![](https://static01.nyt.com/images/2019/04/15/sports/15yanks-sox/merlin_145102944_0507d83e-12b9-487f-b7d7-3ff9febdba55-mediumThreeByTwo440.jpg)
By DAVID WALDSTEIN from NYT Sports https://nyti.ms/2Di2OD0
.FOCUS WORLD NEWS MEDIA GROUP EUROPE copy right(int/sec 23,2012), BTR-2018/VR.274058.IT-
پیرس(جی سی این رپورٹ)فرانس کے 850 سال پرانے تاریخی نوٹر ڈیم گرجا گھر میں آتشزدگی کے نتیجے میں اس کا ایک مینار مکمل طور پر جلنے کے بعد زمین بوس ہو گیا جبکہ باقی عمارت کو شدید نقصان پہنچا اور تباہ ہوکر رہ گئی۔ نیوز ایجنسی کے مطابق عبادت کیلئے آنیوالے بے بسی سے دریائے سین کے کنارے واقع تاریخی نوٹر ڈیم گرجا گھرکو جلتا دیکھتے رہے، واقعہ میں کسی جانی نقصان کی اطلاع نہیں ملی۔ ترجمان کے مطابق ایسٹر منانے کیلئے فرانسیسی کیتھولک افراد کی جانب سے لگائی گئی آگ گرجا گھر میں آتشزدگی کا باعث بنی، آگ نے گرجا گھر کی چھت پر لکڑی کے کام کو بری طرح لپیٹ میں لے لیا، جس سے ہر چیز جل گئی۔ صدر میکخواں نے واقعہ کے بعد ٹی وی پر اہم پالیسی خطاب منسوخ کر دیا اور فوری موقع پر پہنچے۔ اپنے ٹویٹ میں انہوں نے کہا کہ اپنے ہم وطنوں کی طرح اپنے وجود کے ایک حصے کے جل جانے کا انہیں بھی دکھ ہے۔ وہ تمام کیتھولک افراد اور فرانسیسی عوام سے اظہار یکجہتی کرتے ہیں۔ جرمن چانسلر انگیلا مرکل نے اپنے پیغام میں نوٹر ڈیم گرجا گھر کو یورپی کلچر کی علامت قرار دیتے ہوئے افسوس کا اظہار کیا۔صدر ٹرمپ نے اپنے ٹویٹ میں کہا کہ نوٹر ڈیم گرجا گھر میں بڑے پیمانے پر آتشزدگی کا منظر ہولناک تھا، اڑتے ہوئے واٹر ٹینکر ہی اس آگ کو بجھا سکتے تھے۔ میئر فرانس نے اپنے ٹویٹ میں کہا کہ فائر سروسز کے اہلکار شعلوں پر قابو پانے کی کوشش کر رہے ہیں۔ نوٹر ڈیم گرجا گھر کی تعمیر 12ویں صدی کے وسط میں مکمل ہوئی تھی، اس کی تعمیر کا کام 2صدیوں تک جاری رہا تھا۔18ویں صدی کے انقلاب فرانس کے دوران کیتھولک مخالف تشدد کے واقعات میں بلوائیوں نے اس گرجا گھر کوبھی نقصان پہنچایا،اس کی قیمتی اشیا لوٹ لیں، داخلی دروازوں کے بڑے مجسمے توڑ دیئے تھے۔
The post پیرس کے 850 سالہ تاریخی چرچ میں آگ کیسے لگی؟ appeared first on Global Current News.
اسلام آباد(جی سی این رپورٹ)ملک بھر میں آندھی ، طوفان ،بارش سے تباہی آگئی جس کے نتیجے میں 25 افرادجاں بحق جبکہ179سے زائد زخمی ہو گئے،لاہور میں300 سے زائد فیڈرز ٹرپ کر گئے جس کی وجہ سے بجلی غا ئب رہی۔چھوٹے طیاروں کو لاہور ایئر پورٹ پر لینڈنگ سے روک دیا گیا،موٹرو ے پولیس نے طوفانی بارش کی وجہ سے شہریوں کو سفر نہ کرنے کی ہدایت کر دی، مٹی کے طوفان کے باعث اندرون سندھ چھتیں اڑ گئیں ،کیٹی بندر میں لانچ ڈو ب گئی ، کشتیوں کو حا دثات کے باعث ما ہی گیر لا پتہ ہو گئے ،جنو بی اور وسطی پنجاب میں فصلیں تباہ ہو گئیں ، بلوچستان کے ندی نالوں میں طغیانی آئی ، چترال میں لینڈ سلا ئیڈنگ ہو ئی۔ لاہور کے علاقے شادباغ میں عامر روڈ پر شادی کی تقریب کے دوران شادی ہال کی دیوار آندھی کے باعث گر گئی جس کے باعث 8 سالہ تانیہ جاں بحق اور40افراد زخمی ہوگئے جن میں 7 کی حالت تشویشناک بتائی جا رہی ہے۔ زخمیوں میں نجمہ،رسول بی بی، نازیہ، فضہ بی بی، سمیرا، فرزانہ،7 سالہ خرم، 5سالہ اظہر،10 سالہ شجاعت، صوفیہ،شفا بی بی ،فیاض بی بی،شجاعت ودیگر شامل ہیں۔دیوار گرنے سے لوگ ایک دوسرے سے ٹکرا کر بھی زخمی ہوئے۔ منصورہ کے علاقے میں گھر کی چھت گر نے سے 6افراد زخمی ہو گئے ۔ زخمی ہونے والوں میں 14 سالہ آصف ، 21سالہ فرحت، 16سالہ عزیز ، 25سالہ عاشق 30سالہ ریاض اور 16سالہ اسلم شامل ہیں ۔ کاہنہ میں چھت گرنے سے تین افراد زخمی ہو گئے جن میں 8سالہ مقدس ، 30سالہ رفیع اور 16سالہ سوہل شامل ہیں ۔ فیکٹری ایریا غازی روڈ میں گل نواز کے گھر کی چھت زور دار دھماکے سے گر گئی جس کے نتیجے میں 2 بہنیں عائشہ اور ثمرین ملبے تلے دب گئیں، ثمرین کی حالت نازک بتائی جاتی ہے ۔تمام زخمیوں کوہسپتال منتقل کر دیا گیا۔آندھی کےباعث درخت جڑوں سے اکھڑ کر نہر میں جاگرے۔دریں اثنا شہر میں آندھی سے بجلی کا نظام بھی بری طرح متاثر ہوا۔لیسکو کے 300 سےزائدفیڈرز ٹرپ کر گئے ۔ترجمان لیسکو کے مطابق ٹرپنگ کےباعث بجلی کی ترسیل میں عارضی تعطل پیش آیا۔علاوہ ازیں بارش اور آندھی کے باعث چھوٹے طیاروں کو علامہ اقبال ایئر پورٹ پر لینڈنگ سے روک دیا گیا ۔محکمہ موسمیات نے بارشوں کا سلسلہ 2 روزتک جاری رہنے کی پیشگوئی کی ہے۔ڈی سی صالحہ سعید نے شہر میں آندھی اور بارش کے باعث شہریوں کو محتاط رہنے کی ہدایت کی۔خانیوال میں مختلف علاقوں میں گھروں کی چھتیں گر گئیں جس کے باعث 4 افراد جاں بحق اور 13 افراد زخمی ہوگئے۔حاصل پور میں بارش سے فیکٹری کی دیوار گر گئی،ملبے تلے دب کر 3 مزدور جان کی بازی ہار گئے۔گوجرہ میں آ ندھی کے باعث دیوار جھگیو ں پر آ گری جس کے نتیجے میں ایک شخص جا ں بحق اورخواتین بچو ں سمیت 6 افراد شدید زخمی ہو گئے ،راولپنڈی،بہاولپورمیں دیواریں گرنے سے 6افراد جان سے گئے ۔چترال میں لینڈ سلائیڈنگ کے باعث مکان پر پہاڑی تودہ گر گیا جس کے نتیجے میں خاتون سمیت 3 افراد جاں بحق ہو گئے ۔ ریسکیو 1122 کے مطابق مرنے والوں میں وسیم خان ، تنویر خان اور 65 سالہ سکینہ شامل ہیں۔ملتان کے کئی علاقوں میں بارش کے باعث گھروں کی چھتیں اور دیواریں گرنے سے 8 افراد بھی زخمی ہو گئے جنہیں نشتر ہسپتال منتقل کر دیا گیا ،شدید آندھی اور بارش کے باعث میپکو ریجن میں 115 فیڈرز ٹرپ کر گئے ۔پیرمحل میں مکان کی چھت گرنے سے گھر کا تمام سامان تباہ ہوگیا ، اہل خانہ خوش قسمتی سے محفوظ رہے، طوفان بادوباراں کے باعث لوگ استغفار کرتے رہے،بچیانہ میں تیز آندھی کے باعث کھیتوں میں کٹائی کیلئے تیار کھڑی گندم کی فصل کو بھی شدید نقصان پہنچا ،فیسکو ریجن کے مختلف اضلاع میں شدید طوفان سے ریجن بھر کے 110 فیڈرز سے بجلی کی فراہمی معطل ہو گئی۔فیصل آباد میں شام کے وقت 55 کلومیٹر فی گھنٹہ کی رفتار سے تیز آندھی نے کئی درخت اکھاڑ دئیے جبکہ عمارتوں کے شیشے ٹوٹ گئے۔ کراچی پیپلز چورنگی کے قریب درخت گرنے سے نوجوان، کورنگی میں دیوار اور حاجی مرید گوٹھ میں چھت گرنے سے2 بچیاں چل بسیں۔نارتھ ناظم آباد میں عبداللہ کالج کے قریب بجلی کا تار چلتی گاڑی پر گرا جس سے فوری آگ بھڑک اٹھی اور کارمیں سوار ایک ہی خاندان کے 12 افراد جھلس کر زخمی ہوگئے۔ لیاری غریب شاہ روڈ پر مدرسے کی چھت گرنے سے 6 بچے زخمی ہوگئے۔ تیز طوفانی ہواؤں کے باعث مین شارع فیصل سمیت شہر کے مختلف مقامات پر نصب سائن بورڈز گاڑیوں پر گرنے سے کئی گاڑیاں تباہ ہوگئیں، مٹی کے طوفان و تیز ہواؤں کے باعث متعدد ٹریفک حادثات بھی پیش آئے جس کے نتیجے میں کئی گاڑیاں آپس میں ٹکرا کر الٹ گئیں۔ ادھر اتوار اور پیر کی درمیانی شب گاڑو کے قریب ڈبہ اور چھان کے مقام پرلنگر اندازکشتی ڈوب گئی،کشتی میں سوار 11ماہی گیر لاپتہ ہیں۔ دوسراحادثہ کورنگی کے قریب واقع سمندری علاقے میں پیش آیاجہاں طوفانی ہواؤں نے ایک چھوٹی کشتی کو الٹ دیا جس میں 4ماہی گیر سوار تھے،تین ماہی گیروں محمد صدیق، بابل اور محمد عالم کو بچا لیا گیا جبکہ نورالاسلام تاحال لاپتہ ہے۔چیئرمین ایف سی ایس عبدالبر نے مزید کہاکہ سمندر میں موجود 273چھوٹی بڑی کشتیوں کو واپس بلا لیا گیا ہے ۔ٹھٹھہ ، گردونواح اورساحلی پٹی پر شدیدآندھی سے لوگوں میں خوف وہراس پھیل گیا،کچے مکانات کی چھتیں اڑ گئیں ،کئی درخت اوربجلی کے کھمبے گر گئے ،جب کہ 2کشتیوں میں سوار21ماہی گیرلاپتہ ہوگئے جس کی اطلاع انتظامیہ کو کردی گئی ۔ بلوچستان کے علاقے وندر میں مٹی کے طوفان کے باعث حد نگاہ کم ہونے سے کراچی سے کوئٹہ جانے اورکوئٹہ سے کراچی آنے والی مسافر کوچیں آپس میں ٹکراگئیں جس کے نتیجے میں تین افرادجاں بحق اور15سے زائد زخمی ہوگئے ۔راجن پور میں کوہ سلیمان کے پہاڑی سلسلے میں تیز بارش کے بعد برساتی نالوں میں طغیانی آ گئی۔ صادق آباد اور گردونواح میں بارش کے ساتھ ژالہ باری ہوئی جس کے بعد بجلی کی فراہمی معطل ہو گئی۔پختونخوا کے ضلع ٹانک میں مختلف مقامات پر تیز ہوا کے ساتھ بارش ہوئی ۔دیر بالا میں شرینگل موڑ کے مقام پر لینڈ سلائیڈنگ کے بعد دیر کوہستان روڈ کو ٹریفک کے لیے بند کر دیا گیا۔محکمہ موسمیات کے مطابق لاہو رمیں بھی وقفے وقفے سے بارش کا سلسلہ آئندہ 24سے 36 گھنٹوں تک جاری رہے گا۔ موسلا دھار بارش کی وجہ سے آج مکران، کوئٹہ، ژوب، ڈیرہ غازی خان ڈویژن میں مقامی ندی نالوں میں طغیانی کا خدشہ ہے۔ راولپنڈی ڈویژن، اسلام آباد اور کشمیرمیں آج بھی بارش کا امکان ہے۔
The post ملک بھر میں آندھی طوفان نے تباہی مچا دی،جانتے ہیں کتنے جان سے گئے؟ appeared first on Global Current News.
نئی دہلی (جی سی این رپورٹ)بھارتی الیکشن کمیشن نے بھارتی جنتہ پارٹی (بی جے پی) کے اترپرادیش کے وزیر اعلیٰ یوگی ادیتیہ ناتھ کی جانب سے انتخابات کے دوران مسلمانوں کے خلاف بیان دینے پر تین روز کے لیے مہم چلانے پر پابندی عائد کردی۔الیکشن کمشن کا کہنا تھا کہ بھارتی وزیراعظم نریندر مودی کی حکمراں جماعت بی جے پی کے رکن یوگی ادیتیہ ناتھ کو مہم کے دوران ان کی تقاریر کے حوالے سے تنبیہ کی گئی تھی۔اپنے بیان میں الیکشن کمیشن نے کہا ہے کہ اترپرادیش کے وزیراعلیٰ نے گزشتہ ہفتے اپنی تقریر میں مسلمان ووٹرز کو ‘گرین وائرس’ سے مخاطب کرتے ہوئے کہا تھا کہ وہ اپوزیشن جماعتوں کے پیارے ہیں۔خیال رہے کہ قوم پرست جماعت بی جے پی رواں انتخابی مہم میں قومی پرستی کا پرچار بڑھ چڑھ کررہی ہے اور اپنے مخالفین کو دہشت گردوں کے لیے نرم گوشہ رکھنے والوں کے طور پر پیش کررہی ہے اور ساتھ ہی مسلمانوں کو بھی مطمئن کرنے کی کوشش کررہی ہے جو ایک ارب 30 کروڑ بھارتی آبادی کا 14 فیصد ہیں۔بی جے پی کے ترجمان کا کہنا تھا کہ پارٹی تمام برادریوں کے ساتھ ہے اور ‘پارٹی کا ماننا ہے کہ ترقی سب کے لیے اور ہم کسی قسم تقسیم پر یقین نہیں رکھتے ہیں’۔بھارتی الیکشن کمیشن نے دلت رہنما پر بھی پابندی عائد کرتے ہوئے کہا ہے کہ انہوں نے قواعد و ضوابط کی خلاف ورزی کی اور مسلمانوں سے مکمل طور پر اپوزیشن کو ووٹ دینے کے لیے کہا۔دلت رہنما میاواتی پر دو روز کی پابندی لگائی گئی ہے اور اب وہ دو روز تک انتخابی مہم نہیں چلاسکیں گی۔میاواتی کی بہوجن پارٹی (بی ایس پی) کے ترجمان کی جانب سے اس حوالے سے کوئی بیان سامنے نہیں آیا۔خیال رہے کہ بھارتی الیکشن کمیشن نے سماج وادی پارٹی کے رہنما اعظم خان پر پابندی عائد کردی تھی جو بی ایس پی کی اتحادی جماعت ہے اس کے علاوہ وزیر مانیکا گاندھی پر بھی کمیشن کے قواعد کی خلاف وزری کے جرم پر مہم چلانے پر پابندی عائد کی تھی۔اعظم خان اور مانیکا گاندھی پر مہم چلانے میں تین روز کی پابندی ہوگی۔بھارت میں عام انتخابات کے پہلے مرحلے کا آغاز گزشتہ ہفتے ہوا تھا اور یہ سلسلہ 19 مئی تک جاری رہے گا۔لوک سبھا کے انتخابات کے پہلے مرحلے میں 11 اپریل کو بھارت کی 20 ریاستوں اور وفاقی حکومت کے زیر انتظام حلقوں کی 91 نشستوں پر ووٹنگ ہوئی تھی۔دوسرے مرحلے میں 18 اپریل کو 13 ریاستوں اور وفاقی زیر انتظام کے حلقوں پر انتخابات ہوں گے اور 97 ارکان کا چناؤ ہوگا۔جن علاقوں میں ابھی انتخابات کے لیے ووٹنگ نہیں ہوئی وہاں انتخابی مہم بھی جاری ہے اور اسی سلسلے میں بھارتی سیاستدان ایک دوسرے کے خلاف قابل اعتراض بیانات بھی دے رہے ہیں۔
The post انتہاپسند وزیراعلیٰ ادیتیہ ناتھ یوگی کو مسلمانوں کیخلاف بولنا مہنگا پڑ گیا appeared first on Global Current News.
لاہور(جی سی این رپورٹ)ورلڈ کپ سے قبل قومی کرکٹ ٹیم کا فٹنس ٹیسٹ مکمل ہوگیا جہاں کپتان سرفرازاحمد اور محمد رضوان سمیت سنیئر کھلاڑیوں نے ٹیسٹ پاس کرلیا۔لاہور میں قومی سلیکشن کمیٹی، ہیڈکوچ مکی آرتھر اور میڈیکل پینل کی نگرانی میں کرکٹ ورلڈکپ اسکواڈ کے انتخاب کے لیے کھلاڑیوں کے فٹنس ٹیسٹ لیا گیا۔ رپورٹ کے مطابق محمد رضوان کو سپر فٹ قرار دیا گیا جنہوں نے 20 پوائنٹس حاصل کیے اور شان مسعود دوسرے نمبر پر رہے۔کپتان سرفراز احمد، محمد حفیظ ، حسن علی، عابد علی اور دیگر کھلاڑیوں نے فٹنس ٹیسٹ پاس کر لیا۔ڈان نیوز کے مطابق تجربہ کار آل راونڈر عماد وسیم، یاسرشاہ اور نوجوان باولر محمد حسنین کو ٹیسٹ میں مشکلات کاسامنا کرنا پڑا۔رپورٹ کے مطابق ورلڈ کپ کے لیے اسکواڈ کے انتخاب کے لیے ایک دن میں مجموعی طور پر 22 کھلاڑیوں نے فٹنس ٹیسٹ دیے جس میں یو یو، دو کلو میٹر دوڑ اور کھلاڑیوں کی بلڈ اسکینگ بھی کی گئی۔کپتان سرفرازاحمد نے 17 اعشاریہ چار پوائنٹس کے ساتھ یو یو ٹیسٹ میں کامیابی حاصل کی اور عابد علی نے بھی فٹنس ٹیسٹ پاس کرلیا۔اسی طرح یویو ٹیسٹ پاس کرنے والے دیگر کھلاڑیوں میں سابق کپتان محمدحفیظ بھی شامل تھے۔خیال رہے کہ ورلڈکپ کے لیے پاکستانی اسکواڈ کا اعلان 18 اپریل کو ہوگا تاہم تجربہ کار فاسٹ باولر وہاب ریاض کو ممکنہ کھلاڑیوں میں شامل نہیں کیا گیا ہے۔وہاب ریاض نے ایک انٹرویو میں ورلڈ کپ کے ممکنہ کھلاڑیوں میں نام نہ آنے پر مایوسی کا اظہار کرتے ہوئے کہا تھا کہ معلوم نہیں کن وجوہات پر مجھے نظر انداز کیا گیا۔وہاب ریاض نے اپنا آخری ون ڈے انٹرنیشنل میچ 2سال قبل چیمپیئنز ٹرافی میں کھیلا تھا جبکہ آخری ٹیسٹ میچ بھی گزشتہ سال اکتوبر میں آسٹریلیا کے خلاف کھیلا تھا۔حال ہی میں ختم ہونے والے پاکستان کپ میں بھی فاسٹ باؤلر نے شاندار کھیل پیش کیا اور بیٹنگ کے لیے سازگار وکٹوں پر عماد بٹ کے ہمراہ 10وکٹوں کے ساتھ سب سے کامیاب باؤلر رہے۔
The post قومی کرکٹرز کے فٹنس ٹیسٹ مکمل،کون سپر فٹ قرار پایا؟ appeared first on Global Current News.
اسلام آباد (جی سی این رپورٹ)تھا نہ کھنہ کے علاقہ میں ڈکیتی کی واردا ت میں پولیس اہلکار کو گرفتار کر لیا گیا،پولیس اہلکار نے اپنے ایک ساتھی کے ساتھ شہری سے گن پوائنٹ پر گاڑی چھینی تھی، جس کانامعلوم ملزمان کے خلاف تھانہ کھنہ میں مقدمہ درج تھا ۔ پولیس نے گاڑی کی تلاش کرتے ہوئے ملزمان کا سراغ لگایا تو واردات میں ملوث ایک ملزم طارق وفاقی پولیس کا ملازم نکلا جو پولیس لائن میں تعینات تھا۔ پولیس نے طارق سمیت 2 ملزمان کو گرفتار کر کے گاڑی برآمد کر لی ۔ مزید تفتیش جاری ہے ۔
The post گن پوائنٹ پر گاڑی چھیننے کی واردات میں جانتے ہیں کون ملوث نکلا؟ appeared first on Global Current News.
بھارہ کہو،اسلام آباد(جی سی این رپورٹ)بھارہ کہومیں 20سالہ اوباش نے محنت کش کی 2سالہ بچی(ص)کوزیادتی کانشانہ بناڈالا،پولیس نے ملزم کوگرفتارکرلیا،اہل علاقہ نے ملزم کوسرعام پھانسی دینے کامطالبہ کردیا،محلہ قائم دین کے رہائشی لیاقت علی نے میڈیاکوبتایا کہ اسکی دو سالہ بیٹی دن گیارہ بجے گھر سے باہر نکلی لیکن کافی دیرتک واپس گھر نہ آئی ،توبچی کی والدہ تلاش کرنے کیلئےپڑوس میں نئے کرایہ داروں کےگھر میں گئی جہاں سے بچی روتی ہو ئی گھر سے باہر نکلی اوراسکی حالت خراب تھی بچی کی والدہ کودیکھ کرملزم واش روم میں گھس گیا جس پربچی کی والدہ نے اپنے شوہر کو بلا لیا اور محلہ داربھی آگئے ،جنہوں نے پولیس کو اطلاع دی،جس پرپولیس نے برقت کارروائی کرکے ملزم محمد گل کو گرفتار کر لیا،پولیس نے بچی کے والدلیاقت علی کی درخواست پر مقدمہ درج کرلیا ہے، ذرائع کے مطابق ملزم سوات کارہنے والاہے،ایس ایچ او تھانہ بھارہ کہو کا کہنا ہے کہ میڈیکل کروایا ہے رپورٹ کاانتظارہے۔
The post ایک اور شرمناک واقعہ appeared first on Global Current News.
فلوریڈا (جی سی این رپورٹ)آپ نے شیر، چیتے اور ریچھ کے ہاتھوں اپنے مالک کے قتل کی خبریں تو بہت سنی ہوں گی لیکن ایسا شاید ہی کبھی سنا ہو کہ ایک پرندے نے اپنے ہی مالک کو مار ڈالا۔جی ہاں یہ خبر ہے فلوریڈا کی جہاں ایک فارم ہاؤس میں پرندے نے مالک کو ہی قتل کر ڈالا۔کیسو وری کا شمار دنیا کے خطرناک ترین پرندوں میں ہوتا ہے اور چڑیا گھر کے ملازمین کو بھی اس پرندے سے احتیاط کرنے کی ہدایات ہوتی ہیں۔کیسوری دیکھنے میں شتر مرغ کی طرح لگتا ہے اور اس کا قد بھی تقریباً 4 سے 5 فٹ کے درمیان ہوتا ہے، یہ عموماً اپنے بچاؤ میں حملہ کرتا ہے اور حملے کے لیے اپنی ٹانگوں اور چونچ کا استعمال کرتا ہے۔چند روز قبل فلوریڈا میں کیسوری پرندے نے فارم ہاؤس کے مالک کو ہی جان سے مار ڈالا۔حکام کے مطابق فارم ہاؤس کے مالک نے کیسو وری کو دیگر پرندوں کے ساتھ پال کر بڑا کیا تھا۔فلوریڈا پولیس حکام کے مطابق مارون ہاجوس پر کیسووری نے فارم ہاؤس میں حملہ کیا جس سے اسے شدید نوعیت کی چوٹیں آئیں۔حکام کے مطابق ایمرجنسی ٹیم کو فوری طور پر طلب کیا گیا اور فارم ہاؤس کے مالک کو اسپتال منتقل کیا گیا لیکن وہ جانبر نہ ہو سکا۔
The post اس خوفناک پرندے کے بارے میں جانتےہیں؟ appeared first on Global Current News.
‘اوسلو(جی سی این رپورٹ)جب ہم یہاں آئے تو کشتی کا انجن بند کرتے ہوئے ہم نے سوچا کہ ہاں بس یہی وہ جگہ ہے ، ہمارے خوابوں کی تعبیر۔۔۔’، یہ کہنا ہے ناروے کے دور دراز کے جزیرے کے واحد رہائشی رور موئے کا۔رور موئے 20 سال قبل فیروئے نامی جزیرے پر آکر رہائش پذیر ہوئے تھے۔ فیروئے ناروے کے دور دراز کے جزیروں پر مشتمل علاقے سلاونڈ میں سے ایک جزیرہ ہے۔ناروے کے ان جزیروں پر آٹھویں صدی عیسوی کے زمانے میں جو لوگ آباد تھے انہیں تاریخ میں وائی کنگز کے نام سے جانا جاتا ہے، یہ لوگ ایسے مہم جو، جنگجو، تاجر اور قزاق تھے جنہوں نے آٹھویں صدی کے اواخر سے گیارہویں صدی کے اوائل تک یورپ کے وسیع علاقے پر یورش کی اور انہیں اپنی نو آبادی بنایا۔ان باشندوں نے اپنی مشہور لمبی کشتیوں سے مشرق میں قسطنطنیہ اور روس میں دریائے وولگا اور مغرب میں آئس لینڈ، گرین لینڈ اور نیوفاؤنڈلینڈ تک طویل سفر کیے۔رور موئے کے مطابق ان کے آنے سے قبل یہ ایک ویران جزیرہ تھا۔ یہاں وہ اپنے طالب علموں کےلیے گرمیوں کی چھٹیوں میں کیمپ لگایا کرتے تھے۔موئے کا کہنا ہے کہ جب وہ اس جزیرے پر آئے تو یہاں صرف ایک ٹوٹا پھوٹا گھر تھا۔ جس کی مرمت انھوں نے خود کی اور اب ان کے گھر کو ملا کر یہاں کُل سات عمارتیں ہیں۔اس جزیرے پر رہنے کی وجہ بیان کرتے ہوئے رور کہتے ہیں کہ وہ آٹھویں صدی اور اس کے بعد یہاں مقیم وائی کنگز کی قدیم روایات کو محفوظ کرکے اگلی نسل تک پہنچانا چاہتے ہیں۔یہاں موئے لوگوں کو اسکوائر سیلنگ کرنا سکھاتے ہیں۔ یہ قدیم زمانے کی کشتی رانی ہے۔ اکیلا رہنے کی وجہ سے موئے کو تمام کام خود کرنے پڑتے ہیں۔ایک بوٹ شٹل یہاں دن میں دو بار آتی ہے جس کے ذریعے ضروری اشیاء ، ڈاک ، سیاح اور آس پڑوس کے جزیروں پر رہنے والے لوگ موئے تک پہنچتے ہیں۔ موئے کا کہنا ہے کہ وہ اکیلے ضرور ہیں لیکن وہ خود کو تنہا نہیں سمجھتے۔
The post جانیئے ایسے جزیرے کے بارے میں جس کی آبادی صرف ایک فرد پر مشتمل appeared first on Global Current News.
پشاور(جی سی این رپورٹ)سورہ پل کے قریب لیڈی ہیلتھ ورکرز کے دھرنے کے باعث ٹریفک معطل ہوگئی۔پشاور میں لیڈی ہیلتھ ورکرز نے اپنے مطالبات کے حق میں احتجاج کیا، کئی ہیلتھ ورکرز کے ہمراہ ان کے بچے بھی تھے، دھرنے کے باعث ٹریفک کا نظام درہم برہم ہوگیا۔ راستہ بند ہونے پر شہریوں نے بھی اہلکاروں کے خلاف شدید نعرے بازی شروع کردی۔احتجاج کرنے والی لیڈی ہیلتھ ورکرز کا کہنا تھا کہ وہ مطالبات منظور کئے جانے تک احتجاج ختم نہیں کریں گی، ان کا کہنا تھا کہ وہ 5 سال سے کنٹریکٹ پر ہیں لیکن مستقل نہیں کیا جارہا، پشاور انہیں 5 مہینوں کے بعد ایک تنخواہ دی جارہی ہے جب کہ جنوری 2019 سے نئی بھرتی کی جانے والی لیڈی ہیلتھ ورکرز کو تو تنخواہیں بھی نہیں دی جارہیں، جس سے گھر کے چولہے جلنا مشکل ہوگئے ہیں۔مظاہرین کا کہنا تھا کہ انسداد پولیو مہم کے دوران ان سے 3 دن کی بجائے 15 روز ڈیوٹی لی جارہی ہے جب کہ الاؤنس صرف 3 روز کا دیا جاتا ہے، اس کے علاوہ ہیلتھ پروفیشنل الاؤنس اور رسک الاؤنس بھی نہیں دیا جارہا، اس کے علاوہ پے اسکیل بھی 5 سے بڑھا کر 7 کیا جائے۔
The post لیڈی ہیلتھ ورکزز کا دھرنا،ان کے مطالبات کیا ہیں؟ appeared first on Global Current News.
کراچی(جی سی این رپورٹ) شارع فیصل پولیس نے طبی عملے کی غفلت سے بچی کی حالت غیر ہونے کا مقدمہ اسپتال انتظامیہ کے خلاف درج کر لیا۔اسپتال انتظامیہ نے اپنی غفلت مانتے ہوئے بچی کے علاج پر ہونے والا پورا خرچہ ادا کرنے کی پیشکش کی ہے۔ گلستان جوہرمیں دارالصحت اسپتال میں زیر علاج 9 ماہ کی نشوا اسپتال انتظامیہ کی غفلت کے باعث ذہنی طور پر مفلوج ہونے کے بعد زندگی اور موت کی کشمکش میں مبتلا ہوگئی۔بچی کے والد قیصر نے شارع فیصل تھانے میں اسپتال انتظامیہ کے خلاف مقدمہ درج کرلیا جس میں اقدام قتل اور اعضا کو نقصان پہنچانے کی دفعات شامل کی گئی ہیں۔بچی کے والد کا کہنا ہے انصاف کے حصول کے لیے ہرفورم پرجائیں گے تاکہ ایسا کسی اور کے ساتھ نہ ہو پائے، اسپتال انتظامیہ نے تسلیم کیا ہے کہ بچی کو غلطی سے انجکشن کی زیادہ ڈوز دی گئی ہے جس پر انہوں نے بچی کے علاج کے خرچ کی پیشکش کرتے ہوئے ذمہ دار افراد کو ملازمت سے برطرف کر دیا ہے۔دارالصحت اسپتال کی انتظامیہ کی غفلت سے متاثرہ نشوا کو انجیکشن کی زائد مقدار لگا دی گئی جس کے باعث اس کی حالت غیر ہوئی جبکہ پولیس بھی اسپتال انتظامیہ کے خلاف فوری کارروائی کرنے سے گریز کر رہی ہے۔پولیس کا کہنا ہے کہ اب تفتیشی افسران ہی تحقیقات کے بعد ذمے داران کو گرفتار کریں گے۔
The post ہسپتال انتظامیہ نے غلطی مان لی،بڑی پیشکش کر ڈالی appeared first on Global Current News.
حکومتی وزرا نے اس بجٹ کا دفاع کرتے ہوئے کہا کہ آئی ایم ایف کے ساتھ نئے قرض پروگرام کے حصول کے لیے اضافی ٹیکس عائد کرنا آئی ایم ایف کی شرائط ...
جملہ حقوق ©
WAKEUPCALL WITH ZIAMUGHAL
Anag Amor Theme by FOCUS MEDIA | Bloggerized by ZIAMUGHAL