![](https://static01.nyt.com/images/2019/05/30/opinion/30Gillis/1c95bf829ee34a11acd4ab505b85882b-mediumThreeByTwo440.jpg)
By JUSTIN GILLIS from NYT Opinion https://nyti.ms/2YXVC7I
.FOCUS WORLD NEWS MEDIA GROUP EUROPE copy right(int/sec 23,2012), BTR-2018/VR.274058.IT-
اسلام آباد(جی سی این رپورٹ) سابق صدر آصف زرداری نے ایک بار پھر کہا ہےکہ نیب اور معیشت ایک ساتھ نہیں چل سکتے جب کہ اس حکومت کی کوئی لائف نہیں ہے۔جعلی بینک اکاؤنٹس کیس کی سماعت کے سلسلے میں سابق صدر آصف زرداری اور ان کی ہمشیرہ فریال تالپور اسلام آباد کی احتساب عدالت میں پیش ہوئے۔احتساب عدالت نمبر2 کے جج ارشد ملک عمرے کی ادائیگی کے باعث رخصت پر ہیں جس کے باعث ڈیوٹی جج محمد بشیرنے ملزمان کی حاضری لگا کر سماعت 14 جون تک کے لیے ملتوی کردی۔احتساب عدالت کے باہر آصف زرداری نے صحافیوں سے غیر رسمی گفتگو کی۔ایک صحافی نے سوال کیا کہ آپ گرفتاری سے ڈرتے تونہیں؟ جس پر انہوں نے کہاکہ 13 سال میں نے پہلے ہی جیل کاٹی ہے۔ایک سوال کے جواب میں سابق صدر کا کہنا تھا کہ نیب اور معیشت ساتھ ساتھ نہیں چل سکتے، اس حکومت کی کوئی لائف نہیں۔
The post آپ گرفتاری سے ڈرتے تو نہیں،صحافی کے سوال پر آصف زرداری نے کیا جواب دیا۔۔ appeared first on Global Current News.
یروشلم (جی سی این رپورٹ)اسرائیل میں قبل از وقت انتخابات میں کامیابی کے بعد وزیراعظم نیتن یاہو کی جانب سے مشترکہ حکومت قائم کرنے میں ناکامی کے بعد پارلیمنٹ نے خود کو تحلیل کرنے اور رواں برس میں دوسرے انتخاب کے انعقاد کی منظوری دے دی۔فرانسیسی خبررساں ادارے ‘ اے ایف پی’ کی رپورٹ کے مطابق یہ ڈرامائی ووٹنگ پارلیمانی انتخابات کے صرف دو ماہ سے کم عرصے میں کی گئی جس کے باعث اسرائیل کے طویل المدتی رہنما نیتن یاہو کا مستقبل خطرے میں پڑگیا ہے۔نیتن یاہو گزشتہ ایک دہائی سے اسرائیل پر حکومت کررہے ہیں اور 9 اپریل کو ہونے والے قبل از وقت انتخابات میں لگاتار چوتھی مدت کے لیے کامیاب ہوئے تھے۔تاہم اتحادیوں کے ساتھ اختلافات اور نیتن یاہو کو کرپشن الزامات میں پراسیکیوشن سے بچانے کے لیے تجویز کردہ بل کی وجہ سے وہ اکثریتی اتحاد بنانے میں ناکام ہوگئے۔پارلیمنٹ کی تحلیل سے متعلق بل نیتن یاہو کی جماعت لیکود پارٹی نے پیش کیا جس کے بعد رواں برس میں اسرائیل میں دوسری مرتبہ انتخابات منعقد کروائے جائیں گے۔ایوگ ڈور لیبر مین جنہوں نے حکومت میں شامل ہونے کی نیتن یاہو کی پیشکش مسترد کی تھی انہوں نے کہ کہ ‘ میں نے غیر ضروری انتخابات سے گریز کرنےکی ہر کوشش کی ‘۔ووٹ کے بعد بینی گانٹز نے نیتن یاہو پر ملک کے سیاسی عمل کو اپنے طریقے پر چلنے کی اجازت کے بجائے اپنے بچاؤ کے انتخاب کا الزام عائد کیا۔انہوں نے کہا کہ نیتن یاہو نے ایک نئی مہم کے لیے 3 ماہ اور نئے انتخابات پر کروڑوں ڈالر ضائع کرنے کا انتخاب کیا ۔اسرائیلی قانون کے مطابق ملک میں نئی انتخابی مہم کم از کم 3 ماہ تک جاری رہے گی اور انتخابات کے لیے ابتدائی طور پر 17 ستمبر کی تاریخ طے کی گئی ہے۔دوسری جانب اسرائیل کے اٹارنی جنرل نے نیتن یاہو پر عائد 3علیحدہ کرپشن مقدمات فرد جائم عائد کرنے کی تجویز دی ہے، ان مقدمات کی سماعت اکتوبر میں ہوگی۔اگر نیتن یاہو دوسری مرتبہ ہونے والا انتخاب جیت جاتے ہیں تو بھی ان کے حکومت بنانے کے امکانات کم اور ممکنہ فرد جرم عائد ہونے سے قبل استثنیٰ معاہدہ پر سیاسی تعاون پر لاک ڈاؤن متوقع ہے۔پارلیمنٹ تحلیل کرنے کے ووٹ کے بعد نیتن یاہو نے دعویٰ کیا کہ ایوگ ڈور لیبر مین کا سمجھوتے کا کوئی ارادہ نہیں تھا اور انہوں نے غیر حقیقی مطالبے کیے۔نیتن یاہو نے کہا کہ وہ ملک کو سال کے نصف عرصے کے لیے انتخابات کی جانب دھکیل رہے ہیں۔9 اپریل کو ہونے والے قبل از وقت انتخابات میں نیتن یاہو کی جماعت لیکود اور بینی گینٹز کی بلیو اینڈ وائٹ پارٹی نے 35، 35 نشستوں پر کامیابی حاصل کی تھی۔لیکود ہیڈکوارٹرز میں رات گئے حامیوں سے خطاب میں نیتن یاہو نے کہا تھا کہ ’ یہ شاندار فتح کی رات ہے‘۔نیتن یاہو 2009 سے اقتدار میں ہیں اور 1990 میں پہلی مدت سمیت مجموعی طور پر 13 سالوں سے اسرائیل پر حکومت کررہے ہیں۔تاہم ان پر لگنے والے کرپشن کے مختلف الزامات ان کے دوبارہ منتخب ہونے کی راہ میں حائل ہونے کے امکانات ظاہر کیے جارہے تھے حالانکہ نیتن یاہو ان الزامات کی تردید کرتے رہے ہیں۔نیتن یاہو پر الزامات ہیں کہ انہوں نے ٹیلی کام کے معاہدے میں کرپشن کر کے ایک فریق کو کروڑوں ڈالر کا فائدہ پہنچایا، ان پر غیرملکیوں سے 3لاکھ ڈالر سے زائد کے مہنگے تحفے لینے، میڈیا پر اثر انداز ہونے اور اسے اپنے لحاظ سے استعمال کرنے اور جرمنی سے 2ارب ڈالر کی بحری آبدوز کی خریداری میں مفادات کے ٹکراؤ کا الزام ہے۔سابق فوجی بینی گینٹز نے ووٹنگ ختم ہونے کے بعد ابتدائی نتائج کے مطابق جیت کا اعلان کیا تھا جس کے مطابق ان کی جماعت لیکود پارٹی سے زیادہ نشستیں حاصل کی تھیں۔اپنا پہلا انتخاب لڑنے کے بعد بینی گینٹز نے کہا تھا کہ ’ ہم فاتحین ہیں، ہم قوم کی خدمت کے لیے بنجمن نیتن یاہو کا شکریہ ادا کرنا چاہتے ہیں‘۔واضح رہے کہ اسرائیل میں عام انتخابات 5 نومبر 2019 کو منعقد ہونا تھے تاہم اسرائیلی وزیراعظم پر بدعنوانی کے الزامات اور راسخ العقیدہ یہودیوں سے متعلق قومی خدمات کے بل پر حکومتی اراکین میں اختلافات کے باعث الیکشن قبل از وقت کرانے کا فیصلہ کیا گیا تھا۔
The post اسرائیلی وزیراعظم نیتن یاہو کا سیاسی مستقبل خطرے سے دوچار ہو گیا۔۔۔ appeared first on Global Current News.
لندن(جی سی این رپورٹ)دنیائے کرکٹ کا سب سے بڑا میلہ آج سے انگلینڈ میں سجنے جارہا ہے جس کا باقاعدہ آغاز میزبان انگلینڈ اور جنوبی افریقا کے درمیان میچ سے ہوگا۔دونوں ٹیموں کے درمیان میچ پاکستانی وقت کے مطابق دوپہر ڈھائی بجے اوول میں کھیلا جائے گا۔ورلڈکپ کے لیے 10 ٹیمیں ایونٹ میں مدمقابل ہیں جنہیں 2 گروپس میں تقسیم کرنے کے بجائے تمام ٹیمیں ایک دوسرے کے خلاف میچ کھیلیں گی۔افغانستان کے لیے یہ دوسرا موقع ہے کہ وہ ورلڈکپ میں کوالیفائی کرنے میں کامیاب رہا جب کہ دیگر ٹیموں میں دفاعی چیمپئن آسٹریلیا، پاکستان، بھارت، انگلینڈ، ویسٹ انڈیز، نیوزی لینڈ، جنوبی افریقا، سری لنکا اور بنگلادیش شامل ہیں۔
ایونٹ میں مجموعی طور پر 48 میچز کھیلے جائیں گے، فائنل اور سیمی فائنل سے قبل تمام ٹیمیں اپنے اپنے 9، 9 میچز کھیلیں گی جن میں سے 4 ٹیمیں سیمی فائنل میں جگہ بنائیں گی اور 14 جولائی کو فائنل مقابلہ ہوگا۔پاکستان اپنا ایونٹ کا پہلا میچ 31 مئی کو ویسٹ انڈیز کے خلاف کھیلے گا جو پاکستانی وقت کے مطابق دوپہر ڈھائی بجے شروع ہوگا۔پاکستان اپنا دوسرا میچ 3 جون کو انگلینڈ، 7 جون کو سری لنکا، 12 جون کو آسٹریلیا، 16 جون کو بھارت، 23 جون کو جنوبی افریقا، 26 جون کو نیوزی لینڈ، 29 جون کو افغانستان اور 5 جولائی کو بنگلادیش کے خلاف کھیلے گا۔
The post عالمی کپ کرکٹ ٹورنامنٹ، آج افتتاحی ٹکرائو کن دو ٹیموں کا،پاکستانی وقت کے مطابق میچ کس وقت شروع ہوگا؟ appeared first on Global Current News.
سڈنی (جی سی این رپورٹ)آسٹریلیا کے مسلمان مخالف سینیٹر فریسر ایننگ کو انڈا مارنے والے نوجوان وِل کونولی کا کہنا ہے کہ انہوں نے کرائسٹ چرچ حملے کے متاثرین کو 1 لاکھ ڈالر عطیہ دے دیا ہے۔رقم گو فنڈ می نامی ویب سائٹ سے جمع کی گئی تھی جسے چند لوگوں نے نوجوان کے سینیٹر کو انڈا مارنے کے بعد قانونی اخراجات کے لیے قائم کیا تھا۔ول کونولی نے اپنے انسٹاگرام اکاؤنٹ پر لکھا کہ ‘بالآخر 99 ہزار 922 ڈالر کی رقم کرائسٹ چرچ فاؤنڈیشن کو منتقل کردی گئی ہے’۔ان کا کہنا تھا کہ ‘جن افراد کو نہیں معلوم، 2 گو فنڈ می پیجز قائم کیے گئے تھے میری قانونی فیس اور مزید انڈے خریدنے کے لیے تاہم میں شکرگزار ہوں کہ مجھ پر کوئی قانونی فیس نہیں لگی’۔ایگ بوائے کا کہنا تھا کہ ‘میں نے فیصلہ کیا تھا کہ میں تمام رقم کرائسٹ چرچ متاثرین کی مدد کے لیے عطیہ کروں گا، اس پر میرا حق نہیں تھا جو میں رکھتا’۔انہوں نے متاثرین کے لیے کہا کہ ‘میں امید کرتا ہوں کہ اس سے آپ کو کچھ ریلیف مل سکے گا’۔غیر ملکی نیوز ویب سائٹ دی گارجین کی رپورٹ کے مطابق کرائسٹ چرچ فاؤنڈیشن نے اس بات کی تصدیق کی کہ انہیں ایگ بوائے سے عطیہ موصول ہوا ہے۔واضح رہے کہ دائیں بازو سے تعلق رکھنے والے سینیٹر نے اس وقت میڈیا کی توجہ حاصل کی تھی جب مارچ میں نیوزی لینڈ کے شہر کرائسٹ چرچ میں سفید فام دہشت گردی کے حملے میں 50 مسلمانوں کی شہادت پر انہوں نے مسلمانوں کو ہی اس کا ذمہ دار قرار دیا تھا۔ان کے اس بیان کی بین الاقوامی سطح پر مذمت کی گئی تھی اور اس کے چند روز بعد ایک پریس کانفرنس کے دوران ایک نوجوان نے انہیں انڈہ دے مارا تھا جو بعد میں ’ایگ بوائے‘ کے نام سے مشہور ہوا۔ایک بیان میں سینیٹر فریسر ایننگ نے اسلامی ممالک سے آنے والے افراد کی امیگریشن پر پابندی لگانے کا مطالبہ کیا تھا اور اسے ’حتمی حل‘ قرار دیا تھا، اس مخصوص لفظ کو نازی جرمنی میں یہودیوں کی منظم نسل کشی سے منسوب کیا جاتا ہے۔ان تنازعات کے بعد نہیں حال ہی میں ایک اور اقدام پر تنقید کا سامنا کرنا پڑا تھا جس میں وہ عوام کے ٹیکسز کے پیسوں سے میلبورن میں انتہا پسند دائیں بازو سے تعلق رکھنے والی ریلی میں شرکت کے لیے گئت، اور ریلی میں نازی انداز میں سیلوٹ کرتے ہوئے بھی نظر آئے۔
The post آسڑیلوی سینیٹر کو انڈہ مارنے والے نوجوان نے ایک بار پھر مسلمانوں کے دل جیت لئے appeared first on Global Current News.
راولپنڈی (جی سی این رپورٹ)گلگت بلتستان کے ضلع سکردو سے تعلق رکھنے والے مشہور کوہ پیما محمد علی سدپارہ نے نیپال میں دنیا کی پانچویں بلند ترین چوٹی ماکالو کو سر کر لیا۔پاک فوج کے شعبہ تعلقات عامہ (آئی ایس پی آر) کی جانب سے جاری بیان پریس ریلیز کے مطابق ‘سکردو سے تعلق رکھنے والے محمد علی سدپارہ نے 8 ہزار 485 میٹر بلند چوٹی ماکالو کو 24 مئی کو سر کرلیا ہے جو دنیا کی پانچویں بلند ترین چوٹی ہے’۔آئی ایس پی آر کا کہنا ہے کہ پاک فوج کی مدد سے محمد علی سدپارہ نے اس چوٹی کو سرکر لیا ہے جس کے ساتھ ہی وہ واحد پاکستانی کوہ پیما بن گئے ہیں جس نے 8 ہزار میٹر سے اونچی سات چوٹیوں کو سر کرلیا ہے۔
اس سے قبل ہنزہ سے تعلق رکھنے والے کوہ پیما مرزا علی بیگ نے 22 مئی کو ماؤنٹ ایورسٹ سر کرکے ساتویں چوٹی سر کرنے والے پہلے پاکستانی بن گئے تھے۔محمدعلی سدپارہ نے گزشتہ برس دیگر کوہ پیماؤں کے ہمراہ بغیر آکسیجن کے نیپال میں واقع 7 ہزار 161 میٹر اونچی چوٹی ماؤنٹ پاموری کو سر کرلیا تھا۔سکردو سے تعلق رکھنے علی سدپارہ نے سردی کے موسم میں دنیا کی خطرناک ترین چوٹی نانگاپربت کو سر کرنےکا بھی اعزاز حاصل کیا تھا، علی سدپارہ اس کے علاوہ انہوں براد پیک، سپیندیک پیک، جی ون، جی ٹو کو بھی سر کر چکے ہیں۔
The post پاکستانی کوہ پیما محمد علی سدپارہ نے ملک کا نام ایک بار پھر بلند کردیا۔۔ appeared first on Global Current News.
اسلام آباد(جی سی این رپورٹ)سپریم کورٹ کے جج جسٹس قاضی فائز عیسیٰ نے صدر مملکت ڈاکٹر عارف علوی کو خط لکھ دیا۔جسٹس قاضی فائز عیسیٰ نے خط میں استفسار کیا کہ میرے خلاف ریفرنس دائر کیا گیا ہے یا نہیں؟سپریم کورٹ کے جج نے صدر مملکت کو اس حوالے سے تصدیق یا تردید کرنے کا کہا ہے۔جسٹس قاضی فائز عیسیٰ نے مزید کہا کہ اگر میرے خلاف ریفرنس داخل کیا گیا ہے تو اس کی نقل فراہم کی جائے۔انہوں نے خط میں یہ بھی لکھا کہ مخصوص لیکس سے میرا قانونی حق مجروح کیا جارہا ہے ۔سپریم کورٹ کے جج نے صدر مملکت کو لکھے گئے خط کی کاپی وزیراعظم عمران خان اور رجسٹرار سپریم کورٹ کو بھی بھجوائی ہے۔
The post حکومت اور عدلیہ آمنے سامنے،جسٹس فائز عیسیٰ نے صدر مملکت کو کیا خط لکھ دیا؟ appeared first on Global Current News.
جدہ(جی سی این رپورٹ) وزیر خارجہ شاہ محمود قریشی نے دوٹوک موقف اختیار کرتے ہوئے ایک بار پھر کہا ہے کہ پلواما واقعہ کے بعد او آئی سی میں بھارت کی شمولیت کسی صورت قبول نہیں ہے۔تفصیلات کے مطابق آرگنائزیشن آف اسلامک کوآپریشن (او آئی سی) اجلاس میں شرکت کیلئے جدہ گئے پاکستان کے وزیر خارجہ شاہ محمود قریشی نے سعودی وزیر خارجہ ڈاکٹر ابراہیم بن عبدالعزیز سے خصوصی ملاقات کی۔او آئی سی کی وزرائے خارجہ کونسل اجلاس کے موقع پر ہونے والی اس ملاقات میں دو طرفہ تعلقات اور خطے کی صورتحال سمیت باہمی دلچسپی کے امور پر تبادلہ خیال کیا گیا۔ شاہ محمود قریشی نے او آئی سی کے سربراہ اجلاس کی میزبانی پر سعودی وزیر خارجہ کو مبارکباد دی اور پرتپاک خیر مقدم پر سعودی ہم منصب کا شکریہ ادا کیا۔سعودی وزیر خارجہ نے اس موقع پر پاکستانی کمیونٹی کو درپیش مسائل کے جلد حل کی مکمل یقین دہانی کرائی جبکہ وزیر خارجہ نے پاکستانیوں کے لیے حج کوٹے کو 2 لاکھ تک بڑھانے پر بھی شکریہ ادا کیا۔ انہوں نے پاکستانی قیدیوں کی جلد رہائی کے لیے اقدامات کی گزارش بھی کی۔شاہ محمود قریشی کا کہنا تھا کہ سعودی ولی عہد کے دورہ پاکستان نے پاکستانیوں کے دلوں میں انمٹ نقوش چھوڑے ہیں۔ ان کی جانب سے پاکستانی قیدیوں کی رہائی کے اعلان نے عوام کے دل جیت لیے ہیں۔انہوں نے دوٹوک موقف اختیار کرتے ہوئے کہا کہ حرمین شریفین کی سلامتی کو کوئی خطرہ ہوا تو پاکستان سعودی عرب کیساتھ کھڑا ہوگا۔ پاکستان کا امن واستحکام، اس مقدس سرزمین کے امن واستحکام سے منسلک ہے۔سعودی ہن منصب کے ساتھ ملاقات میں وزیر خارجہ شاہ محمود قریشی نے ایک مرتبہ پھر واضح کیا کہ پلواما واقعہ کے بعد آرگنائزیشن آف اسلامک کوآپریشن (او آئی سی) میں پاکستان کو بھارت کی شمولیت کسی صورت قابل قبول نہیں ہے۔
The post شاہ محمود قریشی کی سعودی ہم منصب سے خصوصی ملاقات،حکومت پاکستان کا بھارت بارے اہم پیغام پہنچا دیا appeared first on Global Current News.
اسلام آباد(جی سی این رپورٹ)یوفون کا سپرکارڈ صارفین میں کافی مقبول ہے مگر کمپنی نے اس کی قیمت میں اضافہ کردیا ہے۔ہفتہ وار سے ایک ماہ کے مختلف کارڈز کی قیمت میں 30 روپے کا اضافہ کیا گیا ہے۔یعنی اب ماہانہ سپرکارڈ کی قیمت 520 روپے سے بڑھ کر 550 روپے کردی گئی ہے۔پندرہ روزہ منی سپر کارڈ کی قیمت کو 300 روپے سے بڑھا کر 330 روپے کردیا گیا ہے۔ہفتہ وار انٹرنیٹ پیکج سپر منٹس کی قیمت بھی 30 روپے اضافے سے سو روپے سے بڑھ کر 130 روپے ہوگئی ہے۔تاہم کمپنی نے سپرکارڈ پلس کی قیمت کو برقرار رکھا ہے جو کہ 599 روپے ہے جبکہ اس کے ساتھ انٹرنیٹ ایم بی کو بڑھا کر 2 ہزار ایم بیز کردیا گیا ہے۔اسی طرح 2 دن کے سپر ریچارج آفر کی قیمت 50 روپے ہے۔خیال رہے کہ یہ کارڈ صارفین میں بہت مقبول ہیں اور انہیں کمپنی کی ایپ مائی یوفون سے بھی خریدا جاسکتا ہے یا کمپنی کی ویب سائٹ سے بھی سبسکرائب کیا جاسکتا ہے۔اس کمپنی کے سپرکارڈز کی مقبولیت کے بعد ہی دیگر موبائل آپریٹرز کمپنیوں نے بھی اسی طرح کے پیکجز اپنے سروس کے صارفین کے لیے بھی متعارف کرائے۔
The post مہنگائی کا طوفان،یوفون کے صارفین کیلئے بھی بری خبر آگئی۔۔ appeared first on Global Current News.
بہاولپور(جی سی این رپورٹ) ستوکتلہ پولیس نے 22 سال سے سرگرم جنونی سیریل کلر کو بہاولپور سے گرفتار کر لیا، ملزم 1971 سے دہشت کی علامت، اجرتی قاتل اور ڈکیتی سمیت اغواء کی متعدد وارداتوں میں ملوث تھا۔پولیس نے 22 سال کی تلاش کے بعد اشتہاری خادم حسین عرف خادمی کو بہاولپور سے گرفتار کر لیا، ملزم نے 1994 میں 6 افراد کو قتل کیا تھا، سال 2002 میں ایک ہی خاندان کے 7 افراد کو قتل کیا، مجموعی طور پر ملزم کے خلاف 13 افراد کے قتل کا کیس ہے۔ملزم تین سال پولیس سے چھپ کر امام مسجد بھی رہا، 6 افراد کو بہن کی طلاق کی رنجش اور 7 افراد کو دشمنی پر قتل کیا۔
The post پولیس حراست میں اس شخص نے کیا کیا جرائم کئے،پولیس سے چھپنے کیلئے کیا کچھ کرتا رہا؟ appeared first on Global Current News.
پشاور (جی سی این رپورٹ)پشاور کی مسجد قاسم علی خان کے مہتمم مفتی شہاب الدین پوپلزئی کا کہنا ہے کہ مرکزی رویت ہلال کمیٹی ختم نہیں کرنا چاہتا اور ملک میں دو عیدوں پر مجھے بھی دکھ ہوتا ہے۔نجی ٹی وی سے گفتگو کرتے ہوئے مفتی شہاب الدین پوپلزئی کا کہنا تھا کہ احادیث کی کتابوں میں 29 مقامات پر چاند دیکھ کر عید کرنے کا ذکر آیا ہے تو اب قمری کیلنڈر کے لیے شریعت کے اصول چھوڑے نہیں جا سکتے۔وفاقی وزیر برائے سائنس اینڈ ٹیکنالوجی فواد چوہدری کو تنقید کا نشانہ بناتے ہوئے مفتی شہاب الدین پوپلزئی کا کہنا تھا کہ فواد چوہدری سوچ سمجھ کر الفاظ کا استعمال کیا کریں، بد زبانی سے ان کی اپنی ہی ذات پر فرق پڑے گا۔فواد چوہدری قمری کلینڈر میدان میں لے آئے، اگلے 5 سال کی عیدوں کا اعلان بھی کر دیافواد چوہدری کی جانب رویت ہلال کمیٹی کو ختم کرنے سے متعلق سوال پر مسجد قاسم علی خان کے مہتمم کا کہنا تھا کہ مرکزی رویت ہلال کمیٹی ختم نہیں کرنا چاہتے، سینیٹ اسٹینڈنگ کمیٹی کو تجاویز دی ہیں، ان سے نا اتفاقی دور نہ ہو تو بتایا جائے۔ملک میں دو عیدوں سے متعلق سوال پر مفتی شہاب الدین پوپلزئی کا کہنا تھا کہ ملک میں دو عیدوں سے مجھے بھی دکھ ہوتا ہے، ہمارے پاس شریعت کا اصول موجود ہے جس کے تحت یہ بے اتفاقی ختم ہو سکتی ہے۔خیال رہے کہ چند روز قبل وفاقی وزیر برائے سائنس اینڈ ٹیکنالوجی فواد چوہدری نے چاند دیکھنے کے لیے ویب سائٹ کا افتتاح کرتے ہوئے آئندہ 5 سالوں کے لیے عیدوں کی تاریخ کا اعلان بھی کر دیا تھا۔فواد چوہدری کا کہنا تھا کہ ان کے خیال میں رویت ہلال کمیٹی کی کوئی ضرورت نہیں ہے۔
The post قمری کلینڈر ،مفتی شہاب الدین پوپلزئی نے فواد چودھری کو کرارا جواب دیدیا appeared first on Global Current News.
بہاولپور(جی سی این رپورٹ) بہاولپور میں ڈیڑھ سو سال قبل قائم ہونے والی جامع مسجد الصادق جو اپنی خوبصورتی اور فن تعمیر میں الگ مقام رکھتی ہے۔ اس مسجد میں پندرہ ہزار نمازیوں کی گنجائش ہے۔سفید سنگ مرمر سے تیار کردہ، بلند و بالا مینار والی جامع مسجد الصادق فن تعمیر کا شاہکار ہے، مسجد کے درو دیوار پر تحریر خطاطی ہنرمندوں کی مہارت کا منہ بولتا ثبوت ہے۔
مسجد کا کل رقبہ 24 کنال ہے جس میں 15000 نمازیوں کی گنجائش ہے، یہاں جو ایک بار آئے اس کے سحر میں جکڑا جاتا ہے۔ سرکار پرخرچے کا بوجھ ہے نہ ہی کوئی چندے کی فکر، یہ مسجد خود انحصاری کی اعلیٰ مثال ہے۔
خلوص کی اینٹوں پر کھڑی بنیادیں اور تعمیر میں شامل عشق کا گارا، یہی وجہ ہے کہ اس شاندار مسجد کا حسن ڈیڑھ صدی بعد بھی ماند نہ پڑ سکا، نوابی دور میں تعمیر ہونے والی یہ مسجد اپنے منفرد طرز تعمیر اور سہولیات کی وجہ سے الگ مقام رکھتی ہے۔
The post بہاولپور کی تاریخی جامع مسجد الصادق کے بارے میں جانیئے،دلچسپ اور معلوماتی رپورٹ appeared first on Global Current News.
ممبئی (جی سی این رپورٹ)بالی ووڈ کی باربی ڈول کے نام سے مشہور اداکارہ کترینہ کیف نے دبنگ اداکار سلمان خان کو شادی کی پیشکش کردی ہے جس کی ویڈیو سوشل میڈیا پر وائرل ہوگئی ہے۔بھارتی میڈیا رپورٹس کے مطابق اداکارہ کترینہ کیف کی جانب سے سوشل میڈیا پر ایک ویڈیو شیئر کی گئی ہے جس میں وہ سلمان خان کو شادی کی پیشکش کرتی نظر آرہی ہیں، دونوں اداکاروں کی اس ویڈیو کو مداحوں کی جانب سے بے حد پسند کیا جارہا ہے جبکہ یہ ویڈیو ان کی نئی آنے والی فلم ’بھارت‘ کا ایک سین ہے۔سماجی رابطے کی ویب سائٹ انسٹاگرام پر کترینہ نے ویڈیو شیئر کی ہے جس میں وہ اور سلمان خان ایک ریسٹورنٹ کے باہر بیٹھے ہیں جہاں کترینہ اُن سے اپنے جذبات کا اظہار کرتی دکھائی دے رہی ہیں جبکہ سلمان خان صرف اُن کے جواب میں ’جی میڈیم، سر‘ کہتے نظر آرہے ہیں۔ویڈیو میں مزید دیکھا جاسکتا ہے کہ اداکارہ نے سلمان کو شادی کی پیشکش کرتے ہوئے کہا کہ ’تو شادی کب کرنی ہے؟‘ جسے سنتے ہی اداکار نے ایسے دلچسپ تاثرات دیے کہ دیکھنے والے مسکرا دیے۔واضح رہے کہ سلمان خان اور کترینہ کیف کی فلم بھارت رواں سال عید الفطر کے موقع پر 5 جون کو ریلیز کی جائے گی۔فلم میں ان کے علاوہ نورا فاتحی، سنیل گروور، دیشا پتانی، جیکی شروف اور تبو مرکزی کردار ادا کرتی نظر آئیں گی۔
The post کترینہ کیف نے سلمان خان کو کیا پیشکش کر ڈالی،ویڈیو دیکھیں appeared first on Global Current News.
فی الحال اس کی تشخیص کے لیے کوئی ٹیسٹ نہیں تاہم مریض کی میڈیکل ہسٹری، جسمانی معائنہ اورمتاثرہ شخص میں موجود دیگر امراض کی بنیاد پر اس کی تشخ...
جملہ حقوق ©
WAKEUPCALL WITH ZIAMUGHAL
Anag Amor Theme by FOCUS MEDIA | Bloggerized by ZIAMUGHAL