![](https://static01.nyt.com/images/2018/06/04/opinion/04mon2sub/04mon2sub-mediumThreeByTwo440.jpg)
By THE EDITORIAL BOARD from NYT Opinion https://ift.tt/2kJneLx
.FOCUS WORLD NEWS MEDIA GROUP EUROPE copy right(int/sec 23,2012), BTR-2018/VR.274058.IT-
رمضان کا با برکت مہینہ اپنے ساتھ بہت سی نعمتیں لے کرآتا ہے، مسلمانوں کے لیے جس میں خزانے ہی خزانے ہوتے ہیں؛ پر کیا ہم رمضان کے مقاصد کو سمجھ بھی پائے ہیں؟ یا ہم نے نیکیوں کے اس موسمِ بہار کو محض اچھے سے اچھا کھانے پینے کے لیے مختص کرلیا ہے!
رمضان المبارک میں کیا ہم نے تقویٰ کے بارے میں سوچا ہے، کیا ہم رضائے الہی کے لیے نیک کاموں کی طرف بڑھتے ہیں، کیا ہم اللہ کے بندوں کے کام آتے ہیں، ان کی پریشانیوں وتکالیف کو دور کرنے کی کوشش کرتے ہیں، کیا ہم خاص طور پر بے کسوں کا خیال رکھتے ہیں؟
ہم کتنی بار قرب الہی کے بارے میں سوچتے ہیں، ہم کتنی بار جان کے اور انجانے میں کیے ہوئے گناہوں کی مغفرت کےلیے خدا کے آگے سجدہ ریز ہوتے ہیں؟ ہمیں ان سارے معاملات کے بارے میں علم ہے، اور بہت اچھے سے ہے؛ پر سوال یہ ہے کہ اس بابرکت مہینے کو ہم صرف کیسے کرتے ہیں؟
اللہ پاک نے قران پاک میں بھی ارشاد فرمادیا کہ:
ﺍﮮ ﺍﯾﻤﺎﻥ ﻭﺍﻟﻮ! ﺗﻢ ﭘﺮﺭﻭﺯﮮ ﺭﮐﮭﻨﺎ ﻓﺮﺽ ﮐﺮﺩﯾﺎ ﮔﯿﺎ ﮨﮯ ﺟﺲ ﻃﺮﺡ تم سے پہلی امتوں پر ﻓﺮﺽ ﮐﯿﺎ ﮔﯿﺎ ﺗﮭﺎ۔ ﺗﺎﮐﮧ ﺗﻢ ﻣﺘﻘﯽ اورﭘﺮﮨﯿﺰﮔﺎﺭﺑﻦ ﺟﺎﺅ! (سورہ بقرہ)
اس ماہ مبارک میں ہم اپنے آس پاس بے کسوں، لاوارثوں، یتیموں، ضرورت مندوں، غریبوں کے حال احوال کے بارے میں جان کر کیا کچھ کرتے ہیں؟ بعض اوقات تو جانتے بوجھتے بھی ہم آگے نہیں بڑھ پاتے۔ ایسا نہیں کہ ہم کسی کی داد رسی کرنا نہیں چاہتے، پر شاید ہم پر سُستی طاری ہوجاتی ہے یا کوئی نا کوئی کام ہمیں ان نیکیوں کی جانب بڑھنے سے روک ہی دیتا ہے۔
رمضان کا پہلاعشرہ تو ہم سے دور چلا گیا جو رحمتوں سے بھرپور تھا۔ لیکن ابھی بھی ہمارے پاس کچھ وقت ہے جس میں ہم نیکیاں اور خیرو برکتیں سمیٹ سکیں۔ یہ پُرنور مہینہ ابھی ہم پر نیکیوں کی برسات برسانے کےلیے موجود ہے، ابھی کچھ مہلت ہے کہ ہم رمضان کے اصل مقاصد کے بارے میں جان کر ان پر عمل کر سکیں، زیادہ نہیں پر تھوڑا تو کرہی سکتے ہیں۔
دوسرا عشرہ ماہ رمضان اپنے گناہوں کی مغفرت کروانے کا دروازہ دکھلاتا ہے کہ ہم خدا کے حضور سجدہ ریز ہوجائیں… گڑگڑا کر مغفرت کی دعائیں مانگیں۔ یہ عشرہ بھی بس جانے کو ہے، لیکن ہم چاہیں تو اب بھی بہت کچھ پا سکتے ہیں۔
رمضان کا تیسرا عشرہ نارِ جہنم سے آزادی کا، جو الواداعی عشرہ بھی ہوتا ہے۔ اس کے آتے ہی مسلمان غمگین ہو جاتے ہیں، کیونکہ نیکیوں کی بوچھاڑ کرنے والا یہ ماہ مبارک ہم سے رخصت ہو رہا ہوتا ہے۔ پر ہمارے پاس اب بھی وقت ہے کہ ہم جائزہ لیں جتنے روزے ہم رکھ چکے، اس میں ہم نے کیا کیا ترک کیا؟ ہم کیا کرسکتے تھے، ہم سے کیا کیا ہوسکتا تھا جوہم نہیں کرپائے؟
ماہِ صیام کے آنے والا کچھ وقت ابھی ہمارے پاس باقی ہے، ان ایام میں اس بات کو یقینی بنائیں کہ اب تک ہم جو کچھ نہیں کرپائے، وہ ہم اب ضرور کریں گے، ورنہ یہ وقت بھی گزر جائے گا اور خالی ہاتھ رہ جائیں گے۔
بے شک، اعمال کا دارومدار نیت پرہے۔
بہترین عمل وہی ہے جس کے بارے میں محض سوچا نہ جائے بلکہ عمل پیرا بھی ہوا جائے۔ بے کسوں کا ساتھ دیجیے، غریبوں کے کام آئیے، دوستوں اور خاندانوں کے درمیان اگر لڑائی ہو تو صلح کرائیے، بچوں کواچھی ترغیب دیجیے، جس کے ساتھ برا کیا اس سے معافی مانگیے، زکوٰة اورصدقات نکالیے۔ بے شک یہ وہ کام ہیں جو صرف ماہ رمضان میں ہی نہیں بلکہ ہر دن کیے جاسکتے ہیں، پر اس ماہ مبارک میں ان اچھے اعمال کا اجر ہماری سوچ سے کہیں زیادہ ہے۔
رمضان میں افطار کے لیے کھانے پینے، بلکہ اچھا کھانے پینے پر توجہ دیں اوربالکل دیں، لیکن رمضان کا مہینہ ہم سے اور بھی بہت سے تقاضے کرتا ہے جو بحیثیت مسلمان ہم بھولے ہوئے ہیں۔ انہیں ہمیں اپنے ذہنوں میں فوراً تازہ کرنا ہوگا، کیونکہ ابھی ہمارے پاس اس ماہ مبارک کے کچھ ایام باقی ہیں۔
نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں۔
اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 الفاظ پر مشتمل تحریر اپنی تصویر، مکمل نام، فون نمبر، فیس بک اور ٹویٹر آئی ڈیز اور اپنے مختصر مگر جامع تعارف کے ساتھ blog@express.com.pk پر ای میل کردیجیے۔
The post کیا ہم نے رمضان کے مقاصد کوسمجھا بھی؟ appeared first on ایکسپریس اردو.
سری نگر: مقبوضہ کشمیر میں بھارتی فورسز نے جامع مسجد کے باہر مظاہرین پر گاڑی چڑھا دی جس کے نتیجے میں ایک نوجوان شہید جب کہ ایک زخمی ہو گیا ہے۔
کشمیر میڈیا سیل کے مطابق قابض بھارتی فورس نے نہتے عوام پر ظلم و بربریت کی انتہا کرتے ہوئے کشمیری نوجوان قیصر بٹ کو گاڑی تلے کچل دیا جب کہ ایک اور کشمیری نوجوان یونس احمد شدید زخمی ہے جسے سورا انسٹیٹیوٹ آف میڈیکل سائنس میں طبی امداد دی جاری ہے۔ دونوں نوجوان گزشتہ روز نماز جمعہ کے بعد جامع مسجد کے باہر مظاہرے میں شامل شامل تھے کہ سینٹرل ریزرو پولیس فورس کے اہلکاروں نے مظاہرین پر گاڑی چڑھادی۔
یہ واقعہ اس وقت پیش آیا جب سری نگر کے علاقے نوہٹہ میں سیکڑوں کشمیری بھارتی پولیس کی جانب سے ایک مسجد کی بےحرمتی کے خلاف نماز جمعہ کے بعد احتجاجی مظاہرہ کر رہے تھے۔ سینٹرل ریزرو پولیس فورس نے مظاہرین کو منتشر کرنے کے لیے طاقت کا استعمال کرتے ہوئے آنسو گیس کی شیلنگ اور ہوائی فائرنگ کی لیکن مظاہرین کے پایہ استقلال میں کمی نہ آنے پر مظاہرین پر گاڑی چڑھا دی۔
کشمیری نوجوان کی شہادت پر مقبوضہ کشمیر میں غم و غصے کی لہر دوڑ گئی ہے اور وادی سوگ میں ڈوب گئی۔ بھارتی جارحیت کے خلاف مقبوضہ کشمیر میںحریت کانفرنس کی اپیل پر آج مکمل ہڑتال کی جا رہی ہے جس کے باعث تمام تعلیمی ادارے اور کاروباری مراکز بند ہیں جب کے ذارئع آمدورفت معطل ہیں جب کے احتجاجی مظاہروں کا سلسلہ جاری ہے۔
واضح رہے کہ گزشتہ ماہ مئی 2018 میں بھی قابض بھارتی فورسز نے نہتے اور معصوم عوام پر ظلم و بربریت کے پہاڑ توڑ دیئے جس کے نتیجے میں 31 کشمیریوں نے جام شہادت نوش کی جب کے 314 کشمیری زخمی ہوئے۔ شہید ہونے والوں میں ایک خاتون اور 6 کم سن بچے بھی شامل ہیں۔
The post بھارتی فورس کی گاڑی نے کشمیری نوجوان کو کچل کر شہید کردیا appeared first on ایکسپریس اردو.
لاہور: مسلم لیگ (ن) نے قائم مقام وزیراعلیٰ پنجاب کے لئے سابق ڈی جی آئی بی آفتاب سلطان، سابق نیول چیف ذکااللہ، جسٹس (ر) سائر علی، اور سابق ڈی آئی جی طارق سلیم ڈوگر کے نام دے دیئے ہیں۔
ایکسپریس نیوزکےمطابق پنجاب کے نگراں وزیراعلیٰ کے لئے مسلم لیگ (ن) نے 4 نام تجویزکرلئے ہیں۔ (ن) لیگ کی جانب سے سابق ڈی جی آئی بی آفتاب سلطان، سابق نیول چیف ذکا اللہ، جسٹس (ر) سائر علی اور سابق ڈی آئی جی طارق سلیم ڈوگر کے نام دیئے گئے ہیں۔ ذرائع کے مطابق اتوار کے روز ہونے والے ماڈل ٹاؤن کے اجلاس میں اپوزیشن لیڈر میاں محمود الرشید سے مشاورت کے بعد کسی ایک نام پر اتفاق کرلیا جائے گا۔
اس سے قبل نگراں وزیراعلیٰ پنجاب کے لئے سابق وزیراعلیٰ پنجاب شہبازشریف اور اسپیکر صوبائی اسمبلی رانا محمد اقبال سے سابق اپوزیشن لیڈر میاں محمود الرشید کی ملاقاتیں نتیجہ خیز ثابت نہ ہوسکیں اور تحریک انصاف کی جانب سے اپنے ہی دیئے گئے ناموں پر یوٹرن نے معاملہ گھمبیر بنا دیا تھا تاہم گزشتہ روز چیئرمین تحریک انصاف عمران خان کی جانب سے میاں محمود الرشید کو ہدایات جاری کی گئی تھیں جس میں کہا گیا تھا کہ پی ٹی آئی کی جانب سے مجموعی طور پر جو چار نام دے رہے ہیں، اس میں حسن عسکری، اوریا مقبول جان، ایاز امیر اور یعقوب طاہر اظہار کے نام حتمی ہیں۔
The post مسلم لیگ (ن) نے نگراں وزیراعلیٰ پنجاب کے لئے 4 نام تجویز کرلئے appeared first on ایکسپریس اردو.
سڈنی: آسٹریلیا میں ایک خاتون 25 سال تک روزانہ آنکھوں میں مسکارا لگانے سے بصارت کھو بیٹھی۔
سڈنی کی رہائشی 50 سالہ ایک خاتون نے اپنے ساتھ پیش آنے والے عجیب و غریب طبی مسئلے سے پردہ اٹھاتے ہوئے بتایا کہ وہ مسلسل 25 سال سے مسکارا لگا رہی تھیں اور ان کا یہ طرز عمل انہیں تقریباً نابینا پن کے قریب لے گیا۔
خاتون نے بتایا کہ وہ جب بھی صبح اٹھتی تو پہلے سے لگے مسکارا کو ٹھیک سے صاف کیے بغیر دوبارہ مسکارا لگانے کا شوق پورا کرتیں، ایسا کرنے سے انہیں آنکھوں میں آہستہ آہستہ جلن اور خارش ہونے لگی جس سے چھٹکارا پانے کے لیے ڈاکٹرز نے انہیں آئی ڈراپ اور دیگر دوائیاں استعمال کے لیے دیں جس سے افاقہ نہ ہوا۔
جب تکلیف بڑھی تو ماہرِ چشم نے مختلف ٹیسٹ کرائے میں جس میں انکشاف ہوا کہ مسکارے کی وجہ سے پپوٹوں کے اندرونی حصے میں سیاہ رنگ کے سخت پتھریلے دانے نما نمودار ہوچکے ہیں جس سے خاتون کی بینائی بری طرح متاثر ہوئی اور وہ تقریباً بصارت کی صلاحیت کھوبیٹھی۔
واقعہ سامنے آنے پر ڈاکٹرز نے خواتین کو میک اپ کی صفائی خصوصاً آئی لائنر صاف کرنے کی تلقین کرتے ہوئے احتیاط برتنے کا مشورہ دیا ہے۔ ڈاکٹرز کا کہنا ہے کہ آنکھوں کے اندرونی لیش لائن پر آئی لائنر لگانے سے پرہیز کیا جائے۔
The post روزانہ مسکارا لگانے سے خاتون اندھی ہوگئی appeared first on ایکسپریس اردو.
لاہور: گرمی کی شدت میں اضافے کی وجہ سے لاہور چڑیا گھر اور سفاری زو میں جانوروں کے مزاج کو ٹھنڈا رکھنے کے لئے برف کے استعمال میں اضافہ کردیا گیا ہے۔
لاہور کے چڑیا گھرمیں شیر اور چیتوں کے پنجروں میں روزانہ 2 ہزار کلوگرام برف استعمال کی جارہی ہے، افریقن نسل کے شیروں کی نسبت سائبیرین ٹائیگرز کو برف کی زیادہ ضرورت ہوتی ہے۔
لاہور چڑیا گھرکے ڈائریکٹر حسن علی سکھیرا کے مطابق انہوں نے گرمی کا سیزن شروع ہوتے ہی بیگ کیٹس کے پنجروں میں برف کے بلاکس رکھنے کا سلسلہ شروع کردیا تھا تاہم اب گرمی بڑھنے کی وجہ سے برف کی مقدار بڑھا دی گئی ہے، اس وقت 16 سے 20 بلاک برف استعمال کی جارہی ہے جس کا وزن تقریبا 2 ہزار کلو گرام بنتا ہے، انہوں نے بتایا کہ شیر، ٹائیگر، لیپرڈ، لاما اور پوما کے پنجروں میں برف کے ساتھ ساتھ ائیر کولربھی لگائے گئے ہیں اسی طرح دن میں تین سے چارمرتبہ ان جانوروں کو پانی سے نہلایابھی جاتا ہے تاکہ ان کے پنجروں کا درجہ حرارت معمول پررکھنے کے ساتھ ساتھ ان جانوروں کا مزاج بھی ٹھنڈا رکھا جاسکے۔
دوسری جانب رائیونڈ روڈ پر واقع لاہورسفاری زو میں بھی برف کا استعمال شروع کردیا گیا ہے، سفاری زو میں روزانہ پانچ سو کلو گرام برف استعمال کی جارہی ہے ، سفاری پارک میں برف کا استعمال لاہورچڑیا گھرکی نسبت کم کیا جاتا ہے اس کی وجہ یہ ہے کہ سفاری زومیں لائن اورٹائیگرز کے پنجروں کے سامنے سایہ دار درخت لگائے گئے ہیں جن کا سایہ ان جانوروں کودھوپ سے بچائے رکھتا ہے ، اسی طرح زیادہ تر شیر اور چیتے سفاری کے اندر درختوں کے جھنڈ کے نیچے بیٹھ کر گرمی سے بچتے ہیں جب کہ پنجروں میں مقیم شیروں کو پانی سے نہلایا جاتا ہے۔
The post لاہور کے چڑیا گھر میں جانوروں کا مزاج ٹھنڈا رکھنے کے لئے برف کا استعمال appeared first on ایکسپریس اردو.
لاہور: پاکستان ریلویز نے عیدالفطر پر مسافروں کے لئے کرایوں میں 30 فیصد رعایت کا اعلان کیا ہے۔
ایکسپریس نیوز کے مطابق پاکستان ریلویز نے عیدالفطر پر کرایوں میں 30 فیصد کمی کا اعلان کیا ہے۔ پاکستان ریلویز کے سی ای او آفتاب اکبر کی زیر صدارت اجلاس ہوا جس میں اے جی ایم ٹریفک عبدالحمید رازی اور دیگر افسران نے شرکت کی۔ اجلاس نے عید پیکج کی منظوری دے دی۔
اس خبرکوبھی پڑھیں: مسافروں کے لئے رمضان پیکج کا اعلان
ترجمان ریلوے کی طرف سے جاری کردہ بیان کے مطابق پاکستان ریلوے اس وقت رمضان پیکج کے تحت ایڈوانس بکنگ پر تمام ٹرینوں کی تمام کلاسز پر کرایوں میں 20 فیصد رعایت دے رہا ہے، تاہم عید کے دونوں دن تمام ٹرینوں کی تمام کلاسز پر کرایوں میں 30 فیصد رعایت دی جائے گی ۔ ترجمان نے مزید کہا کہ عیدالفطر پر پاکستان ریلویز مسافروں کی سہولت اور ہم وطنوں کو ان کے پیاروں سے ملانے کے لئے اضافی ٹرینیں بھی چلائے گا۔
The post عیدالفطر پر ریلوے کے کرایوں میں کمی کا اعلان appeared first on ایکسپریس اردو.
لاہور: چیف جسٹس میاں ثاقب نثار نے کہا ہے کہ ملک میں حاکمیت صرف اللہ اور قانون کی ہوگی جب کہ قوم کا پیسہ سیاست دانوں کی سیکورٹی پر لٹانے کی اجازت نہیں دیں گے۔
سپریم کورٹ رجسٹری لاہور میں چیف جسٹس میاں ثاقب نثار کی سربراہی میں دو رکنی بنچ نے سیاستدانوں، وزرا و دیگر شخصیات کو غیر ضروری سکیورٹی دینے کے کیس کی سماعت کی۔ پنجاب پولیس نے سیاست دانوں کو دی گئی سکیورٹی سے متعلق رپورٹ عدالت میں جمع کرادی جو چیف جسٹس نے مسترد کر دی۔
ڈی آئی جی عبدالرب نے بتایا کہ31 سیاست دانوں کو سکیورٹی فراہم کی گئی ہے. درخواست گزار اظہر صدیق نے کہا کہ پنجاب پولیس نے ساری سکیورٹی مسلم لیگ ن کے رہنماؤں اور ان کے اہل و عیال کو دی ہے.
چیف جسٹس نے کہا کہ نواز شریف، شہباز شریف، احسن اقبال، ایاز صادق، زاہد حامد اور احسن اقبال کی سکیورٹی تو سمجھ میں آتی ہے، لیکن رانا ثنااللہ، مریم اورنگزیب، انوشہ رحمان،عابد شیر علی، احسن اقبال کے بیٹے کو سکیورٹی کس لیے دی جارہی ہے، یہ لوگ ایک طرف تو عدلیہ کو گالیاں دیتے ہیں اور دوسری طرف سکیورٹی مانگتے ہیں، آئی جی صاحب آپ نے عدلیہ مخالف بیانات دینے والوں کو سکیورٹی فراہم کر رکھی ہے.
چیف جسٹس نے کہا کہ ایک سکیورٹی اہلکار 25 ہزار میں پڑتا ہے اور ایک سیاست دان کی صرف سیکورٹی پر کم از کم 60 ہزار روپے اخراجات ہوتے ہیں، یہ قوم کا پیسہ ہے، اس طرح لٹانے کی اجازت نہیں دیں گے، یہ لوگ خود، سکیورٹی کا بندوبست نہیں کرسکتے تو بیت المال سے 60 ہزار روپے دے دیں۔
چیف جسٹس نے پنجاب پولیس کی رپورٹ مسترد کرتے ہوئے آئی جی پنجاب سے کہا کہ اس ملک میں حاکمیت صرف اللہ کی اور قانون کی ہوگی، آپ نے مجھے حمزہ شہباز کے برابر کی سکیورٹی دی ہے، آپ نے تو ججز اور سپریم کورٹ کے ججز کی سکیورٹی سے انکار کردیا تھا۔
عدالت نے سیاست دانوں کو سکیورٹی فراہم کرنے کی سفارشات دینے والی کمیٹی کو ذاتی حثیت میں رات 8 بجے طلب کرلیا۔
The post ملک میں حاکمیت صرف اللہ اور قانون کی ہوگی، چیف جسٹس appeared first on ایکسپریس اردو.
اسلام آباد: اے این ایف نے بیرون ملک منشیات اسمگلنگ کی کوشش ناکام بنادی.
ایکسپریس نیوزکے مطابق نیو اسلام آباد ایئرپورٹ پرتعینات اینٹی نارکوٹکس فورس کے اہلکاروں نے سعودی دارالحکومت کے سامان میں چھپائی 342 گرام آئس ہیروئن برآمد کرلی۔
اے این ایف حکام کا کہنا ہے کہ مسافرنے سگریٹ کے پیکٹس میں آئس ہیروئن چھپا رکھی تھی۔ مسافرکومزید تحقیقات کے لیے حراست میں لے لیا ہے۔
The post نیواسلام آباد ایئرپورٹ سے بیرون ملک منشیات اسمگلنگ کی کوشش ناکام appeared first on ایکسپریس اردو.
فی الحال اس کی تشخیص کے لیے کوئی ٹیسٹ نہیں تاہم مریض کی میڈیکل ہسٹری، جسمانی معائنہ اورمتاثرہ شخص میں موجود دیگر امراض کی بنیاد پر اس کی تشخ...
جملہ حقوق ©
WAKEUPCALL WITH ZIAMUGHAL
Anag Amor Theme by FOCUS MEDIA | Bloggerized by ZIAMUGHAL