![](https://static01.nyt.com/images/2019/03/26/sports/00alpreview-astros/00alpreview-astros-mediumThreeByTwo440.jpg)
By TYLER KEPNER from NYT Sports https://ift.tt/2WlJlZf
.FOCUS WORLD NEWS MEDIA GROUP EUROPE copy right(int/sec 23,2012), BTR-2018/VR.274058.IT-
اسلام آباد(جی سی این رپورٹ) ہائیکورٹ نے تحفظ کے لیے درخواست دائر کرنے والی گھوٹکی کی دو بہنوں رینا اور روینا کو سرکاری تحویل میں دے دیا۔اسلام آباد ہائیکورٹ میں چیف جسٹس اطہر من اللہ کی سربراہی میں گھوٹکی کی دو بہنوں کے مبینہ اغوا کے کیس کی سماعت ہوئی جس میں لڑکیوں کی والدہ سمیت بھائی شمن داس اور وکیل افتخار احمد چیمہ عدالت میں پیش ہوئے۔دورانِ سماعت چیف جسٹس اطہرمن اللہ نے کہا اس بات میں کوئی ابہام نہیں ہونا چاہیے کہ پاکستان میں اقلیتوں کو مکمل تحفظ حاصل ہے، اقلیتوں کے حقوق آئین پاکستان میں درج ہیں اور قرآن پاک سے بھی واضح ہیں۔جسٹس اطہرمن اللہ نے نبی کریمۖ کے فتح مکہ اور آخری خطبے کا حوالہ دیتے ہوئے بھی اقلیتوں کے حقوق پر روشنی ڈالی۔سماعت کے دوران ڈپٹی کمشنر اسلام آباد حمزہ شفقات نے عدالت کو بتایا کہ وزارت داخلہ نے اس تمام معاملے پر تحقیقات کا حکم دیا ہے۔جسٹس اطہرمن اللہ نے استفسار کیا کہ وزیراعظم نے بھی غیرجانبدار اور شفاف تحقیقات کا حکم دیا تھا، وفاقی حکومت نے جس انکوائری کا حکم دیا اس کی رپورٹ کب تک آئے گی؟چیف جسٹس اسلام آباد ہائیکورٹ نے ڈپٹی کمشنر سے مکالمہ کرتے ہوئے ہدایت دیں کہ حتمی رپورٹ آنے تک دونوں بہنیں آپ کی مہمان ہیں، ڈسٹرکٹ اینڈ سیشن جج کو کہیں کہ گارڈین جج کا تقرر کریں۔جسٹس اطہرمن اللہ نے حکم دیا کہ ایس پی رینک کی خاتون پولیس افسر کو لڑکیوں کے ساتھ ڈیوٹی پر مامور کریں اور انہیں مکمل تحفظ فراہم کریں۔یاد رہے کہ گزشتہ ہفتے دو ہندو بہنیں سندھ کے شہر ڈہرکی سے لاپتا ہوگئی تھیں جن کے حوالے سے پولیس کا دعوی ہے کہ 22 مارچ کو دونوں لڑکیوں نے منظر عام پر آکر نکاح کرلیا تھا اور دونوں نے میڈیا کے سامنے اپنی مرضی سے نکاح کا اعتراف بھی کیا تھا۔
The post گھوٹکی کی دو بہنوں کے بارے میں اسلام آباد ہائیکورٹ کا فیصلہ آگیا appeared first on Global Current News.
لاہور(جی سی این رپورٹ)مریم نواز نے کہا ہے آج نوازشریف کے کیس کی سماعت ہے۔ نوازشریف کے چاہنے والے اللہ سے رجوع کریں۔انہوں نے قوم سے نوازشریف کی رہائی کیلئے دعا کرنے کی اپیل کرتے ہوئے کہا دل سے نکلنے والی دعا کی طاقت کم نہیں ہوتی اور وہ اللہ رب العزت کے حضور ضرور پہنچتی ہے۔ ایک ٹویٹ میں انہوں نے کہارات دعا کے ذریعے جو ہو سکتا ہے وہ کرنا چاہیے، اللہ رب العزت آپ سب کو جزائے خیر عطا فرمائے۔ جزاک اللہ۔ نوازشریف کے چاہنے والے اپنے والدین سے دعا کروائیں۔ پتا نہیں اللہ کس کی دعا قبول کر لے۔ آپ سب جانتے ہیں جب نوازشریف کو کوٹ لکھپت جیل لےجایاگیا تب میں انہیں وہاں دیکھنے گئی، میں نے نوازشریف سے کہا آپ اڈیالہ جیل کے بجائے کوٹ لکھپت جیل میں بہتر محسوس کررہے ہیں؟، نوازشریف نے کہا”جی ہاں”اس مشکل وقت میں تمہیں پریشان نہیں دیکھ سکتا۔ مشکل وقت خود پر تو برداشت کر سکتا ہوں لیکن بیٹی تمہیں پریشان نہیں دیکھ سکتا۔
The post نواز شریف کی ضمانت کی درخواست پر آج سماعت،مریم نواز نے کیا ٹویٹ کردیا؟ appeared first on Global Current News.
تہران (جی سی این رپورٹ)ایران میں طوفانی بارشوں اور سیلاب سے تباہی میں 19 افراد ہلاک 70 سے زائد زخمی ہوگئے۔ایرانی میڈیا رپورٹس کے مطابق طوفانی بارشوں اور سیلاب سے بڑے پیمانے پر تباہی ہوئی،سڑکیں دریا بن گئیں،ریلا گاڑیاں بہالے گیا۔میڈیا رپورٹس کے مطابق سیلاب میں پھنسے لوگوں کو کشتیوں کے ذریعے نکالا گیا،اس دوران 19 کی موت ہوئی جبکہ 70 سے زائد زخمی ہوگئے۔ایران میں کئی روز کی مسلسل بارشوں کے بعد مختلف صوبوں میں غیر متوقع سیلابی صورتحال کا سامنا ہے، موسلا دھار بارشوں سے سڑکیں دریا کا منظر پیش کرنے لگیں۔سڑکوں پر چلتی گاڑیاں سیلابی ریلے میں بہہ گئیں، مکانات اور انفرااسٹرکچر کو بری طرح نقصان پہنچا، مسلسل بارشوں کے بعد متاثرہ علاقوں کی بجلی غائب ہوگئی۔رہائشی علاقے زیر آب آگئے لوگوں کو کشتیوں کے ذریعے محفوظ مقامات پر منتقل کیا گیا جبکہ زخمیوں کو طبی امداد فراہم کی جارہی ہے۔بارشوں اور سیلاب سے سب سے زیادہ گولستان اور مازنداران صوبے متاثر ہوئے، دیگر صوبوں میں بھی سیلاب کی وارننگ جاری کر دی گئی ہے۔
The post طوفانی بارشوں اور سیلاب نے تباہی مچا دی appeared first on Global Current News.
اسلام آباد(جی سی این رپورٹ)اے این ایف نے اسلام آباد کے نیوائیر پورٹ پر ڈبل روٹی میں آئس ہیروئن سمگل کرنے کی کوشش ناکام بناتے ہوئے میاں بیوی کو گرفتار کرلیا۔راجہ شعیب گل اور انکی اہلیہ پرواز ڈبلیووائے 346کے ذریعے اسلام آباد سے جدہ سعودیہ جارہے تھے کہ چیکنگ کے دوران ڈبر روٹی کے پکیٹ میں لپٹی ہوئی 890گرام آئس ہیروئن برآمدپر ہونے دونوں کو گرفتار کرکے تھانہ اے این ایف منتقل کردیاگیا۔
The post یہ دونوں میاں بیوی کیا سعودی عرب سمگل کر رہے تھے اور مال کہاں چھپایا تھا؟ appeared first on Global Current News.
وائٹ ہاؤس(جی سی این رپورٹ) امریکہ نے متنازعہ گولان پہاڑیوں پر اسرائیلی قبضے کو باضابطہ طور پر تسلیم کرلیا۔امریکی صدر ڈونلڈ ٹرمپ اور اسرائیلی وزیراعظم بنیامین نیتن یاہو کی وائٹ ہاؤس میں مشترکہ پریس کانفرنس کے دوران امریکی صدر نے معاہدے پر دستخط کیے۔معاہدے کے تحت امریکہ نے باضابطہ طور پر گولان پہاڑیوں پر اسرائیلی قبضے کو تسلیم کرلیا ہے۔ اس دوران اسرائیلی وزیر اعظم بن یامین نیتن یاہو نے صدر ٹرمپ کی جانب سے گولان کو اسرائیل کا حصہ تسلیم کرنےکے فیصلے کو تاریخی قرار دیا۔اسرائیلی وزیر اعظم کا کہنا تھا کہ گولان سے متعلق امریکی فیصلہ ایسے وقت میں آیا جب ایران شام میں فوجی اڈے قائم کرنے کی کوششوں میں مصروف ہے۔دوسری جانب شام نے گولان پہاڑیوں سے متعلق امریکی فیصلے کو ملک کی خودمختاری پرحملہ قرار دیا ہے۔روسی وزیر خارجہ سرگئی لاواروف نے گولان سے متعلق معاہدے کو بین الاقوامی قوانین کی کھلی خلاف ورزی قرار دیتے ہوئے کہا ہے کہ امریکی فیصلے سے مشرق وسطیٰ میں کشیدگی کی نئی لہر شروع ہوجائےگی۔یاد رہے کہ گولان کی پہاڑیاں شام اور اسرائیل کے درمیان متنازعہ علاقہ ہے جہاں اسرائیل نے 1967 کی چھ روزہ جنگ کے دوران قبضہ کیا تھا۔گولان کی پہاڑیوں کو پانی کا ایک اہم ذریعہ مانا جاتا ہے اور انہی پہاڑوں کے چشموں سے بہنے والے پانی سے اسرائیل کی کل آبادی کا 40 فیصد حصہ مستفید ہوتا ہے۔
The post ٹرمپ نے ایک اور متنازعہ اعلان کر ڈالا appeared first on Global Current News.
اسلام آباد(جی سی این رپورٹ) چین سے ملنے والی اس خطیر رقم سے پاکستان کے زرمبادلہ کے ذخائر میں اضافہ ہوگا۔ 2.1 ارب ڈالر کی رقم کو مرکزی بینک میں ٹرانسفر کرا دیا گیا ہے۔تفصیلات کے مطابق پاکستان کو درپیش اقتصادی اور معاشی مسائل کے حل کیلئے دوست ملک چین کی جانب سے 2.1 ارب ڈالر کی خطیر رقم موصول ہو گئی ہے۔ چین کی اس مالی امداد سے پاکستان کے زرمبادلہ کے ذخائر میں اضافہ ہوگا۔ترجمان وزارت خزانہ کی جانب سے جاری بیان میں کہا گیا ہے کہ چین سے ملنے والی 2.1 ارب ڈالر کی رقم کو سٹیٹ بینک آف پاکستان کے اکاؤنٹ میں ٹرانسفر کرا دیا گیا ہے۔چین کی جانب سے ملنے والی اس خطیر رقم سے رقم سے ادائیگیوں کے توازن میں بہتری اور زرمبادلہ ذخائر میں استحکام آئے گا۔ اس سے پہلے سعودی عرب سے بھی پاکستان کو 3 ارب ڈالرز کی ادائیگی کی گئی تھی۔ اس کے علاوہ متحدہ عرب امارات (یو اے ای) نے بھی 3 ارب ڈالر کا وعدہ کیا ہے تاہم اس میں سے 1 ارب ڈالر آئندہ ماہ ملیں گے۔ سعودی عرب 3 ارب ڈالر کا تیل موخر ادائیگیوں پر فراہم کرے گا۔
The post لڑکھڑاتی معیشت کیلئے اچھی خبر appeared first on Global Current News.
اسلام آباد(جی سی این رپورٹ)قومی احتساب بیورو (نیب) کے چیئرمین جسٹس ریٹائرڈ جاوید اقبال نے بریگیڈیئر (ر) اسد منیر کی مبینہ خودکشی کی انکوائری خود کرنے کا فیصلہ کیا ہے۔احتساب بیورو کی جانب سے جاری ہونے والے اعلامیے میں کہا گیا کہ چیئرمین نیب نے اس سلسلے میں تمام متعلقہ ریکارڈ نیب راولپنڈی سے فوری طور پر طلب کرلیا ہے، تاکہ قانونی تقاضے پورے کیے جاسکیں۔خیال رہے کہ کیپیٹل ڈیولپمنٹ اتھارٹی (سی ڈی اے) کے سابق رکن بریگیڈیئر (ر) اسد منیر 15 مارچ کو اسلام آباد میں مردہ حالت میں پائے گئے تھے۔اسلام آباد سیکریٹریٹ تھانے کے اسٹیشن ہاؤس آفیسر (ایس ایچ او) اسجد نے ڈان کو بتایا تھا کہ ’یہ خودکشی کا کیس ہے، کرمنل پروسیجر کوڈ کی دفعہ 174 (جس میں خودکشی کے کیسز بیان ہیں) کے تحت واقعے کی فرسٹ انفارمیشن رپورٹ (ایف آئی آر) درج کرلی گئی ہے۔’یہاں یہ بات قابل غور ہے کہ اسد منیر نے خودکشی سے قبل چیف جسٹس کے نام ایک خط بھی لکھا تھا۔سابق فوجی افسر نے خودکشی سے قبل مبینہ طور پر لکھے گئے خط میں کہا تھا کہ وہ تذلیل اور ہتھکڑی باندھ کر میڈیا کے سامنے پیش کیے جانے کی ذلت سے بچنے کے لیے خودکشی کر رہے ہیں۔اسی خط میں انہوں نے چیف جسٹس آف پاکستان سے درخواست کی تھی کہ اس نظام میں بہتری لائی جائے جہاں نااہل لوگ شریف لوگوں کی توہین کرتے ہیں۔انہوں نے لکھا تھا کہ اپریل 2017 کے بعد سے نیب نے ان کی زندگی کو عذاب بنا دیا ہے۔بعد ازاں چیف جسٹس نے اسد منیر کی مبینہ خودکشی سے قبل سامنے آنے والے خط کا نوٹس لیتے ہوئے چیئرمین نیب جسٹس (ر) جسٹس جاوید اقبال سے رپورٹ طلب کی تھی۔خیال رہے کہ بریگیڈیئر (ر) اسد منیر اسلام آباد کے ڈپلومیٹک ایونیو میں ایک اپارٹمنٹ میں قیام پذیر تھے۔ان کا خفیہ اداروں سے بھی تعلق رہا ہے جبکہ انہیں خیبر پختونخوا اور قبائلی علاقوں میں کام کرنے کا تجربہ حاصل تھا۔پاکستان پیپلز پارٹی (پی پی پی) نے اسد منیر کی موت پر تحقیقات کے لیے پارلیمانی کمیٹی کے قیام کا مطالبہ کیا تھا۔پیپلز پارٹی کے سیکریٹری جنرل فرحت اللہ بابر، سابق سینیٹ چیئرمین نیئر بخاری اور پارٹی کے میڈیا کوآرڈینیٹر نذیر ڈھوکی نے پریس کانفرنس سے خطاب کرتے ہوئے مطالبہ کیا تھا کہ مکمل تحقیقات تک نیب چیئرمین کو معطل کیا جائے۔انہوں نے بریگیڈیئر ریٹائرڈ اسد منیر کی جانب سے خودکشی سے قبل لکھے گئے خط کا حوالہ دیتے ہوئے دعویٰ کیا تھا کہ نیب نے ان کی تذلیل کے ساتھ ساتھ انہیں اس حد تک ذہنی اذیت کا نشانہ بنایا ہے کہ انہوں نے اپنی زندگی کا خاتمہ کر لیا۔
The post بریگیڈئر (ر)اسد منیر کی خود کشی،نیا موڑ،چیئرمین نیب کا بڑا اعلان appeared first on Global Current News.
اسلام آباد(جی سی این رپورٹ)گھوٹکی کی ہندو مذہب تبدیل کرکے پسند کی شادی کرنے والی دو بہنوں آسیہ عرف روینہ اور نادیہ عرف رینہ نے اپنے شوہروں کے ہمراہ تحفظ کیلئے اسلام آباد ہائیکورٹ سے رجوع کرلیا۔اسلام آباد ہائیکورٹ میں دائر کی گئی درخواست میں وزارت داخلہ، وزیراعلیٰ سندھ، آئی جی پولیس پنجاب، سندھ، اسلام آباد اور پیمرا سمیت ارکان قومی اسمبلی رمیش کمار اور ہری لال کو فریق بنایا گیا ہے۔ دونوں بہنوں کی جانب سے درخواست میں مؤقف اختیارکیاگیا ہےکہ میڈیا میں ہم سے متعلق غلط پروپیگنڈا کیا جارہا ہے، غلط پروپیگنڈے کے باعث دونوں بہنوں اور شوہروں کی جان کو خطرات ہیں۔درخواست میں کہا گیا ہے کہ دونوں بہنیں عرصہ دراز سے اسلامی تعلیمات سے متاثر تھی اور جان سے مارنے کے خوف کے باعث دونوں لڑکیوں نے اسلام قبول کرنے کا اعلان نہیں کیا، 23 مارچ 2019 کو خان پور بار کے سامنے اسلام قبول کرنے کا باقاعدہ اعتراف کیا۔درخواست کے مطابق درخواست گزاروں نے زبردستی نہیں بلکہ اپنی مرضی سے اسلام قبول کیا لہٰذا تحفظ فراہم کیا جائے اور اسلام آباد ہائیکورٹ حکومت کو دونوں بہنوں کے تحفظ کیلئے اقدامات کرنے کا حکم دے۔دوسری جانب گھوٹکی کی دو بہنوں کی اسلام آباد ہائیکورٹ میں دائر درخواست سماعت کیلئے مقرر کردی گئی ہے۔ اسلام آباد ہائیکورٹ کے چیف جسٹس جسٹس اطہر من اللہ کل سماعت کریں گے۔ یاد رہے کہ گزشتہ ہفتے دو ہندو بہنیں سندھ کے شہر ڈہرکی سے لاپتہ ہوگئی تھیں جن کے حوالے سے پولیس کا دعویٰ ہے کہ 22 مارچ کو دونوں لڑکیوں نے منظر عام پر آکر نکاح کرلیا تھا اور دونوں نے میڈیا کے سامنے اپنی مرضی سے نکاح کا اعتراف بھی کیا تھا۔
The post مذہب کی تبدیلی،شادی،دونوں بہنوں نے تحفظ کیلئے بڑا قدم اٹھا لیا appeared first on Global Current News.
اسلام آباد(جی سی این رپورٹ)پاک سوزوکی نے نئی 150 سی سی موٹرسائیکل پاکستان میں متعارف کرا دی ہے۔جیکسر ایس ایف 2019 کو اس کمپنی نے ‘اسٹریٹ اسپورٹس بائیک’ قرار دیا ہے جو کہ پاکستان میں 2 رنگوں میں دستیاب ہوگی۔اس موٹرسائیکل کو گزشتہ دنوں ایک ایونٹ کے دوران پیش کیا گیا اور کمپنی کا کہنا تھا کہ اس سے پہلے یہ 10 ممالک میں متعارف ہوچکی ہے۔پرو پاکستانی کی ایک رپورٹ کے مطابق اس موٹرسائیکل میں 155 سی سی فور اسٹروک سنگل سلنڈر ائیرکول انجن دیا گیا ہے۔اس موٹرسائیکل میں سیلف اسٹارٹ اور کک اسٹارٹ دونوں آپشنز دیئے گئے ہیں جبکہ اس کے فیول ٹینک میں 12 لیٹر ایندھن کی گنجائش موجود ہے۔موٹو جی بی ایرو ڈائنامکس، رئیر اینڈ فرنٹ ڈسکس بریکس اور ایڈجسٹ ایبل مونو شاک سسپنشن وغیرہ دیگر قابل ذکر فیچرز ہیں۔اس بائیک کا وزن 130 کلوگرام ہے جبکہ فائیو اسپیڈ ٹرانسمیشن دیئے گئے ہیں۔یہ موٹرسائیکل بلیو اور ریڈ رنگوں میں دستیاب ہوگی جس میں سے بلیو بائیک کی قیمت 5 لاکھ 49 ہزار روپے جبکہ سرخ رنگ کا ورژن 5 لاکھ 39 ہزار روپے رکھی گئی ہے۔پاک سوزوکی پہلے ہی پاکستان میں 150 سی سی موٹرسائیکلوں کو 3 مختلف ماڈل میں فروخت کررہی ہے اور اب جیکسر کی شکل میں چوتھی موٹرسائیکل کا اضافہ ہوا ہے۔
The post پاک سوزوکی کی 150سی سی بائیک آگئی،جانتے ہیں قیمت کیا ہے؟ appeared first on Global Current News.
پاکستان کے زیر انتظام کشمیر کی پولیس نے ایک اعلامیے میں 18 مفرور قیدیوں کی تلاش میں عوام سے مدد کی اپیل بھی کی ہے اور درست اطلاع دینے پر مجم...
جملہ حقوق ©
WAKEUPCALL WITH ZIAMUGHAL
Anag Amor Theme by FOCUS MEDIA | Bloggerized by ZIAMUGHAL