں کیا جائے گا۔خیال رہے کہ بھارت میں 7 مراحل میں ہونے والے لوک سبھا کے انتخابات میں مودی کی بی جے پی اور ان کے اتحادیوں نے کامیابی حاصل کی تھی۔وزیراعظم عمران خان نے پہلے سوشل میڈیا پر اور پھر ٹیلی فون کر کے بھارتی وزیراعظم کو الیکشن میں کامیابی پر مبارکباد دی۔
The post مودی کی تقریب حلف برداری کس کس کو مدعو کیا جائیگا،کیا عمران خان کو بلایا جائیگا ؟ appeared first on Global Current News.
“آپ کا بیٹا آج شام تک کا مہمان ہے اس کا کوئی علاج نہیں” ۔
ڈاکٹر کے یہ الفاظ سن کر مولانا رو پڑے اور اپنے بیٹے کو گھر لے آئے ۔
گھر پہنچے ہی تھے کہ دروازے پر دستک ہوئی_
مولانا دروازے پر گئے باہر ایک بوڑھے شخص کو کھڑے پایا_
حضرت نے سلام و دعا کے بعد پوچھا بابا جی! خیریت سے آئے ہو؟
وہ کہنے لگا خیریت سے کہاں آیا ہوں ہمارے علاقے میں ایک قادیانی مبلغ آیا ہوا ہے وہ لوگوں کو گمراہ کر رہا ہے_
پوری امت گمراہ ہو رہی ہے اور آپ گھرسے ہی نہیں نکل رہے_
مولانا نے جیسے ہی یہ بات سنی آپ کی آنکھوں سے آنسو بہہ پڑے_
چند کپڑے، کتابیں اور ضروری چیزیں بیگ میں ڈالیں اور گھر سے روانہ ہونے لگے_
بیوی نے دامن پکڑ لیا اور کہنے لگی_
مولانا! آخری لمحات میں اپنے نوجوان بیٹے کو اس حالت میں چھوڑ کر جا رہے ہو؟
مولانا نے آسمان کی طرف نظریں اٹھائیں اور کوئی جواب نہ دے سکے تو جاں بلب بیٹے نے کہا:
ابا جان! میں آج کا مہمان ہوں چند لمحے تو انتظار کر لیجئے میری روح نکل رہی ہے مجھے اس حال میں چھوڑ کر جا رہے ہو؟
مولانا نے اپنے نوجوان بیٹے کو بوسہ دیا رونے لگے اور فرمایا:
اے بیٹے! بات یہ ہے کہ میں محمد صلی اللہ علیہ وآلہ وسلم کے دین کی خاطر جا رہا ہوں کل قیامت کے دن حوض کوثر پر ہماری تمہاری ملاقات ہو جائیگی
یہ فرمایا اور گھر سے روانہ ہو گئے_
اڈے پر پہنچے ابھی بس میں بیٹھے ہی تھے کہ چند لوگ دوڑے آئے اور کہنے لگے_
مولانا! آپکا بیٹا فوت ہوگیا ہے ۔ اب رک جایئں اور اس کا جنازہ پڑھاتے جائیں!
مولانا نے روتی ہوئی آنکھوں سے مگر مضبوط لہجے میں فرمایا!
جنازہ پڑھانا فرض کفایہ ہے اور امت محمدیہ ﷺ کو گمراہی سے بچانا فرض عین ہے_ فرض عین کو چھوڑ کر فرض کفایہ کی طرف نہیں جاسکتا۔
پھر وہاں سے روانہ ہو گئے۔
اس علاقے میں پہنچے اللہ تعالی نے کامیابی عطا کی۔ وہ قادیانی مبلغ شکست کھا کربھاگ گیا-
تین دن کے بعد مولانا گھر واپس پہنچے_
بیوی قدموں میں گر گئی اور رو کر کہنے لگی_
مولانا! جب آپ جا رہے تھے تو بیٹا آپکی راہ تکتا رہا اور کہتا رہا جب ابا جان واپس آئیں تو انھیں میرا سلام عرض کر دینا_
مولانا نے جب یہ سنا تو فوراً اپنے بیٹے کی قبر پر گئے اور دعا مانگنے لگے
اے اللہ! ختم نبوت کے وسیلے سے میرے بیٹے کی قبر کو جنت کا باغ بنا دے
مولانا دعا مانگ کر گھر واپس آئے تو رات بیٹے کو خواب میں دیکھا_
بیٹے نے اپنے ابا سے ملاقات کی اور کہاکہ:
رب محمد صلی اللہ علیہ وآلہ وسلم کی قسم! ختم نبوت کے وسیلے سے اللہ تعالی نے میری قبر کو جنت کا
باغ بنا دیا ہے۔
ختم نبوت کے اس مجاہد کو دنیا حضرت مولانا غلام غوث ہزاروی رحمہ اللہ کے نام سے جانتی ہے_
کی محمد ﷺ سے وفا تو نے تو ہم تیرے ہیں
یہ جہاں چیز ہے کیا لوح و قلم تیرے ہیں
The post آپ کے بیٹے کے پاس صرف آج شام تک وقت ہے، یہ سن کر مولانا۔۔۔ appeared first on Global Current News.
ہری پور(جی سی این رپورٹ ) تھانہ سرائے صالح کی حدود سے دو روزقبل لاپتہ ہونے والے6 سالہ حسیب اللہ ولد حبیب الرحمن سکنہ محلہ۔جندراں سرائے صالح کی تشدد زدہ برہنہ نعش ندی ڈور کے ویرانے سے برآمد ہری پور 6 سالہ حسیب اللہ دو روز قبل تھانہ سرائے صالح کی حدود سے لاپتہ ہواتھا افطاری سے کچھ دیر قبل بچے کے والدین کو اہلیان علاقہ نے اطلاع دی کہ ان کے بچے کی برہنہ تشدد زدہ لاش ندی ڈور کے کنارے ویرانے میں پڑی ہے۔ والد کے مطابق 6سالہ حسیب کا ذہنی توازن ٹھیک نہیں تھا ۔ بچے کے والد نے دو روز قبل بچے کی گمشدگی کی درخواست تھانہ سرائے صالح میں درج کروائی تھی۔پولیس نے نعش قبضے میں لے کر پوسٹمارٹم کے لیے ہسپتال پہنچا دی ۔ واضح رہے کے ابھی تک اصل کہانی کا پتہ نہیں لگ سکا ، بچے کے جسم پر پڑے نشان کچھ اور بولتے ہیں
The post ہری پور میں انسانیت سوز واقعہ، 6سالہ حسیب کیساتھ کیا ہوا، لاش کس حالت میں ملتی؟ appeared first on Global Current News.
کالام(جی سی این رپورٹ)ایک جانب حکومت نے موسمیاتی تبدیلیوں کے حوالے سے پوری وزارت تشکیل دی رکھی ہے ، روز موسمی تبدیلیوں کے حوالے سے بڑے بڑے بیان بھی سامنے آجاتے ہیں مگر زیر نظر ویڈیو رپورٹ میں آپ دیکھ سکتے ہیں کہ کس بے دردی کے ساتھ وادی کالام کو خوبصورتی بخشنے والے دیار کے درختوں کو کاٹا جا رہا ہے، کیا حکومت اس مافیا کے خلاف ایکشن لینے سے خوفزدہ ہے یا حکومت کے کچھ اپنے لوگ اس میں ملوث ہیں کہ ان کیخلاف کارروائی نہیں جا رہی اگر آج ان لوگوں کو قیمتی درختوں کی کٹائی سے نہ روکا گیا اور کوئی ایکشن نہ لیا گیا تو آنے والے وقت میں یہ علاقہ بھی درختوں سے خالی ہو جائے گا، حکومت کو اس جانب توجہ دینے کی ضرورت ہے۔۔
The post وادی کالام میں سرعام درختوں کی کٹائی جاری، حکومت کوئی ایکشن کیوں نہیں لیتی، ویڈیو رپورٹ دیکھیں appeared first on Global Current News.
نارووال(جی سی این رپورٹ)کرتارپور راہداری منصوبے کیلئے یہ کیسا ظلم کیا جا رہا ہے، لوگوں کی لاکھوں کی زمینوں کا ریٹ کوڑویوں کے بھائو لگایا جا رہا ہے، بھارت اور سکھ برداری کو خوش ضرور کیا جائے مگر ان کو خوش کرنے کیلئے اللہ کے واسطے اپنے غریب کسانوں کو ناراض نہ کریں۔۔
The post کرتاپور راہداری منصوبہ، بھارت اور سکھوں کو ضرور ،وش کریں مگر اپنے کسانوں کو ناراض بھی مت کریں، ویڈیو رپورٹ دیکھیں appeared first on Global Current News.
اس ویڈو کو اتناشیر کرو کہ اعلیٰ حکام اسکا نوٹس لیں ورنہ ان غریب لوگوں کاجینا مشکل ہوجائیگا ان تینوں بھائیوں جرم بس اتناں ہےکہ مورخہ 3/5/2019کوانکی والدہ کو اور انکے بھائی انہی کے گھرجاکر تشددکیا اور انکی والدہ کو برہنہ کردیا جب انہوں نے تھانہ قطب پور ملتان میں درخواست اندراج مقدمہ کےلئے دی توغنڈہ سفت شوکت ,حمید حنیف مغیث عرفان 10سے زائد ملزمان نے دوبارہ5/5/2019کویہ اپنے گھر پہنچے توجملہ ملزمان نےدوبارہ آکر انکو شدید مضروب کیا اور اپنے ڈیرہ پرلے جاکر رسیوں سے باندھ دیا کہ تم نے تھانہ میں ہمارے خلاف درخواست کیوں دی ہے
The post تھانے میں رپورٹ درج کرانے کی سزا،شرمناک ویڈیو رپورٹ دیکھیں appeared first on Global Current News.
The post وزیراعظم کا تھانے کے دورے پر کھڑی موٹرسائیکلوں بارے سوال پولیس نے کیا جواب دیا۔۔ویڈیو دیکھیں appeared first on Global Current News.
اسلام آباد(جی سی این رپورٹ) محسن داوڑ اور اس کے ساتھیوں نے قومی اداروں کے خلاف ہتھیار اٹھا لئے۔ مسلح جتھے نے شمالی وزیرستان میں فوجی چیک پوسٹ پر فائرنگ کر دی، فوج اور ریاست کیخلاف نعرے بازی بھی کی گئی۔محسن داوڑ اور اس کے ساتھیوں کی میران شاہ میں سیکورٹی فورسز کی چیک پوسٹ پر فائرنگ، مسلح افواج اور ریاست کے خلاف ہرزہ سرائی کرتے رہے۔ محسن داوڑ میران شاہ کےعلاقہ بویا میں اپنےساتھیوں سمیت موجود ہے اور ذرائع کے مطابق عوام کو فوج اورریاست کےخلاف مسلسل اکسا رہا ہے۔محسن داوڑ اور اس کے مسلح ساتھیوں نے چیک پوسٹوں پر موجود جوانوں کےخلاف نعرہ بازی کی پھر ہوائی فائرنگ شروع کر دی۔محسن داوڑ کےساتھی علی وزیر نے کچھ عرصہ قبل قومی اداروں کو سرعام دھمکیاں دی تھیں۔ علی وزیر نے جلسہ عام میں کہا تھا میں تمہیں ماروں گا، اپنا بدلہ لوں گا۔
The post وہ ہی ہوا جس کا ڈر تھا، محسن داوڑ اور اس کے ساتھیوں نےایسا غلیظ کام کر ڈالا کہ۔۔ appeared first on Global Current News.
اسلام آباد(جی سی این رپورٹ)رمضان المبارک کے دوسرے عشرے کا اختتام آج ہوجائے گا جس کے بعد تیسرے عشرے کے لیے آج بعد نماز عصر لاکھوں فرزندان توحید اعتکاف کی سعادت حاصل کریں گے۔اعتکاف عربی زبان کا لفظ ہے، جس کے معنی ٹھہر جانے یا خود کو روک لینے کے ہیں، اس طرح شریعت کی اصطلاح میں رمضان المبارک کے آخری عشرے میں عبادت کی غرض سے مسجد میں قیام کرنے کو اعتکاف کہتے ہیں۔جڑواں شہروں سمیت ملک کی لاکھوں مساجد میں لاکھوں مسلمان آج بعد نماز عصر اعتکاف میں بیٹھیں گے جب کہ کئی مساجد میں اعتکاف میں بیٹھنے والوں کے کوائف بھی جمع کئے گئے ہیں۔
اعتکاف میں بیٹھنے والوں کے لئے بعض مساجد کی انتظامیہ اور مخیر حضرات کی جانب سے سحری اور افطاری فراہم کرنے کے خصوصی انتظامات بھی کئے جاتے ہیں جب کہ عام طور پر معتکفین کی سحر و افطاری کا ذمہ ان کے اہلخانہ کا ہوتا ہے۔آخری عشرے کی طاق راتوں میں مسلمان رات بھر اللہ کے حضور عبادت کرتے ہوئے اپنی حاجات و مناجات پیش کریں گے جب کہ معتکفین بھی خصوصی طور پر آج رات عبادت کا اہتمام کریں گے۔اسلام آباد میں میں اعتکاف کا سب سے بڑا اجتماع فیصل مسجد میں ہوگا جہاں دو ہزار کے قریب لوگ اعتکاف میں شرکت کریں گے۔
The post آج لاکھوں فرزند توحید اعتکاف کی سعادت کرینگے،فیصل مسجد میں کتنے لوگ اعتکاف کرینگے؟ appeared first on Global Current News.
ایک چینی بڑھیا کے گھر میں پانی کیلئے دو مٹکے تھے، جنہیں وہ روزانہ ایک
لکڑی پر باندھ کر اپنے کندھے پر رکھتی اور نہر سے پانی بھر کر گھر لاتی۔ ان دو مٹکوں میں سے ایک تو ٹھیک تھا مگر دوسرا کچھ ٹوٹا ہوا۔ ہر بار ایسا ہوتا کہ جب یہ بڑھیا نہر سے پانی لے کر گھر پہنچتی تو ٹوٹے ہوئے مٹکی کا آدھا پانی راستے میں ہی بہہ چکا ہوتا۔ جبکہ دوسرا مٹکا پورا بھرا ہوا گھر پہنچتا۔
ثابت مٹکا اپنی کارکردگی سے بالکل مطمئن تھا تو ٹوٹا ہوا بالکل ہی
مایوس۔ حتیٰ کہ وہ تو اپنی ذات سے بھی نفرت کرنے لگا تھا کہ آخر کیونکر وہ اپنے فرائض کو اس انداز میں پورا نہیں کر پاتا جس کی اس سے توقع کی جاتی ہے۔
اور پھر مسلسل دو سالوں تک ناکامی کی تلخی اور کڑواہٹ لئے ٹوٹے ہوئے گھڑے نے ایک دن اس عورت سے کہا: میں اپنی اس معذوری کی وجہ سے شرمندہ ہوں کہ جو پانی تم اتنی مشقت سے بھر کر اتنی دور سے لاتی ہو اس میں سے کافی سارا صرف میرے ٹوٹا ہوا ہونے کی وجہ سے گھر پہنچتے پہنچتے راستے میں ہی گر جاتا ہے۔
گھڑے کی یہ بات سن کر بڑھیا ہنس دی اور کہا: کیا تم نے ان سالوں میں یہ نہیں دیکھا کہ میں جسطرف سے تم کو اٹھا کر لاتی ہوں ادھر تو پھولوں کے پودے ہی پودے لگے ہوئے ہیں جبکہ دوسری طرف کچھ بھی نہیں اگا ہوا۔
مجھے اس پانی کا پورا پتہ ہے جو تمہارے ٹوٹا ہوا ہونے کی وجہ سے گرتا ہے، اور اسی لئے تو میں نے نہر سے لیکر اپنے گھر تک کے راستے میں پھولوں کے بیج بو دیئے تھے تاکہ میرے گھر آنے تک وہ روزانہ اس پانی سے سیراب ہوتے رہا کریں۔ ان دو سالوں میں ، میں نے کئی بار ان پھولوں سے خوبصورت گلدستے بنا کر اپنے گھر کو سجایا اور مہکایا۔ اگر تم میرے پاس نہ ہوتے تو میں اس بہار کو دیکھ ہی نہ پاتی جو تمہارے دم سے مجھے نظر آتی ہے۔
یاد رکھئے کہ ہم سے ہر شخص میں کوئی نہ کوئی خامی ہے۔ لیکن ہماری یہی خامیاں، معذوریاں اور ایسا ٹوٹا ہوا ہونا ایک دوسرے کیلئے عجیب اور پر تاثیر قسم کے تعلقات بناتا ہے۔
ہم پر واجب ہے کہ ہم ایک دوسرے کو ان کی خامیوں کے ساتھ ہی قبول کریں۔ ہمیں ایک دوسرے کی ان خوبیوں کو اجاگر کرنا ہے جو اپنی خامیوں اور معذوریوں کی خجالت کے بوجھ میں دب کر نہیں دکھا پاتے۔ معذور بھی معاشرے کا حصہ ہوتے ہیں اور اپنی معذوری کے ساتھ ہی اس معاشرے کیلئے مفید کردار ادا کر سکتے ہیں۔
جی ہاں، ہم سب میں کوئی نہ کوئی عیب ہے، پھر کیوں نہ ہم اپنے ان عیبوں کے ساتھ، ایک دوسرے کی خامیوں اور خوبیوں کو ملا کر اپنی اپنی زندگیوں سے بھر پور لطف اٹھائیں۔ ہمیں ایک دوسرے کو اس طرح قبول کرنا ہے کہ ہماری خوبیاں ہماری خامیوں پر پردہ ڈال رہی ہوں
The post پانی کے دو مٹکے appeared first on Global Current News.
پاکستان کے زیر انتظام کشمیر کی پولیس نے ایک اعلامیے میں 18 مفرور قیدیوں کی تلاش میں عوام سے مدد کی اپیل بھی کی ہے اور درست اطلاع دینے پر مجم...
جملہ حقوق ©
WAKEUPCALL WITH ZIAMUGHAL
Anag Amor Theme by FOCUS MEDIA | Bloggerized by ZIAMUGHAL