راولپنڈی(جی سی این رپورٹ) بھارتی فورسز کی جانب سے لائن آف کنٹرول ( ایل او سی) پر جنگ بندی معاہدے کی خلاف ورزی کا سلسلہ آج بھی جاری ہے تاہم گزشتہ 24 گھنٹوں میں فائرنگ کی شدت میں قدرے کمی آئی ہے۔پاک فوج کے شعبہ تعلقات عامہ ( آئی ایس پی آر) کے مطابق بھارتی فورسز کی جانب سے نیزہ پیر، جند روٹ اور باغ سر سیکٹر پر وقفے وقفے سے فائرنگ کی جارہی ہے جس کا پاک فوج کی طرف سے مؤثر جواب دیا جارہا ہے۔ آئی ایس پی آر کے مطابق بھارتی فورسز کی یکم اور 2 مارچ کی درمیانی شب مختلف سیکٹروں پر فائرنگ کی اور گزشتہ 24 گھنٹے میں پاکستان کا کوئی جانی نقصان نہیں ہوا۔آئی ایس پی آر کا کہنا ہے کہ پاک فوج کی جانب سے بھرپور جوابی کارروائی کی جارہی ہے جس کے دوران بھارتی چیک پوسٹوں کو نشانہ بنایا گیا۔ آئی ایس پی آر کا بتانا ہے کہ ایل او سی پر بھارتی فائرنگ سے شہید ہونے والے حوالدار عبدالرب شہید کی نماز جنازہ ڈی جی خان میں ادا کردی گئی جن کی پوری فوجی اعزاز کے ساتھ تدفین کی گئی جب کہ نائیک خرم شہید کی نماز جنازہ آج شام ڈی جی خان مین ادا کردی جائے گی۔
from Global Current News https://ift.tt/2TbVK4R
via IFTTT
0 comments:
آپ بھی اپنا تبصرہ تحریر کریں
اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔اگر آپ کے کمپوٹر میں اردو کی بورڈ انسٹال نہیں ہے تو اردو میں تبصرہ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کرکے شائع کردیں۔