![](https://static01.nyt.com/images/2019/03/21/nyregion/21STEINHARDT2/merlin_151446618_5218fa44-2611-4d91-9370-04c11549b137-mediumThreeByTwo440.jpg)
By SHARON OTTERMAN and HANNAH DREYFUS from NYT New York https://ift.tt/2UKZS8I
.FOCUS WORLD NEWS MEDIA GROUP EUROPE copy right(int/sec 23,2012), BTR-2018/VR.274058.IT-
اسلام آباد(جی سی این رپورٹ) سپریم کورٹ نے بحریہ ٹان کی جانب سے کراچی کے منصوبے کے لیے 460 ارب روپے کی پیشکش قبول کرلی۔جسٹس شیخ عظمت سعید پر مشتمل تین رکنی بینچ نے بحریہ ٹان عملدرآمد کیس کی سماعت کے دوران بحریہ ٹان کراچی کی پیشکش قبول کرلی جس کے تحت بحریہ ٹان انتظامیہ کو 7 سال میں 460 ارب روپے کی ادائیگی کرنا ہوگی۔سپریم کورٹ نے کہا کہ بحریہ ٹان 27 اگست تک 25 ارب کی ڈان پیمنٹ کرے گا اور پہلے چار سال میں ڈھائی ارب روپے ماہانہ اور باقی رقم تین سال میں ادا کی جائے گی۔سپریم کورٹ کے مطابق بحریہ ٹان اقساط کی پہلی ادائیگی یکم ستمبر سے کرے گا اور ڈھائی ارب روپے کی پہلی قسط یکم اگست کو دے گا۔سپریم کورٹ نے قرار دیا کہ بحریہ ٹان اگر اقساط کی ادائیگی میں تاخیر کرے گا تو اسے 4 فیصد سود ادا کرنا ہوگا، رقم عدالت میں جمع ہوگی پھر اس کو قانون کے مطابق جس کو دینی ہے دیں گے۔سپریم کورٹ نے کہا کہ رقم کی ادائیگی سے متعلق بحریہ ٹان کے ڈائریکٹر بیان حلفی عدالت میں جمع کرائیں۔سپریم کورٹ نے کیس کے متعلقہ لوگوں کیخلاف قومی احتساب بیورو (نیب) کو ریفرنس دائر کرنے سے بھی روک دیا اور کہا کہ اگر بحریہ ٹان والے ڈیفالٹر ہوئے تو ریفرنس دائر کیا جائے گا۔سپریم کورٹ نے پہلے سے تیار ریفرنس کو بھی دائر کرنے سے روک دیا اور کہا کہ کوئی بھی ریفرنس دائر کرنے سے پہلے عدالت کو الگ درخواست دی جائے گی۔
The post بحریہ ٹائون کو سپریم کورٹ سے اچھی خبر آخرکار مل گئی appeared first on Global Current News.
پشاور(جی سی این رپورٹ) انسداد دہشت گردی کی عدالت نے مشال خان قتل کیس کا فیصلہ سناتے ہوئے 2 ملزمان کو عمر قید کی سزا سنادی اور 2 کو بری کردیا۔ عبدالولی خان یونیورسٹی مردان میں قتل ہونے والے مشال خان کے کیس کا فیصلہ سنا دیا گیا، انسداد دہشت گردی کی عدالت نے 12 مارچ کو محفوظ کیا گیا فیصلہ سنایا جس میں 2 ملزمان کو عمر قید کی سزا سنائی گئی جب کہ 2 ملزمان کو بری کردیا گیا۔عدالت نے پی ٹی آئی کونسلر عارف اور اسد کو عمر قید کی سزا سنائی اور ملزم صابر مایار اور اظہار کو بری کردیا۔ اس سے قبل 4 سال قید کی سزا پانے والے ملزموں کو پشاور ہائی کورٹ نے ضمانت پر رہا کرنے کے احکامات جاری کیے تھے۔مشال خان قتل کیس میں مجموعی طور پر 61 ملزموں کو گرفتار کیا گیا تھا جن میں مرکزی ملزم عمران کو 2 بار سزائے موت، 5 ملزمان کو 25 سال قید جب کہ 25 ملزمان کو 4 سال قید کی سزا سنائی گئی تھی اور کیس میں 26 ملزموں کو رہا کرنے کے احکامات جاری کیے گئے تھے۔واضح رہے 13 اپریل 2017 کو عبد الولی خان یونیورسٹی مردان میں 23 سالہ طالب علم مشال خان کو مشتعل ہجوم نے توہین مذہب کا الزام لگا کر قتل کر دیا تھا۔ مشال کے والد محمد اقبال کی درخواست پر مقدمہ انسداد دہشت گردی کی خصوصی عدالت ایبٹ آباد منتقل کیا گیا تھا۔
The post مشال قتل کیس کا فیصلہ آگیا،کس کو کیا سزا ملی؟ appeared first on Global Current News.
اسلام آباد(جی سی این رپورٹ)ملائشیا کے وزیراعظم مہاتیر محمد پاکستان کے 3 روزہ دورے پر آج اسلام آباد پہنچیں گے، وہ 23مارچ کو یوم پاکستان پریڈ کے مہمان خصوصی بھی ہوں گے۔ترجمان دفترخارجہ کے مطابق مہاتیر محمد دورے کے دوران صدر مملکت ڈاکٹر عارف علوی، وزیراعظم عمران خان سے ملاقاتیں کریں گے۔دفتر خارجہ کے مطابق ملائشیا کے وزیراعظم کے ہمراہ تاجروں سمیت اعلی سطح کا وفد بھی پاکستان آئے گا، ان کے دورے کے موقع پر تجارت، سرمایہ کاری، معیشت اور دفاعی تعلقات بڑھانے پر فوکس کیا جائے گا۔ملائشیا کے وزیراعظم مہاتیر محمد 21 سے23مارچ تک پاکستان کا دورہ کریں گے، وہ وزیراعظم عمران خان کی دعوت پر آ رہے ہیں۔ترجمان دفتر خارجہ کا کہنا تھا کہ ملائشیا کے وزیراعظم کے دورہ پاکستان سے دونوں ملکوں کے تعلقات مزید مضبوط ہوں گے۔
The post کون سی اہم عالمی شخصیت آج پاکستان کے دورے پر آرہی ہے؟ appeared first on Global Current News.
لاہور(جی سی این رپورٹ )سی ٹی ڈی نے بہاولپور کے علاقہ میں کارروائی کرتے ہوئے کالعدم تنظیم سے تعلق رکھنے والے مبینہ دہشتگردکو گرفتار کرلیا۔ترجمان سی ٹی ڈی کے مطابق خفیہ اطلاع پر ٹیم نےتھانہ کینٹ کے علاقے میں کارروائی کرتے ہوئے کالعدم دہشت گرد تنظیم تحریک طالبان پاکستان سے تعلق رکھنے والے دہشت گردکو گرفتار کرلیا۔دہشت گردکی شناخت نیاز میر کے نام سے ہوئی ہے،اسکے قبضہ سے ہینڈ گرنیڈ اور دھماکہ خیز مواد برآمد ہوا ۔دہشت گردبہاولپور میں حساس مقامات کو نشانہ بنانے کی منصوبہ بندی کررہا تھا۔دہشت گرد نے انکشاف کیا ہے کہ ٹارگٹ کی نشاندہی افغانستان میں موجود کالعدم دہشت گرد تنظیم کے کمانڈر نے کی تھی۔دنیا نیوز کے مطابق ملزم کالعدم تحریک طالبان کا مبینہ کمانڈر ہے،نیاز میر نے بہاولپور میں اہم تنصیبات کو نشانہ بنانا تھا۔ادھر محکمہ انسداد دہشت گردی نے ڈی آئی خان میں کارروائی کے دوران خودکش بمبار اور اس کے سہولت کار کو گرفتار کرلیا۔چھاپہ نواحی گاؤں جھوک حیات میں ایک مکان پر مارا گیا جہاں سےایک خودکش جیکٹ،دو راکٹ لانچر،12 گولے،4 دستی بم،6 ڈیٹونیٹر،20 گز بارودی تار،12 تیار بم ،4 پولیس کی وردیاں برآمد ہوئیں۔30 کلو سے زائد بارودی مواد ناکارہ بنادیا گیا،گرفتاردہشتگردوں کا تعلق ایک کالعدم تنظیم سے ہے جبکہ خودکش بمبارعماد کا تعلق آزاد کشمیر اور سہولت کار کا تعلق کڑی شموزئی ڈیرہ سے ہے ۔دوسری طرف شکار پور پولیس نے دہشت گردی کا بڑا منصوبہ نا کام بنا دیا، 4 دہشت گردوں کو گرفتار کر کے بارودی مواد بر آمد کر لیا۔گرفتار دہشت گرد عبد الحکیم بنگلانی، عبد الشکور، اسحاق جعفری اور فاروق سومرو سندھ، بلوچستان میں دہشت گردی میں ملوث حفیظ بروہی اور عبداللہ بروہی کے قریبی ساتھی بتائے جاتے ہیں۔
The post appeared first on Global Current News.
اسلام آباد(جی سی این رپورٹ)میری بچی 16 سال کی تھی میں آپ کو کیا بتاؤں جب میں نے اس کی لاش دیکھی تو وہ کس حال میں تھی؟ اس کے جسم پر کوئی کپڑا نہیں تھا۔شوکت علی دھاڑیں مار کر رونے لگے۔فیصل آباد کے علاقے نیو مراد کالونی کے رہائشی شوکت علی فروری 2007 میں دہلی میں ایک شادی میں شرکت کے بعد اپنی بیوی اور چھ بچوں کے ساتھ سمجھوتہ ایکسپریس پر پاکستان واپس آ رہے تھا کہ پانی پت کے علاقے دیوانہ کے قریب ریل گاڑی میں دھماکے ہوئے۔دھماکوں کے بعد لگنے والی آگ میں رانا شوکت کے پانچ بچے درجنوں دوسرے افراد کے ساتھ زندہ جل گئے تھے۔شوکت علی کے آنسو تھمے تو انہوں نے بات چیت دوبارہ شروع کی۔اس روز مجھے نہ جانے کیوں خوف محسوس ہو رہا تھا۔ خاص طور پر جب سے گاڑی میں دو ایسے لوگوں کی موجودگی کا پتا چلا تھا جن کے پاس پاسپورٹ نہیں تھے۔شوکت نے خلا میں گھورنا شروع کیا، جیسے وہ واقعات کو یاد کرنے کی کوشش کر رہے ہوں۔بچوں کو لٹانے کے بعد میں بھی ایک برتھ پر آنکھیں موند کر لیٹ گیا۔ سردی سخت تھی۔ سب نے کمبل اور لحاف اوڑھ رکھے تھے۔مجھے نیند نہیں آ رہی تھی۔ پھر ایک دم سے دھماکے کی آواز آئی۔‘میں تھوڑا چوکس ہوا لیکن پھر وہ آواز ٹرین کے شور میں دب گئی۔شوکت آہستہ آہستہ تفصیلات بیان کر رہے تھے۔تھوڑی دیر بعد شوکت کا دم گھٹنے لگا۔ میں نے آواز دینا چاہی تو گلے سے آواز نہ نکل سکی۔ ٹرین کی بتی بھی گل ہوچکی تھی۔شوکت کہتے ہیں کہ انہوں نے اُٹھ کر دروازے تک پہنچنے کی کوشش کی اور دھکا دے کر دروازہ کھول دیا تاکہ وہ سانس لے سکیں لیکن دروازہ کھلتے ہی آکسیجن اندر داخل ہوئی اور آگ نے پورے ڈبے کو اپنی لپیٹ میں لے لیا۔شوکت اور ان کی بیوی رخسانہ نے اپنی ایک دودھ پیتی بچی اقصیٰ کے ساتھ سمجھوتہ ایکسپریس سے کود کر جان بچائی لیکن ان کی آنکھوں کے سامنے ان کے پانچ بچے جل کر مر گئے۔ہم چلاتے رہے ہمارے بچے بچاؤ، ہمارے بچے بچاؤ’ لیکن جب تک مدد آئی بچے جل کر راکھ ہو چکے تھے۔ شوکت اور رخسانہ کی آنکھوں سے آنسو بہنے لگے۔شوکت نے بتایا کہ ان کے ہاتھ اور ماتھا جل چکاتھا اور گھٹنوں پر چلتی گاڑی سے چھلانگ لگانے کی وجہ سے شدید چوٹ آئی تھی لیکن انہیں کسی درد کا احساس نہیں تھا۔میری آنکھوں کے سامنے آگ کے شعلوں میں لپٹی ٹرین تھی۔ اس ٹرین میں میرا ہنستا بستا گھر راکھ ہو رہا تھا۔ شوکت اور ان کی بیوی رخسانہ کو تھوڑی دیر بعد دہلی کے صفدر جنگ ہسپتال منتقل کر دیا گیا۔ ایک ہفتے کے علاج کے بعد انہیں پاکستان بھیجنے کی تیاری کی جانے لگی۔ لیکن انہوں نے اپنے بچوں کی لاشوں کے بغیر پاکستان آنے سے انکار کر دیا۔رخسانہ کو اب بھی وہ لمحہ یاد ہے جب وہ اپنے بچوں کی لاشیں دیکھنے مردہ خانے گئی تھی،وہ ایک قیامت کا سماں تھا ،رخسانہ کی آواز بھرا گئی۔ہم نے بہت مشکل سے ساتھ چپکے کپڑوں اور چیزوں سے اپنے تین بیٹوں اور دو بیٹیوں کو شناخت کیا۔سوائے ہڈیوں کے کچھ بھی نہیں بچا تھا۔ میری دنیا برباد ہوگئی تھی۔رخسانہ کی سب سے بڑی بیٹی عائشہ 16 برس کی تھی۔جب ہمیں زبردستی ہسپتال لے جایا جا رہا تھا تو میں نے آگ بجھانے والوں کو تاکید کی تھی کہ عائشہ پرکپڑا ڈال کر نکالیں۔ میری بچی بہت حیادار تھی ، اس نے تو کبھی سر سے دوپٹہ نہیں ہٹایا تھا۔ رخسانہ پھر دھاڑیں مار کر رونے لگی۔رخسانہ اور شوکت علی کچھ روز بعد پانچ تابوتوں کے ساتھ پاکستان واپس آئے لیکن حادثے میں ہلاک ہونے والے 43 پاکستانیوں میں کچھ ایسے بھی تھے جنھیں اپنے ملک آنا نصیب نہ ہو سکا۔شوکت کہتے ہیں کہ انہیں انڈیا اور پاکستان کی حکومتوں کی طرف سے مالی امداد دی گئی لیکن انہیں انڈیا کی کسی عدالت نے چشم دید گواہ کے طور پر گواہی کیلئے نہیں بلایا۔مجھے سب کچھ یاد ہے۔ اور میں چاہتا ہوں کہ مرنے سے پہلے مجھے موقع ملے کہ میں دنیا کو بتا سکوں کہ 18 فروی 2007 کی رات کو سمجھوتہ ایکسپریس میں سفر کرنے والے درجنوں بدقسمت مسافروں کے ساتھ کیا ہوا۔
The post سمجھو تہ ایکسپریس کے شعلے بجھے نہیں appeared first on Global Current News.
اسلام آباد(جی سی این رپورٹ)قومی اسمبلی کی قائمہ کمیٹی قانون و انصاف کو آگاہ کیا گیا کہ 2015 سے فروری 2019 تک عدالتوں میں ایک کروڑ 37 لاکھ 49 ہزار862 مقدمات آئے جبکہ ایک کروڑ 38 لاکھ 49 ہزار592 مقدمات نمٹائے گئے،عدالتوں میں 25 فیصد اسامیاں خالی ہیں، عدالتوں میں 18 لاکھ سے زائد مقدمات زیر التواہیں۔ملک میں بڑھتی ہوئی آبادی کے تناسب سے ججز کی تعداد میں اضافہ نہیں کیاگیا جس کی وجہ سے آئے روز رٹ پٹیشن کی تعداد میں اضافہ ہورہا ہے اور ججز کی تعداد کم ہونے کی وجہ سے فیصلے تیزی سے نہیں ہورہے۔ یہ بات سیکرٹری لا اینڈ جسٹس کمیشن ڈاکٹر رحیم اعوان نے کمیٹی کو بریفنگ میں بتائی ، کمیٹی نے سری لنکن ٹیم حملہ کیس کی کمیشن رپورٹ پر عملدرآمد ،سیالکوٹ کی جیل میں جوڈیشل افسران کے قتل کی جوڈیشل کمیشن کی رپورٹ طلب کر لی ۔ کمیٹی نے چاروں صوبوں کے ہوم سیکرٹری اور آئی جیز کو بھی طلب کرلیا ہے۔کمیٹی ڈسٹرکٹ جیل لاہور سمیت دیگر کا دورہ کرے گی۔ چیئرمین کمیٹی نے کہاکہ جیلوں میں مجرم کم اور ملزم زیادہ ہوتے ہیں ، جیلوں میں مجرموں کو رکھنا چاہیے۔کمیٹی نے عدالتوں میں 18 لاکھ سے زائد کیسز زیر التوا ہونے پر تشویش کا اظہار کرتے ہوئے کہا کہ کیسز کو جلد نمٹانے کے لیے ججز کی تعداد میں اضافہ کیا جائے۔ کمیٹی کا اجلاس چیئرمین ریاض فتیانہ کی زیر صدارت منعقد ہوا۔ چیئرمین کمیٹی نے ناراضگی کا اظہار کرتے ہوئے کہا کہ جب سے کمیٹی کی تشکیل ہوئی ہے متعلقہ وزیر ایک مرتبہ بھی نہیں آئے اور نہ ہی پوچھتے ہیں انہیں میٹنگ میں شرکت یقینی بنانی چاہئے ۔ رکن کمیٹی خواجہ سعد رفیق نے کہا کہ سبکدوش ہونے والے چیف جسٹس ثاقب نثارمختلف اداروں پرتوچھاپے مارتے رہے اور اپنے ادارے کا حال بدترتھا شاید وہ نہیں چاہتے تھے کہ عدلیہ کی طرف توجہ دیں اور سالہا سال سے پینڈنگ کیے ہوئے کیسز کا فیصلہ کرتے ۔ رکن کمیٹی رانا ثناء اللہ نے کہا کہ وزارت قانون تیزی سے اس معاملے پر پیش رفت کرے کہ معمولی جرائم میں ملوث لوگوں کو فوری اور سستا انصاف مہیا کرنے کیلئے وکیل کردیا جائے ۔
The post عدالتوں میں کتنی اسامیاں خالی،کتنے مقدمات زیر التوا؟حیران کن رپورٹ appeared first on Global Current News.
استنبول (جی سی این رپورٹ)ترک صدر رجب طیب اردوان نے کہا ہے کہ یورپی رہنما نیوزی لینڈ کی وزیراعظم جیسنڈا آرڈرن سےقیادت،بہادری اور خلوص کا سبق سیکھیں۔امریکی اخبار میں لکھے گئے آرٹیکل میں ترک صدر نے نیوزی لینڈ میں دہشت گردحملے اور دیگر مسائل پر بات کی۔انہوں نے کہا کہ بحیثیت لیڈر میں دہشتگردی کے واقعات پر مسلسل کہتا رہا ہوں کہ دہشتگردی کا کسی بھی مذہب، زبان اور نسل سے کوئی تعلق نہیں۔اردوان کا کہنا تھا کہ کرائسٹ چرچ کے قتل عام کے ذمہ دار نے عالمی تاریخ کو مسخ اور عیسائی عقائد میں تحریف کرنے کی کوشش کی ہے۔ترک صدر نے مغربی دنیا پر زور دیا کہ اسلام فوبیا اور نسل پرستانہ نظریات کو ختم کرنے کے لیے عملی اقدامات کیے جائیں۔صدر رجب طیب ایردوان نے لکھا کہ مغربی رہنماؤں کو نیوزی لینڈ کی وزیر اعظم جیسنڈا آرڈرن کی جسارت، قیادت اور خلوص سے سبق سیکھنے اور اپنے ممالک میں مقیم مسلمانوں سے بغلگیر ہونے کی ضرورت ہے۔جمعے کے روز کرائسٹ چرچ میں مساجد پر آسٹریلوی دہشتگرد کے حملے کے بعد نیوزی لینڈ کی وزیراعظم جیسنڈا آرڈرن نے مسلم کمیونٹی سے سیاہ لباس پہن کر تعزیت کا اظہار کیا تھا۔جیسنڈا آرڈرن نے حملے میں زخمی ہونے والے افراد کی عیادت کے لیے اسپتال کا بھی دورہ کیا، جہاں انہوں نے مسلم کمیونٹی سے ملاقات کی اور مسلم خواتین کو گلے لگا کر تسلی دی تھی۔نیوزی لینڈ کی وزیراعظم کے طرز عمل کو پوری دنیا نے سراہا تھا۔واضح رہے کہ 15 مارچ کو کرائسٹ چرچ کی دو مساجد میں حملے میں 9 پاکستانیوں سمیت 50 افراد جاں بحق اور درجنوں زخمی ہوئے تھے۔
The post ترک صدر کا نیوزی لینڈ کی وزیراعظم کو زبردست خراج تحسین appeared first on Global Current News.
راولپنڈی (جی سی این رپورٹ)نیب راولپنڈی نے وزیراعلیٰ سندھ مراد علی شاہ کو ٹھٹھہ شوگر مل کیس میں 26 مارچ کو طلب کر لیا۔قومی احتساب بیوروکےذرائع کے مطابق نیب راولپنڈی نے شوگر ملوں کو سبسڈی دینے کے معاملے پر وزیر اعلیٰ سندھ مراد علی شاہ کو آئندہ ہفتے طلب کرلیاہے، وزیراعلیٰ سندھ کو نوٹس بھیج دیا گیا ہے۔نیب ذرائع کا کہنا ہے کہ سندھ حکومت نے اومنی گروپ کی شوگر ملز کو اربوں روپے کی سبسڈی دی تھی، سکرنڈ، کھوسکی ، دادو، ٹھٹھہ، پنگریو شوگر ملز کو سبسڈی دی گئی۔نیب شوگر ملز کو دی گئی سبسڈی کے معاملے کی تحقیقات کر رہا ہے، وزیراعلیٰ سندھ سید مراد علی شاہ کو بھی تحقیقات کے لئے طلب کیا گیا ہے۔
The post آصف زرداری،بلاول بھٹو کے بعد وزیراعلیٰ سندھ مراد علی شاہ کیلئے بری خبر appeared first on Global Current News.
نئی دہلی (جی سی این رپورٹ)پاکستان کی فضائی حدوداستعمال نہ کرنے کی وجہ سے بھارت کی سرکاری ایئرلائن ایئر انڈیا کو 60 کروڑ روپے کا نقصان ہوا ہے۔این ڈی ٹی وی کی رپورٹ کے مطابق ایئر انڈیا کی امریکا اور یورپ جانے والی فلائٹس کے پاکستان کے بجائے گجرات کے راستے بحیرہ عرب سے جانے کی وجہ سے سفر کے دورانیے میں اضافہ ہوا ہے۔اس کے علاوہ ایئرلائن کو واشنگٹن، نیویارک اور شکاگو جانے والی پروازوں کے لیے سب سے زیادہ مشکلات کا سامنا ہے، ان فلائٹس کو ری فیولنگ کے لیے شارجہ یا ویانا میں لازمی رکنا پڑتا ہے۔بیرون ملک جاتے اور واپس آتے ہوئے ہر ری فیولنگ پر اوسطا 50 لاکھ روپے خرچہ آتا ہے جس کی وجہ سے ایئر انڈیا کو 16 مارچ تک تقریبا 60 کروڑ روپے کا نقصان ہوچکا ہے۔تاہم دہلی سے بحرالکاہل کے راستے سان فرانسسکو جانے والی پرواز متاثر نہیں ہوئی۔ہر فلائٹ میں بڑھتے ہوئے نقصانات کی وجہ سے ایئرانڈیا نے ویانا میں ری فیولنگ کو صرف دو فلائٹس تک محدود کردیا ہے جبکہ دیگر پروازیں ری فیولنگ کے لیے ممبئی میں رکتی ہیں۔جب سے شمالی امریکا جانے والی فلائٹس ممبئی میں پے لوڈ پینالٹیز کے ساتھ ری فیولنگ کے لیے آرہی ہیں تب سے مشکلات بڑھ گئی ہیں۔اہم بات یہ ہے کہ ہر جہاز میں سوار ہونے والے مسافروں کی تعداد سے متعلق کچھ پابندیاں ہیں، اگر ایئرلائن میں کم مسافر ہوتے ہیں تو ایئرلائن سمیت دیگر متاثرہ شعبوں کی آمدن کم ہوتی ہے۔دوسری جانب مسافروں کے لیے سفر کا طویل دورانیہ انتہائی تشویشناک ہے کیونکہ امریکا جانے والی پروازوں کو ری فیولنگ کے وقفے کے علاوہ پہنچنے میں 18 گھنٹے سے زیادہ وقت لگ رہا ہے۔واضح رہے کہ پاکستان اور بھارت کے درمیان گزشتہ ماہ فروری سے کشیدگی جاری ہے، بھارتی فضائیہ کی جانب سے 26 فروری کو پاکستانی حدود کی خلاف ورزی کی گئی تھی، بعد ازاں 27 فروری کو بھارتی طیارے دوبارہ پاکستانی حدود میں داخل ہوئے تھے، جس پر پاک فضائیہ نے بروقت کارروائی کرتے ہوئے دو بھارتی طیارے مار گرائے تھے۔ایک طیارہ مقبوضہ کشمیر جبکہ دوسرا طیارہ آزاد کشمیر کے علاقے میں گرا تھا اور اس کے ساتھ ایک بھارتی پائلٹ بھی پاکستانی حدود میں گرا تھا جسے پاک فوج کے اہلکاروں نے باحفاظت اپنی تحویل میں لے کر طبی امداد کے لیے منتقل کردیا تھا۔بعد ازاں پاکستان نے جذبہ خیرسگالی کے تحت بھارتی پائلٹ ونگ کمانڈر ابھی نندن کو واہگہ بارڈر کے حوالے کردیا تھا۔
The post پاکستان کی فضائی حدود کی بندش سے بھارتی ایئرلائنز کو کتنا نقصان ہو رہا ہے؟ appeared first on Global Current News.
لندن(جی سی این رپورٹ)مفرور ارب پتی بھارتی جیولر نیرو مودی کولندن سے گرفتار کر لیاگیا۔ 48 سالہ نیرو مودی کو وسطی لندن کے علاقے ہولبرن سے گرفتار کیا گیا ۔رپورٹ کے مطابق بھارتی وزیراعظم کے دوست نیرو مودی پر بھارت میں پنجاب نیشنل بینک سے جعلی گارنٹیوں پر 2 ارب ڈالر قرضہ لیکر فراڈ کرنے کاالزام ہے ۔واضح رہے بھارت نے برطانیہ سے گزشتہ سال اگست میں نیرو مودی کی حوالگی کا مطالبہ کیا تھا ۔
The post مودی کو گرفتار کرلیا گیا۔۔ appeared first on Global Current News.
حکومتی وزرا نے اس بجٹ کا دفاع کرتے ہوئے کہا کہ آئی ایم ایف کے ساتھ نئے قرض پروگرام کے حصول کے لیے اضافی ٹیکس عائد کرنا آئی ایم ایف کی شرائط ...
جملہ حقوق ©
WAKEUPCALL WITH ZIAMUGHAL
Anag Amor Theme by FOCUS MEDIA | Bloggerized by ZIAMUGHAL