اسلام آباد(جی سی این رپورٹ)وزیر خارجہ شاہ محمود قریشی نے امریکی ہم منصب مائیک پومپیو سے ٹیلے فون پر رابطہ کر کے انہیں لائن آف کنٹرول پر بھارت کی جانب سے کی جانے والی جارحیت سے آگاہ کیا۔شاہ محمود قریشی نے مائیک پومپیو سے کہا بھارت سیاسی مقاصد اور انتخابات کے لیے جنوبی ایشیاء کے امن کو شدید خطرات سے دوچار کر رہا ہے لیکن پاکستان اپنی سالمیت پر سمجھوتا نہیں کر سکتا۔انہوں نے کہا کہ ہم بھارت کے عزائم کے حوالے سے دنیا کو پہلے ہی آگاہ کر چکے تھے اور پلوامہ واقعے کے بعد پاکستان نے بھارتی دھمکیوں کے باوجود انتہائی ذمے دارانہ رویہ اختیار کیا۔وزیر خارجہ نے کہا کہ بھارتی جارحیت سے افغانستان میں قیام امن کے لیے کی جانے والی کوششیں متاثر ہو سکتی ہیں۔ان کا کہنا تھا کہ بھارت یہ جارحانہ اقدام انتہائی قابل مذمت ہے اور ہم توقع کرتے ہیں کہ امریکا اس سلسلے میں اپنا کردار ادا کرے گا۔خیال رہے کہ گزشتہ رات بھارتی فضائیہ کی جانب سے پاکستانی فضائی حدود کی خلاف ورزی کی گئی تاہم پاک فضائیہ نے بروقت کارروائی کرتے ہوئے بھارتی طیاروں کو بھاگنے پر مجبور کر دیا۔
from Global Current News https://ift.tt/2H3z2oh
via IFTTT
0 comments:
آپ بھی اپنا تبصرہ تحریر کریں
اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔اگر آپ کے کمپوٹر میں اردو کی بورڈ انسٹال نہیں ہے تو اردو میں تبصرہ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کرکے شائع کردیں۔