![](https://static01.nyt.com/images/2019/03/31/arts/31SHED-PROCESSa/merlin_152280489_25781a5b-b5b7-4352-865b-9f65d05b107f-mediumThreeByTwo440.jpg)
By MICHAEL COOPER from NYT Arts https://ift.tt/2TESvhP
.FOCUS WORLD NEWS MEDIA GROUP EUROPE copy right(int/sec 23,2012), BTR-2018/VR.274058.IT-
سڈنی (جی سی این رپورٹ)آسٹریلوی کرکٹ ٹیم کے سابق کپتان اسٹیو اسمتھ اور نائب کپتان ڈیوڈ وارنر کی بال ٹیمپرنگ کیس میں ایک سال کی پابندی آج ختم ہوگئی۔جنوبی افریقا کے خلاف کیپ ٹاون ٹیسٹ میں بال ٹیمپرنگ اسکینڈل منظر عام پر آنے کے بعد دونوں کرکٹرز کو 12 ماہ کی پابندی کا سامنا کرنا پڑا تھا۔بال ٹیمپرنگ اسکینڈل میں سزا پانے والے تیسرے کردار کیمرون بین کرافٹ تھے جو پہلے ہی 9 ماہ کی پابندی کی سزا مکمل کرچکے ہیں۔پابندی مکمل ہونے کے بعد اسٹیو اسمتھ اور ڈیوڈ وارنر آسٹریلوی ٹیم کو ورلڈ کپ کے لیے دستیاب ہوں گے تاہم وہ ٹیم کی قیادت کے اہل نہیں ہوں گے۔
The post اسمتھ اور وارنر کیلئے آج خوشی کا دن کیوں؟ appeared first on Global Current News.
لندن(جی سی این رپورٹ)پارلیمنٹ میں بریگزٹ ڈیل کی متبادل 8 قراردادیں مسترد کر دی گئیں، برطانوی وزیراعظم ٹریزامے نے مستعفی ہونے کا عندیہ دے دیا، بریگزٹ ڈیل مکمل ہونے پر وزارت عظمی چھوڑ دیں گی۔ برٹش پاکستانی رکن پارلیمنٹ ساجد جاوید وزارت عظمی کے امیدواروں میں شامل ہیں۔برطانیہ میں بریگزٹ پر سیاسی بحران جاری، برطانوی وزیراعظم بدلنے کا امکان، ٹریزامے نے استعفے کی پیشکش کر دی۔ برطانوی وزیراعظم نے کنزرویٹو پالیمنٹری گروپ 1922 کمیٹی سے خطاب کرتے ہوئے کہا کہ وہ مستعفی ہو جائیں گی لیکن ان کی پیش کردہ ڈیل کی حمایت کی جائے، انہوں نے کہا بریگزٹ پر آئندہ مذاکرات کا حصہ بھی نہیں ہوں گی۔برطانوی میڈیا کے مطابق ٹریزامے کی جگہ برطانیہ کی وزارت عظمی سنبھالنے کے لیے جو شخصیات سرفہرست قرار دی جا رہی ہیں ان میں برٹش پاکستانی رکن پارلیمنٹ ساجد جاوید، مائیکل گوو، بورس جانسن، جریمی ہنٹ، اور ایمبررڈ شامل ہیں۔
The post برطانوی وزیراعظم کے مستعفی ہونے کا عندیہ،نئے وزیراعظم کی دوڑ میں کون کون شامل ہو گیا؟ appeared first on Global Current News.
اسلام آباد(جی سی این رپورٹ)سابق وزیراعظم نواز شریف کی ضمانت اور کوٹ لکھپت جیل سے راتوں رات رہائی کے معاملے پر سپریم کورٹ کے دو ملازمین کو معطل کر دیا گیا ہے۔دنیا نیوز ذرائع کے مطابق سپریم کورٹ کے دونوں ملازمین کو فیصلہ کی فوری ترسیل کے الزام میں معطل کیا گیا ہے۔ اسلام آباد سے علی اور لاہور رجسٹری سے شہزاد نامی ملازم کو معطل کیا گیا۔ذرائع کے مطابق دونوں ملازمین نے عدالتی وقت ختم کے باوجود فیصلہ کی ترسیل کی حالانکہ عدالتی اوقات کار دوپہر ساڑھے تین بجے تک ہیں۔ضمانت کے فیصلے کی فوری ترسیل سے نواز شریف رات پونے ایک بجے جیل سے رہا ہو گئے تھے۔ ضمانت کا فیصلہ رات نو بجے لاہور بھیجا گیا تھا۔
The post نواز شریف کی ضمانت،سپریم کورٹ کے دو اہلکار معطل، انہیں کیوں معطل کیا گیا،قصور کیا تھا؟ appeared first on Global Current News.
اسلام آباد(خصوصی نیوزرپورٹر ،سٹاف رپورٹر،مانیٹرنگ ڈیسک،نیوزایجنسیاں)وزیراعظم عمران خان نے کہاہے کہ ریاست عوام کو پانچ بنیادی چیزیں روٹی ،کپڑا،مکان،صحت اورتعلیم فراہم کرے گی، یہ ضروریات عوام کا بنیادی حق ہیں،اس حوالے سے ہم نے آئین کے آرٹیکل38ڈی میں ترمیم کرنی ہے۔ یہ دباؤ ہم اپنے اوپر ڈا ل رہے ہیں، کوئی بھی شہری ان کے حصول کیلئے عدالت میں جاسکے گا ۔انہوں نے غربت کے خاتمے کو جہاد قرار دیتے ہوئےاس پروگرام پر عمل در آمد کیلئے نئی وزارت بنانے کا اعلان کردیا جو رابطے کا کام کرے گی۔غربت کے خاتمے کیلئے امداد دی جائے گی، دیہی خواتین کو مو با ئل فون ، بکریا ں اور دیسی مرغیاں بھی فراہم کی جائینگی ۔گزشتہ روز اسلام آباد میں غربت کے خاتمے سے متعلق پروگرام”احساس اور کفالت“ کے اجرا کی تقریب سے خطاب کرتے ہوئے عمران خان نے کہاکہ ہم نے ملک میں غربت کو کم کرنے کے لیے جہاد شروع کررکھاہے۔کسی معاشرے سے غربت کم کرنے کے لیے کوئی ایک فارمولا نہیں ہے،پاکستان وہ واحد ملک ہے جو اسلام کے نام پر بنالیکن ہم ریاست مدینہ کے اصولوں کیخلاف چلے گئے۔ مدینہ کی ریاست کی طرف واپس جانے کیلئے پروگرام ’’احساس اور کفالت‘‘ پہلا قدم ہے۔وزیراعظم نے کہا کہ ہر کامیاب شخص کی زندگی سے لوگ سیکھنا چاہتے ہیں۔ دنیا میں سب سے کامیاب ہمارے پیارے نبی ﷺ تھے۔ انہوں نے ریاست مدینہ کی بنیاد رکھی جس کا پہلا اصول رحم تھا۔ مدینہ کی ریاست نے کمزور طبقے کی ذمہ داری لی۔ان کا کہنا تھا کہ ہمیں ہمیشہ مدینہ کی ریاست کے اصول یاد رکھنے چاہئیں، یورپ نے مدینہ کی ریاست کے اصول اپنائے اور آگے نکل گئے، وہاں کتے بھی بھوکے نہیں مرتے۔لوگ انہیں بھی گھر اور خوراک دیتے ہیں۔ عمران خان نے کہا کہ معاشرے سے غربت کم کرنے کیلئے بہت سے اقدامات کرنے پڑتے ہیں، ڈاکٹر ثانیہ نشتر کے پروگرام کو خراج تحسین پیش کرتا ہوں، ا س پروگرام کے پیچھے میں ہوں اور حکومت کی تمام وزارتیں غربت کے خاتمے کیلئے جہاد کریں گی ۔ انہوں نے سماجی بہبود کیلئے چین کی مثال دیتے ہوئے کہا کہ ہمسایہ ملک نے 30سال میں 70 کروڑ لوگوں کو غربت سے نکالا۔ کیا کوئی یقین کر سکتا تھا کہ چین ایسا کر لے گا؟ وزیراعظم نے اس عزم کا اظہار کہا کہ قوم جب ارادہ کر لے تو اللہ تعالیٰ کامیابی دیتا ہے،میرا ایمان ہے پاکستان میں بھی ایک دن غربت ختم ہو جائے گی۔ انہوں نے اعلان کیا کہ غربت کے خاتمے اور پروگرام ”احساس اور کفالت“ پر عملدرآمد کے لیے نئی وزارت بنائی جائے گی اور آرٹیکل 38 ڈی میں ترمیم کی جائے گی۔ہم جو تبدیلی لیکر آرہے ہیں ، اس میں سب سے بڑی تبدیلی یہ ہے کہ ہم نے اپنے آئین میں تبدیلی کرنی ہے،آرٹیکل 38ڈی میں عوام کی سہولت کیلئے تبدیلی کریں گے کہ ریاست عوام کو پانچ بنیادی چیزیں دینے کی ذمہ دار ہوگی ، یہ دبائو ہم اپنے اوپر ڈا ل رہے ہیں کوئی بھی ان کے حصول کیلئے عدالت میں جاسکے گا ۔غریبوں کی مدد کرنے کے لیے جتنے بھی ادارے کام کررہے ہیں وہ ایک جگہ سے منسلک کریں گے،بینظیرانکم سپورٹ پروگرام، زکوٰۃ،بیت المال اور پاکستان غربت مٹاؤ پروگرام سمیت دیگر ادارے علیحدہ علیحدہ کام کررہے ہیں اور ان کا آپس میں کوئی رابطہ نہیں ہے، ہم انہیں ایک وزارت کے نیچے کررہے ہیں،ابھی تک ہمیں یہ نہیں پتہ کتنے لوگ غربت کی لکیر سے نیچے ہیں؟تاہم ہم سمجھتے ہیں کہ تقریباً 25 فیصد سے 40 فیصد تک افراد غربت کی لکیر سے نیچے ہیں ،جس کے لیے ڈیٹا بیس بنارہے ہیں ،پورے پاکستان سے ڈیٹا اکٹھا کریں گے جو رواں سال دسمبر تک مکمل ہو جائے گا۔ ڈیٹا بیس مکمل ہوتے ہی ہمیں پتہ چلے گا لوگوں کی انکم کتنی ہے، لیکن اس ڈیٹا بیس سے مکمل پتہ چلے گا اور ایک ہی جگہ سے انتظام کریں گے اور پورے ملک میں غربت کی کمی کے لیے مہم چلائیں گے۔اس موقع پر وزیر اعظم نےاس پروگرام کی منصوبہ بندی کرنے پر ڈاکٹر ثانیہ نشتر کو خراج تحسین پیش کیا۔انہوں نے کہاکہ غربت مکائوپروگرام میں 80ارب کا اضافہ کررہے ہیں، 2021 تک یہ رقم120 ارب روپے تک بڑھا دیں گے۔وزیر اعظم عمران خان نے کہاکہ کفالت کا مطلب ہے کہ سروے کرکے لوگوں کی مالی مدد کرنا ، اس وقت پرانے سروے سے مدد کررہے ہیں اور نئے سروے سے معلوم کریں گے کس کا کیا حال ہے اور دسمبر تک نیا سروے بھی آجائے گا۔انہوں نے کہاکہ 57 لاکھ خواتین کے بچت اکاؤنٹس بنائیں گےاور انہیں موبائل دینگے ، وہ موبائل فون سے بینک اکاؤنٹ تک رسائی کریں گی، اس سے شفاف طریقہ ہوگا، نقد منتقلی کو 5 ہزار سے ساڑھے 5 ہزار تک بڑھا رہے ہیں۔کفالت پروگرام پر بات کرتے ہوئے انہوں نے کہا کہ500 ڈیجیٹل حب بنارہے ہیں، یہ تحصیلوں میں ہوں گے اور یہ غریب لوگوں کے لیے مواقع پیداکریں گے،لوگوں کو زندگی بہتر کرنے کے مشورے بھی دیئے جائیں گے۔وزیراعظم نے کہا کہ تحفظ پروگرام کے تحت جب کوئی مشکل میں ہو گا تو اسے لیگل ایڈ فراہم کی جائے گی۔ اس کے علاوہ پسماندہ علاقوں کے لیے طلبا کو ایجوکیشن گرانٹ دیں گے،جن کے پاس انصاف کارڈ نہیں ہیں وہ تحفظ پروگرام سے رابطہ کریں گے تو انہیں کارڈ بنا کر دیں گے۔معذور افرادکیلئے 20مراکز کھولے جائیں گے ، دیہی خواتین کو دیسی مرغیاں اوربکریاں دیں گے ،غریب لوگوں کی آمدنی بڑھانے کیلئے مرغیاں اور بکریاں بہت اہم ہیں، کچن گارڈن کیلئے دیہات میں بیج دیئے جائیں گے ۔انہوں نے کہا کہ یوٹیلیٹی سٹورز پر بھی بیج فراہم کئے جائیں تاکہ غریب لوگ گھروں میں لے جاکر سبزیاں اگائیں اور اپنے بچوں کی خوراک بہتر کریں۔ہم نے فیصلہ کیاہے کہ معذروں کو سہولیات فراہم کی جائیں گی ،بیرون ملک کام کرنے جانیوالے مزدوروں کوسہولیات دیں گے، ان کیلئے سفارتخانوں میں ویلفیئر اتاشی تعینات کیے جائیں گے، محنت کش کو سپیشل ویلفیئر ٹکٹ دیں گے تاکہ وہ اپنے گھر والوں سے آکر مل سکیں، جو مزدور بیرون ملک جائیں گے، انہیں ایک سال نہیں بلکہ 3 سال کے کنٹریکٹ پر بھیجیں گے۔مزدوروں اور کسانوں کو آسان شرائط پر قرضے دیں گے تاکہ وہ اپنا گھر بنا سکیں، انہوں نے کہا کہ جو لو گ بوڑھے ہوجاتے ہیں ،معاشرہ ان کا دھیان نہیں رکھتا ، دنیا میں پہلی بار پنشن خلافت راشدہ میں شروع کی گئی تھی ، ای او بی آئی کےپنشنر ز کی پنشن میں اضافے کافیصلہ کیاہے جو پانچ ہزار سے بڑھا کر ساڑھے 6 ہزار کررہے ہیں ، احساس بوڑھے افراد کیلئے گھربنائیگا، این ایف سی ایوارڈ میں پسماندہ اضلاع کو زیادہ حصہ دیں گے ، انہوں نے کہا کہ پنجاب میں راجن پور سب سے پیچھے رہ جانے والا ضلع ہے، جہاں ایک شخص پر ڈھائی ہزار روپے خرچ آتا ہے جبکہ لاہور میں یہ خرچہ 70 ہزار روپے فی کس ہے ۔ آئندہ بیرون ملک کام کرنے کیلئے جانے والے پاکستانیوں کو ایک سال کا نہیں بلکہ کم از کم 3 سال کا ویزا دیا جائے گا۔ تحفظ پروگرام کے تحت کال سنٹر بنائے جائیں گے جہاں لوگ رابطہ کرکے مدد حاصل کرسکیں گے ، بیواؤں کو بھی مدد دی جائیگی ۔ ہم این جی اوز سے پارٹنرشپ کریں گے ، پاکستان ان پانچ ملکوں میں شامل ہے جہاں سب سے زیادہ خیرات دی جاتی ہے ، اس لئے ہم کوشش کریں گے کہ مل کرکام کریں، ہم نے شیلٹر ہومز کا فیصلہ کیا ، پہلے پنجاب میں پھر اسلام آباد ، راولپنڈی اور پشاور میں بنائے اور پھر لوگ خود ہی شروع ہوگئے جب شیلٹر ہوم بنتا تھا تو لوگ خود ہی آجاتے تھے کہ اب یہ ہم پر چھوڑ دیں ، ان شیلٹر ہومز پر حکومت کا کوئی پیسہ نہیں لگالوگ خود ہی شروع ہوجاتے ہیں۔ان کا کہنا تھا کہ پہلی دفعہ پاکستان میں اس طرح کا پروگرام آرہاہے اور جب پاکستان ایک عظیم ملک بن جائیگا تو پھر آپ اس دن کویاد کریں گے جس دن ہم نے یہ پروگرام شروع کیا ۔ انہوں نے کہا کہ خانہ بدوشوں، سٹریٹ چلڈرن ، چائلڈ لیبر اور خواجہ سراؤں کی مدد کریں گے ، ڈیلی ویجز کارکنوں کی بھی این جی اوز کے ساتھ مل کرمدد کی جائیگی ، بیت المال اگلے چار سال میں 10 ہزار یتیم بچوں کیلئے سویٹ ہومز بنائیگا ، پہلی دفعہ پاکستان میں ایسا پروگرام لا رہے ہیں جس کے ذریعے سٹریٹ چلڈرن کے لیے پبلک پرائیویٹ پارٹنرشپ کریں گے۔ معاشرے میں خواجہ سراؤں کیساتھ اچھا سلوک نہیں کیا جاتا، ہم ان کی بھی مدد کریں گے۔وزیراعظم نے بتایا کہ بھٹہ میں کام کرنے والوں کی بھی ’’تحفظ پروگرام‘‘کے ذریعے مدد کریں گے۔ اس وقت پاکستان میں 43فیصد بچے سٹنٹڈ گروتھ کا شکار ہیں، اس کا معاشرے کوکتنا نقصان ہوگا ۔ انہوں نے کہا کہ نظریہ پاکستان کے راستے پر واپس جانے کی یہ پہلی صحیح کوشش کررہے ہیں، یہ راستہ جس میں انسانیت کی مدد کرنے کیلئے جاتے ہیں ،یہ اللہ کا راستہ ہے ، ہم نماز میں اللہ سے وہ راستہ مانگتے ہیں، ہم نے کامیاب ہونا ہے یا نہیں ہونا یہ اللہ کے اختیار میں ہے ، ہم نے کوشش کرنا ہے ، شوکت خانم ہسپتال بنانے کی وجہ یہ بنی کہ میں نے میو ہسپتال میں ایک بوڑھے کودیکھا جس کا بھائی کینسر کے مرض میں مبتلا تھا اور وہ سارا دن مزدوری کرنے کے بعد اپنے بھائی کے ساتھ بیٹھتاتھا ، اس پر میں نے سوچا کہ پاکستان میں ایک کینسر کا ہسپتال ہونا چاہیے جہاں غریب کا علاج ہوسکے ۔ انہوں نے کہا کہ جب میری والدہ کوکینسر تھا ، تو اس وقت جس کو کینسر ہوجاتا تھا ، گھر والے سمجھتے تھے کہ اب یہ گیا کیونکہ اس مرض میں مریض آہستہ آہستہ موت کی طرف بڑھتا ہے جب میں نے ارادہ کیا تو لوگوں نے کہا کہ پاکستان میں کینسر کا ہسپتال بن ہی نہیں سکتا لیکن پاکستانی قوم ہر سال پہلے سے زیادہ پیسہ دے دیتی ہے ۔ انہوں نے کہا کہ آج ہمارے پاس پیسہ نہیں ہے ،نئی چیزیں سوچنی ہیں،جب بھی پیسوں کی بات ہوتی ہے اسد عمر کے بال مزید سفید ہوجاتے ہیں۔ یہ چھوٹی چھوٹی چیزیں بڑا فرق ڈالتی ہیں، جمہوریت نے دس سال میں ہم سے جو بدلہ لیاہے کہ قرضہ 6 ہزار ارب سے بڑھا کر 30 ہزار ارب تک کردیا گیا ہے۔ملک کو غربت سے نکالنے کے لیے بہترین بلدیاتی نظام متعارف کرایا جا ئے گا ۔ہر سکیم میں غریبوں کا کوٹہ ہو گا، کچی ا ٓبادیوں کو رجسٹر کیا جائے گا اور فلیٹس بنا کر غریبوں کو دیئے جائیں گے ،وزیر اعظم نے کہا کہ ملک میں کھلے دودھ کی کوالٹی چیک کرائی گئی تو 75فیصد دودھ پینے کے قابل ہی نہیں تھا، ایک شہر کی حالت تو یہ تھی کہ وہاں دودھ ہی نہیں تھا بلکہ پوڈر کے ذریعے واشنگ مشین میں ڈال کردودھ بنایا جاتا تھا یہ بہت سنجیدہ ایشو ہے، اسلام آباد اور لاہور میں دودھ پرکنٹرول شروع کررہے ہیں تاکہ دودھ کی کوالٹی کوبہتر بنایا جاسکے،غریب بے سہارا اور بے گھر لوگوں کے لئے ہر شہر میں پناہ گاہیں بنائیں گے۔ہمارے ملک میں مزدوروں کے حقوق نہیں ہیں نہ دیہات میں کام کرنے والے والے اور نہ گھروں میں کام کرنے والے نوکروں کے ان کے ساتھ ہونے والے استحصال کا خاتمہ کریں گے، ایسے افراد کا ڈیٹا بیس بنائیں گے ان کے لئے پنشن کا سسٹم لیں کر آئیں گے، انہوں نے کہا کہ کہ حکومت یہ بھی سوچتی ہے کہ چھابڑی والے کی آمدن کو کیسے بہتر کیا جا سکتاہے، بلیو ایریا سمیت کئی مقامات ایسے ہیں جو ایلیٹ طبقے کے لئے مختص ہیں وہاں چھابڑی لگانے کی اجازت نہیں، حکومت کوشش کرے گی کہ یہاں اچھے اچھے ٹھیلے قائم ہوں اور غریب لوگوں کو بھی روزگار ملے، فنی تعلیم پر پورا زور لگا رہے ہیں ،سکولوں میں 8ویں جماعت سے بچوں کو ہنر سکھائیں گے،سکلز سنٹر میں 18کے بجائے 15سال کے عمر کے بچوں کوبھی داخلہ دیا جاسکے گا۔
The post احساس و کفالت پروگرام کا اجرا،وزیراعظم کے بڑے اعلانات،دیہی خواتین کو کیا کچھ فراہم کیا جائیگا،مکمل تفصیلات آگئیں appeared first on Global Current News.
بدین (جی سی این رپورٹ)بدین کےگاؤں سے مبینہ طور پر اغوا ہونے والی لڑکی کملا دیوی کی بازیابی کے لیے ورثا نے احتجاجی مظاہرہ کیا اورفوری بازیابی کا مطالبہ کیا۔پولیس کی ابتدائی تفتیش کے مطابق لڑکی نے اپنی مرضی سے گھر چھوڑا اور اسلام قبول کر کے مقامی لڑکے سے پسند کی شادی کرلی ہے۔ایس ایس پی بدین حسن سردار نیازی کےمطابق گاؤں جام پتافی سے مبینہ طور پر اغوا ہونے والی 20 سالہ کملا دیوی نے 17 مارچ کو اسلام قبول کر کے غلام حیدر تھیم نامی شخص سے پسند کی شادی کی اوراپنا نام مریم شیخ رکھ لیا ہے۔لڑکی نے سانگھڑ کی عدالت میں اپنی مرضی سے شادی کا بیان حلفی بھی جمع کروا دیا ہے۔ تاہم لڑکی کے والد کی درخواست پر اغوا کا مقدمہ درج کیا گیا ہے۔ بازیابی کے بعد لڑکی کو عدالت میں پیش کیا جائے گا۔ ادھر لڑکی کےاہل خانہ نے جھڈو پریس کلب کےسامنے شدید احتجاج کیا۔
The post بدین کی کملا دیوی نے بھی اسلام قبول کرکے مسلمان لڑکے سے شادی کرلی،مکمل کہانی کیا ہے؟ appeared first on Global Current News.
لاہور(جی سی این رپورٹ)سابق وزیر اعظم نواز شریف کے مشقتی سوار خان کو اس کی مشقت کا صلہ مل گیا جیل حکام کے مطابق سوار خان سیالکوٹ کا رہائشی ہے اور قتل کے جرم میں قید تھا ۔اس کی دس سال قبل ضمانت ہوگئی تھی لیکن مچلکے جمع نہیں کروائے گئے تھے۔ نواز شریف فیملی کی جانب سے گزشتہ روز ایک لاکھ روپے کے مچلکے کی ادائیگی کی گئی جس پر اسے جیل سے رہا کردیا گیا ۔
The post نواز شریف جیل سے جاتے جاتے اپنے مشقتی کیلئے وہ کام کرگئے کہ آپ دنگ رہ جائینگے appeared first on Global Current News.
رملہ،غزہ(جی سی این رپورٹ)اسرائیلی فوج کی فائرنگ سے فلسطینی نوجوان شہید ہو گیا۔صہیونی فورسز نے بمباری کر کے فلسطینی آباد ی کے 500گھر تباہ کردئیے ۔رپورٹ کے مطابق مقبوضہ مغربی کنارے کے جنوبی علاقے میں اسرائیلی فورسز نے مہاجر کیمپ میں رہائش پذیر فلسطینیوں کے پر امن مظاہرے پر گولی چلا دی۔ فائرنگ سے 17سالہ فلسطینی شہید ہو گیا وزارت صحت نے تصدیق کی ہے کہ قابض فوج کی فائرنگ سے جام شہادت نوش کرنے والے نوجوان کی شناخت ساجد مظہر کے نام سے ہوئی ہے جو بیت ا للحم کے قریب رفیوجی کیمپ میں بطور رضا کار کام کرتا تھا۔دوسری طرف تل ابیب پر راکٹ حملے سے 7 اسرائیلی شہریوں کے زخمی ہونے کے بعد اسرائیل نے غزہ کی پٹی پرفضائی حملے تیز کرنے کے ساتھ مزید دوانفنٹری بریگیڈ غزہ بفر زون میں تعینات کر دی ہیں ۔دوسری طرف فلسطینی وزیر برائے ہاؤسنگ و آباد کاری مفید الحساینہ نے بتایا کہ غزہ کی پٹی میں قابض اسرائیلی فوج کے فضائی حملوں سے 500گھر تباہ ہو گئے فلسطینی عملے نے اسرائیلی فوج کی وحشیانہ بمباری سے ہونے والے نقصان کی تفصیلات جمع کرنا شروع کردی ہیں۔ بتایا گیاہے کہ بمباری سے تباہ ہونیوالے کئی گھرمکمل تباہ ہو گئے ہیں اوررہائش کے قابل نہیں رہے۔ادھر بیت الحم کے سکول میں گھس کر یہودی آباد کاروں نے طلبا کو ہراساں کیا۔بتایاگیاہے کہ یہودی آباد کاروں نے اسرائیلی فوج کی فول پروف سکیورٹی میں مدرسہ الخنسا پر دھاوا بولا۔ یہودیوں نے اسرائیلی پرچم اٹھا رکھے تھے اور فلسطینیوں کے خلاف یہ نعرے لگا رہے تھے۔
The post اسرائیلی فوج نے بربریت کی انتہا کر دی،تباہی و بربادی کی تصویری رپورٹ appeared first on Global Current News.
ابوظہبی(جی سی این رپورٹ) آسٹریلیا نے پاکستان کو مسلسل تیسرے ایک روزہ میچ میں شکست دیکر 5 میچوں کی سیریز میں 0-3 کی برتری حاصل کرلی۔ کینگروز کے 267 رنز کے ہدف کے تعاقب میں پاکستان کی پوری ٹیم 45 ویں اوور میں 186 رنز پر ڈھیر ہوئی اور اسے 80 رنز سے شکست کا سامنا کرنا پڑا۔ابوظہبی کرکٹ اسٹیڈیم میں کھیلے گئے میچ میں آسٹریلوی کپتان ایرون فنچ نے ٹاس جیت کر پہلے بیٹنگ کا فیصلہ کیا تو اوپنر عثمان خواجہ پہلے ہی اوور میں بغیر کوئی رن بنائے کلین بولڈ ہوئے۔دوسرے آؤٹ ہونے والی کھلاڑی مارش تھے جو 14 رنز بناکر جنید خان شکار بنے۔ تیسری وکٹ کی شراکت میں پیٹرہینڈزکومب اور کپتان فنچ نے شاندار کھیل پیش کیا اور 84 رنز بنائے تاہم 104 کے مجموعی اسکور پر ہینڈز کومب بھی پویلین لوٹ گئے۔
ایرون فنچ اور میکسویل کی شاندار بیٹنگ کے بدولت آسٹریلیا نے مقررہ 50 اوورز میں 6 وکٹوں کے نقصان پر 266 رنز بنائے۔ ایرون فنچ 90، میکسویل 71 اور ہینڈزکومب 47 رنز بناکر نمایاں رہے۔ گرین شرٹس کی جانب سے عثمان شنواری، جنید خان، یاسر شاہ، عماد وسیم اور حارث سہیل نے ایک ایک کھلاڑی کو آؤٹ کیا۔سیریز میں مہمان ٹیم کو 0-2 کی برتری حاصل ہے، سیریز بچانے کے لیے گرین شرٹس کو آج کا میچ لازمی جیتنا ہوگا اور کپتان شعیب ملک میچ جیتنے کے لیے پُرعزم ہیں۔آسٹریلیا کے خلاف تیسرے میچ کے لیے قومی ٹیم میں دو تبدیلیاں کی گئی ہیں، محمد عباس اور فہیم اشرف کی جگہ جنید خان اور عثمان شنواری کو شامل کیا گیا ہے۔
The post ناکامیوں کی داستان طویل appeared first on Global Current News.
The post شوہر کے ہاتھوں تشدد کا شکاربننے والی خاتون کیساتھ پنجاب پولیس نے بھی گھٹیا پن کی انتہا کر ڈالی،ویڈیو رپورٹ دیکھیں appeared first on Global Current News.
بھیریا (جی سی این رپورٹ)پاکستان پیپلز پارٹی کے چیئرمین بلاول بھٹو کی قیادت میں مہنگائی کے خلاف ٹرین مارچ بھیریا روڈ اسٹیشن پہنچ گیا ہے۔ جہاں پر خطاب کرتے ہوئے انہوں نے نوازشریف کو سندھ آنے کی دعوت دی ہے۔چیئرمین بلاول بھٹو کا کہنا تھا ’نوازشریف سندھ آئیں ہم انہیں ویلکم کرینگے، ہم این آئی سی وی ڈی میں ان کا علاج کروائیں گے اور صحت کا خیال رکھیں گے۔بلاول بھٹو نے اس ٹرین مارچ کا آغاز منگل کی صبح کراچی سے کیا تھا۔
اس مارچ کو ’کارروانِ بھٹو‘ قرار دیا گیا ہے اور کہا ہے کہ یہ مارچ مہنگائی کے خلاف ہے۔ٹرین مارچ کے لیے خصوصی ٹرین منگل کی صبح کینٹ اسٹیشن سے روانہ ہوئی، جو کراچی کے مختلف اسٹیشنوں سے ہوتی ہوئی ٹھٹہ کے سٹیشن جنگ شاہی پہنچی اور وہاں سے حیدرآباد اور ٹنڈو آدم سے ہوتی ہوئی نوابشاہ سٹیشن پر رکی جہاں بلاول بھٹو اپنے آبائی شہر میں رات کو قیام کیا۔ توقع ہے کہ وہ شام تک لاڑکانہ پہنچ جائیں گے۔اس مارچ کے دوران وہ 25 مقامات پر کارکنوں اور ہمدردوں سے خطاب کریں گے۔ پاکستان پیپلز پارٹی کی جانب سے چھوٹے بڑے شہروں کے اسٹیشنوں پر استقبالی کیمپ لگائے گئے ہیں۔
The post ٹرین مارچ بھیریا پہنچ گیا،بلاول نے نواز شریف کو کیا پیشکش کر ڈالی appeared first on Global Current News.
سڈنی (جی سی این رپورٹ)سابق آسٹریلوی بولر اور کوچ بروس یارڈلے کینسر کے مرض میں مبتلا رہنے کے بعد بدھ کو71برس کی عمر میں چل بسے۔بروس یارڈلے نے 30سال کی عمر میں میڈیم فاسٹ بولر کے طور پر ٹیسٹ کیریئر کا آغاز کیا تاہم کیریئر کے وسط میں وہ اسپین بولر کے روپ میں سامنے آئے۔یارڈلے نے آسٹریلیا کی طرف سے 33ٹیسٹ میچز کھیلے اور 126وکٹیں حاصل کیں۔انہوں نے 24سالہ فرسٹ کلاس کیریئر کے دوران مجموعی طور 344کھلاڑیوں کا شکار کیا۔
کرکٹ آسٹریلیا کے چیف ایگزیکٹو آفیسر کیون رابرٹس نے بروس یارڈلے کو خراج عقیدت پیش کرتے ہوئے کہا ہے کہ وہ آسٹریلوی کرکٹ کی ایک اہم شخصیت تھے، انہوں گراؤنڈ اور گراؤنڈ سے باہر مختلف طریقوں سے کرکٹ کے فروغ میں کردار ادا کیا۔بروس یارڈلے متاثر کن شخصیت کے مالک تھے اور اسپن بولنگ کوچ کی حیثیت سے دنیا بھر میں ان کا احترام کیا جاتا تھا،انہوں نے سری لنکن ٹیم کی کوچنگ اور ٹیسٹ کرکٹ میں سب سے زیادہ800 وکٹیں لینے والے اسپنر مرلی دھرن کی مینٹورنگ بھی کی۔
انہوں نے 90ء کی دہائی کے آخر میں سری لنکن ٹیم کی کوچنگ کی اور جب 2004ء میں غیرقانونی ایکشن پر مرلی دھرن کے خلاف تحقیقات ہوئیں تو سری لنکن اسپنر کا بھرپور دفاع کیا۔سری لنکا کے سابق کپتان کمار سنگاکارا نے بروس یارڈلے کے انتقال پر افسوس کا اظہار کرتےہوئے اُنہیں اچھا انسان اور سری لنکن کرکٹ کا عظیم دوست قرار دیا ہے۔
The post آسڑیلیا غم میں ڈوب گیا،اہم کرکٹر کی موت appeared first on Global Current News.
اسلام آباد(جی سی این رپورٹ)سپریم کورٹ نے قومی احتساب بیورو (نیب) کو پیشگی اطلاع کے بغیر ملزم کو گرفتار کرنے کی اجازت دیتے ہوئے احتساب کے ادارے کے دائرہ اختیار سے متعلق درخواست نمٹادی۔جسٹس شیخ عظمت سعید کی سربراہی میں جسٹس فیصل عرب اور جسٹس مظہر عالم خان میاں خیل پر مشتمل 3 رکنی بینچ نے نیب کے دائرہ اختیار سے متعلق درخواست کی سماعت کی۔سماعت کے دوران اسپیشل پراسیکیوٹر نیب عدالت میں پیش ہوئے اور انہوں نے اپنے دلائل میں کہا کہ نیب کا درخواست گزار کو گرفتار کرنے کا ارادہ نہیں ہے۔نیب پراسیکیوٹر نے مزید کہا کہ نیب عدالتِ عالیہ کے فیصلے کا احترام کرتا ہےجسٹس شیخ عظمت سعید نے دلائل سننے کے بعد اپنا فیصلہ سناتے ہوئے نیب کے دائرہ اختیار سے متعلق دائر درخواست کو نمٹادیا۔سپریم کورٹ نے فیصلہ دیا ہے کہ نیب کسی بھی ملزم کو پیشگی اطلاع دیے بغیر ہی گرفتار کر سکتا ہے۔عدالتِ عظمیٰ کے مطابق اگر نیب کے پاس ٹھوس شواہد ہوں تو اسے گرفتاری کا مکمل اختیار ہے، ساتھ ہی یہ تنبیہ بھی کی گئی کہ عدالت کو امید ہے کہ نیب اپنے ان اختیارات کا ناجائز استعمال نہیں کرے گا۔یاد رہے کہ گزشتہ برس نومبر میں سپریم کورٹ نے اراکین اسمبلی کو قومی احتساب آرڈیننس 1999میں ترمیم پر غور کرنے کی تجویز پیش کی تھی۔گزشتہ برس ہی ستمبر میں لاہور ہائیکورٹ کے جسٹس شاہد وحید کی سربراہی میں تین رکنی فل بینچ نے نیب آرڈیننس کو ایک موثر قانون قرار دیا تھا ۔لاہور ہائیکورٹ کے 24 صفحات پر مشتمل تفصیلی فیصلے میں کہا گیا تھا کہ نیب آرڈیننس اس وقت لاگو ہے، اس کو نہ تو ختم کیا گیا ہے اور نہ ہی اس میں کوئی تبدیلی کی گئی۔لائیرز فاؤنڈیشن فار جسٹس (ایل ایف جے) نے لاہور ہائی کورٹ کے فل بینچ کے نیب آرڈیننس کی قانونی حیثیت برقرار رکھنے کے فیصلے کو سپریم کورٹ میں چیلنج کردیا تھا۔واضح رہے کہ پاکستان پیپلز پارٹی (پی پی پی) اور پاکستان مسلم لیگ (ن) کی جانب سے وقتاً فوقتاً نیب کے کردار کو ہدف تنقید بنایا جاتا رہا ہے۔گزشتہ برس دسمبر میں قومی اسمبلی میں اجلاس کے دوران خواجہ سعد رفیق نے اظہار خیال کرتے ہوئے نیب قانون کو ’کالا قانون‘ قرار دیتے ہوئے کہا تھا کہ یہ سیاسی مخالفین کو نشانہ بنانے کے لیے استعمال کیا جارہا ہے۔علاوہ ازیں بلاول بھٹو زرداری نے بھی نیب کے قانون کو ڈکٹیٹر کا قانون قرار دیتے ہوئے کہا تھا کہ ہماری غلطی تھی کہ ہم اس قانون کو گزشتہ دورِ حکومت میں تبدیل نہیں کرواسکے تھے۔اسپیکر سندھ اسمبلی آغا سراج درانی کے گھر پر چھاپے کے بعد وزیراعلیٰ سندھ مراد علی شاہ نے بھی نیب کو تنقید کا نشانہ بنایا تھا۔انہوں نے کہا تھا کہ نیب کے اہلکار چھاپے کے دوران زبردستی اسپیکر قومی سندھ اسمبلی کے گھر پر رہے جہاں انہوں نے خواتین کے ساتھ بھی بد تمیزی کی تھی۔وزیراعلیٰ سندھ نے چیئرمین نیب سے مطالبہ کیا تھا کہ نیب اہلکاروں کے خلاف کارروائی کی جائے ورنہ ہم نیب کے خلاف ایکشن لیں گے۔
The post لٹیروں کا اب بچنا مزید مشکل،سپریم کورٹ نے نیب کو بڑے کام کی اجازت دیدی appeared first on Global Current News.
پاکستان کے زیر انتظام کشمیر کی پولیس نے ایک اعلامیے میں 18 مفرور قیدیوں کی تلاش میں عوام سے مدد کی اپیل بھی کی ہے اور درست اطلاع دینے پر مجم...
جملہ حقوق ©
WAKEUPCALL WITH ZIAMUGHAL
Anag Amor Theme by FOCUS MEDIA | Bloggerized by ZIAMUGHAL