![](https://static01.nyt.com/images/2019/03/08/business/00cardboard-video-still1/fileupload-1552071653519-mediumThreeByTwo440.jpg)
By MICHAEL CORKERY from NYT Business https://ift.tt/2Oj2MPD
.FOCUS WORLD NEWS MEDIA GROUP EUROPE copy right(int/sec 23,2012), BTR-2018/VR.274058.IT-
کراچی(جی سی این رپورٹ) کمشنر کراچی افتخار شلوانی نے شہر بھر میں شادی ہالز رات 11 بجے بند کرنے کی حتمی وارننگ جاری کردی۔نجی ٹی وی چینل کے مطابق کمشنر کراچی افتخار شالوانی کی زیر صدارت اجلاس میں شادی کی تقریبات کے انعقاد کے لیے زیادہ سے زیادہ گیارہ بجے تک کا وقت مقرر کرنے کا فیصلہ کیا گیا۔اجلاس میں رات دیر تک شادی کی تقریبات کے انعقاد کی وجہ سے پیدا ہونے مسائل کا جائزہ لینے کے بعد فیصلہ کیا گیا کہ شادی کی تقریبات کے لیے زیادہ سے زیادہ 11 بجے تک اجازت ہوگی، مقررہ وقت کے بعد تقریبات پر پابندی عائد کی جائے گی۔اجلاس میں شادی کی تقریبات کی وجہ سے پیدا ہونے والے ٹریفک کے مسائل کا بھی جائزہ لیا گیا۔ فیصلہ ہوا کہ جن مقامات پر شادی تقریبات کی وجہ سے ٹریفک دبا میں اضافہ ہوگا اور ٹریفک کی دشواری پیدا ہو گی اس جگہ ٹریفک کی روانی کے لیے خصوصی اقداما ت کیئے جائیں گے۔اجلاس میں کمشنر کراچی نے شادی ہالز مالکان کو شادی کی تقریبا ت 11 بجے شب بہرصورت ختم کرنے ہدایات پر سختی سے عمل درآمد کرنے کا حکم دیا، افتخار شلوانی شادی ہالز مالکان کو 2 ہفتے کا الٹی میٹم دیتے ہوئے آخری وارننگ دے دی۔کمشنر کراچی نے کہا کہ دو ہفتے کا وقت دیا جا رہا ہے کہ شادی ہال مالکان وقتِ مقرر کی پابندی کو ہر صورت یقینی بنائیں، رات 11 بجے کے بعد جس شادی ہال میں تقریب ہوگی اسے سیل کردیا جائے گا۔
The post شادی بیاہ پر دیر کرنے والے یہ خبر پڑھ لیں appeared first on Global Current News.
اسلام آباد(اپنے رپورٹر سے )سابق صدر آصف علی زرداری نے مولانا فضل الرحمن سے ان کی رہائشگاہ پر ملاقات کی ، گزشتہ روز ہونیوالی ملاقات میں ڈپٹی چیئرمین سینیٹ سلیم مانڈوی والا بھی موجود تھے۔ملاقات میں سیاسی صورتحال پر تبادلہ خیال کیا گیاجبکہ نیشنل ایکشن پلان سے متعلق حکومت کی جانب سے بلائے گئے پارلیمانی رہنماؤں کے اجلاس کے حوالے سے بھی مشاورت کی گئی ۔اس موقع پر فضل الرحمن کی جانب سے پیپلز پارٹی کے کارکنوں پر تشدد اور گرفتاریوں کی مذمت کی گئی ۔انہوں نے کہاحکومت نیشنل ایکشن پلان پر عملدرآمد میں سنجیدہ نہیں،حکمرانوں میں گلی اور محلہ چلانے کی اہلیت نہیں وہ ملک کیسے چلاسکتے ہیں؟۔دونوں رہنماؤں نے حکومت کی کارکردگی پر عدم اطمینان کا اظہار کیا ۔اس موقع پر آصف زرداری کا کہنا تھا حکومت عوام کو ریلیف دینے میں مکمل طور پر ناکام ہوگئی ،حکومت عوام کو ریلیف دینے کے بجائے اپوزیشن کیخلاف انتقامی کارروائیوں میں مصروف ہے۔ ملاقات میں مولانا فضل الرحمن نے نیشنل ایکشن پلان سے متعلق حکومتی اجلاس کے بائیکاٹ کے فیصلے سے بھی آصف زرداری کو آگاہ کیا۔
The post دو بڑوں کی بڑی ملاقات appeared first on Global Current News.
کراچی(جی سی این رپورٹ)پاکستانی قومی ایئر لائن (پی آئی اے) کے ایم بی اے ڈگری رکھنے والے ملازمین کو ترقی دینے کا فیصلہ کیا گیا ہے۔پاکستان قومی ایئر لائن (پی آئی اے) کے ماسٹر آف بزنس ایڈ منسٹریشن (ایم بی اے) ڈگری رکھنے والے ملازمین کے لیے خوشخبری یہ ہے کہ انہیں پی آئی اے ایڈمن آرڈر 2009 کے تحت اگلے گروپ میں ترقی دینے کے لیے فیصلہ کیا گیا ہے اور یہ ترقی ٹیسٹ اور انٹرویو پاس کرنے سے مشروط کی گئی ہے۔پی آئی اے ذرائع کے مطابق ایم بی اے ڈگری ہولڈر ملازمین متعلقہ اسٹیشن مینیجرز اور مینیجرز کو اپنا ڈیٹا فراہم کریں گے جس کے بعد ملازمین کو اگلے گروپ میں ترقیاں دینے کے لیے ٹیسٹ دینا ہوگا جب کہ ایم بی اے ڈگری ہولڈر ملازمین کا ٹیسٹ آئی بی اے سے کرایا جائے گا۔پی آئی اے ذرائع کا یہ بھی کہنا ہے کہ ٹیسٹ پاس کرنے والے ملازمین کا اگلے گروپ میں ترقی کے لیے پی آئی اے بورڈ انٹرویو لے گا، انٹرویو پاس کرنے والے ملازمین کو اگلے گروپ میں ترقی دی جائے گی جب کہ اسٹیشن منیجرز متعلقہ ایچ آر یونٹس کو کل تک ایم بی اے کی ڈگری والے ملازمین کا ڈیٹا فراہم کرنے کے احکامات بھی جاری کر دیئے گئے ہیں۔
The post پی آئی اے میں ایم بی اے ڈگری والوں کیلئے بڑی خوشخبری appeared first on Global Current News.
کراچی(جی سی این رپورٹ) بلدیہ ٹاؤن سعید آباد میں شیر خوار بچے کے اغوا کی انوکھی واردات میں موٹر سائیکل سوار ملزمان بھیک مانگنے والی خاتون سے اس کا لخت جگر چھین کر فرار ہوگئے۔نجی ٹی وی چینل کے مطابق سعید آباد کے علاقے بلدیہ ٹاؤن ٹیپو سلطان روڈ حیات بیٹری کی دکان کے قریب کمسن لڑکے کے اغوا کی انوکھی واردات میں موٹر سائیکل سوار ملزمان بھیک مانگنے والی خاتون سے اس کا کمسن بیٹا اغوا کر کے فرار ہوگئے۔اس حوالے سے پولیس کا کہنا ہے کہ امبرین زوجہ اویس رضا نے مدینہ کالونی پولیس کو بیان دیا ہے کہ وہ نواب کالونی اتحاد کالونی مکان نمبر 102 میں اپنی والدہ کے ہمراہ کرائے پر رہائش پذیر ہے، میرے شوہر ایکسیڈنٹ کی وجہ سے کام نہیں کرتا اور میں بھیک مانگ کر اپنے بچوں کا پیٹ پالتی ہوں۔خاتون نے بتایا کہ 19 مارچ کو وہ رات نو سوا نو بجے کے قریب فٹ پاتھ پر بیٹھ کر بھیک مانگ رہی تھی کہ اس دوران موٹر سائیکل پر سوار 2 نوجوان جینز کی پینٹ اور ٹی شرٹ پہنے ہوئے تھے اور ایک نے ہیلمٹ بھی لگایا ہوا تھا۔ ایک نوجوان جو کہ سفید رنگ کی ٹی شرٹ پہنے ہوئے تھا اس نے میرے پاس آکر مجھے سو روپے دیئے اور کہاکہ 20 روپے کاٹ کر بقایا رقم واپس کرو، پھر کہا 50 روپے واپس کرو۔
خاتون کے مطابق نوجوان نے گود میں موجود میرے 9 ماہ کے بیٹے عمر رضا کو پیار کرنے کے بہانے اپنی گود میں لیا اور پیار کرتے ہوئے اچانک موٹر سائیکل کی جانب بھاگا اور اپنی ساتھی کے ہمراہ بیٹھ کر فرار ہوگیا جبکہ میں بھی اس کے پیچھے بھاگی اور اسے پکڑنے کی کوشش میں گرگئی۔بعدازاں مدد گار 15 پولیس کو واقعے سے آگاہ کیا جس کے بعد پولیس بھی موقع پر پہنچ گئی جبکہ بیٹے کو تلاش کیا اور ناکامی پر تھانے میں آئی جس پر مدینہ کالونی پولیس نے امبرین کے بیان پر اس کی مدعیت میں مقدمہ نمبر 98/19 بجرم دفعہ 363/34 کے تحت 2 نامعلوم موٹر سائیکل سوار ملزمان کے خلاف درج کرلیا گیا۔مدعیہ امبرین کے شوہر اویس رضا نے رابطہ کرنے پر بتایا کہ وہ 6 بچوں کا باپ ہے جبکہ اغوا کیے جانے والا عمر رضا سب سے چھوٹا تھا اور جس وقت اغوا کی واردات ہوئی ایک اور بیٹا بھی اپنی والدہ کے ہمراہ موجود تھا۔پولیس کا کہنا ہے کہ جس مقام پر اغوا کی واردات ہوئی ہے وہاں پر لگے ہوئے کلوز سرکٹ کیمرے کی فوٹیج پولیس نے حاصل کرلی ہے اور اس کی مدد سے ملزمان کا سراغ لگانے کی کوششیں کی جا رہی ہیں جبکہ پولیس اپنے ذرائع بھی استعمال کرتے ہوئے مغوی بچے کو بازیاب کرانے کی کوششوں میں مصروف ہے۔
The post اغوا کی انوکھی واردات،ویڈیو رپورٹ دیکھیں appeared first on Global Current News.
کراچی(جی سی این رپورٹ) اینٹی نارکوٹکس فورس نے 9 کروڑ روپے مالیت کی ہیروئن قبضے میں لے کر منشیات کے دو اسمگلرز گرفتار کرلیے۔ترجمان اینٹی نارکوٹکس فورس (اے این ایف) کے مطابق اہلکاروں نے خفیہ اطلاع پر سپرہائی وے کے قریب بس ٹرمینل پر کارروائی کے دوران پرائیویٹ کار سے 3کلوگرام ہیروئن برآمد کرلی جوکہ ممکنہ طور پر مسافر بس کے ذریعے اسمگل کی جانی تھی جب کہ کارروائی کے دوران دو ملزمان کو بھی گرفتار کیا گیا۔بعدازاں گرفتار ملزمان کی نشاندہی پر نیپا چورنگی پر واقع ایک فلیٹ میں دوسری کارروائی عمل میں لائی گئی جہاں سے مزید ڈیڑھ کلو ہیروئن برآمد ہوئی۔ترجمان اے این ایف کے مطابق پکڑی گئی منشیات کی مالیت عالمی مارکیٹ میں لگ بھگ 9 کروڑ روپے ہے، اسمگلرز کے خلاف مقدمات درج کرکے مزید ملزمان کی گرفتاری اور تفتیش کا آغاز کردیا گیا ہے۔
The post ہیروئن سمگلر گرفتار، جانتے ہیں ان کے قبضے سے کتنی مالیت کی منشیات ملیں؟ appeared first on Global Current News.
اسلام آباد(جی سی این رپورٹ) سپریم کورٹ نے بحریہ ٹان کی جانب سے کراچی کے منصوبے کے لیے 460 ارب روپے کی پیشکش قبول کرلی۔جسٹس شیخ عظمت سعید پر مشتمل تین رکنی بینچ نے بحریہ ٹان عملدرآمد کیس کی سماعت کے دوران بحریہ ٹان کراچی کی پیشکش قبول کرلی جس کے تحت بحریہ ٹان انتظامیہ کو 7 سال میں 460 ارب روپے کی ادائیگی کرنا ہوگی۔سپریم کورٹ نے کہا کہ بحریہ ٹان 27 اگست تک 25 ارب کی ڈان پیمنٹ کرے گا اور پہلے چار سال میں ڈھائی ارب روپے ماہانہ اور باقی رقم تین سال میں ادا کی جائے گی۔سپریم کورٹ کے مطابق بحریہ ٹان اقساط کی پہلی ادائیگی یکم ستمبر سے کرے گا اور ڈھائی ارب روپے کی پہلی قسط یکم اگست کو دے گا۔سپریم کورٹ نے قرار دیا کہ بحریہ ٹان اگر اقساط کی ادائیگی میں تاخیر کرے گا تو اسے 4 فیصد سود ادا کرنا ہوگا، رقم عدالت میں جمع ہوگی پھر اس کو قانون کے مطابق جس کو دینی ہے دیں گے۔سپریم کورٹ نے کہا کہ رقم کی ادائیگی سے متعلق بحریہ ٹان کے ڈائریکٹر بیان حلفی عدالت میں جمع کرائیں۔سپریم کورٹ نے کیس کے متعلقہ لوگوں کیخلاف قومی احتساب بیورو (نیب) کو ریفرنس دائر کرنے سے بھی روک دیا اور کہا کہ اگر بحریہ ٹان والے ڈیفالٹر ہوئے تو ریفرنس دائر کیا جائے گا۔سپریم کورٹ نے پہلے سے تیار ریفرنس کو بھی دائر کرنے سے روک دیا اور کہا کہ کوئی بھی ریفرنس دائر کرنے سے پہلے عدالت کو الگ درخواست دی جائے گی۔
The post بحریہ ٹائون کو سپریم کورٹ سے اچھی خبر آخرکار مل گئی appeared first on Global Current News.
پشاور(جی سی این رپورٹ) انسداد دہشت گردی کی عدالت نے مشال خان قتل کیس کا فیصلہ سناتے ہوئے 2 ملزمان کو عمر قید کی سزا سنادی اور 2 کو بری کردیا۔ عبدالولی خان یونیورسٹی مردان میں قتل ہونے والے مشال خان کے کیس کا فیصلہ سنا دیا گیا، انسداد دہشت گردی کی عدالت نے 12 مارچ کو محفوظ کیا گیا فیصلہ سنایا جس میں 2 ملزمان کو عمر قید کی سزا سنائی گئی جب کہ 2 ملزمان کو بری کردیا گیا۔عدالت نے پی ٹی آئی کونسلر عارف اور اسد کو عمر قید کی سزا سنائی اور ملزم صابر مایار اور اظہار کو بری کردیا۔ اس سے قبل 4 سال قید کی سزا پانے والے ملزموں کو پشاور ہائی کورٹ نے ضمانت پر رہا کرنے کے احکامات جاری کیے تھے۔مشال خان قتل کیس میں مجموعی طور پر 61 ملزموں کو گرفتار کیا گیا تھا جن میں مرکزی ملزم عمران کو 2 بار سزائے موت، 5 ملزمان کو 25 سال قید جب کہ 25 ملزمان کو 4 سال قید کی سزا سنائی گئی تھی اور کیس میں 26 ملزموں کو رہا کرنے کے احکامات جاری کیے گئے تھے۔واضح رہے 13 اپریل 2017 کو عبد الولی خان یونیورسٹی مردان میں 23 سالہ طالب علم مشال خان کو مشتعل ہجوم نے توہین مذہب کا الزام لگا کر قتل کر دیا تھا۔ مشال کے والد محمد اقبال کی درخواست پر مقدمہ انسداد دہشت گردی کی خصوصی عدالت ایبٹ آباد منتقل کیا گیا تھا۔
The post مشال قتل کیس کا فیصلہ آگیا،کس کو کیا سزا ملی؟ appeared first on Global Current News.
پاکستان کے زیر انتظام کشمیر کی پولیس نے ایک اعلامیے میں 18 مفرور قیدیوں کی تلاش میں عوام سے مدد کی اپیل بھی کی ہے اور درست اطلاع دینے پر مجم...
جملہ حقوق ©
WAKEUPCALL WITH ZIAMUGHAL
Anag Amor Theme by FOCUS MEDIA | Bloggerized by ZIAMUGHAL