![](https://static01.nyt.com/images/2019/04/28/travel/0428-TIPS-photos/0428-TIPS-photos-mediumThreeByTwo440.jpg)
By GEOFFREY MORRISON from NYT Travel https://nyti.ms/2VledML
.FOCUS WORLD NEWS MEDIA GROUP EUROPE copy right(int/sec 23,2012), BTR-2018/VR.274058.IT-
راولپنڈی( جی سی این رپورٹ) تھانہ روات کے قریب جی ٹی روڈ پر ڈاکوئوں نے منی چینجر کی وین گن پوائنٹ پر لوٹ لی ، چھ ڈاکو 2کروڑ58 لاکھ روپے لوٹ کر فرار ہوگئے، مزاحمت پرڈرائیور اور کیشیئر کو تشدد کر کے زخمی کر دیا ۔تفصیلات کے مطابق پاکستان کرنسی ایکسچینج منڈی بہائوالدین کا عملہ صبح راولپنڈی کی منی مارکیٹ سے رقم تبدیل کر انے آیا اور رات آٹھ بجے کیش وین میں واپس دو کروڑ 58 لاکھ روپے لیکر منڈی بہائولدین جا رہا تھا کہ تھانہ روات کے قریب کلیام موڑجی ٹی روڈ کےایک ہوٹل پر کھانا کھانے کے لئے رکا ، اس دوران ان کا تعاقب کرنے والی سفید کار میں سوار6 افراد نے کار سے اتر کر کیش وین کے دو سکیورٹی گارڈ جو ہو ٹل میں تھے کو قابو کر لیا ،ڈاکوئوں نے مزاحمت کرنےپر ڈرائیور اور کیشیئر کو پستول کےبٹ مار کر زخمی کر دیا اور چابیاں چھین کر وین سے کیش نکال کر فرار ہو گئے ،واضح رہے کہ جب گارڈ ز گاڑی سے اترے تو اپنا اسلحہ گاڑی میں ہی چھوڑ آئے، اطلاع ملنے پر ایس پی اور ڈی ایس پی صدر جائے وقوعہ پر پہنچ گئے۔ تفتیش کا آغاز کر کے ملزمان کی گرفتاری کے لئے دو ٹیمیں بنا دی گئیں ۔
The post جی ٹی روڈ پر ڈاکوئوں کی دلیرانہ واردات، جانتے ہیں ڈاکو کتنی رقم لے گئے؟ appeared first on Global Current News.
لاہور(جی سی این رپورٹ)وزیر اعظم عمران خان نے وفاقی کابینہ میں تو بڑی تبدیلی کردی لیکن ان کی پارٹی یعنی پی ٹی آئی میں مسائل موجود ہ ہیں ،سابق وزیر خزانہ اسد عمر کے استعفے کے بعد پارٹی میں ناراض گروپ بھی سر اٹھا رہا ہے ،واضح طور پر کچھ لوگ ناراض نظر آتے ہیں ۔میزبان “دنیا کامران خان کے ساتھ” کے مطابق بنی گالہ میں عمران خان کی صدارت میں پارٹی کی کور کمیٹی کا ایک اجلاس ہوا تھالیکن عجیب کور کمیٹی کا اجلاس تھا کہ اس اجلاس میں اسد عمر،فواد چودھری ،شاہ محمود قریشی ،غلام سرور خان ،شفقت محمود ، شہر یار آفریدی اور شیریں مزاری موجود نہیں تھے۔واضح طور پر لگتا ہے پی ٹی آئی میں سب ٹھیک نہیں ہے اس لئے وزیر اعظم عمران خان کا فوری ہدف پی ٹی آئی کے اندرونی نظام کو سدھارنا ہونا چاہئے۔پی ٹی آئی کے اندرونی مسائل کو سنبھالنا عمران خان کے اہداف میں سب سے اوپر ہونا چاہئے ، کہیں یہ معاملہ ہاتھ سے نہ نکل جائے ۔عمران خان کی کابینہ ریڈی میڈ وزرا کا ایک مجموعہ ہے ان و زرا کو ریڈی میڈ کہا جا رہا ہے کیونکہ اس میں ان چہروں کی بھرمار ہو گئی ہے جو پیپلز پارٹی یا مشرف دور سے منسلک کئے جاتے ہیں ۔وزیر اعظم عمران خان کی کابینہ 24وزرا پر مشتمل ہےان میں 12وزرا اور 6 مشیر پیپلز پارٹی یا مشرف کے دور میں کابینہ کا حصہ رہ چکے ہیں۔ اس حوالے سے جو نام لئے جاتے ہیں ان میں شاہ محمود قریشی،مشیر خزانہ ڈاکٹر عبدالحفیظ شیخ ، فردوس عاشق اعوان شامل ہیں ۔یہ پیپلز پارٹی دور کے وزرا ہیں ان کے پاس وہی قلمدان ہیں جو پیپلز پارٹی دور میں تھے۔فواد چودھری پیپلز پارٹی اور پرویز مشرف دونوں کے ترجمان رہ چکے ہیں۔میزبان کہتے ہیں کہ عمران خان اور ان کی جماعت اس وقت شدید دبائو میں ہے وزیر اعظم نے اس وقت لوز بال کی ہیں اور ان پر ہر طرف سے چھکے پڑ رہے ہیں ۔اس صورتحال کے حوالے سے وزیرخارجہ شاہ محمودقریشی نےنجی ٹی وی پروگرام میں گفتگو کرتے ہوئے کہا کہ وزیراعظم کاصوابدیدی اختیارہےکہ کس کوکیاذمہ داری دیں،خزانہ میں اسد عمر کی جگہ ڈاکٹر حفیظ شیخ آئے ہیں ۔دیکھا جائے تو اسدعمربنیادی طورپرسیاستدان نہیں،ٹیکنوکریٹ ہیں،کاروباری حلقوں میں ان کو ایک ٹیکنو کریٹ کے طور پر دیکھا جاتا تھااور ان کی سمجھ بوجھ بھی یقیناً اس نوعیت کی تھی۔ مشیرخزانہ حفیظ شیخ بھی ٹیکنوکریٹ ہیں، اسدعمرپی ٹی آئی کےقابل فخرسپوت ہیں،ہرجدوجہدکاحصہ رہے،اسدعمرکی تحریک انصاف کوضرورت تھی اوررہےگی،وہ پارٹی کا اثاثہ ہیں ۔ معاشی فیصلےمشیرخزانہ حفیظ شیخ ہی کریں گے، حفیظ شیخ جس سےمناسب سمجھیں مشاورت کریں گے۔ ایک سوال پر انھوں نے بتایا کہ فردوس عاشق اعوان پہلے بھی یہ ذمہ داری نبھاتی رہی ہیں ۔امید ہے وہ اپنے تجربہ کو بروئے کار لاتے ہوئے پارٹی کے بیانیہ کو پیش کرنے میں کامیاب ہوں گی جہانگیر ترین کے بارے میں اپنے ایک پہلے بیان کے حوالے سے انھوں نے کہا کہ وزیر اعظم نے درست کہا ہے کہ پارٹی کے معاملات پارٹی کے اندر بیٹھ کر طے کرنے چاہئیں میں اس کو اہمیت دیتا ہوں میں پارٹی معاملات پر میڈیا پر بات نہیں کروں گا ۔شاہ محمود قریشی کا کہنا ہے کہ دورہ جاپان کی مصروفیات کی وجہ سے ایران نہیں جا سکا۔ وزیراعظم عمران خان نے دورہ ایران کی تاریخ تبدیل کی جس کی تاریخ میرے دورہ جاپان سے متصادم تھی۔ مشاورت سے طے ہوا وزیراعظم عمران خان ایران اور میں جاپان جائوں گا۔ سابق وزیر صحت عامر کیانی نے پروگرام میں گفتگو کرتے ہوئے کہا کہ سابق چیف جسٹس ثاقب نثار نے الیکشن سے پہلے دوائیوں کے حوالے سے از خود نوٹس لیا ،مسلم لیگ ن کی حکومت نے کابینہ سے ایک سمری منظور کرائی ، سپریم ورٹ نے براہ راست ڈریپ کو ہدایات دی تھیں ۔انھوں نے کہا کہ اس معاملے کی انکوائری ہونی چاہئے پچھلی کابینہ کو بھی پکڑیں اور ڈریپ کی بھی انکوائری ہونی چاہئے ۔میں چاہتا ہوں کہ معاملہ واضح ہو،عوام کو بھی اصل صورتحال کا علم ہومیں بھی انکوائری کے سامنے پیش ہونے کو تیار ہوں ۔پروگرام میں گفتگو کرتے ہوئے وزیر مملکت برائے ریونیو حماد اظہر نے کہا کہ ملک کے تمام ریسٹورنٹس کو ٹیکس کے دائرے میں لائیں گے انھوں نے کہا کہ آن لائن سسٹم کے ذریعے ریسٹورنٹس کومانیٹرکیاجاتاہے،ریسٹورنٹ ایسوسی ایشن کے تحفظات بھی سنے ہیں۔ان کا کہنا تھا کہ ریسٹورنٹ ایسوسی ایشن نے تعاون کی یقین دہانی کرائی، ملک کے تمام ریسٹورنٹس کوٹیکس نیٹ میں لائیں گے۔
The post پی ٹی آئی میں ناراض گروپ سر اٹھانے لگا، وزیراعظم عمران کا پہلا ہدف کیا ہونا چاہئے؟ appeared first on Global Current News.
اسلام آباد (سید ظفر ہاشمی)تحریک انصاف کی حکومت میں تبدیلیوں کا اگلا مرحلہ خیبر پختونخوا میں متوقع ، وزیر اعلیٰ خیبر پختونخوا محمود خان نے اپنی تجاویز پرعملدرآمد کیلئے وزیر اعظم سے اجازت مانگ لی ، وزیر اعظم کی جانب سے آئندہ چند روز میں اس بارے میں حتمی منظوری دیئے جانے کا امکان ہے ،تبدیلی کے فیصلے پر عملدرآمد کرتے ہوئے بعض وزرا ء کو کابینہ سے فارغ کرنے کے علاوہ چند نئے وزراء کی شمولیت متوقع ہے ، ذرائع کا کہنا ہے کہ وزیر اعلیٰ کےپی نے صوبائی امور چلانےمیں درپیش مشکلات سے وزیر اعظم کو آگاہ کر دیا ہے اور اس کی بڑی وجہ وزیر دفاع پرویز خٹک کو قرار دیا ہے جن کا حمایت یافتہ ایک مضبوط دھڑا کابینہ میں موجود ہے ، ذرائع کا کہنا تھا کہ وزیر اعلیٰ نے چار نئے چہروں کو شامل کرنے کی تجویز دی ہے جن میں خلیق الرحمن ، حارث احمد ، ریاض خان اور آغاز گنڈا پور کا نام لیا جار ہا ہے ، ذرائع نے مزید بتایا کہ وزیر زراعت محب اللہ خان اور وزیر اطلاعات شوکت یوسفزئی سے ان کی وزارتیں واپس لیے جانے کا امکان ہے جبکہ معاون خصوصی کامران خان بنگش کو تعلیم کا بھی اضافی چارج دیئے جانے کی تجویز ہے ۔ ذرائع نے بتایا کہ صوبائی کابینہ میں تبدیلی کے باوجود اگر محمود خان کارکردگی کا مظاہرہ نہ کر پائے تو اگلی باری ان کی بھی ہو سکتی ہے ۔
The post خیبرپختونخوا حکومت میں تبدیلیوں کا امکان، کس کس وزیر کی چھٹی ہوسکتی ہے؟ appeared first on Global Current News.
کراچی (جی سی این رپورٹ )ضلع تھرپارکر میں قادیانی مشنری کا کام عروج پہ، اسلام کے نام پر بچوں کو بھی قادیانیت پڑھائی جارہی ہے،قادیانیوں نے کروڑوں روپے لگا کر تھرپارکر جانے والی سڑک کنارے کئی ایکڑ زمین خرید لی ہے ، ساتھ ہی ساتھ یہ لوگ ان غریب تھر واسیوں کو روٹی، کپڑا، مکان، تعلیم اور علاج معالجہ کی سہولیات فراہم کر رہے ہیں اور بدلے میں ان لوگوں کو قادیانی مذہب قبول کروا رہے ہیں. سکولوں میں قادیانی ٹیچرز بھرتی کیے گئے ہیں جن کی کارکردگی روزانہ کی بنیاد پر چیک کی جاتی ہے. بچوں کو مرزا غلام احمد قادیانی کی سیرت پڑھائی جاتی ہے، مرزا قادیانی کے پانچ خلفاء کے نام یاد کروائے جاتے ہیں،دیواروں پر مرزا قادیانی اور اس کے خلفاء کی تصاویر لگی ہیں..یہ سب کچھ انڈر گراؤنڈ اتنی خاموشی سے کیا جا رہا ہے کہ کسی کو کانوں کان خبر نہیں ہونے دی گئی. اساتذہ کی فہرستیں بنائی جاتیں ہیں، ان کو فنڈز دئیے جاتے ہیں، ان کی کارکردگی رپورٹ بنائی جاتی ہے اور تھر میں غربت کا فائدہ اٹھا کر اپنے مذہب میں تبدیل کر لیا جاتا ہے.بے شک بھوک انسان کو کفر تک لے جاتی ہے اور اس میں سندھ حکومت کے ساتھ ساتھ تمام مذہبی اور سماجی جماعتیں قصوروار ہیں.قادیانیوں کی اس خاموش سازش کا پردہ فاش کرنے کے لیے اس پوسٹ کو زیادہ سے زیادہ لوگوں تک پہنچائیں
The post قادیانیت نے سندھ کے بڑے شہر میں پنجے گاڑھنے شروع کردیئے،طریقہ واردات سامنے آگیا appeared first on Global Current News.
اسلام آباد(جی سی این رپورٹ) وفاقی حکومت نے سابق صدر آصف زرداری اور بلاول بھٹو زرداری سمیت چھ ارکان قومی اسمبلی کے نام ای سی ایل میں ڈالنے کا اعتراف کرلیا۔قومی اسمبلی کا اجلاس اسپیکر اسد قیصر کی زیرصدارت ہوا جس میں وفاقی وزیر داخلہ اعجاز شاہ نے ای سی ایل میں ڈالے گئے 461 افراد کی فہرست پیش کی۔ وزیر داخلہ نے بتایا کہ ای سی ایل میں ڈالے گئے 461 افراد میں 6 ارکان قومی اسمبلی بھی شامل ہیں اور یہ تمام نام وفاقی کابینہ کے فیصلے کے تحت ای سی ایل میں ڈالے گئے۔وزیر داخلہ کے مطابق چھ ارکان قومی اسمبلی میں آصف زرداری، بلاول بھٹو زرداری، سعد رفیق، علی وزیر، محسن داوڑ اور محمد افضل کھوکھر شامل ہیں۔اعجاز شاہ کا کہنا ہے کہ تین ارکان قومی اسمبلی کے نام ای سی ایل سے نکال دیئے گئے ہیں جس میں بلاول بھٹو، علی وزیر اور محسن داوڑ شامل ہیں جب کہ آصف زرداری، سعد رفیق اور افضل کھوکھر کے نام تاحال ای سی ایل میں ہیں۔وزیر داخلہ نے کہا کہ آصف زرداری اور بلاول بھٹو کے نام وفاقی تحقیقاتی ادارے ایف آئی اے جب کہ محسن داوڑ اور علی وزیر کے نام حکومت اور سیکیورٹی اداروں کے خلاف نفرت انگیز تقاریر پر ڈالے گئے۔ان کا کہنا ہے کہ خواجہ سعد رفیق کا نام قومی احتساب بیورو (نیب) کی سفارش پر ایگزٹ کنٹرو لسٹ میں ڈالا گیا۔ اعجاز شاہ کا کہنا تھا کہ نواز شریف، مریم نواز اور کیپٹن صفدر کے نام بھی ای سی ایل میں شامل ہیں۔
The post کتنے افراد کا نام ای سی ایل میں شامل، فہرست میں کتنے رکن قومی اسمبلی شامل ہیں؟ appeared first on Global Current News.
پارلیمنٹ ہائوس سے (طارق عزیز)ڈیڑھ ماہ کے طویل وقفہ کے بعد شروع ہونیوالے قومی اسمبلی کے اجلاس میں حکومت اور اپوزیشن کے درمیان شدید محاذ آرائی ہوئی ۔لیڈر آف ہائوس، لیڈر آف اپوزیشن سمیت فرنٹ لائن پرسابق وزیراعظم شاہد خاقان عباسی، رانا تنویر اور نوید قمر کے سوا کوئی سینئر رہنما موجودنہیں تھا، حکومت اور اپوزیشن نے ایوان کا ماحول خوشگوار رکھنے کیلئے وہ کردار ادانہیں کیا جس کا وعدہ وہ سپیکر اسد قیصر کی زیر صدارت بزنس ایڈ وائزری کمیٹی کے اجلاس میں کر کے آئے تھے، ، ڈکٹیٹر ایوب خان کے پوتے اور ذوالفقار بھٹو کے نواسے کے درمیان سخت تقریری اور تنقیدی مقابلہ ہوا ۔وزیر داخلہ اعجاز شاہ نے اپنے ضلع سے تعلق رکھنے والے ارکان اسمبلی برجیس طاہر، رانا تنویر حسین کو مخاطب کرتے ہوئے کہا کہ حوصلہ رکھیں اب ميں آگیا ہوں‘‘تہاڈی اگلی پچھلی کسراں کڈ دیواں گا’’اس طرح وزیر داخلہ کی طرف سے اپوزیشن کو کھلے عام فلور آف دی ہائوس دھمکی کی مثال بہت کم ہی ملتی ہے، افسوسناک پہلو یہ ہے کہ سپیکر نے وزیر داخلہ کی دھمکی کا نوٹس ہی نہیں لیا۔مسلم لیگی ایم ا ین اے روحیل اصغر نے مائیک نہ دینے پر سپیکر کیخلاف انتہائی سخت رویہ اختیار کیا۔بعد ازاں بات کرنے کا موقع ملنے پر سپیکر سے معذرت کرتے ہوئے انہوں نے کہا کہ میرے خلاف جس وزیر نے بات کی ہے اب میں اس کا کٹھا چٹھا ایوان کے سامنے رکھوں گا ۔لاہور سے رکن روحیل اصغر نے دھمکی نما انکشاف کیا کہ پارلیمانی تاریخ میں پہلا پروڈکشن آرڈر میرے لئے جاری ہوا تھا۔ یاد رہے کہ 85 کی اسمبلی میں روحیل اصغرکوقتل کے الزام میں پروڈکشن آرڈر پر اسمبلی لایا گیا تھا، بلاول بھٹو نے اپنے اوپر الزامات کا جواب دینے کے لئے انتہائی جذباتی تقریر کرکے ایوان کا ماحول گرما دیا ۔
The post نئے وزیرداخلہ اعجاز شاہ نے آتے ہی قومی اسمبلی میں اپوزیشن کو کیا دھمکی دے ڈالی appeared first on Global Current News.
پشاور (جی سی این رپورٹ)پشاور کے علاقے ماشو خیل میں پولیو مہم کے خلاف سازش بے نقاب ہوگئی اور پولیس نے بچوں سے بے ہوشی کا ڈرامہ کرانے والے ملزم کو گرفتار کرلیا۔ گزشتہ روز پشاور کے علاقے ماشوخیل میں اہل علاقہ نے مرکز صحت پر حملہ کرتے ہوئے وہاں جلاؤ گھیراؤ کیا اور اسے آگ لگا دی تھی جس کے بارے میں ابتدائی طور پر بتایا گیا کہ 100 سے زائد بچوں کو پولیو ویکسین پلائی گئی جس کے بعد ان کی حالت غیر ہوگئی۔بچوں کے بیہوش ہونے کی جعلی ویڈیو بنائے جانے کا منظر خوش قسمتی سے کیمرے کی آنکھ نے محفوظ کرلیا، ایک ویڈیو میں پولیو ویکسین پینے والے بچوں سے ایک شخص پشتو میں یہ کہتے سنا گیا، کہ تم کو غلط قطرے پلائے گئے ہیں مگر بچے اس پر ہنستے ہوئے دکھائی دیے۔ترجمان حیات آباد میڈیکل کمپلیکس کا کہنا تھا کہ بچوں کی حالت تشویشناک نہیں، بچوں کو قے اور سر چکرانے کی شکایت تھی۔ضلعی انتظامیہ کی ابتدائی رپورٹ کے مطابق دارالقلم ماڈل اسکول ماشو خیل، حال مارک اسکول حسن گڑھی اور قدیم پرائمری اسکول میرہ کچوڑی میں پولیو کے قطرے پینے کے دوران بچوں میں ری ایکشن کی اطلاعات ملیں اور 767 بچے مختلف اسپتالوں میں لائے گئے تاہم ان کی حالت ٹھیک پائی گئی۔دوسری جانب موشوخیل اسپتال میں جلاؤ گھیراؤ کا مقدمہ درج کرتے ہوئے بچوں کو بے ہوشی کا ڈرامہ کرنے والے ملزم کو گرفتار کرلیا جب کہ نامزد دیگر 12 ملزمان کی گرفتاری کے لیے چھاپے مارے جارہے ہیں۔
The post پولیو ویکسین کا معاملہ،بے ہوشی کا ڈرامہ کرانے والا شخص دھر لیا گیا appeared first on Global Current News.
لاہور(جی سی این رپورٹ) قومی کرکٹ ٹیم دورہ انگلینڈ اور ورلڈ کپ کے لیے لندن روانہ ہوگئی۔جیت کا عزم لیے قومی کرکٹ ٹیم لاہور ائیر پورٹ سے جوش و خروش کے ساتھ لندن روانہ ہوگئی ہے جہاں وہ ورلڈ کپ سے قبل انگلینڈ کے خلاف 5 ایک روزہ میچز پر مشتمل سیریز اور ایک ٹی ٹوئنٹی میچ کھیلے گی۔دورہ انگلینڈ اور ورلڈ کپ کے لیے 17 رکنی ٹیم روانہ ہوئی ہے جس میں فخر زمان، امام الحق، محمد حفیظ، سرفراز احمد، عماد وسیم، حسن علی، محمد عامر، جنید خان، یاسر شاہ شامل ہیں۔اس کے علاوہ محمد حسنین، عابد علی، بابر اعظم اور شاہین آفریدی بھی انگلینڈ جانے والوں میں شامل ہیں جب کہ شعیب ملک دبئی سے ٹیم کو جوائن کریں گے۔ قومی کرکٹ ٹیم 27 اپریل کو انگلینڈ کے مقامی کلب کینٹ کاؤنٹی کے خلاف میچ سے دورے کا آغاز کرے گی جس کے بعد پاکستان اور انگلینڈ کے درمیان واحد ٹی ٹوئنٹی میچ 5 مئی کو کھیلا جائے گا۔ ورلڈکپ کا افتتاحی میچ انگلینڈ اور جنوبی افریقا کے درمیان 30 مئی کو کھیلا جائے گا، پاکستانی ٹیم اپنا پہلا میچ ویسٹ انڈیز کے خلاف 31 مئی کو کھیلے گی جب کہ ورلڈ کپ میں پاکستان اور بھارت کے درمیان ٹاکرا 16 جون کو ہوگا۔لندن روانہ ہونے سے قبل کپتان سرفراز احمد کا کہنا تھا کہ ٹیم اچھا پرفارم کرے گی ایک نہیں تمام کھلاڑی ٹرمپ کارڈ ہیں۔ادھر ہیڈ کوچ مکی آرتھر نے سیمی فائنل تک رسائی کو پہلا ٹارگٹ قرار دیا ہے۔
The post قومی کرکٹ ٹیم لندن روانہ،کوچ نے پہلا ٹارگٹ کیا قرار دیدیا؟ appeared first on Global Current News.
خاں صاب نہ ہوتے تو ہمیں کبھی جرمنی اور جاپان کے مشترکہ بارڈر کا پتہ نہ چلتا
فضائل کوکینیہ جلد سوم pic.twitter.com/TDzcZPPnik— Mansoor (@anaulhaq) April 22, 2019
The post خان صاحب نہ ہوتے تو ہمیں کبھی جرمنی اور جاپان کے مشترکہ بارڈر کا پتہ نہ چلتا،ویڈیو دیکھیں appeared first on Global Current News.
کراچی (جی سی این رپورٹ)کراچی میں دارالصحت اسپتال کے عملے کی مجرمانہ غفلت کا نشانہ بننے والی 9 ماہ کی نشوا کو سپرد خاک کردیا گیا۔نشوا کو اسپتال کے ملازم نے غلط انجکشن لگایا جس سے اُس کا 71 فیصد دماغ مفلوج ہوگیا تھا، حالت تشویش ناک ہونے پر اُسے دوسرے اسپتال منتقل کیا گیا تھا۔نشوا کے والد کا کہنا تھا کہ نشوا کو دستوں کی شکایت پر گلستان جوہر کے دارالصحت اسپتال لایا گیا تھا، 7 اپریل کو اسپتال کے ملازم نے صرف ایک منٹ کے اندر، نشوا کو ایک ایسا انجکشن لگایا جو انسانی جسم میں ڈرپ کے ذریعے 24 گھنٹے میں لگایا جاتا ہے۔والد کا کہنا تھا کہ انجکشن کے نتیجے میں نشوا کے ہاتھ پاؤں ٹیڑھے اور ہونٹ نیلے ہونے لگے، سانسیں اُکھڑنے لگیں اور دماغ کا 71 فیصد حصہ مفلوج ہوگیا، اُسے تشویشناک حالت میں یونیورسٹی روڈ پر واقع نجی اسپتال منتقل کیا گیا، جہاں 16 روز تک انتہائی نگہداشت کے وارڈ میں اُسے موت سے زندگی کی طرف لانے کی سرتوڑ کوششیں کی گئیں تاہم وہ زندگی کی بازی ہار گئی۔انہوں نے یہ بھی کہا کہ کراچی کے نجی کلینکس میں جعلی ڈاکٹروں کی بھرمار ہے، آپریشن تھیٹر میں سرجن کے بجائے او ٹی ٹیکنیشنز آپریشن کررہے ہیں، جھاڑو دینے اور چادریں بدلنے والے نرسنگ اسٹاف کا کام کررہے ہیں۔ان کا کہنا تھا کہ نجی کلینکس میں غلط انجکشنز لگائے اور غلط دوائیں دی جارہی ہیں، شہری پیروں پر چل کر اسپتالوں میں آرہے ہیں اور بھاری فیسوں کے باوجود لاشوں کی صورت واپس جارہے ہیں، یہ روز کا معمول ہے۔
The post ہسپتال کے عملے کی مجرمانہ غفلت کا نشانہ بننے والی ننھی نشوا سپرد خاک appeared first on Global Current News.
کراچی (جی سی این رپورٹ)وزیراعلیٰ سندھ مراد علی شاہ نے کراچی کے علاقے کورنگی کے مقامی ہسپتال میں مبینہ طور پر مریضہ کو جنسی زیادتی کا نشانہ بنانے اور قتل کرنے کے واقعے کا نوٹس لیتے ہوئے تفصیلی رپورٹ طلب کرلی۔وزیراعلیٰ کے ترجمان کا کہنا تھا کہ مراد علی شاہ نے خاتون سے مبینہ زیادتی اور قتل کا نوٹس لے لیا ہے۔واضح رہے کہ گزشتہ ہفتے عوامی کالونی پولیس نے مقامی ہسپتال کے پیرامیڈیکل اسٹاف کو 24 سالہ خاتون کو ‘غلط دوائی’ دے کر غیر ارادی طور پرقتلکرنے کے الزام میں گرفتار کرلیا تھا۔متاثرہ خاندان کاکہنا تھا کہ 24 سالہ خاتون کو کورنگی کے ایک معروف ہسپتال میں دانت کے علاج کے لیے لے جایا گیا تھا لیکن وہ ہسپتال میں ہی دم توڑ گئی تھیں۔جاں بحق خاتون کے بھائی کی مدعیت میں درج فرسٹ انفارمیشن رپورٹ (ایف آئی آر) میں پیرامیڈیکل اسٹاف کے رکن شاہ زیب اور ڈاکٹر ایاز عباسی کو نامزد کیا گیا تھا جس کے بعد ڈاکٹر عباسی نے مقامی عدالت سے ضمانت قبل از گرفتاری حاصل کی تھی۔متاثرہ خاندان کا کہنا تھا کہ خاتون کو انجکشن دینے سے قبل جنسی زیادتی کا نشانہ بنایا گیا تھا تاہم ایف آئی آر میں متعلقہ سیکشن شامل نہیں کیا گیا تھا۔ڈان کو ڈپٹی انسپکٹر جنرل (ڈی آئی جی) ایسٹ عامر فاروقی کا کہنا تھا کہ پولیس ان الزامات کی تحقیقات کررہی ہے اور جیسے ہی تفتیش مکمل ہوگی تو جرم بھی واضح ہوجائے گا۔ان کا کہنا تھا کہ متاثرہ خاتون کے ڈی این اے ٹیسٹ کے لیے نمونے حاصل کرلیے گئے ہیں اور جائزے کے لیے بھیج دیے گئے ہیں۔ڈی آئی جی ایسٹ نے کہا کہ ابتدائی میڈیکل رپورٹ میں ‘جنسی زیادتی’ کا انکشاف ہوا ہے لیکن جناح ہسپتال سے ملنے والی آخری رپورٹ کا انتظار ہے۔وزیر اعلیٰ سندھ مراد علی شاہ کی جانب سے جاری بیان میں اس واقعے کو ‘ناقابل قبول’ قرار دیتے ہوئے کہا گیا ہے کہ واقعے کی تفتیش کی جائے۔انسپکٹر جنرل پولیس (آئی جی پی) سندھ ڈاکٹرکلیم امام نے کورنگی کے سپرنٹنڈنٹ پولیس (ایس پی) اور ایس ایس پی انوسٹی گیشن سے واقعے کے حوالےسے رپورٹ طلب کی ہے۔سندھ کے چیف سیکریٹری سید ممتازعلی شاہ نے بھی واقعے کا نوٹس لیا اور صوبائی محکمہ صحت سے واقعے کی رپورٹ طلب کی ہے اور انہوں نے آئی جی سندھ کو ملزمان کی گرفتاری کو یقینی بنانے کی ہدایت کی ہے۔خیال رہے کہ کراچی میں پیرا میڈیکل اسٹاف اور ڈیوٹی پر موجود ڈاکٹروں کی غفلت کا یہ کوئی پہلا واقعہ نہیں ہے بلکہ گزشتہ ہفتے کے دوران ہی گلستان جوہر میں نجی ہسپتال دارالصحت میں 9 ماہ کی بچی کو غلط انجکشن دینے کا واقعہ پیش آیا تھا جو بعد میں دوران علاج ہسپتال میں انتقال کرگئیں۔
The post مریضہ کیساتھ زیادتی اور قتل،وزیر اعلیٰ سندھ کا بڑا اعلان سامنے آگیا appeared first on Global Current News.
سیالکوٹ (جی سی این رپورٹ)سیالکوٹ کے علاقہ محلہ اسلام اباد میں سگی ماں نے اپنے دوسرے شوہر سے ملکر حقیقی بیٹے کو گلہ دبا کر قتل کر دیا ،ماں کا کہنا ہے کہ بچہ تنگ بہت کرتا تھا اس وجہ سے قتل کردیا،ملزمان کے اعترافی بیان میں کہا گیا کہ سوتیلے باپ نے ٹانگیں پکڑیں جبکہ سگی ماں نے تکیہ منہ پر رکھ کر سانس روک کر بچے کو قتل کیا ہے۔
The post نہ زمین پھٹی نہ آسمان گرا،اس عورت نے ایسا گناہ کر ڈالا کہ آپ کانوں کو ہاتھ لگائیں گے appeared first on Global Current News.
اسلام آباد(طارق عزیز)سابق وزیر داخلہ سینئر سیاست دان چودھری نثار علی خان ایک بار پھر خبروں میں ان ہو گئے ہیں، وزارت اعلیٰ کیلئے خبروں میں آنے پر سیاسی ہلچل مچ گئی، دوسری جانب چودھری نثار علی خان خاموش ہیں انہوں نے ابھی تک کوئی ردعمل دیا نہ ہی بطور رکن پنجاب اسمبلی اٹھانے کا کوئی عندیہ دیا ہے مسلم لیگ اور پاکستان تحریک انصاف کے کچھ ارکان نے ان سے رابطے کی کوشش کی لیکن ابھی تک چودھری نثار علی خان نے ان کی حوصلہ افزائی نہیں کی ہے ق لیگ کی چودھری نثار علی خان سے رابطوں کی اطلاعات ہیں مسلم لیگ ن کے سینئر رہنما، ارکان قومی اسمبلی، جن میں بعض سابق وزیر بھی ہیں چودھری نثار سے وقتاً فوقتاً ملتے رہتے ہیں جماعت کے سینئر رہنما کی ان سے رواں ہفتے ملاقات متوقع ہے مسلم لیگ ن میں چودھری نثار کے سپورٹرز رانا تنویر حسین اور سردار ایاز خان ان سے مسلسل رابطہ رکھے ہوئے ہیں چودھری نثار اظہار یکجہتی اور ہمدردی کیلئے خواجہ سعد رفیق کے اہلخانہ سے ملاقات کرچکے ہیں علاوہ ازیں ذرائع کا دعویٰ ہے کہ چودھری نثار علی خان پنجاب کی سیاست میں قدم رکھنے والے ہیں اور رواں ہفتے پنجاب اسمبلی کے اجلاس میں شریک ہونگے اور حلف بھی اٹھائیں گے جس کے بعد وہ ایک سے دو ہفتے میں اہم ملاقاتیں کرینگے جہاں پنجاب کی اہم ذمہ داری پر مشاورت کی جائے گی ذرائع کا دعویٰ ہے کہ اگر وزیراعظم عمران خان نے وزیر اعلیٰ پنجاب عثمان بزدار کو ہٹانے کا فیصلہ کیا تو چودھری نثار علی خان کو وزارت اعلیٰ دی جاسکتی ہے۔
The post وزارت اعلیٰ کیلئے نام سامنے آنے پر ہلچل،کون کون چودھر ی نثار سے رابطے میں؟ appeared first on Global Current News.
فی الحال اس کی تشخیص کے لیے کوئی ٹیسٹ نہیں تاہم مریض کی میڈیکل ہسٹری، جسمانی معائنہ اورمتاثرہ شخص میں موجود دیگر امراض کی بنیاد پر اس کی تشخ...
جملہ حقوق ©
WAKEUPCALL WITH ZIAMUGHAL
Anag Amor Theme by FOCUS MEDIA | Bloggerized by ZIAMUGHAL