![](https://static01.nyt.com/images/2018/06/02/us/politics/02dc-prexy-video-1/merlin_138974904_b1875a0b-9ab3-4324-a874-383dea24891a-mediumThreeByTwo440.jpg)
By EMILY COCHRANE from NYT U.S. https://ift.tt/2kInafh
.FOCUS WORLD NEWS MEDIA GROUP EUROPE copy right(int/sec 23,2012), BTR-2018/VR.274058.IT-
نیویارک: عہد حسن کامل ہالی ووڈ کی فلم میں کام کرنے والی پہلی سعودی اداکارہ بن گئی ہیں۔
غیر ملکی خبررساں ادارے کے مطابق عہد حسن کامل پہلی سعودی اداکارہ ہیں جو ہالی ووڈ کی کسی فلم میں کام کررہی ہیں۔ 14 نومبر 1980 کو سعودی دارالحکومت ریاض میں پیدا ہونے والی عہد حسن کامل 1998 میں امریکا منتقل ہوگئی تھیں اور انھوں نے نیویارک کی فلم اکادمی میں فلم اور اداکاری کی اعلیٰ تعلیم حاصل کی تھی۔
عہد حسن کامل نیٹ فلیکس اور برطانوی نشریاتی ادارے کی مشترکہ منی ڈراما سیریز ’’ کولیٹرل‘‘ میں بھی اداکاری کے جوہر دکھا چکی ہیں اور اس کے بعد ان کا نام ’’ ووگ عربی میگزین‘‘ میں شامل کیا گیا تھا۔
واضح رہے کہ رواں برس ریلیز ہونے والی ایکشن اور مارڈھاڑ سے بھرپور ہالی ووڈ فلم ’بی اینگ‘ کے ہدایتکار ڈوگلس سی ولیم ہیں۔
The post ہالی ووڈ فلم ’بی اینگ‘ میں کام کرنے والی پہلی سعودی اداکارہ appeared first on ایکسپریس اردو.
لاہور: نیب نے پنجاب انسٹیٹیوٹ آف کارڈیالوجی میں ہارٹ وال کی خریداری میں بے ضابطگیوں سے متعلق سپریم کورٹ میں عبوری رپورٹ پیش کردی۔
سپریم کورٹ لاہور رجسٹری میں چیف جسٹس پاکستان میاں ثاقب نثار کی سربراہی میں دو رکنی بنچ نے پنجاب انسٹیٹیوٹ آف کارڈیالوجی میں ہارٹ وال کی خریداری میں بے ضابطگیوں سے متعلق کیس کی سماعت کی۔
سماعت کے دوران ڈی جی نیب شہزاد سلیم نے عدالتی حکم پر پی آئی سی میں مبینہ کرپشن اور پی آئی سی بورڈ کے ممبر افضال بھٹی کی بطور اوورسیز پاکستانی کمشنر تعیناتی سے متعلق عبوری رپورٹ عدالت میں پیش کی، ڈی جی نیب نے عدالت کو بتایا کہ پی آئی سی میں ہارٹ وال کی خریداری میں بے ضابطگیوں پائی گئیں، اچھی کارکردگی اور کرپشن بے نقاب کرنے پر کنٹریکٹ فارماسسٹ فریحہ مجید کو بدنیتی پر برطرف کیا گیا۔
ڈی جی نیب نے افضال بھٹی کی تعیناتی سے متعلق عبوری رپورٹ بھی پیش کی، جس پر جسٹس اعجاز الاحسن نے استفسار کیا کہ اکاؤنٹنٹ کا تجربہ رکھنے والے شخص کا اوورسیز کمشنر کےعہدے سے کیا تعلق ہے، چیف جسٹس نے کہا کہ نیب کی عبوری رپورٹ آ چکی ہے، اوورسیز کمشنر نے کس حیثیت سے 11 لاکھ روپے تنخواہ اور مراعات وصول کی، تنخواہ کی مد میں جتنے پیسے وصول کیے ہیں عدالت ایک ایک دھیلہ واپس لے گی، عدالت نے عدالت نے دو ماہ میں تفصیلی رپورٹ طلب کرلی۔
درخواست گزار فارماسسٹ فریحہ مجید نے عدالت کو بتایا کہ پی آئی سی کے کرپٹ مافیا کی وجہ سے انہیں دھکے کھانے پڑے، عدالت نے اوورسیز کمشنر افضال بھٹی کا نام پہلے ہی ایگزٹ کنٹرول لسٹ میں شامل کرنے کا حکم دے رکھا ہے۔
The post پی آئی سی میں ہارٹ وال کی خریداری میں کرپشن، نیب رپورٹ سپریم کورٹ میں پیش appeared first on ایکسپریس اردو.
لاہور: چیف جسٹس پاکستان جسٹس میاں ثاقب نثار نے واضح کیا ہے کہ کسی کو غلط فہمی نہیں ہونی چاہیے، انتخابات 25 جولائی کو ہوں گے اور انتخابات میں تاخیر نہیں ہونے دیں گے۔
سپریم کورٹ لاہور رجسٹری میں چیف جسٹس پاکستان جسٹس میاں ثاقب نثار کی سربراہی میں بنچ نے الیکشن کمیشن کے ضابطہ اخلاق پر عمل درآمد کے لئے درخواست کی سماعت کی. معروف قانون دان بلال حسن منٹو نے درخواست میں موقف اختیار کیا کہ الیکشن کمیشن نے ضابطہ اخلاق جاری کیا جس کے تحت انتحابات میں اخراجات کی حد مقرر کی گئی تاکہ عام شہری بھی انتخابات میں بطور امید وار حصہ لے سکیں۔ درخواست میں استدعا کی گئی کہ الیکشن کمیشن کو اپنے ضابطہ اخلاق پر عمل درآمد کو یقینی بنانے کا حکم دیا جائے۔
سماعت کے دوران جسٹس میاں ثاقب نثار نے واضح کیا کہ عام انتخابات اپنے وقت ہوں گے اور کسی کو کوئی غلط فہمی نہیں ہونی چاہیے۔ انتخابات میں تاخیر نہیں ہونے دیں گے۔ عدالت نے ضابطہ اخلاق پر عمل درآمد کے لئے درخواست پر فریقین کو نوٹس جاری کرتے ہوئے ان سے جواب طلب کرلیا۔
The post انتخابات میں تاخیر نہیں ہونے دیں گے، چیف جسٹس appeared first on ایکسپریس اردو.
پرانے لاہور کے لوہاری دروازہ میں بخاری چوک کے قریب چوک سے جنوب کی جانب ایک مسجد ہے جسے مسجد خراسیاں کہا جاتا ہے۔ انگریز عہد میں چوک بخاری کو چوک چکلا کہا جاتا تھا۔ اس مسجد کا اصل نام مسجد صدر جہاں تھا جسے 1015ھجری (1606 عیسوی)، عہدِ جہانگیر میں صدر جہاں نے تعمیر کروایا تھا۔
میراں صدر جہاں سے زمانہ شہزادگی میں جہانگیر نے چہل حدیث پڑھی تھی۔ صدر جہاں کو بعد میں صدارت کل کا عہدہ اور دو ہزاری منصب بھی جہانگیر نے دیا تھا۔ کہا جاتا ہے آپ بہت مخیر تھے اور خاصی لمبی عمر آپ نے پائی۔
انقلابِ زمانہ سے یہ مسجد خاصی خستہ ہوگئی تھی۔ 1924 میں اہل محلہ نے چندہ کرکے اس کی تجدید کی۔ اس مسجد کے ساتھ چوک جھنڈا کی طرف باغیچہ مسجد خراسیاں بھی تھا جو بعد میں باغ نہال چند کے نام سے جانا گیا۔
میں مسجد کے باہر کھڑا مسجد کو دیکھ رہا تھا کہ ایک بزرگ نے آواز دی۔ انہوں نے بتایا کہ وہ انجمن تاجران لوہاری گیٹ کے صدر ہیں اور اس مسجد کی تعمیر نو انہوں نے کروائی ہے اور اس وقت وہ اس مسجد کی دیکھ بھال کررہے ہیں۔
انہوں نے کمال محبت سے مسجد کے متعلق بتانا شروع کیا۔ مسجد خراسیاں کی تعمیر نو کا آغاز 1990 میں ہوا۔ تین سال کی تعمیری مدت میں اس پر کل 26 لاکھ روپے خرچ ہوئے۔ مسجد خراسیاں کی روکار پر سفید اور سبز رنگ کی چینی ٹائلیں لگائی گئی ہیں۔ نیچے دکانیں ہیں جبکہ بالائی دو منزلوں پر مشتمل مسجد ہے۔
مسجد خراسیاں میں وقتاً فوقتاً مرمت و بحالی کا کام ہونے کی وجہ سے اب پرانے خدوخال نظر نہیں آتے۔ البتہ اس کی سیڑھیوں میں سرخ پتھر کا ایک کتبہ موجود ہے۔ فارسی زبان میں یہ کتبہ عبداللہ الحسینی نامی خطاط کے ہاتھ لکھا ہوا ہے۔ گو کہ مسجد خراسیاں میں آج قدیم دور کی جھلک بھی نہیں لیکن یہ مسجد ہے بے حد خوبصورت اور آج بھی دیکھنے سے تعلق رکھتی ہے۔
نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں۔
اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 الفاظ پر مشتمل تحریر اپنی تصویر، مکمل نام، فون نمبر، فیس بک اور ٹویٹر آئی ڈیز اور اپنے مختصر مگر جامع تعارف کے ساتھ blog@express.com.pk پر ای میل کردیجیے۔
The post پرانے لاہور میں مسجد خراسیاں appeared first on ایکسپریس اردو.
اسلام آباد: سابق وزیر خارجہ خواجہ آصف نے کہا کہ اللہ نے مجھ عاجز اور گناہ گار پر رحم اور کرم کیا ہے۔
سابق وزیر خارجہ خواجہ آصف نے تاحیات نا اہلی سے بچنے پرشکرکرتے ہوئے کہا کہ اللہ نے مجھ عاجزاورگناہ گار پررحم اورکرم کیا ہے۔ رب العزت کا احسان اورمہربانیوں کا شمارہی نہیں، میں عدلیہ کا شکریہ ادا کرتا ہوں۔
اللہ نے مجھ عاجز اور گناہ گار پر رحم اور کرم کیا ھے ۔۔ رب العزت کا احسا ن اور مھر بانیوں کا شمار ھی نھیں ۔۔ میں عدلیہ کا شکریہ ادا کرتا ھوں ۔۔ الحمداللہ
— Khawaja M. Asif (@KhawajaMAsif) June 1, 2018
واضح رہے کہ آج سپریم کورٹ نے مختصر فیصلے میں خواجہ آصف کی تاحیات نااہلی کو ختم کرتے ہوئے اسلام آباد ہائی کورٹ کے فیصلے کو کالعدم قراردے دیا ہے۔
The post اللہ نے مجھ عاجز اور گناہ گار پر رحم اور کرم کیا، خواجہ آصف appeared first on ایکسپریس اردو.
ممبئی: سلمان خان کا شماربالی ووڈ کے سب سے زیادہ کماؤ اداکاروں میں ہوتا ہے لیکن حقیقت یہ ہے کہ وہ کئی برسوں سے اپنے بچپن کے دوست کے مقروض ہیں اور وہ یہ قرض لوٹابھی نہیں رہے۔
بھارتی میڈیا کے مطابق سلمان خان جہاں بالی ووڈ کے کامیاب ترین اداکارہیں وہیں وہ نئے چہروں کو متعارف کرانے کے حوالے سے بھی سب سے آگے ہیں، چند روزقبل سلمان خان نے ٹوئٹر پر اس بات کا اعلان کیا تھا کہ وہ کشمیر کے موضوع پر ایک فلم بنانے جارہے ہیں جس میں مرکزی کردار ظہیر اقبال ادا کریں گے۔
Being Launched Tomorrow … KAL dekhte hai yeh ladka AAJ kaise dikhta hai … pic.twitter.com/2VpmWvD9J8
— Salman Khan (@BeingSalmanKhan) May 30, 2018
سلمان خان نے اپنے ساتھ ظہیر اقبال کی بچپن کی ایک تصویر پوسٹ کرتے ہوئے کہا کہ یہ بچے اتنی جلدی بڑے کیسے ہوجاتے ہیں، اس کے ساتھ انہیں نصیحت بھی کی کہ ’’زندگی میں احترام اور وفاداری ہی سب سے بڑی چیزیں ہیں۔ جن سے تم پیارکرتے ہو اورجو تم سے پیار کرتے ہیں ، ان کا ہمیشہ احترام کرنا اور ان سے ہمیشہ وفادار رہنا‘‘
How these kids grow up so soon… ALWAYS keep giving your best #ZAHERO no matter what. Stand tall and always bend backwards for those u love and those who love u, Yeh yaad rakhna that the most important thing in life is Respect and Loyalty. @iamzahero pic.twitter.com/xmn3RXklRk
— Salman Khan (@BeingSalmanKhan) May 31, 2018
اپنی ایک اور ٹوئٹرمیں سلمان خان نے ظہیر اقبال کے والد اقبال کی تصویر بھی پوسٹ کی ہے اور اس کے ساتھ کہا ہے کہ بچپن میں یہ شخص میرا بینک تھا۔ مجھے اب بھی اسے 2011 روپے دینے ہیں۔ خدا کا شکر ہے کہ نا تو میں نے اسے لوٹائے اورنا ہی اس نے کبھی اس پر مجھ سے سود مانگا۔
N this is my childhood frnd Iqbal, as a teen he was my bank, I still owe him 2011rs . thnk God he did not take interest
bete ko launch Kar raha hoon toh baap ka post toh karsakta hoon na. Lv the pic. pic.twitter.com/FMSXNKmaME
— Salman Khan (@BeingSalmanKhan) May 31, 2018
The post کروڑوں میں کھیلنے والے سلمان خان اپنے دوست کے مقروض appeared first on ایکسپریس اردو.
اسلام آباد: پاکستان مسلم لیگ (ن) کے تاحیات قائد نوازشریف کا کہنا ہے کہ کچھ لوگ ابھی بھی الیکشن ملتوی کرانے پر تلے ہوئے ہیں لیکن یہ بڑا الیکشن ہوگا لوگ اٹھ کھڑے ہوئے ہیں۔
احتساب عدالت میں میڈیا سے غیررسمی گفتگو کے دوران نواز شریف نے صحافیوں سے پوچھا کہ ’’کیا الیکشن ملتوی کروا رہے ہیں؟ ‘‘ ۔ اپنے سوال کی وضاحت کرتے ہوئے انہوں نے کہا کہ کچھ لوگ الیکشن ملتوی کرانے پر تلے ہیں ان کا پوچھ رہا ہوں، جس پر ایک صحافی نے سوال کیا کہ کیا الیکشن ملتوی ہورہے ہیں جس پران کا کہنا تھا کہ کچھ لوگ ابھی بھی الیکشن ملتوی کرانے پرتلے ہوئے ہیں، ہرالیکشن میں اس طرح کے لوگ جاتے ہیں، لیکن یہ بڑا الیکشن ہوگا کیونکہ لوگ اٹھ کھڑے ہوئے ہیں۔
نوازشریف کو خوش باش دیکھتے ہوئے ایک صحافی نے ان سے سوال پوچھا کہ ’آج بہت خوش لگ رہے ہیں’، جس پر سابق وزیر اعظم نے کہا کہ اللہ کا شکر ہے، زندگی میں نشیب و فراز آتے رہتے ہیں، انسان کو ہر حال میں خوش رہنا چاہیے، جس کا تکیہ اللہ پر ہو اُسے اللہ خوش رکھتا ہے۔
صحافی نے سوال کیا کہ ‘چوہدری نثار اب شہباز شریف کے بیان پر بھی ردعمل دے رہے ہیں کیا کہیں گے’، جس پر نواز شریف نے کہا کہ مجھ سے آپ کس طرح کے سوال پوچھ رہے ہیں، لگتا ہے جج صاحب آنے لگے ہیں اب آپ لوگ ان کی طرف متوجہ ہوجائیں۔
The post کچھ لوگ الیکشن ملتوی کرانے پرتلے ہوئے ہیں، نوازشریف appeared first on ایکسپریس اردو.
اسلام آباد: مسلم لیگ (ن) کی حکومت کے خاتمے کے ساتھ ہی سابق وزیراعظم نواز شریف سے بھی اضافی پروٹوکول گاڑیاں واپس لے لی گئیں۔
ایکسپریس نیوزکے مطابق نوازشریف نیب ریفرنسز کی سماعت میں پیش ہونے کے لیے جوڈیشل کمپلیکس اسلام آباد پہنچے تو ان کے قافلے میں پروٹوکول کی کئی گاڑیاں نہیں تھیں، اس کے علاوہ ان کے ہمراہ جیمر والی گاڑی بھی نہیں تھی۔
واضح رہے کہ نوازشریف کو نااہل قراردیئے جانے کے باوجود مسلم لیگ (ن) کی حکومت کے دوران انہیں بھرپور سیکیورٹی اور پروٹوکول فراہم کیا جاتا رہا ہے، سابق حکومت اس کا جوازسیکیورٹی خدشات کو قراردیتی رہی ہے۔
The post نوازشریف سے اضافی پروٹوکول گاڑیاں واپس لے لی گئیں appeared first on ایکسپریس اردو.
لاہور: سپریم کورٹ نے این آئی سی ایل اسکینڈل کے ملزم محسن وڑائچ کو ایک ہفتے میں گرفتار کرنے کا حکم دیتے ہوئے لاہور اور کراچی میں دائر ریفرنسز کی ہفتہ واررپورٹ بھی طلب کر لی ہے۔
سپریم کورٹ لاہوررجسٹری میں چیف جسٹس پاکستان جسٹس میاں ثاقب نثار کی سربراہی میں فاضل بنچ نے این آئی سی ایل اسکینڈل میں ملوث ملزم کی عدم گرفتاری پرسخت برہمی کا اظہار کیا۔ چیف جسٹس نے ریمارکس دیئے کہ مجھے آپ سے زیادہ پتہ ہے کہ ملزم کوکیوں گرفتارنہیں کیا جا رہا، جیسے راؤ انوار کو گرفتار کرایا محسن وڑائچ کے لیے بھی وہی طریقہ اپنانا پڑے گا۔
چیف جسٹس پاکستان نے ریمارکس دیتے ہوئے کہا کہ نیب میں مقدمے کی ایک دن کی بھی تاخیربرداشت نہیں کی جائے گی، لاہوراورکراچی میں دائرریفرنس کے حوالے سے ہفتہ واررپورٹ عدالت میں پیش کی جائے۔ ڈی جی ایف آئی اے نےعدالت کو بتایا کہ ملزم کوگرفتارکرنے کے لیے تمام تکنیکی ذرائع استعمال کررہے ہیں۔ چیف جسٹس پاکستان نے ملزم کو گرفتارکرنے کا حکم دیتے ہوئے کیس کی سماعت ایک ہفتے کے لیے ملتوی کردی ہے۔
The post این آئی سی ایل اسکینڈل؛ ملزم محسن وڑائچ کوایک ہفتے میں گرفتارکرنے کا حکم appeared first on ایکسپریس اردو.
فریدا برے دا بھلا کر غصہ من نہ ہنڈاء
دیہی روگ نہ لگیے، پلے سب کجھ پائی
(فریدا، برے کا بھلا کر! تاکہ تمہارا دل غصے کے تصرف میں نہ چلا جائے، غصے کی نذر نہ ہو جائے۔ اگر تم جسم کو روگ نہیں لگانا چاہتے تو سب غصے والی چیزیں سمیٹ لو۔)
بابا فرید گنج شکرؒ کی یہ گوروبانی میٹھے لہجے میں سناتے ہوئے سردار چرن جیت سنگھ کی آنکھوں میں وہ چمک تھی جس میں دل جیت لینے کی خوشی ٹھاٹھیں مار رہی تھی۔ سکھ بزرگ کے لہجے کا تیقّن میرے دل کو محبت کے جذبے سے بھرتا جا رہا تھا اور میں محسوس کر رہا تھا کہ محبت و رواداری کا جو درس بابا فرید گنج شکرؒ نے اپنی صوفیانہ شاعری میں سمویا تھا، اس نے نہ صرف گرونانک دیو جی کے دل کو مسخر کیا بلکہ میرے سامنے بیٹھے سردار چرن جیت سنگھ ساگر کے دل کو بھی فتح کر چکا ہے۔ مذہبی شاعری کے الفاظ سماعتوں سے ہو کر ذہن کے بند دریچوں کو وا کرتے جا رہے تھے۔ گمان نہیں تھا کہ رواداری کے رنگ میں رنگا یہ سردار چرن جیت سنگھ ساگر آنے والے چند ماہ میں نامعلوم ہاتھ سے چلائی جانے والی گولی کا نشانہ بن کر راہئ ملکِ عدم بن جائے گا۔
سردار چرن جیت سنگھ سے ملاقات کےلیے جب میں اندرونِ پشاور کے تاریخی بازار قصہ خوانی سے ہوتا محلہ جوگن شاہ پہنچا تو گلی میں کھیلتے سکھ بچوں کے چہروں پر رونق دیدنی تھی۔ سردار چرن جیت سنگھ سے پہلی ملاقات ایسی تھی جیسے ہم سالہا سال سے ایک دوسرے کو جانتے ہیں، اور ہماری دوستی بے تکلفی کی مضبوط ڈوری سے بندھی ہے۔ سردار صاحب نے گلہ کیا کہ تم نے اتنا انتظار کروایا آج… جس پر میرا جواب تھا: ’’ارے او ناراض حسینہ! پہلے پانی چائے تو پوچھ لو، گلے شکووں کو بعد میں دیکھ لیں گے۔‘‘
میری بوڑھے سردار کے ساتھ گوردوارہ بھائی جوگا سنگھ پشاور میں نشست کا مقصد بھی سکھ برادری کے مسائل کو سمجھنا اور ان کا حل تلاش کرنا تھا۔ پشاور آنے سے پہلے پشاور کے رہائشی خالصہ سرداروں کے بارے میں میری معلومات بہت سطحی سی تھیں۔ دہشت گرد گروہوں کی جانب سے ان کو دی جانے والی دھمکیوں، ٹارگٹ کلنگ کے کچھ واقعات اور آبائی گھروں سے بیدخلی جیسے ظالمانہ اقدامات کا سرسری سا علم تھا۔
سردار چرن جیت سنگھ نے بتانا شروع کیا کہ شہر میں پندرہ ہزار سے زائد سکھ آباد ہیں جن میں سے زیادہ تر سکھ محلہ جوگن شاہ اور اس کی ملحقہ گلیوں میں رہتے ہیں۔ پشاور شہر میں رہنے والے زیادہ تر سکھ بنیادی طور پر خیبر ایجنسی اور اورکزئی ایجنسی سے بغرض کاروبار آئے تھے اور پھر یہیں کے ہو کر رہ گئے، لیکن ان کی تعداد چند سو سے زیادہ نہ تھی۔ پشاور میں رہنے والے سکھ زیادہ تر زراعت، حکمت کے شعبے سے وابستہ ہیں اور کچھ سکھ تجارت سے بھی منسلک ہیں۔ پنجابی سے نابلد یہ سردار ٹھیٹ پشتو بولتے ہیں اور ان کے رسم و رواج پر پشتون ثقافت اور قبائلی معاشرت کی نمایاں چھاپ نظر آتی ہے۔ ان کی خواتین اسی طرح سے پردہ کرتی ہیں جیسے دوسری پٹھان خواتین۔
ایک سردار کے لیے سنگھ کا لفظ نام کا بنیادی جزو ہے تو وہیں یہ پشاوری سکھ اپنے آپ کو آفریدی کہلوانا پسند کرتے ہیں۔ پشتون ولی کی روایات نے 1947 میں تقسیم ہندوستان کے وقت ان سکھوں کو نقل مکانی سے روکے رکھا۔ مقامی آبادی نے سکھ برادری کی جان و مال کی حفاظت اپنے ذمے لے لی اور سکھ برادری کےلیے مذہبی آزادی کبھی مسئلہ نہ رہی تھی ۔ لال مسجد آپریشن کے بعد جب خیبر ایجنسی، وادی تیراہ اور اورکزئی ایجنسی میں حالات خراب ہونا شروع ہوئے تو سکھ برادری بھی عدم تحفظ کا شکار ہوئی۔ دہشت گرد گروہ تحریک طالبان نے اورکزئی ایجنسی کی سکھ برادری کو دھمکیاں دینا شروع کر دیں کہ اگر آپ کو اس علاقے میں رہنا ہے تو آپ مسلمان ہوجائیں یا پھر جزیہ دیں۔ جب سکھ کمیونٹی مذاکرات کےلیے گئی تو دہشت گرد گروہ نےمطالبہ دھمکی میں تبدیل کردیا کہ سکھ برادری 48 گھنٹے کے اندر اندر 5 کروڑ روپے جزیہ کی مد میں ادا کرے۔ تب تک کےلیے انہوں نے مغوی برائے تاوان کی مانند سردار کلیان سنگھ کو، جو مقامی سکھ لیڈر تھے، قید کرلیا۔
پاکستان بھر کی سکھ برادری نے ایک کروڑ روپے تاوان ادا کر کے سردار کلیان سنگھ کو رہا تو کروا لیا، لیکن تیراہ اور اورکزئی کا علاقہ ان کےلیے غیر محفوظ ہو گیا۔ سکھ برادری بے سروسامانی کے عالم میں اپنے آبائی گھروں کو چھوڑ کر پشاور کےلیے نکل کھڑی ہوئی۔ گوردوارہ بھائی جوگا سنگھ میں جب نقل مکانی کرنے والوں کےلیے جگہ ختم ہوگئی تو پشاور میں مقیم سکھ برادری نے اپنے گھروں میں مہاجرت کا شکار ان سکھ بھائیوں کو پناہ دینا شروع کردی۔ ایک سال کے عرصے میں خیبر ایجنسی اور اورکزئی سے نقل مکانی کرنے والے افراد کی تعداد پندرہ ہزار تک پہنچ گئی تو گوردوارہ پنجا صاحب حسن ابدال اور ننکانہ صاحب کے قریبی محلوں میں پشاوری سکھوں نے آباد ہونا شروع کردیا۔
چرن سنگھ نے اس بارے میں مجھے مزید بتایا تھا:
’’دہشت گرد گروہ تحریک طالبان نے ہمارے سرکردہ افراد کو نشانہ بنانا شروع کردیا۔ گزشتہ پانچ برس میں صرف پشاور شہر کے گردونواح میں 10 سکھ شہید کیے گئے ہیں۔ یہ وہ حالات تھے جب ہمارے لیے بہت آسان تھا کہ جرمنی، امریکا یا کینیڈا کی شہریت کےلیے درخواست دیتے اور پاکستان چھوڑ کر چلے جاتے، لیکن پاکستان کی حیثیت ہمارے لیے وہی ہے جو ہمارے مسلمان بھائیوں کے لیے مکہ اور مدینہ کی۔ بابا گرونانک دیو کی جنم بھومی ننکانہ صاحب اور جائے وفات ضلع نارووال میں ہے۔ ہمارے آباء صدیوں سے اس علاقے میں رہتے آئے ہیں، یہ کیسے ممکن ہے کہ ہم ان حالات کا مقابلہ کرنے کے بجائے فرار کی راہ اختیار کریں۔ دہشت گردی کا نشانہ صرف ہماری برادری نہیں بنی، بلکہ اس کا شکار ہم سب پاکستانی ہوئے ہیں۔
گزشتہ برس جب بھارتی وزیر خارجہ سشما سوراج نے میرا نام لے کر بھارتی پارلیمنٹ میں بیان دیا کہ سکھ مذہب کے پیروکاروں کو پاکستان میں مذہبی آزادی حاصل نہیں تو میرے لیے ناممکن تھا کہ میں اس منفی پروپیگنڈے کا جواب نہ دوں۔‘‘
ہم اللہ کو تو مانتے ہیں لیکن اللہ کی نہیں مانتے، مذہبی کتابیں عبادات کے ساتھ ساتھ معاملات پر رہنمائی فراہم کرتی ہیں لیکن شدت پسند عناصر بنیادی انسانی حقوق کو غصب کرنے کے لئے تمام مذاہب کے بنیادی اصولوں کو نظر انداز کرتے ہیں۔ قتل وغارت گری کا بازار گرم کرنے کےلیے ان گروہوں نے مذہبی تعلیمات کی غلط اور من گھڑت تشریح کی۔ سکھ برادری اور دوسری اقلیتوں کو نشانہ بنانے سے دہشت گرد گروہ پاکستان کا نام دنیا بھر میں خراب کرنا چاہتے ہیں اور وہ دنیا بھر میں بابا گرونانک کی جنم بھومی کو اقلیتوں کےلئے غیر محفوظ ثابت کرنا چاہتے ہیں۔ مذہبی منافرت کے اس عمل کو روکنا صرف اسی صورت میں ممکن ہے کہ ہم اللہ کی مانیں۔ مذہبی احکامات کو رٹنے کی بجائے ان پر عمل کریں، اور جو گروہ شدت پسندی کو مذہب کا حصہ بنانے پر تلا ہو اس کو مذہب کی اصل روح کی طرف لے کر چلیں۔
مجھے بخوبی پتا ہے کہ میری اور میرے جیسے اور پاکستانیوں کی رواداری، امن اور مذہبی آہنگی کو فروغ دینے کی یہ کوششیں دہشت گرد گروہوں کے بیانیے کی نفی کرتی ہیں اور وہ اس وجہ سے مجھے نشانہ بھی بنا سکتے ہیں، میری جان بھی جا سکتی ہے، لیکن میں اس ملک کو چھوڑ کر کہیں نہیں جاؤں گا۔ یہ میری ذمہ داری ہے کہ میں اپنی جگہ پر رہتا ہوا دلوں کو جوڑنے اور بین المذاہب ہم آہنگی کی کوشش کروں۔ ہماری سکھ سنگت کی طرف سے پشاور شہر میں مسلمان بھائیوں کے ساتھ مل کر بہت سے عملی اقدامات کیے گئے ہیں۔ مسلمانوں کے مذہبی تہواروں کو سکھ برادری بھی اسی جوش و جذبے سے مناتی ہے جیسے ہمارے مسلمان بھائی مناتے ہیں۔ رمضان کے مہینے میں سکھ کمیونٹی کی جانب سے مسلمان بھائیوں کے لیے افطار کا اہتمام بھی اسی سلسلے کہ ایک کڑی ہے کہ دہشت پسند طبقہ کو یہ پیغام دیا جاسکے کہ ہم پاکستانی ایک ہیں، ہمارا جینا مرنا ایک ہے۔
بوڑھا سردار جب مستقبل کے اندیشوں اورسر پر منڈلاتے خطرات کا ذکر کر رہا تھا تب اُس کا لہجہ پر عزم تھا۔ اس نے اپنے عزم کا اظہار کچھ یوں کیا تھا: ’’ممکن ہے کہ مجھے پشاور کی انہیں گلیوں میں کہیں نشانہ بنا دیا جائے، لیکن میری آواز مذہبی ہم آہنگی اور رواداری کے فروغ کے لئے بلند ہوتی رہے گی۔‘‘
آج بوڑھے سردار کے سر میں پیوست ہونے والی گولی نے اس کے جسم کو تو موت کے گھاٹ اتار دیا، لیکن سردار چرن جیت سنگھ کے گرم لہو نے محبت کے اس پیغام کو ہمیشہ ہمیش کےلیے جلا بخش دیا ہے۔
نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں۔
اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 الفاظ پر مشتمل تحریر اپنی تصویر، مکمل نام، فون نمبر، فیس بک اور ٹویٹر آئی ڈیز اور اپنے مختصر مگر جامع تعارف کے ساتھ blog@express.com.pk پر ای میل کردیجیے۔
The post سردار چرنجیت اپنے لہو سے مذہبی رواداری کی شمع روشن کرگئے appeared first on ایکسپریس اردو.
ہوائی، امریکہ: سمندروں میں ماہی گیروں کے متروکہ جال اور دیگر سامان کچھووں سے لے کر وہیل تک کےلیے موت کی گھنٹی بنا ہوا ہے کیونکہ ان میں الجھنے کے بعد وہیل جیسا بڑا سمندری جانور بھی انتہائی بے بسی سےموت کے منہ میں جاسکتا ہے۔
اب پلاسٹک کے جال اور دیگر پھندوں میں پھنسی وہیلوں کو بچانے کےلیے ڈرون سے مدد لی جارہی ہے۔ اس کےلیے ڈی جے آئی کمپنی نے اپنے مشہور برانڈ کے چار ڈرون عطیہ کیے ہیں جو فینٹم فور پرو کہلاتے ہیں۔ ماہرین نے ان ڈرونز کے ذریعے بحری کوڑا کرکٹ میں الجھی ہوئی وہیلوں کو بچانے میں اپنا اہم کردار ادا کیا ہے۔
پوری دنیا کے سمندروں میں اندھادھند پلاسٹک پھینکا جارہا ہے۔ ان میں سے باریک پلاسٹک چھوٹے سمندری جانوروں کے لیے وبالِ جان بنا ہوا ہے جبکہ ماہی گیروں اور اسکوبا ڈائیور کی جانب سے سمندروں میں پھینکا جانے والا کوڑا، جال اور دیگر آلات وہیل کےلیے بھی خطرہ بنے ہوئے ہیں۔ اس ضمن میں نیشنل اوشیانک اینڈ ایٹماسفیئرک ایڈمنسٹریشن (نووا) اور ہوائی میں وہیل کی تحفظ گاہ نے مشترکہ طور پر وہیل کو پلاسٹک سے بچانے کےلیے ڈرون سے مدد لی ہے۔
اگرچہ یہ کام برسوں سے جاری ہے لیکن ڈرون اب گہرے پانیوں کے پاس پرواز کرکے وہیل کی ویڈیو دکھاتے ہیں اور اگر وہ پلاسٹک میں الجھی ہوئی پائی جاتی ہیں تو پھر رضاکاروں پر مشتمل عملہ انہیں اس مشکل سے بچاتا ہے۔
نووا کے ایک ماہر ایڈ لائمن نے کہا، ’45 فٹ طویل اور 40 ٹن وزنی تیرتی ہوئی وہیل سے بری طرح پھنسا ہوا پلاسٹک کا جال کاٹنا بہت مشکل کام ہے۔ گزشتہ برس ایک رضاکار وہیل کے حملے میں ہلاک بھی ہوچکا ہے۔‘
نووا کی جانب سے وہیل تحفظ گاہ کے سابق چیئرمین نے بتایا کہ وہیل کو پلاسٹک سے بچانے میں بہت وقت لگتا ہے۔ ایک مرتبہ ایک وہیل کو تین مرتبہ دیکھا گیا۔ ایک مرتبہ نوٹ کیا گیا کہ پلاسٹک کہاں موجود ہے، دوسری مرتبہ اسے ہٹایا گیا اور تیسری مرتبہ یہ تصدیق کی گئی کہ کسی اور جگہ پلاسٹک موجود ہے یا کام مکمل ہوچکا ہے۔
فینٹم فور ڈرون میں لگے طاقتور کیمرے سے ماہرین وہیل کی تفصیلات دیکھ لیتے ہیں اور اس کے بعد وہیل سے پلاسٹک ہٹانے کا کام شروع کیا جاتا ہے۔ اسی وجہ سے خود انسانوں اور وہیل کےلیے یہ پورا کام بہت محفوظ بن چکا ہے۔
The post پلاسٹک میں الجھی وہیل کو بچانے والے ڈرون appeared first on ایکسپریس اردو.
پنسلوانیا: کینسر کے ایک نسبتاً نئے طریقہ علاج امیونوتھراپی کو مزید بہتر بنانے کےلیے بیکنگ سوڈا کا استعمال نہایت مفید ثابت ہوسکتا ہے۔ اس سے کئی طرح کے سخت جان سرطان کو قابو کرنے میں مدد مل سکتی ہے۔
کینسر کے ماہرین جانتے ہیں کہ سرطانی رسولیوں کا بڑا حصہ ایسا ہوتا ہے جہاں آکسیجن نہیں ہوتی اور انہی مقامات کا علاج بہت مشکل ہوتا ہے۔ خلیے کو جب مناسب آکسیجن نہیں ملتی تو وہ ایک خاص حالت میں چلا جاتا ہے جسے کوشنٹ اسٹیٹ کہا جاتا ہے۔ اس موقع پر ایم ٹی او آر سی ون نامی ایک مالیکیولر سوئچ خلیے کی صورتحال کا جائزہ لے کر بتاتا ہے کہ خلیے کو تقسیم ہونا ہے یا نہیں۔ اگر mTORC1 موجود نہ ہو تو خلیہ کا اندرونی کام ٹھپ ہوجاتا ہے اور سرطانی رسولی کے اندر اس مالیکیول کی سرگرمی ختم ہوجاتی ہے۔
اسی تحقیق کو آگے بڑھاتے ہوئے یونیورسٹی آف پنسلوانیا میں واقع وسٹر انسٹی ٹیوٹ نے اس ضمن میں بیکنگ سوڈا کا استعمال کیا ہے جس کی تفصیل سائنسی جرنل سیل میں شائع ہوئی ہے۔ اس میں کہا گیا ہے کہ میٹھا سوڈا خود امنیاتی یا آٹو امیون امراض میں اہم کردار ادا کرسکتا ہے جن میں کینسر بھی شامل ہے۔
ڈاکٹر کائی وین ڈینگ اور ان کے ساتھیوں نے کہا ہے کہ خلیہ کوشنٹ اسٹیٹ میں ہو تو اس پر سرطانی ادویہ کام نہیں کرتیں اور اسے اس صورتحال سے باہر نکالنا ضروری ہوتا ہے۔ انہوں نے تجربہ گاہ میں سرطان زدہ چوہوں کو پانی میں بیکنگ سوڈا گھول کر پلایا تو اس سے سرطانی رسولی آکسیجن کی کمی والی صورتحال سے واپس آگئی اور mTORC1 سرگرمی شروع ہوگئی۔ اس کے بعد جب کینسر امیونو تھراپی شروع کی گئی تو وہ بہت کامیاب ٹھہری کیونکہ سرطانی رسولیوں کی تیزابیت بڑھ گئی۔
اب ماہرین کی ٹیم نے کہا ہے کہ کینسر کے علاج کا ایک نیا طریقہ اگر بیکنگ سوڈا کے ساتھ ملا کر لاگو کیا جائے تو اس سے علاج کی نئی راہیں ہموار ہوں گی۔
واضح رہے کہ دنیا کے کئی ڈاکٹر پہلے بھی کینسر کے علاج میں بیکنگ سوڈا کو انتہائی مؤثر قرار دے چکے ہیں لیکن انہیں خاص پذیرائی نہیں مل سکی تھی۔
The post میٹھا سوڈا کینسر کے علاج میں مفید appeared first on ایکسپریس اردو.
ایمسٹر ڈیم، ہالینڈ: ایک بین الاقوامی پرواز کے دوران ایک تعفن زدہ مسافر کی وجہ سے دیگر مسافروں نے قے کردی اور کئی غنودگی میں چلے گئے جبکہ عملے کو مجبوراً ہوائی جہاز کا رخ بدل کر اسے کہیں اور اتارنا پڑگیا۔
ٹرانسیویا ایئرلائن کی پرواز ہالینڈ کے شائپول ہوائی اڈے سے گران کینیریا جارہی تھی کہ ایک بدبودار مسافر کی وجہ سےاس کا رخ بدل کر اسے فوری طور پر پرتگال کے شہر فارو میں اتارا گیا۔
طیارے کی پرواز کے بعد ہی مسافر کے بدن کی بدبو بند طیارے میں پھیلنے لگی جو ایک مقام پر ناقابلِ برداشت ہوگئی اور کئی مسافر غنودگی میں چلے گئے اور بعض نے قے تک کردی۔ ایک مقام پر عملے نے اس شخص کو زبردستی طیارے کے بیت الخلا میں رکھنے کی کوشش کی جو ناکام رہی۔ اس کے بعد پائلٹ نے ہنگامی طور پر طیارے کا رخ قریبی ملک پرتگال کی جانب موڑ دیا۔
مسافروں میں اکثریت سیاحوں کی تھی جو اپنی چھٹیاں گزارنے جارہے تھے۔ بعد میں طیارے کو پرتگال میں اتارا گیا اور بدبودار مسافر کو ایک بس میں سوار کراکے اسے طبی معائنے کےلیے ہسپتال بھیجا گیا۔ مسافروں کے مطابق یوں لگتا تھا کہ بدبودار مسافروں برسوں سے نہیں نہایا تھا۔
ٹرانسیویا ایئرلائن نے بھی اعتراف کیا ہے کہ ہوائی جہاز کو طبی وجوہ کی بناء پر پرتگال لے جایا گیا تھا۔ تاہم اب تک مسافر کی شدید اور ناگوار بدبو کی وجہ معلوم نہیں ہوسکی۔
یہ پڑھیں: مسافر کے گیس خارج کرنے پر جہاز کی ایمرجنسی لینڈنگ
اس سے قبل اسی سال فروری میں ٹرانسیویا کا ایک اور طیارہ دبئی سے ایمسٹرڈیم جارہا تھا جس میں ایک مسافر کا پیٹ خراب ہوگیا اور بدبو کے سبب طیارے میں ایک جھگڑا رونما ہوگیا تھا بعدازاں طیارے کی ہنگامی لینڈنگ کروانی پڑگئی تھی۔
The post بدبودار مسافر نے ہوائی جہاز کا رخ تبدیل کروادیا appeared first on ایکسپریس اردو.
لاہور: خوبرواداکارہ وماڈل میبل خان نے کہا ہے کہ پاکستان فلم انڈسٹری میں نوجوان نسل کی آمد سے برسوں سے چھایا بحران ختم ہوتا دکھائی دے رہا ہے۔
’’ایکسپریس‘‘سے گفتگوکرتے ہوئے میبل خان نے کہا کہ اس وقت ہماری فلم انڈسٹری کودوسرے ممالک کے ساتھ مشترکہ فلمسازی کی اشد ضرورت ہے۔ بھارت، ایران، چائنہ اوردیگرمغربی ممالک کے ساتھ مل کر یا سارک ممالک کے ساتھ مشترکہ فلمسازی کا عمل بھی موجودہ دورکی ضرورت ہے۔
میبل خان نے کہا کہ دنیا بھرمیں اس وقت کو پروڈکشن پرتوجہ دی جارہی ہے۔ اس سے دو بڑے فائدے ہوتے ہیں، ایک تودوممالک کے درمیان تعلقات مستحکم اورمضبوط ہوتے ہیں اوردوسرا دونوں ممالک کے لوگ جب مل کرکام کرتے ہیں تواس سے بہت کچھ سیکھنے کوملتا ہے، جومستقبل میں آگے بڑھنے کیلیے درست سمت کا تعین کرتا ہے۔
اداکارہ نے کہا کہ اس وقت ہمارے ہاں فلم میکنگ کے معیار میں بہتری دکھائی دے رہی ہے اوربہت سے نوجوان فلم کے شعبے سے وابستہ ہورہے ہیں۔ دوسری جانب کوپروڈکشن کوفروغ دینے کیلیے ہمارے فلم میکرآجکل خاصے سرگرم ہیں، اس لیے یہ امید کی جاسکتی ہے کہ آنے والے دنوں میں پاکستانی فلم میں انقلابی تبدیلیاں رونماہونگی اوریہاں ہونے والا کام دنیا بھرمیں پسند کیاجائے گا۔
The post نوجوان نسل کی آمد سے فلم انڈسٹری کا بحران ختم ہوتا دکھائی دے رہا ہے، میبل خان appeared first on ایکسپریس اردو.
کراچی: شہر میں شدید گرمی کی حالیہ لہر میں نمایاں کمی آگئی۔
محکمہ موسمیات کے مطابق بالائی سندھ پر ہوا کے کم دباؤ کے نتیجے میں پیدا ہونے والی گرمی کی لہر میں اگلے 24 گھنٹوں کے دوران مزید کمی کا امکان ہے اور ایک سے دوروز کے دوران شمال اور شمال مغربی ہواؤں کاسلسلہ بھی تھم جائے گا ،جنوب مغربی سمت کی سمندری ہوائیں اپنے معمول کی رفتار سے چل پڑے گی جس کے دوران یہ توقع ہے کہ اگلے ہفتے کے دوران شہر کا درجہ حرارت معتدل اور متوازن رہ سکتا ہے ۔
گزشتہ روز شہر کا کم سے کم درجہ حرارت 29جبکہ زیادہ سے زیادہ 38.4ڈگری ریکارڈ ہوا ،دوپہر کے وقت ہوا میں نمی کاتناسب 52فیصد تک بڑھنے کی وجہ سے حدت محسوس کی گئی تاہم صبح کے وقت بند سمندری ہوائیں بحال ہونے کے بعد پارہ مذید بلند ہونے سے رہ گیا۔
محکمہ موسمیات کے مطابق آج شہر کا زیادہ سے زیادہ درجہ حرارت 36سے38ڈگری کے درمیان رہنے کا امکان ہے جبکہ موسم گرم اور مرطوب رہ سکتا ہے۔
The post سمندری ہوائیں چلنے سے شہر میں گرمی کی شدت میں کمی آگئی appeared first on ایکسپریس اردو.
کراچی: ماہ مئی میں شہر قائد میں ڈاکوؤں نے مزاحمت کرنے پر فائرنگ کرکے 5 شہریوں کو ہلاک اور 46افراد کو زخمی کردیا اور فائرنگ کے دیگر واقعات میں میاں ،بیوی ،سالا،بہنوئی اور تین خواتین سمیت 16افراد جاں بحق اور 55افراد زخمی ہوگئے۔
روزنامہ ایکسپریس کے اعداد و شمار ، پولیس اور متعلقہ اداروں سے حاصل کردہ معلومات کے مطابق شہر قائد میں ماہ مئی میں بھی نامعلوم مسلح ملزمان نے ڈکیتی مزاحمت پر 5افرد کو فائرنگ کرکے قتل کردیا،مئی کو ڈاکس کے علاقے میں ڈاکوؤں نے مزاحمت کرنے پر فائرنگ کرکے مچھلی کے بیوپاری عبدالقادر کو قتل کیا ،6مئی کو سائٹ سپر ہائی وے پر ڈاکوؤں کی فائرنگ سے نوجوان عبیداﷲ ہلاک ہوا۔
7مئی کو مبینہ ٹاؤن میں لوٹ مار کے دوران مزاحمت کرنے پر ملزمان نے فائرنگ کرکے لودھی پوری کو ہلاک کردیا تھا ،13مئی کو تیموریہ کے علاقے میں نامعلوم ملزمان نے دکان میں گھس کر لوٹ مار کی اور مزاحمت کرنے پر فائرنگ کرکے محمد دانش اور محمد سلیم کو ہلاک کردیاتھا جبکہ شہر کے مختلف علاقوں میں نامعلوم ملزمان نے ڈکیتی مزاحمت پر46افرد کو شدید زخمی کیا، مسلح ملزمان نے ذاتی دشمنی اوردیگر واقعات میں فائرنگ کرکے سالا ، بہنوئی میاں بیوی ،تین خواتین سمیت 16افراد ہلاک اور55افراد کو زخمی کردیا تھا۔
شہر میں ذاتی دشمنی، گھریلوں جھگڑوں اور دیگر واقعات پر ملزمان نے تشدد ،تیز دھار آلے اور گلہ گھونٹ کر ماں اسکے کمسن بیٹے ، تین خواتین اور ایک کمسن بچے سمیت 14افراد کو قتل کردیا ان واقعات میں ملوث پولیس نے چند ملزمان کو گرفتار بھی کیا تھا۔
ماہ مئی میں دہلانے والے مذکورہ واقعات میں ایک واقعہ فرئیر کے علاقے میں 23مئی کو رونما ہوا جس میں ساس اور دیوار نے مل کر بھابھی رمشاء اسکے کمسن بیٹے دو سالہ عبد الہادی کو گھر میں تشدد کا نشانہ بنا کر آٹھویں منزل کر دھکا کر قتل کردیا تھا پولیس نے ساس اور دیور کو گرفتار کرکے مقدمہ درج کرلیا تھا۔
25مئی سائٹ سپر ہائی وے تھانے کی حدود میں ملزم نے ڈیڑھ سالہ راحیل کو تشدد کرکے قتل کیا تھا ،27مئی کو باپ نے نوجوان بیٹی کو ذاتی جھگڑے کے دوران گلہ گھونٹ کر قتل کیا تھا ،9مئی کو لیاری کے علاقے کلاکوٹ میں لیاری گینگ وار کے کارندوں نے دستی بم سے حملہ کیا تھا جس کے نتیجے میں ایک شہری شدید زخمی ہوا تھا ۔
11مئی کو پولیس نے لیاری گینگ وار سے تعلق رکھنے والے کارندے کی نشاندہی پر منگھوپیر میں ایک مکان سے کئی روز پرانی نوجوان زوہیب خان کی لاش برآمد کی تھی ملزم نے مقتول کو اغواء کے بعد تشدد کانشانہ بنایا اور فائرنگ کرکے قتل کردیا اور لاش دفنا دی تھی ۔اینٹی انکروچمنٹ سیل اور ڈسٹرکٹ پولیس کی جانب سے10مئی کو صدر ایمپریس مارکیٹ غیر قانونی تجاوزات کے خلاف کارروائی کی تھی اس دوران پولیس کے مبینہ تشدد سے ایک شہری40 سالہ محمد معروف نامی شخص ہلاک ہوگیا تھا۔
پولیس کا موقف تھا کہ متوفی تشدد سے نہیں دل کو دورہ پڑنے سے ہلاک ہوا ۔8مئی کو ساحل تھانے کی حدود سے نامعلوم اغوا کاروں نے تاجر حنیف سورتی کا اغواء کیا جبکہ 29مئی کو سول اسپتال سے نامعلوم افراد نے تین سالہ بچے کو اغوا کرلیا جس کی تلاش تاحال جاری ہے ،علاوہ ازیں شہر قائد میں ٹریفک حادثات میں 88 افراد ہلاک ،15افراد کی لاشیںملیں ، خواتین سمیت15افراد نے خودکشیاں کی جبکہ دیگر حادثات و واقعات میں 61افراد ہلاک ہوئے ۔
ایدھی فاؤنڈیشن کے مطابق ماہ مئی میں ہیٹ اسٹروک میں 66افراد لقہ اجل بنے ، شہر قائد کے مختلف مقامات پر ٹریفک حادثات میں ماں بیٹے سمیت88افراد ہلاک ہوئے،خواتین سمیت 15نے خودکشی کی ، شہر کے مختلف علاقوں سے 15افراد کی لاشیں ملیں تھی ،کرنٹ لگنے سے 15افراد لقہ اجل بنے ،ٹرین کی زد میں آکر 6افراد جاں بحق ہوئے ،چھت سے گرنے و دیگر واقعات میں 12افراد ہلاک ہوئے ، ڈوب کر 14افراد جان کی بازی ہار گئے۔
موچکو میں گھر میں آتشزدگی کے واقعات میں جھلس کر ماں اسکے 8بچے جاں بحق ہوئے جبکہ آتشزدگی کے دیگر واقعات میں جھلس کر 2افراد ہلاک ہوئے،دم گھٹنے سے 2افراد جان کی بازی ہار گئے۔
واضح رہے کہ ایدھی فاؤنڈیشن کے ترجمان دعوٰی تھا کہ ماہ مئی میں شہر میں جاری ہیٹ اسٹروک اور ویو کے دوران 66افراد جاں بحق ہوئے ۔
The post ماہ مئی میں حادثات اور واقعات میں 216 افراد ہلاک appeared first on ایکسپریس اردو.
راہل گاندھی اب ان حکومتی کمیٹیوں میں بیٹھیں گے جو اہم حکومتی فیصلے اور تقرریاں کرتی ہیں اور وہ انڈین پارلیمان میں طاقتور سمجھے جانے والے وزی...
جملہ حقوق ©
WAKEUPCALL WITH ZIAMUGHAL
Anag Amor Theme by FOCUS MEDIA | Bloggerized by ZIAMUGHAL