Chernobyl nuclear power plant 32 years after the world's worst nuclear accident spread radioactive fallout across Europe in 1986, particularly contaminating Ukraine, Russia and Belarus.
from Yahoo News - Latest News & Headlines https://ift.tt/2JxeGSz
from Yahoo News - Latest News & Headlines https://ift.tt/2FecNHD
JERUSALEM (AP) — Israel's defense minister said in an interview published Thursday that his country will strike Tehran if attacked by archenemy Iran, escalating an already tense war of words between the two adversaries.
from Yahoo News - Latest News & Headlines https://ift.tt/2KiQ7tI
from Yahoo News - Latest News & Headlines https://ift.tt/2FlrCIC
from Yahoo News - Latest News & Headlines https://ift.tt/2Fj54s7
اسلام آباد: سپریم کورٹ میں ارکان اسمبلی کی دہری شہریت کا کیس سماعت کے لیے مقرر کردیا گیا ہے۔
ایکسپریس نیوز کے مطابق ارکان اسمبلی کی دہری شہریت کے حوالے سے کیس سماعت کے لیے مقرر کردیا گیا ہے، کیس کی سماعت چیف جسٹس پاکستان ثاقب نثار کی سربراہی میں 5 رکنی لارجر بنچ 3 مئی سے کرے گا۔ 5 رکنی لارجر بنچ میں چیف جسٹس ثاقب نثار، جسٹس عظمت سعید، جسٹس عمر عطاء بندیال اور جسٹس اعجاز الاحسن سمیت جسٹس سجاد علی شاہ شامل ہیں۔
سپریم کورٹ میں دہری شہریت پر نااہل ارکان کی نظرثانی درخواستیں بھی سماعت کے لیے مقرر کردی گئی ہیں اور چیف جسٹس ثاقب نثار کی سربراہی میں 3 رکنی بنچ بدھ کو کیس کی سماعت کرے گا۔
The post ارکان اسمبلی کی دہری شہریت کا کیس سماعت کے لیے مقرر appeared first on ایکسپریس اردو.
واشنگٹن: امریکا کے نئے وزیرخارجہ مائیک پومپیو نے اپنے عہدے کا حلف اٹھالیا۔
بین الاقوامی خبر رساں ایجنسی کے مطابق مائیک پومپیو نے امریکا کے 70 ویں وزیر خارجہ کی حیثیت سے حلف اُٹھا لیا۔ امریکی صدر ڈونلڈ ٹرمپ نے گزشتہ ماہ سابق وزیر خارجہ کو ریکس ٹیلر سن کو برطرف کر کے مائیک پومپیو کو نامزد کیا تھا جو اس سے قبل ڈائریکٹر سی آئی اے کے عہدے پر فرائض انجام دے رہے تھے۔
مائیک پومپیو کی بطور وزیر خارجہ نامزدگی کے بعد ٹرمپ انتظامیہ کو کافی دباؤ کا سامنا تھا تاہم حکمراں جماعت ریپبلکن پارٹی نے عددی اکثریت کی بنیاد پر مائیک پومپیو کا انتخاب کر لیا۔ انہیں اپوزیشن جماعت ڈیمو کریٹک پارٹی کے پانچ ارکان نے بھی ووٹ دیئے یوں وہ سینیٹ میں 57 میں سے 42 ووٹ حاصل کرنے میں کامیاب ہوگئے۔
واضح رہے کہ امریکی صدر ڈونلڈ ٹرمپ نے اپنی کابینہ میں اکھاڑ پچھاڑ کرتے ہوئے سابق وزیر خارجہ ریکس ٹلرسن کو اختلافات کے باعث برطرف کردیا تھا اور ان کی جگہ امریکی خفیہ ایجنسی سی آئی اے کے سابق ڈائریکٹر مائیک پومپیو کو نامزد کیا تھا جو مسلمانوں کے خلاف جارحانہ عزائم اور سخت گیر رویہ رکھنے کے لیے شہرت رکھتے ہیں۔
The post مائیک پومپیو نے امریکی وزیر خارجہ کے عہدے کا حلف اُٹھا لیا appeared first on ایکسپریس اردو.
سیئول: شمالی کوریا کے وزیراعظم کم جونگ ان مختصر دورے پر آج جنوبی کوریا کے سرحدی شہر پنمن جم پہنچ گئے جہاں دونوں ممالک کے سربراہان کے درمیان 65 سال بعد پہلی ملاقات ہوئی۔
بین الاقوامی خبر رساں ایجنسی کے مطابق وزیراعظم شمالی کوریا کم جونگ اُن جنوبی کوریا کی سرحد عبور کر کے جنوبی کوریا کے سرحدی شہر پہنچ گئے جہاں صدر مون جے ان نے پُر تپاک استقبال کیا۔ ایک دوسرے کے خلاف جنگ مسلط کرنے کے دعوی کرنے والے دونوں رہنماؤں نے گرمجوشی سے مصافحہ کیا۔ کم جانگ ان کو شاندار روایتی انداز میں سلامی دی گئی جب کہ دونوں ممالک کے ترانے بھی بجائے گئے اس سے قبل کم جانگ ان نے ’پیس ہاؤس‘ میں کتاب پر تاثرات درج کرتے ہوئے تحریر کیا کہ نئی تاریخ کا آغاز ہو گیا اور امن کا دور آ گیا ہے۔
شمالی کوریا کے سربراہ کم جانگ ان ’ڈی ملیٹرائزڈ زون‘ تک گاڑی میں گئے جہاں سے اجلاس والی جگہ پر پیدل آئے۔ دونوں رہنماؤں کے درمیان ملاقات کا پہلا دور مکمل ہو گیا ہے جس میں خطے کو ایٹمی ہتھیاروں سے پاک کرنے پر، سرحدی معاملات اور دیگر مسائل پر بھی بات چیت ہوئی۔ ملاقات کے دوسرے دور میں معاہدے پر دستخط ہوں گے اور مشترکہ اعلامیہ بھی جاری کیا جائے گا۔
واضح رہے کہ کم جانگ ان 1953 کی کورین جنگ کے اختتام کے بعد جنوبی کوریا کی سرحد پار کرنے والے شمالی کوریا کے پہلے سربراہ بن گئے ہیں۔ اسی طرح شمالی کوریا کے سربراہ امریکی صدر سے ملاقات کے لیے رواں سال جون میں امریکا بھی جائیں گے۔ امریکا سمیت کئی ممالک نے دونوں کورین ممالک کے درمیان مذاکرات کو خوش آئند قرار دیا ہے۔
The post شمالی کوریا اور جنوبی کوریا سربراہان کے درمیان 65 سال بعد ملاقات appeared first on ایکسپریس اردو.
لاہور: ہائی کورٹ نے پنجاب حکومت کی درخواست پر انسداد تشدد مرکز برائے خواتین ملتان کے لئے دو اسپیشل جج تعینات کردیئے ہیں۔
ایکسپریس نیوز کے مطابق اسٹریٹجک ریفارمز یونٹ پنجاب نے تشدد کا شکار خواتین کے تحفظ اور انہیں قانونی معاونت فراہم کرنے کے لئے مختلف شہروں میں انسداد تشدد مرکز قائم کئے ہیں، ملتان میں بنائے گئے سینٹر میں لاہور ہائی کورٹ نے دو اسپیشل جج تعینات کردیئے ہیں۔
ایس آر یو کے ڈائریکٹر جنرل سلمان صوفی کہتے ہیں کہ یہاں تعینات ججوں میں سے جسٹس تسمیہ اختر تشدد کا شکار خواتین کے تمام کیس سنیں گی جبکہ سعید اختر اپیلیں سنیں گے، سلمان صوفی کہتے ہیں تشددکا شکارخواتین کے لیے یہ ایک تاریخی اقدام ہے،اب انہیں ایک ہی جگہ سے انصاف ملے گا۔
The post انسداد تشدد مرکز برائے خواتین ملتان کے لئے 2 اسپیشل جج تعینات appeared first on ایکسپریس اردو.
لاہور: فشریز کمپلیکس مناواں میں پاکستان میں پائی جانے والی آبی حیات پر ملک کا پہلا میوزیم بنایا گیا ہے جہاں تازہ پانی کی مچھلیوں، آبی پرندوں اور کیڑے مکوڑوں کو محفوظ کیا گیا ہے۔
پاکستان کے دریاؤں میں کتنی اقسام کی مچھلیاں، کیڑے مکوڑے اور آبی پرندے پائے جاتے ہیں بہت کم لوگ اس بارے میں جانتے ہوں گے تاہم محکمہ ماہی پروری پنجاب نے یہ مشکل آسان کردی ہے اور اب بڑی آسانی سے ملک کے تازہ پانیوں میں پائی جانے والی چھوٹی بڑی رنگ برنگی مچھلیوں اور ان کے دشمن کیڑوں کو دیکھا ان کے بارے میں جانا جاسکتا ہے۔ محکمہ ماہی پروری پنجاب نے مناواں میں ملک کا پہلا میوزیم قائم کررکھا ہے جہاں آبی حیات کو محفوظ کیا گیا ہے، یہاں مچھلیوں اور کیڑوں کو شیشے کے مرتبانوں میں سجا کر رکھا گیا ہے۔
میوزیم کے ڈائریکٹر ڈاکٹر ظفراللہ نے بتایا کہ پاکستان کے پانیوں میں پائی جانے والی مچھلیوں کی مجموعی اقسام 193 ہے، ان میں سے ابھی 80 اقسام کو اس میوزیم کا حصہ بنایا گیا ہے جبکہ 18 سے زائد مچھلیوں کے دوست اور دشمن کیڑے بھی اس میوزیم میں رکھے گئے ہیں، بڑی سائز کی مچھلیوں اور کچھوؤں کو حنوط کیا گیا ہے، اپنی نوعیت کے اس منفرد میوزیم میں مچھلیاں اور کیڑے مکوڑے ہی نہیں بلکہ آبی پرندے اور پودے بھی رکھے گئے ہیں۔
میوزیم کی خاص بات یہ ہے کہ اس میں صرف وہی مچھلیاں اورکیڑے جمع کیے گئے ہیں جو پاکستان کی آبی گزرگاہوں، دریاؤں اور ندی نالوں میں پائی جاتے ہیں، ان کی تحقیق میں کئی سال لگے ہیں جس کے بعد انہیں میوزیم کا حصہ بنایا گیا۔ میوزیم کا حصہ بنائی گئیں کئی مچھلیاں اورکیڑے مکوڑے ایسے بھی ہیں جن کی نسل معدومی کے خطرے سے دوچارہے، اور محکمہ فشریز ان کی بحالی کے لیے اقدامات اٹھا رہا ہے۔
فشریز کمپلیکس مناواں میں بنائے گئے اس میوزیم میں عام شہریوں کے داخلے پر پابندی نہیں ہے لیکن معلومات نہ ہونے کی وجہ سے یہاں کوئی وزٹ کے لیے نہیں آتا۔ صرف یونیورسٹیز اور کالجز کے طلبا و طالبات کے معلوماتی دورے ہوتے ہیں، فشریز کمپلیکس اور میوزیم کے ڈائریکٹر ڈاکٹرظفراللہ نے یہ بھی بتایا کہ میوزیم کے لیے مزید جانوروں کے نمونے جمع کئے جارہے ہیں اور اس مقصد کے لیے پاک بحریہ سے بھی معاونت لی جارہی ہے جب کہ ماہی گیروں سے بھی رابطے رہتے ہیں تاکہ اگر انہیں کوئی نایاب نسل کی مچھلی یا کیڑا مکوڑا اور آبی پرندہ ان کے ہاتھ لگے تو اسے میوزیم کو دے دیا جائے۔
The post لاہور میں پاکستانی آبی حیات کا پہلا میوزیم قائم کردیا گیا appeared first on ایکسپریس اردو.
اسلام آباد: قومی اسمبلی میں قائد حزب اختلاف خورشید شاہ کا کہنا ہے کہ آئین کا آرٹیکل 62 اور 63 کالا قانون ہے اور خواجہ آصف کی نااہلی کے پیچھے ضیاءالحق کی مہربانیاں ہیں۔
پارلیمنٹ ہاؤس اسلام آباد میں میڈیا سے بات کرتے ہوئے خورشید شاہ نے کہا کہ خواجہ آصف کی نا اہلی سے خوش نہیں ہوں، کسی بھی پارٹی سے ورکر نکل جائے تو ضرور افسوس ہوتا ہے،آرٹیکل 62 کے تحت جسے نا اہل کیا جاتا ہے اس میں جھوٹ کا عنصر شامل ہوتا ہے، پاکستان کی سیاست پارلیمانی ہونی چاہیے، پارلیمنٹ کو اپنے فیصلے خود کرنے چاہیے، ججز کو بھی سیاسی معاملات کو سیاسی رکھنا چاہیے، بہتر ہوتا کہ معاملہ پارلیمنٹ کو بھیج دیا جاتا۔
خورشید شاہ نے کہا کہ آئین کا آرٹیکل 62 اور 63 کالا قانون ہے، خواجہ آصف کی نااہلی کے پیچھے ضیاءالحق کی مہربانیاں ہیں، ضیاء الحق نے جیتے جی کسی سیاستدان کو نہیں بخشا اور مرنے کے بعد بھی نہیں بخش رہا،اب تو اس قانون سے ضیاءالحق کے بچے بھی متاثر ہو رہے ہیں۔ نواز شریف سے بار بار اس قانون کے خاتمے کا کہا لیکن انہوں نے تعاون نہیں کیا۔
اس خبرکوبھی پڑھیں: خواجہ آصف تاحیات نااہل قرار
آئندہ مالی سال کے بجٹ کے حوالے سے قائد حزب اختلاف نے کہا کہ موجودہ حکومت میں نئی سرمایہ کاری نہیں آئی، قوم پر قرضوں کا بوجھ بڑھا دیا ہے، یہ مہنگے قرضے آنے والے وقت میں مشکلات میں اضافہ کریں گے موجودہ حکومت کو 4 ماہ سے زیادہ کا بجٹ نہیں دینا چاہیے، حکومت ایک سال کا بجٹ پیش کر کے نئی روایت ڈال رہی ہے، ایسا کرکے حکومت پارلیمنٹ کے وقار سے کھیلنا چاہتی ہے، حکومت نے 5 سال غریبوں کو ریلیف نہیں دیا تو اب کیا دے گی۔
The post آئین کا آرٹیکل 62 اور 63 کالا قانون ہے، خورشید شاہ appeared first on ایکسپریس اردو.
“آپ کی عدلیہ آزاد ہے۔ ادارے کی خوب صورتی یہ ہے کہ دباؤ کے بغیر کام کیا جائے۔ قائد و اقبال کے اس ملک میں صرف جمہوریت رہے گی۔ جب تک آپ ساتھ دیں گے، آپ کے حقوق کے لیے لڑتے رہیں گے۔”
چیف جسٹس صاحب کی لائیو ویڈیو میں یہ الفاظ سن کر ایک گونہ فخر کا احساس ہوا۔ پاکستان کے بظاہر آزاد وجود سے امریکی مغلوبیت کی رسیاں ڈھیلی پڑتی محسوس ہوئیں۔ سُپر پاور امریکہ کی تمام تر اقتصادی و اخلاقی پابندیوں کے باوجود، امریکی ملٹری اتاشی کرنل جوزف کے کیس میں پاکستان کی پیش قدمی بھی ریاستی احوال میں خوشگوار تبدیلی ہے۔
واقعہ کے مطابق، پاکستان میں امریکی سفارت کار کرنل جوزف کولونل نے ٹریفک سگنل کو توڑتے ہوئے مخالف سمت سے آنے والے دو موٹرسائیکل سواروں کو ٹکر مار دی۔ ایک نوجوان عتیق جاں بحق اور دوسرا زخمی ہو گیا۔ جائےوقوعہ سے قاتل کو گرفتار کیے جانے کے باوجود دفترِخارجہ کے حکم پر چھوڑ دیا جاتا ہے کہ “غیر ملکی سفارت کار کو ملکی قوانین سے استثنیٰ حاصل ہے۔”
سفارت کار کے لیے یہ استثنیٰ،ٰ”قاتل” کے لیے کیسے قانونی ہو گیا؟ کیا یہ استثنیٰ اپنے شہریوں کو مارنے کا کھلا لائسنس نہیں؟
اس موقع پر سیکریٹری خارجہ کا اقدام قابلِ ذکر ہے کہ امریکی سفیر کو طلب کرکے حادثے سے متعلق احتجاج ریکارڈ کروایا گیا۔ ساتھ ہی یقین دلایا گیا کہ “پاکستان ملکی قوانین اور ویانا کنونشن کے مطابق انصاف کی فراہمی کو یقینی بنائے گا۔”
حادثے کے بعد قاتل سفارت کار کرنل جوزف نے غیرملکی ایئرلائن کے ذریعے بیرونِ ملک فرار ہونے کی کوشش کی۔ اس موقع پر وفاقی پولیس کا بروقت دفاعی اقدام لائقِ تحسین ہے کہ نہ صرف ان کے ایئرٹکٹ کا سراغ لگا کر فرار کی کوشش ناکام بنا دی، بلکہ آئندہ کے خدشے کے پیشِ نظر ان کا نام ایگزٹ کنٹرول لِسٹ (ECL) میں ڈالنے کے لیے وزارتِ داخلہ کو خط بھی دے دیا گیا۔
احتیاطی تدابیر کے تحت کرنل جوزف کا پاکستانی ڈرائیونگ لائسنس منسوخ کر دیا گیا، نیز تمام ایئرپورٹس، اور سمندری و زمینی راستوں پر تعینات ایمیگریشن حکام کو ان کا نام دے دیا گیا۔
دوسری جانب امریکی حکومت نے بھی معاملے کی جلد خلاصی کی خاطر امریکہ میں پاکستانی سفارت کاروں کی آزادانہ نقل وحرکت کو (سفارت خانے کے اطراف 40 کلو میٹر) محدود کرنے کی پابندی عائد کر دی ہے۔ الٹا چور کوتوال کو ڈانٹے کے مصداق اس پابندی کو پاکستان میں امریکی سفارت کار پر عائد پابندی کا جواب بتایا گیا۔ امریکی نائب وزیرِخارجہ برائے سیاسی امور تھامس شینن کے مطابق، “سفارتکاری میں اس طرح کے اقدامات معمول کی بات ہیں۔”
واضح رہے کہ مسٹر تھامسن کا یہ بیان ایک سُپرپاور کے ترجمان کا بیان ہے! اپنے ملک میں جانوروں اور بےجان چیزوں کے قوانین کی پاسداری کرنے والوں کا دوسروں کے لیے یہ قانون کیا تعصب نہیں؟ ایک قاتل کے سلسلے میں کیے جانے والے حفاظتی اقدامات کے جواب میں بےقصور افراد کے لیے پابندیاں دراصل امریکہ کا خوف ہے۔ خوف بھی کیسا؟ اپنے سے کئی گنا کمزور اور مغلوب ملک کے عوام سے !
دیکھا جائے تو امریکہ بہادر کا یہ خوف بجا بھی ہے۔ سلام ہے ہمارے قومی اداروں کے ان فرض شناس ذمہ داروں کو جو کرپشن کے اس گئے گذرے دور میں بھی عدل کی بالادستی پر کمربستہ ہیں۔
اسلام آباد ہائی کورٹ میں قاتل سفارت کار کا نام ای سی ایل میں ڈالنے کی درخواست زیرِسماعت ہے۔ مقتول عتیق کے والد کی جانب سے دائر کی گئی اس درخواست میں عدالت سے آئی جی اسلام آباد، چیف کمشنر اور ایس ایچ او کوہسار کو شفاف تحقیقات کا حکم دینے کی التجا کی گئی ہے۔
یہ تمام منظرنامہ چیف جسٹس کی حالیہ تقریر کے مندرجات پر منطبق ہوتا ہے کہ عوام کے حقوق کے لیے جنگ لڑیں گے جب تک عوام ساتھ دے گی۔
ہمارے ملک کی افسوس ناک تاریخ ہے، اس سے قبل بھی 2011 میں امریکی سفارت کار ریمنڈ ڈیوس ایک حادثے میں چار انسانوں کی ہلاکت کا سبب بنا تھا۔ اس وقت امریکہ کی قید میں پاکستان کی مظلوم بیٹی ڈاکٹر عافیہ کی رہائی کی ڈیلنگ محبِ وطن عوام کے پیشِ نظر تھی۔ لیکن حکومت کی امریکی غلامی کے باعث اس قاتل کو دیت کے قانوں کی آڑ میں باعزت امریکہ روانہ کر دیا گیا تھا۔
اب قاتل کرنل جوزف کی صورت میں ایک اور موقع ہے۔ اگرچہ دونوں ملکوں کے باہمی تعلقات “ڈو مور” کے تعلق سے صدر ٹرمپ کی متعصب حکومت میں پہلے سے بہتر نہیں۔ مگر اس ضمن میں قومی اداروں کی پیش رفت اور چیف جسٹس کی تقریر سے امید بندھتی ہے کہ ملکی وقار کے اس معاملے کو جمہوری انداز سے حل کرنے کی کوشش ہو گی۔
انصاف کے عَلَم برداروں کو اس موقع پر قوم کی عزت قوم کی بیٹی ڈاکٹر عافیہ بھی یاد رہنی چاہیے، جسے امریکہ نے بیرونِ ملک اقدامِ قتل کے سازشی مقدمے میں ثبوت کے بغیر چھیاسی (86) سال قید کی سزا سنائی۔
کرنل جوزف کی گرفتاری اور مقدمۂ قتل میں سزا، ڈاکٹر عافیہ کی باعزت وطن واپسی کا وسیلہ بن سکتا ہے۔
چیف جسٹس صاحب! آپ کا کہنا ہے کہ”انصاف، عقل اور قانون سے ہوتا ہے۔ اس قانون کو بدل دینا چاہیے جو انصاف کے تقاضوں کو پورا نہ کرے۔ قومی امور میں اختیارات کا غلط استعمال اور تساہل انصاف کی راہ میں رکاوٹ ہیں۔”
آپ کا یہ بھی ارشاد ہے کہ “انسانی زندگی نعمت ہے۔ ہر انسان کو بنیادی حقوق ملنے چاہئیں۔ وہ اس دنیا میں اذیت اور کسمپرسی کی زندگی کے لیے نہیں بھیجا گیا۔”
تو جناب چیف جسٹس صاحب! آپ اس اعلیٰ ترین ذمہ داری اور جواب دہی کے منصب پر ملکی حالات سے یقیناََ باخبر بھی ہوں گے۔ کیا آپ نہیں جانتے؟ آپ کے ملک کی عزت، حافظۂ قرآن، دنیا کی اعلیٰ ترین جامعات سے فارغ التحصیل، آپ کے ملک میں علم کی روشنی پھیلانے کا عزم رکھنے والی ڈاکٹر عافیہ صدیقی پندرہ سال سے ظالموں کی ناحق اور شرم ناک قید میں کس اذیت اور شدید کسمپرسی کی زندگی گزارنے پر مجبور کر دی گئی ہے؟
چیف جسٹس صاحب! آپ، آرمی چیف اور سیاستدانوں سے بس یہی مطالبہ ہے کہ کرنل جوزف کے حوالے سے انصاف کو یقینی اور قابلِ جواب دہی بنایا جائے۔ عدالتی قوانین کو اس حد تک جدیدیت سے ہم آہنگ کیا جائے کہ مقتول عتیق کے لواحقین کو بھی باعزت انصاف میسر آ سکے اور ڈاکٹر عافیہ کی رہائی کےلیے بھی یہ موقع قانون کے دائرے میں باوقار انداز میں استعمال ہو سکے۔
نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں۔
اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 الفاظ پر مشتمل تحریر اپنی تصویر، مکمل نام، فون نمبر، فیس بک اور ٹویٹر آئی ڈیز اور اپنے مختصر مگر جامع تعارف کے ساتھblog@express.com.pk پر ای میل کردیجیے۔
The post کرنل جوزف کے بدلے ڈاکٹر عافیہ کی واپسی appeared first on ایکسپریس اردو.
کراچی: مالی سال 2017-18کے دوران پاکستان کی معیشت کو دہشت گردی کی وجہ سے 2ارب ڈالر سے زائد نقصان کا سامنا کرنا پڑا۔
اقتصادی سروے رپورٹ کے مطابق پاکستان نے دہشت گردی پرقابو پانے کے لیے موثر اقدامات کیے ۔آپریشن ضرب عضب، خیبر آپریشن ایک تا پانچ اور نیشنل ایکشن پلان پر عمل درآمد کے نتیجے میں پاکستان گلوبل ٹیررازم انڈیکس 2017میں پانچویں درجے پر آگیا۔
2007 میں پاکستان کا شمار 163 ملکوں میں سے چوتھے درجے پر کیا گیا تھا، اس انڈیکس میں بھارت 8ویں اور ترکی 9 ویں نمبر پر رہا۔ پاکستان میں دہشت گردی کے خلاف سیکیورٹی اداروں اور عوام کی قربانیوں کی وجہ سے دہشت گردی کی وارداتوں اور ہلاکتوں میں مسلسل3 سال سے کمی واقع ہورہی ہے تاہم پاکستان کو اب بھی پڑوسی ملکوں کی جانب سے ریاستی تعاون سے ہونیوالی دہشت گردی کا سامنا ہے۔
دہشت گردی کے خلاف جنگ میں پاکستان کی معیشت کو گزشتہ 17سال کے دوران 126.79ارب ڈالر کا نقصان اٹھانا پڑا۔ رپورٹ کے مطابق مالی سال 2016-17میں پاکستانی معیشت کو دہشت گردی سے 5.47ارب ڈالر کا نقصان ہوا تھا جو مالی سال 2017-18(جولائی تا فروری ) میں کم ہوکر 2.07 ارب ڈالر کی سطح پر آگیا۔
رپورٹ کے مطابق افغانستان کی صورتحال بدستور خطے میں پائیدار امن اور استحکام کی راہ میں رکاوٹ بنی رہی۔ افغانستان کے لاکھوں مہاجرین کی اعانت سے پاکستان کی معیشت پر پڑنے والے اضافی بوجھ کے ساتھ داخلی سلامتی کو بھی خدشات کا سامنا ہے اور پاکستان کو افغانستان میں قائم دہشت گردی کی پناہ گاہوں سے نشانہ بنایا جارہا ہے۔
The post مالی سال 18-2017، دہشت گردی سے پاکستانی معیشت کو 2 ارب ڈالر سے زائد نقصان appeared first on ایکسپریس اردو.
لاہور: حکومت پنجاب نے آئندہ جنرل الیکشن کے دوران بلدیاتی اداروں کوختم کرنے کا قانون ہی بلدیاتی ایکٹ 2013ء سے ختم کردیا ہے لہٰذا اس میں ترمیم کیے بغیر بلدیاتی ادارے ختم نہیں کیے جاسکتے۔
حکومت پنجاب کی جانب سے بلدیاتی ایکٹ 2013ء کے مطابق بلدیاتی ادارے بنائے جس میں انہوں نے تمام قوانین کو اس انداز سے شامل کیا کہ انہیں فائدہ ہوسکے، مزکورہ ایکٹ کے سیکشن 126کو شامل کیا گیا جس میں لکھا گیا ہے کہ جب الیکشن کمیشن آف پاکستان قومی و صوبائی اسمبلی کے الیکشن کا اعلان کریگا تو اس وقت وزیراعلی پنجاب یا گورنر پنجاب تمام بلدیاتی اداروں سے مالی، ترقیاتی، انتظامی اختیارات واپس لئے جائیں گئے یا انکی نگرانی کیلئے ایڈمنسٹریٹرز بھی لگائے جاسکتے ہیں۔
سابق جنرل الیکشن جو2013ء میں ہوئے قومی وصوبائی اسمبلی میں مسلم لیگ (ن)کی واضع برتری ہوئی، وزیراعظم میاں نوازشریف اور وزیراعلیٰ پنجاب میاں شہبازشریف بن گئے، یوں اگئے تقریباً ڈیڈھ سال قبل بلدیاتی الیکشن ہوئے جس میں صوبہ بھر سے مسلم لیگ ن کی واضع برتری رہی۔
اس صورتحال کو دیکھتے ہوئے حکومت پنجاب نے13فروری2017ء کو بلدیاتی ایکٹ2013 کے سیکشن126جس میں جنرل الیکشن سے قبل تمام بلدیاتی اداروں کے اختیارات ختم کرنے یا ایڈمنسٹریٹرز لگانے کا ذکر ہے کو قانون سے ہی نکال دیا تھا لہذا اس وقت بلدیاتی ایکٹ2013ء کے تحت قومی وصوبائی کے الیکشن سے قبل بلدیاتی اداروں کے اختیارات ختم ہی نہیں ہوسکتے جب تک مزکورہ قوانین میں ترمیم نہیںکرلی جاتی اب یہ ترمیم موجودہ حکومت کرتی یا آنے والے نگران سیٹ آپ آنے والا وقت بتائے گا۔
The post عام انتخابات سے قبل بلدیاتی ادارے ختم نہیں کیے جا سکتے appeared first on ایکسپریس اردو.
ریو ڈی جنیرو: برازیل سے فٹ بال کے ایک حیرت انگیز مداح کی ناقابلِ یقین خبر آئی ہے کہ انہوں نے اپنے پسندیدہ فٹ بال کلب کی پوری شرٹ کا اپنے جسم پر ٹیٹو بنوالیا ہے جو ہوبہو کلب کی شرٹ جیسا ہے۔
ہوزے موریسیو دوس آنجوس کی عمر 33 سال ہے اور وہ ریوڈی جنیرو میں رہتے ہیں۔ ہوزے، فلیمنگو فٹ بال کلب کے دل سے مداح ہیں اور کئی برس سے اس کی تائید کررہے ہیں۔ اب انہوں ںے فٹ بال کلب سے محبت کے اظہار میں اس کی آفیشل ٹی شرٹ پوری تفصیل کے ساتھ اپنے جسم پر ٹیٹو کی صورت میں گدوالی ہے۔
ہوزے کو اس ٹیٹو کے بنانے میں 90 گھنٹے لگے اور 32 مختلف اوقات میں انہیں ٹیٹو فنکار کے سامنے بیٹھنا اور لیٹنا پڑا۔ اس کے بعد ان کے پورے جسم پر ٹھیک سائز کی ایک ٹی شرٹ دیکھی جاسکتی ہے۔ سیاہ وسرخ پٹیوں کی اس ٹی شرٹ پر کلب کا لوگو بھی بنایا گیا ہے اور کمر پر ٹی شرٹ کا نمبر 10 بھی نمایاں ہے۔
اپنے انسٹا گرام اکاؤنٹ پر ہوزے موریسیو نے کہا کہ وہ بچپن سے ہی اپنے جسم پر کلب کی ٹی شرٹ بنوانا چاہتے تھے اور اب ان کی یہ خواہش پوری ہوچکی ہے۔
ہوزے نے بتایا کہ میں بچپن سے ہی فلیمنگو کا مداح رہا ہوں اور خود میرے والد بھی اس ٹیم کو بہت چاہتے تھے، میرے والد میرے لیے کلب کی ٹی شرٹ اور کھلونے لاتے رہے جس سے میرا جنون اور بڑھتا گیا اور اب میرے جسم کا 40 فیصد حصہ فلیمنگو کے رنگوں میں ڈوبا ہوا ہے۔
سوشل میڈیا پر اس واقعے کے بعد ایک بحث چل پڑی ہے۔عام افراد نے ہوزے کو بے وقوف قرار دیا ہے جبکہ فلیمنگو کے دوسرے مداح اسے محبت کا اظہار قرار دے رہے ہیں۔
The post فٹ بال کے جنونی نے اپنی پسندیدہ ٹیم کی شرٹ جسم پر گُدوالی appeared first on ایکسپریس اردو.
اسلام آباد: دارالحکومت سے کم سن بچیوں کو اغواء اور ملک بھر میں بیچے جانے کا انکشاف ہوا ہے۔
اسلام آباد سے کمسن بچیوں کو ورغلا کر اغواء اور ملک بھر میں سپلائی کئے جانے کا ہولناک انکشاف ہوا ہے۔ اطلاعات کے مطابق مذموم دھندہ کرنے والا ایک گروہ کے کارندے پکڑے گئے ہیں۔ اس گروہ کے غوری ٹاؤن اور مختلف علاقوں میں ٹھکانے ہیں۔ دو روز قبل شہر میں اغواء ہونے والی نویں کلاس کی طالبہ کو بازیاب کرایا گیا تھا جس کے بعد اس گروہ کا پردہ چاک ہوا۔
یہ بھی پڑھیں: اسلام آباد عیاشی کا اڈہ بنتا جا رہا ہے، ہائی کورٹ
ملزمان نے دوروز قبل نویں جماعت کی ایک طالبہ کو اسکول سے اغواء کیا۔ طالبہ کے والدین نے مقدمہ درج کرادیا جس پر تھانہ آبپارہ پولیس نے کارروائی کرتے ہوئے دو روز کے اندر بچی کو بازیاب کروالیا۔ ملزمان نے اغواء کرکے بچی کو غوری ٹاوٴن میں بند کرکے رکھا ہوا تھا۔ چھاپے کے دوران اغواء کار گروہ کے تین کارندے بھی گرفتار ہوئے۔
یہ بھی پڑھیں: پولیس کے کمروں سے دن کو منشیات اور رات کو لڑکیاں ملتی ہیں
ذرائع کے مطابق ملزمان نے پولیس کے سامنے درجنوں معصوم بچیوں کو اغواء کے بعد مختلف شہروں میں بیچنے کا اعتراف کیا ہے۔ تفتیش سے پتہ چلا ہے کہ ملزمان کا نیٹ ورک پورے ملک میں پھیلا ہوا ہے،
The post اسلام آباد سے بچیوں کو اغواء اور ملک بھر میں بیچنے کا انکشاف appeared first on ایکسپریس اردو.
from Yahoo News - Latest News & Headlines https://ift.tt/2Kbzy2B
کراچی: پاکستان کی معروف گلوکارہ و اداکارہ رابی پیرزادہ کا کہنا ہے کہ انہیں شوبز کی فیلڈ میں کبھی کسی مرد نے نہیں بلکہ خواتین نے جنسی طور پر ہراساں کیا ہے۔
پاکستان میں ان دنوں گلوکارہ میشا شفیع کے علی ظفر پر لگائے جانے والے جنسی ہراسانی کے الزامات نے سوشل میڈیا پر طوفان مچایا ہوا ہے۔ میشا شفیع کے الزامات پر شوبز سے تعلق رکھنے والے متعدد فنکار بھی جنسی ہراسانی سے متعلق اپنی داستانیں بیان کررہے ہیں۔ اداکارہ عائشہ عمر اور مومنہ مستحسن نے بھی انکشاف کرتے ہوئے کہا ہے کہ انہیں بھی جنسی ہراسانی کا نشانہ بنایا گیا لیکن وہ کبھی اس کا اظہار نہ کرسکیں اور اب پاکستان شوبز انڈسٹری کی نامور گلوکارہ و اداکارہ رابی پیر زادہ نے بھی اپنے ساتھ پیش آنے والے قبیح فعل سے متعلق بتاتے ہوئے کہا ہے کہ انہیں بھی ہراساں کیا گیا لیکن انہیں شوبز میں کسی مرد نے نہیں بلکہ عورتوں نے ہراساں کیا ہے۔
اس خبرکوبھی پڑھیں: میشا شفیع کا علی ظفر پر جنسی ہراسانی کا الزام
رابی پیرزادہ نے میڈیا سے بات کرتے ہوئےانکشاف کیا کہ مجھے یہ بتاتے ہوئے بالکل برا نہیں لگ رہاکہ شوبز میں مجھے کسی مرد نے نہیں بلکہ خواتین نے ہراساں کرنے کی کوشش کی ہے۔ انہوں نے کہااس فیلڈ میں انٹری کے وقت مجھے یہ بات پتہ نہیں تھی کہ خواتین بھی ہراساں کرسکتی ہیں اور جب مجھے سمجھ آیا کہ یہ خواتین کا پیار نہیں ہے بلکہ کچھ اور ہے تو میں ان سے الگ ہوگئی۔ میں 16 سال کی تھی جب اس فیلڈ میں قدم رکھا مجھے اس وقت ان چیزوں کی سمجھ نہیں تھی۔ شوبز کے اندر ہراسانی سے متعلق تمام واقعات، گھریلو جھگڑے، طلاقیں اور دوبارہ رشتے استوار کرنے کو رابی نے سستی شہرت حاصل کرنے کا طریقہ قراردیا۔
اس خبرکوبھی پڑھیں: میشا شفیع نے علی ظفر کے ساتھ قانونی جنگ کیلئے کمر کس لی
رابی نے کہا سب لوگ کہہ رہے ہیں کہ میں نےاور میرا نے ہراسانی پر اپنا موقف پیش کرکے دراصل سستی شہرت حاصل کرنے کی کوشش کی ہے لیکن یہ سچ نہیں ہے اگر مجھے شہرت چاہئیے ہوتی تو میں کسی آدمی پر ہراساں کرنے کاالزام لگادیتی۔ ہماری شوبز کی خواتین ’’می ٹو‘‘مہم کا بہت غلط استعمال کررہی ہیں۔ رابی نےایک بار پھر اپنے موقف پر قائم رہتے ہوئے کہا کہ یہ آج کی بریکنگ نیوز ہے کہ مجھے کسی مرد نے نہیں بلکہ خواتین نے ہراساں کیا۔ اس کے ساتھ ہی انہوں نے کہا مجھے بہت ساری خواتین پیغام بھیج رہی ہیں کہ تم عورت کے نام پر دھبہ ہو کیونکہ تم نے ہراسانی کا شکار ہونے والی خواتین کا ساتھ نہیں دیا تو میں آپ کا ساتھ کیوں دوں جب مجھے کسی مرد نے ہراساں کیا ہی نہیں ہے۔ شوبز کی خواتین جو آپ کو گلے لگارہی ہوتی ہیں اور آپ کو پیار کررہی ہوتی ہیں دراصل یہی ہراسانی ہے۔ جس دن مجھے یہ سمجھ آئی کہ خواتین بھی دوسری خواتین کو ہراساں کرسکتی ہیں اس دن سے میں نے ان سے دوری بنا کررکھی۔
واضح رہے کہ گلوکارہ میشا شفیع نے علی ظفر پر الزام لگاتے ہوئے کہا ہے کہ علی نےانہیں جنسی طور پر ہراساں کیا جس پر علی نے میشا کو ایک ارب روپے ہرجانے کا نوٹس بھجوایا ہے۔
The post مجھے مردوں نے نہیں عورتوں نے جنسی ہراساں کیا، رابی پیرزادہ appeared first on ایکسپریس اردو.
from Yahoo News - Latest News & Headlines https://ift.tt/2HrhHTJ
اسلام آباد: چیف جسٹس میاں ثاقب نثار نے کہا ہے کہ سیاسی بنیادوں پر معاف کیے گئے قرضے واپس کروائیں گے۔
سپریم کورٹ میں قرض معافی کیس کی سماعت ہوئی۔ درخواست گزار نے کہا کہ نواز شریف، بے نظیر بھٹو، جونیجو، یوسف رضا گیلانی، چوہدری برادران نے بھی قرضے معاف کروائے۔ نیشنل بنک کے وکیل نے سپریم کورٹ میں پیش ہوکر بتایا کہ عدالت نے بنک کے قرضے معاف کروانے کی تحقیقات کے لئے کمیشن تشکیل دیا تھا،
اسٹیٹ بنک کا سرکلر جاری ہونے کے بعد بنک کے قرضہ جات معاف کئے گئے، عدالت جسٹس جمشید کی رپورٹ پر فیصلہ کرے۔
چیف جسٹس نے کہا کہ 54 ارب روپے کے قرضے معاف کروائے گئے۔ وکیل نے کہا کہ عدالتی کمیشن نے 54 ارب کے قرضوں کی معافی کو ماضی کا قصہ قرار دیا۔ چیف جسٹس نے کہا کہ پرانے دبے ہوئے مقدمات کو نکلوا رہا ہوں، سیاسی بنیادوں پر بھی قرضے معاف کئے گئے، کسی جگہ فریقین نے سمجھوتہ بھی کر لیا ہوگا، نیشنل بینک نے کئی ارب کے قرضے معاف کیے، کمیشن کی رپورٹ آنے پر مقدمے کی کارروائی نہیں ہوئی۔ ایڈیشنل اٹارنی جنرل نے کہا کہ 223 قرضہ معافی کے مقدمات مشکوک ہیں۔
چیف جسٹس نے کہا کہ سیاسی بنیادوں پر معاف قرضے واپس نکلوائیں گے، اگر قرضے واپس نہیں کیے تو مقروضوں کے صنعتی یونٹس ضبط کرلیں گے، رقم نہیں تو اثاثہ ریکور کرلیں گے، ایک ہفتے میں قرض معافی کی سمری بناکردیں، ابھی تو یہ دیکھنا ہے اس کیس کو چلانا کیسے ہے، 2007 سے یہ معاملہ زیرالتواء ہے۔
The post سیاسی بنیادوں پر معاف قرضے واپس نہ کرنے پر اثاثے ضبط کرلیں گے، سپریم کورٹ appeared first on ایکسپریس اردو.
from Yahoo News - Latest News & Headlines https://ift.tt/2Fgzhb0
ماہرینِ فلکیات نے مشتری جیسا ایک انوکھا سیارہ دریافت کیا ہے جو خود پر پڑنے والی روشنی کی 99 فیصد مقدار جذب کرلیتا ہے۔
اس طرح اس کا شمار خلائے بسیط میں موجود تاریک ترین اجرام فلکی میں کیا جاسکتا ہے۔ اسے تاریک ترین سیارہ کہا جائے تو بے جا نہ ہوگا کیوں کہ اب تک اتنا تاریک سیارہ دریافت نہیں ہوا۔ ماہرین فلکیات نے اس نو دریافت شدہ سیارے کو Wasp-104b کا نام دیا ہے۔ طبیعی خصوصیات میں یہ ہمارے نظام شمسی کے سب سے جسیم اور گیسی سیارے مشتری سے مشابہ ہے، اس لیے اسے ’گرم مشتری‘ کے زمرے میں شامل کیا گیا ہے۔
فلکیاتی اصطلاح میں ’’گرم مشتری‘‘ ان سیاروں کو کہا جاتا ہے جو اپنی کمیت اور دوسری طبیعی خصوصیات کے اعتبار سے ہمارے نظامِ شمسی کے سب سے بڑے سیارے مشتری سے مشابہت رکھتے ہیں؛ لیکن ان کا مدار بہت مختصر ہوتا ہے یعنی وہ اپنے مرکزی ستارے (سورج) سے بہت قریب ہوتے ہیں جس کی وجہ سے نہ صرف ان کا درجہ حرارت بہت زیادہ ہوتا ہے بلکہ یہ بڑی تیزی سے اپنے سورج کے گرد چکر بھی لگا رہے ہوتے ہیں۔ ایسے ’’گرم مشتری‘‘ عموماً اپنے سورج کے گرد ایک چکر تقریباً دس دنوں میں پورا کرلیتے ہیں یعنی ایسے سیاروں کا ’’ایک سال‘‘ زمین پر گزرنے والے دس دنوں کے مساوی ہوتا ہے۔ Wasp-104b اپنے مدار میں ایک چکر صرف 1.75 دن میں پورا کرلیتا ہے۔
نیا گرم مشتری کیل (Keele) یونیورسٹی، برطانیہ سے وابستہ محققین کی دریافت ہے۔ انہوں نے زمین کے گرد مدار میں محو گردش، ناسا کی کیپلر خلائی دوربین سے حاصل شدہ ڈیٹا کا تجزیہ کرنے کے بعد اس منفرد سیارے کی دریافت کا اعلان کیا۔ سیارہ اپنے سورج سے اس قدر قریب ہے کہ اس کے گرد بادلوں کا غلاف بھی موجود نہیں، جو بیشتر سیاروں کے گرد دکھائی دیتا ہے۔ سورج اور ستارے کا درمیانی فاصلہ انتہائی کم ہونے کے باعث شمسی ہوائیں، گیسی بادلوں کو سیارے سے دُور پھینک دیتی ہیں۔ اس کے نتیجے میں یہ سیارہ سیاہ دھند میں لپٹا دکھائی دے گا کیوں کہ اس کے اجزائے ترکیبی میں پوٹاشیم اور سوڈیم کی کثرت ہے جن کے ایٹم ٹکرانے والی تقریباً تمام روشنی جذب کرلیتے ہیں۔
سائنس دانوں کے مطابق نودریافتہ سیارہ ’’اسد‘‘ (لیو) نامی جھرمٹ میں واقع ہے جو زمین سے 466 نوری سال کے فاصلے پر واقع ہے۔ یہ سیارہ پونے دو دن میں اپنے سورج کے گرد ایک چکر مکمل کرتا ہے۔ دلچسپ بات یہ ہے کہ اسے اپنی ایک محوری گردش مکمل کرنے میں بھی اتنا ہی وقت لگتا ہے۔ اس کا مطلب یہ ہوا کہ اس منفرد سیارے کا نصف کرہ ہمیشہ سورج کی جانب رہتا ہے اور بقیہ نصف ہمیشہ اس سے مخالف سمت میں ہوتا ہے۔ بہ الفاظ اس کے آدھے حصے پر ہمیشہ دن اور آدھے پر ہمیشہ رات ہوتی ہے۔
The post کائنات کا تاریک ترین سیارہ دریافت appeared first on ایکسپریس اردو.
from Yahoo News - Latest News & Headlines https://ift.tt/2Jk4IDR
گجرات: نواحی گاؤں منگووال میں مبینہ طور پر قتل ہونے والی پاکستانی نژاد اطالوی لڑکی ثناء چیمہ کے علاج کی کہانی کا بھانڈا پھوٹ گیا اور نجی اسپتال نے ثناء کے ایڈمٹ ہونے کی تردید کردی۔
گجرات کے نواحی گاؤں منگووال میں مبینہ طور پر رشتے داروں کے ہاتھوں غیرت کے نام پر قتل ہونے والی پاکستانی نژاد اطالوی لڑکی ثناء چیمہ کے معاملے میں پیش رفت ہوئی ہے۔ بعض ایسی دستاویز سامنے آئی تھیں کہ طبیعت کی خرابی کی وجہ سے ثنا چیمہ کئی روز نجی اسپتال میں زیر علاج رہی۔ رشتے داروں نے بھی ثنا کو اسپتال میں داخل کرنے کا دعوی کرتے ہوئے کہا تھا کہ اس کی طبعی موت واقع ہوئی جس کے ثبوت میں علاج معالجہ کے کاغذات بھی پیش کیے گئے تھے۔
یہ بھی پڑھیں: ثنا چیمہ معاملہ؛ پولیس نے قبر کشائی کرکے نمونے حاصل کرلیے
تاہم نجی اسپتال کی انتظامیہ اور ڈاکٹرز نے ثناء کے اسپتال میں ایڈمٹ ہونے کی تردید کرتے ہوئے کہا گیارہ اپریل کو ثناء چیمہ کو اسپتال لایا گیا، اور مقتولہ کو قے کی دوائی دے کر جلد ڈسچارج کردیا گیا تھا، ایسی خبر میں کوئی صداقت نہیں کہ ثناء ہسپتال سے علاج کراتی رہی۔ ذرائع کے مطابق لڑکی کے والدین نے اطالوی سفارتخانے میں لڑکی کی طبعی موت کے کاغذات جمع کروائے تھے۔ عدالتی حکم پر ثناء چیمہ کی قبر کشائی کی گئی اور لاش سے نمونے لے کر فرانزک لیبارٹری بھجوا دیئے گئے ہیں۔
واضح رہے کہ گجرات کے نواحی گاؤں منگووال میں چند ہفتوں پیشتر اطالوی شہریت کی حامل پاکستانی نژاد 26 سالہ خاتون ثنا چیمہ کی موت واقع ہوگئی تھی، متوفی کے گھر والوں نے ثنا کی موت کو حادثے کا نتیجہ قرار دے کر سپرد خاک کردیا تھا۔ سوشل میڈیا اور اطالوی اخبارات میں ثنا کی موت کو حادثے کے بجائے غیرت کے نام پر قتل قرار دیا گیا تھا۔
The post ثناء چیمہ ہلاکت کیس میں اہم پیشرفت؛ علاج کی کہانی کا بھانڈا پھوٹ گیا appeared first on ایکسپریس اردو.
from Yahoo News - Latest News & Headlines https://ift.tt/2HWzmUb
مشہور کہاوت ہے ’’اندھیر نگری چوپٹ راج، ٹکے سیر بھاجی ٹکے سیر کھاج۔‘‘ اردو زبان میں مستعمل تمام کہاوتیں اور محاورے اپنے پس منظر میں چھوٹی چھوٹی کہانیاں رکھتے ہیں جن کی وجہ سے یہ کہاوتیں بنتی ہیں۔ اس کہاوت کے پیچھے بھی ایک چھوٹی سی کہانی ہے، وہ کہانی سنانے سے پہلے ذرا اندھیر نگری کے کچھ حالات تو بیان کردوں، کیونکہ وطن عزیز کے معروضی حالات اور اندھیر نگری کے حالات میں غضب کی مماثلت ہے۔
احوال اس نگری کا کچھ یوں ہے۔ وہاں کے راجا جی خود کو عقل کل سمجھتے تھے، انصاف پرور، بہادر اور با اصول ہونے کا بھی گمان رکھتے تھے، وزراء اور مشیران کی ایک فوج ظفر موج بھرتی کر رکھی تھی جن کا سب سے بڑا وظیفہ دن رات راجا جی کی خوشامد کرنا تھا۔ راجا جی نے خود کو قاضی القضاۃ کے عہدے پر بھی فائز کر رھا تھا۔
خوشامدی وزراء اور مشیران نے تعریفیں کر کر کے راجا جی کو مزید بانس پر چڑھا رکھا تھا۔ راجا جی نے سارے راج میں ہر اک شئے کے نرخ ایک جیسے مقرر کر رکھے تھے۔ یعنی ہر شئے ٹکے سیر، اور یوں اپنے تئیں انہوں نے مہنگائی کو قابو کر رکھا تھا۔ پاس پڑوس اور دور دراز کی دیگر ریاستوں میں اندھیر نگری کے بارے میں کئی واقعات بطور لطائف مشہور تھے۔ دیگر راجا اپنی محفلوں میں اندھیر نگری کے راجا کے واقعات خوب مزے لے لے کر دہرایا کرتے تھے۔
راجہ جی اگر کبھی اپنی ذاتی مصروفیات اور داسیوں سے فرصت پاتے (جو ذرا مشکل ہی سے ملتی) اور ان کے کان میں کوئی ایسی بات پڑ جاتی جو انہیں اندھیر نگری کے بارے میں تشویشناک محسوس ہوتی تو فوراً وزراء و مشیران کو بلا کر باز پرس اور تفتیش کرتے، کیونکہ راجہ بے حد نیک اور خدا ترس انسان تھے۔ وزیر اپنی مکھن پالش کی مہارتیں استعمال کر کے انھیں تسلی دیتے کہ حضور! یہ ذرائع ابلاغ کی کارستانی ہے تاکہ عوام کو آپ کے خلاف کریں۔ یہ سب افواہ سازی ہے۔ آپ بالکل فکر مند نہ ہوں، راج میں سب امن و امان ہے، آپ فکر مند نہ ہوں، اپنی خواب گاہ میں حسبِ سابق آرام فرمائیے۔
تو قارئین کرام، اندھیر نگری کے حالات و واقعات تو اتنے دلچسپ اور طویل ہیں کہ ایک پوری کتاب لکھی جا سکتی ہے، اور ان کے سامنے ہمارے پاکستان میں پیش آنے والے عجیب و غریب حالات و واقعات بھی پھیکے پڑ جائیں گے، مگر مضمون کی طوالت کے خوف سے مختصر کرتا ہوں کہ تھوڑے لکھے کو بہت جانیں، اور اب کہانی کی طرف آتا ہوں۔
ایک دفعہ ایک سیلانی گرو اور چیلا گھومتے پھرتے اندھیر نگری آ نکلے۔ جب چیلے کو معلوم پڑا کہ یہاں تو ہر چیز ہی ٹکے سیر ہے، تو وہ بڑا خوش ہوا اور گرو سے کہا کہ گرو جی، بس اب تو یہیں لمبا قیام کریں گے، خوب کھائیں گے پئیں گے۔ گرو ذرا سیانا تھا، بولا، چیلے یہ خطرے کی بات ہے، ایسی جگہ جہاں سب دام برابر ہوں میں نے پہلے نہیں دیکھی، چل یہاں سے نکلتے ہیں، کسی مصیبت میں نہ پڑ جائیں۔ چیلہ نہ مانا تو اس کی ضد کے آگے گرو بھی مجبور ہوکر وہیں ٹھر گیا۔ چیلا کھانے پینے کا بہت شوقین تھا، خوب کھاتا پیتا اور مزے اڑاتا، کھا کھا کر ڈشکرا ہو گیا۔
راجا جی کے سامنے ایک مقدمہ پیش ہوا۔ ایک کوچوان کے گھوڑے کے بدکنے سے گھوڑا گاڑی الٹی اور ایک آدمی دب کر ہلاک ہوگیا۔ راجا نے کوچبان سے کہا کہ تمہیں پھانسی دی جائے گی، پر جیسا راجا ویسی پرجا، وہ بولا، جناب میرا کیا قصور، ایک عورت جس کے پیروں میں پازیب تھے، وہ گھوڑے کے قریب سے گزری تو شرارتاً پیر زور سے چھن چھنائے جس سے گھوڑا بدکا، ذمہ دار تو پھر عورت ہوئی ناں… عورت کو بلایا گیا، اس نے کہا کہ سنار نے پازیب میں چھنچھناہٹ تیز بنائی تھی، میں تو آرام سے ہی چل رہی تھی، سنار ذمہ دار ہے۔ القصہ مختصر سنار کو بلایا، تو اس نے ذمہ داری کسی اور پر گھما کر اپنی جان بچائی۔ یہ سلسلہ کافی لمبا چلا اور بالاآخر ایک فرد بے چارہ ایسا پھنس گیا جس کو کوئی بہانہ نہ مل سکا۔ چنانچہ اس روتے بلکتے شخص کو پھانسی گھاٹ لے جایا گیا۔ جلاد نے پھندا گلے میں ڈلا تو وہ ڈھیلا نکلا، راجا کو بتایا گیا۔
وہ گرو اور چیلا بھی وہاں پھانسی کا تماشا دیکھنے کو کھڑے تھے، تو راجا نے کہا کہ ترتیب وار تمام ملزمان جو تفتیش سے گزرے ہیں سب پر پھندا ڈال کے دیکھا جائے، جس کے بھی فٹ آجائے اسے ہی پھانسی دے دی جائے، اتفاق سے سارے ہی ملزمان پتلی گردن کے تھے چناچہ پھندا کسی کے بھی فٹ نہ آ سکا۔
راجا بڑا حیران ہوا، کچھ سوچ بچار کے بعد حکم جاری کیا کہ یہ جو مجمع تماشا دیکھنے آیا ہوا ہے اس میں سے تلاش کرو کہ سب سے موٹی گردن کس کی ہے، اسے ہی پھانسی دے کر انصاف کا بول بالا کیا جائے۔ چیلہ جو کھا کھا کر سانڈ ہو چکا تھا، وہ زد میں آ گیا اور اس کے گلے میں پھندا بھی فٹ ہوگیا۔ اسے لے جانے لگے تو وہ زور سے چیخا کہ گرو جی بچاؤ، گرو نے غصہ سے کہا، میں نہیں کہتا تھا کہ یہاں سے نکل چل، اب بھگت، وہ دھاڑیں مار کر رونے لگا۔ گرو کو ترس آ گیا، اس نے راجا سے کہا کہ میرے چیلے کی بجائے مجھے پھانسی دے دو۔ راجا نے حیران ہوکر اس بات کی وجہ دریافت کی کہ بھئی گرو جی تم کیوں اپنی جان گنوا رہے ہو؟ تو گرو نے جواب دیا کہ راجا جی، میرے گیان دھیان نے حساب کتاب نے مجھے بتایا ہے کہ اس سمے جو پھانسی چڑھے گا، سیدھا سورگ (جنت) میں جائے گا۔ تو میں اب سورگ میں جاکر مزے کیوں نہ کروں۔ راجا نے یہ سن کر کہا کہ یہ بات ہے تو پھر سورگ میں میں جاؤں گا۔ اور یہ کہہ کر پھانسی پر جھول گیا اور گرو و چیلہ سر پر پاؤں رکھ کر وہاں سے بھاگ لیے۔
گرو نے تو اپنے چیلے کو اندھیر نگری کے اندھیر سے کسی نہ کسی طرح بچا ہی لیا، پر ہمیں کون بچائے گا۔
نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں۔
اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 الفاظ پر مشتمل تحریر اپنی تصویر، مکمل نام، فون نمبر، فیس بک اور ٹویٹر آئی ڈیز اور اپنے مختصر مگر جامع تعارف کے ساتھblog@express.com.pk پر ای میل کردیجیے۔
The post اندھیر نگری چوپٹ راج appeared first on ایکسپریس اردو.
from Yahoo News - Latest News & Headlines https://ift.tt/2HIHKZU
لاہور: پنجاب بھر کے میڈیکل اسٹورز مالکان نے ڈرگ ایکٹ 2017 کے خلاف شٹر ڈاؤن ہڑتال کردی جس کے باعث مریضوں کو ادویات کے حصول میں شدید مشکلات کا سامنا ہے۔
ایکسپریس نیوز کے مطابق لاہور سمیت پنجاب کے مختلف شہروں میں ڈرگ ایکٹ میں ترمیم کے خلاف فارما سیکٹر نے احتجاج کا اعلان کرتے ہوئے ہڑتال کردی۔ لاہور، ملتان، حافظ آباد، کمالیہ، ٹوبہ ٹیک سنگھ، راجن پور، جہانیاں، سوہاوہ سمیت مختلف شہروں میں میڈیکل اسٹورز مالکان سراپا احتجاج ہیں۔ دکانیں بند ہونے اور ادویات کی عدم دستیابی کی وجہ سے مریضوں کو پریشانی کا سامنا ہے۔
فیصل آباد میں بھی کیمسٹ اینڈ ڈرگ ایسوسی ایشن نے ہڑتال کر دی، شہر بھرکے اسٹورز اور فارمیسی پوائنٹس بند ہیں۔ کندیاں، چشمہ، پپلاں، ہرنولی، بھکر، بہاولنگر سمیت ضلع بھر میں بھی میڈیکل اسٹورز اور فارمیسی پوائنٹس کی ہڑتال جاری ہے۔
واضح رہے کہ ڈرگ ایکٹ 2017 کے تحت میڈیکل اسٹور میں ہر وقت ایک ماہر فارماسسٹ کی موجود گی لازمی قرار دی گئی ہے اور میڈیکل اسٹور میں گندگی پر بھی سزا ہوگی۔
The post پنجاب میں میڈیکل اسٹورز کی ڈرگ ایکٹ کیخلاف ہڑتال appeared first on ایکسپریس اردو.
کراچی: آئی جی سندھ اے ڈی خواجہ نے کہا ہے کہ کراچی میں اسلحے کے بڑے ذخیرے موجود ہیں۔
اے ڈی خواجہ نے کہا ہے کہ کراچی میں اسلحے کے بڑے ذخیرے موجود ہیں ماضی میں ایک بڑا ذخیرہ نائن زیرو سے برآمد ہوا تھا اس طرح کے مزید ذخیرے ہوسکتے ہیں اسلحے کی برآمدگی کے حوالے سے کارروائیاں جاری ہیں وہ بدھ کے روز پولیس رولز میں ترمیم سے متعلق سندھ اسمبلی میں منعقدہ اجلاس میں شرکت کے بعد صحافیوں سے گفتگو کررہے تھے۔
آئی جی سندھ کا مزید کہنا تھا کہ علمائے کرام سے مکمل طور پر سیکیورٹی واپس نہیں لی گئی صوبے میں بچوں کے ساتھ زیادتی اور قتل کے واقعات نئے نہیں تاہم یہ اب اجاگر اب زیادہ ہورہے ہیں پولیس ایسے واقعات کے تدارک کے لیے کام کررہی ہے بچوں کا مسئلہ انتہائی حساس ہے سندھ حکومت نے خواتین کے تھانوں میں تبدیلیاں کی ہے ملزمان کو سزائیں دی جارہی ہیں کل شہر میں اغوا کی واردات ہوئی پولیس نے بروقت کارروائی کی اور ملزمان کو کیفرکردار تک پہنچایا۔
انھوں نے کہا کہ معاشرے سے جرائم جڑ سے ختم کرنا ممکن نہیں ہے مجھے علم نہیں کہ سندھ حکومت میرے اختیارات کم کررہی ہے اغوا برائے تاوان کے لیے ایران اور افغانستان فون کالز آتی ہیں تاہم ایسی تمام کالز درست نہیں ہوتی۔
The post کراچی میں اسلحے کے بڑے ذخیرے موجود ہیں،آئی جی appeared first on ایکسپریس اردو.
کراچی: پولیس نے 6 سالہ رابعہ کے قتل کے مقدمے میں نامزد مرکزی ملزم رحیم بخش کو بے گناہ قرار دے دیا اور دوران تفتیش ہی ملزم کو رہا کردیا۔
عدالت نے دیگر ملزمان کے جسمانی ریمانڈ میں3 مئی تک توسیع کردی ہے تھانہ اورنگی ٹائون پولیس نے6 سالہ بچی کے اغوا اور قتل کے الزام میں گرفتار فضل محمد، مہر علی، اور فقیر عرف فقیرا کو جوڈیشل مجسٹریٹ غربی کی عدالت میں پیش کیا۔
تفتیشی افسر نے عدالت کو بتایا کہ ملزم رحیم بخش کو تفتیش کے بعد عدم ثبوت پر رہا کردیا ہے اور اس کے خلاف کوئی شواہد نہیں ملے عدالت کا کہنا تھا کہ ملزم عدالت کو مطلع کیے بغیر شہر چھوڑ کر نہیں جاسکتا ملزم کے خلاف ثبوت ملنے پر اسے دوبارہ شامل تفتیش کیا جاسکتا ہے۔
واضح رہے کہ ملزم رحیم بخش کی گرفتاری پر پولیس کا کہنا تھا کہ بچی کے اغوا اور قتل کے مرکزی ملزم کو گرفتار کیا گیا ہے عدالت میں تفتیشی افسر نے2 چشم دید گواہوں کے بیانات ریکارڈ کرانے کی درخواست دائر کی ہے عدالت کے روبرو آئندہ سماعت پر چشم دید گواہوں کے بیانات قلمبند کیے جائیں گئے۔
عدالت نے دیگر گرفتار ملزمان کے جسمانی ریمانڈ میں توسیع کرتے ہوئے تفتیشی رپورٹ طلب کی ہے ملزمان کے خلاف تھانہ اورنگی ٹائون میں مقدمہ درج ہے، دریں اثنا جوڈیشل مجسٹریٹ غربی نے تفتیشی افسر کی جانب سے متاثرہ بچیوں کو عدالت میں پیش نہ کرنے پر سماعت 30 اپریل تک ملتوی کردی۔
بدھ کو جیل حکام نے 2 بچیوں کے اغوا میں گرفتار سجاد، ماریہ، اعظم اور سمیرا کو فاضل عدالت میں پیش کیا اس موقع پر عدالت کے روبرو ملزمہ ماریہ نے خود کو پاگل ظاہر کیا جس پر عدالت نے جیل حکام کو ملزمہ کا دماغی چیک اپ کراکر رپورٹ دینے کی ہدایت کی تفتیشی افسر بازیافتہ 2 بچیوں کو عدالت میں پیش کرنے میں ناکام رہا۔
عدالت نے برہمی کا اظہار کیا اور 30 اپریل کو بچیوں کا بیان قلمبند کرنے کے لیے طلب کرلیا آئندہ سماعت پر متاثرہ بچیوں کے بیانات قلمبند کیے جائیں گے ملزمان کے خلاف تھانہ سرجانی ٹائون میں مقدمہ درج ہے۔
The post پولیس نے رابعہ قتل کیس کے مرکزی ملزم کو بے گناہ قرار دے کر رہا کر دیا appeared first on ایکسپریس اردو.
لاہور: مسلم لیگ (ن) کے صدر اور وزیراعلیٰ پنجاب شہباز شریف نے کہا کہ زرداری اور نیازی عوامی خدمت کے جذبے سے یکسر عاری ہیں۔
ایکسپریس نیوز کے مطابق وزیراعلیٰ پنجاب شہباز شریف نے ایک بیان میں کہا کہ نام نہاد تبدیلی کے نام پر دھرنے دے کر اور جھوٹ بول کر قوم کا وقت برباد کیا گیا ہے، تبدیلی کے علمبرداروں نے خیبرپختونخواہ کا حلیہ بگاڑ کر رکھ دیا۔
شہباز شریف کا کہنا تھا کہ زرداری اور نیازی عوامی خدمت کے جذبے سے یکسر عاری ہیں، ان دونوں نے خیبرپختونخواہ اور سندھ میں عوام کے لئے کچھ نہیں کیا، روشنیوں کے شہر کراچی کی ابترصورتحال دیکھ کر دل جلتا ہے، جبکہ مسلم لیگ (ن) نے روز اول سے عوام کی خدمت کو اپنا شعار بنایا ہے۔
The post زرداری اور نیازی عوامی خدمت کے جذبے سے یکسر عاری ہیں، شہباز شریف appeared first on ایکسپریس اردو.
from Yahoo News - Latest News & Headlines https://ift.tt/2JpRs0o
from Yahoo News - Latest News & Headlines https://ift.tt/2r2nc4l
from Yahoo News - Latest News & Headlines https://ift.tt/2HssxNe
from Yahoo News - Latest News & Headlines https://ift.tt/2HrNEPN
