![](https://static01.nyt.com/images/2019/03/16/fashion/16firecider-3/16firecider-3-mediumThreeByTwo440.jpg)
By ZOE GREENBERG from NYT Style https://ift.tt/2HC9XRz
.FOCUS WORLD NEWS MEDIA GROUP EUROPE copy right(int/sec 23,2012), BTR-2018/VR.274058.IT-
کراچی(جی سی این رپورٹ)سابق صدر آصف زرداری اور ان کی ہمشیرہ فریال تالپور نے میگا منی لانڈرنگ کیس کی منتقلی سے متعلق بینکنگ کورٹ کے فیصلے کوسندھ ہائیکورٹ میں چیلنج کردیا۔پیپلزپارٹی کے صدر آصف زرداری اور فریال تالپور بینکنگ کورٹ کے فیصلے کے خلاف درخواست دائر کرنے اپنے وکلاء کے ہمراہ سندھ ہائیکورٹ پہنچے، اس موقع پر عدالت کے اطراف سیکیورٹی کے انتہائی سخت انتظامات کیے گئے تھے۔آصف زرداری اور فریال تالپور نے اپنے وکلاء کے ذریعے بینکنگ کورٹ کی جانب سے منی لانڈرنگ کیس کو اسلام آباد منتقل کرنے کے فیصلے کو عدالتِ عالیہ میں چیلنج کیا۔درخواست گزاروں کی جانب سے دائر درخواست میں مؤقف اختیار کیا گیا ہےکہ بینکنگ کورٹ کے مقدمہ منتقلی کے احکامات غیر قانونی ہیں۔درخواست گزاروں صدر کی جانب سے مقدمہ اسلام آباد منتقل کرنے کے حکم کو کالعدم قرار دینے کی استدعا کی گئی ہے۔واضح رہےکہ گزشتہ روز بینکنگ کورٹ نے میگا منی لانڈرنگ کیس کا مقدمہ کراچی سے اسلام آبادمنتقل کرنے کا حکم دیا تھا جس کے بعد نیب نے آصف زرداری اور بلاول بھٹو زرداری کو 20 مارچ کو طلب کیا ہے۔
The post میگا منی لانڈرنگ کیس کی منتقلی،آصف زرداری اب کیا کرنے والے ہیں؟ appeared first on Global Current News.
کرائسٹ چرچ (جی سی این رپورٹ)کرائسٹ چرچ حملوں پر نیوزی لینڈ کی وزیراعظم جیسنڈا آرڈرن نے مسلم کمیونیٹی سے سیاہ لباس پہن کر تعزیت کا اظہار کیا۔وزیراعظم جیسنڈا آرڈرن نے حملے میں زخمی ہونے والے افراد کی عیادت کے لیے اسپتال کا دورہ کیا جہاں انہوں نے مسلم کمیونیٹی سے ملاقات کی اور مسلم خواتین کو گلے لگا کر تسلی دی۔اس دوران وزیراعظم آرڈرن نے مسلم کمیونیٹی سے اظہار تعزیت کے لیے کالا دوپٹا بھِی سر پر اوڑھا اور حملے کی شدید مذمت کی۔نیوزی لینڈ وزیراعظم نے میڈیا کو بریفنگ دیتے ہوئے کہا کہ کرائسٹ چرچ کا واقعہ نیوزی لینڈ کی عکاسی نہیں کرتا تاہم مذہبی اور ثقافتی آزادی ہر صورت ممکن بنائی جائے گی۔انہوں نے کہاکہ ہماری پہلی ترجیح جاں بحق ہونے والے افراد کی شناخت تھی، متاثرین کی مالی مدد کی جائے گی اور بڑا مالی پیکیج دیاجائے گا۔وزیراعظم کا کہنا تھا کہ حملے کے فوری بعد پولیس نے کارروائی کی جس کے نتیجے میں حملہ آور پولیس کی تحویل میں ہے، فی الحال پولیس کو کچھ چیلنجز درپیش ہیں اس لیےقانون سازی کریں گے۔نیوزی لینڈ کی وزیراعظم نے اسلحہ قوانین میں تبدیلی کا اعلان کرتے ہوئے بتایا کہ حملہ آور کے پاس 5 ہتھیار اور اسلحہ لائسنس تھا، حملہ آور آسٹریلیا نہ ہی نیوزی لینڈ کی واچ لسٹ میں تھا، واقعے کی تحقیقات جاری ہیں اور ہم آسٹریلوی ایجنسیز کے ساتھ مل کر کام کر رہے ہیں۔
The post نیوزی لینڈ میں دہشتگردی، کیوی وزیراعظم کا مسلم کمیونٹی سے کیسے احتجاج کیا؟ appeared first on Global Current News.
اسلام آباد(جی سی این رپورٹ) دفتر خارجہ نے نیوزی لینڈ میں دہشت گردی کے واقعے کے بعد سے لاپتا پاکستانیوں کی فہرست جاری کردی۔ترجمان دفتر خارجہ ڈاکٹر فیصل کی جانب سے 9 پاکستانیوں کی فہرست جاری کی گئی ہے۔نیوزی لینڈ حملے: آسٹریلوی دہشت گرد کو عدالت میں پیش کردیا گیاترجمان نے بتایا کہ واقعے کے بعد سے ذیشان رضا اپنے والد اور والدہ سمیت لاپتا ہیں، اس کے علاوہ ہارون محمود، سہیل شاہد، سید ارب احمد اور سید جہانداد علی بھی لاپتا افراد میں شامل ہیں۔ترجمان دفتر خارجہ نے مزید بتایا کہ ایبٹ آباد کے رہائشی نعیم رشید اور طلحٰہ نعیم بھی لاپتا ہیں۔ڈاکٹر فیصل کا کہنا تھا کہ نیوزی لینڈ میں پاکستانی ہائی کمیشن اس حوالے سے مزید تفصیلات اکٹھی کررہا ہے۔ترجمان نے بتایا کہ دہشت گردی کے واقعے میں ایک زخمی پاکستانی شہری کی شناخت محمد امین کے نام سے ہوئی جو حافظ آباد کے رہائشی ہیں جب کہ محمد امین تشویشناک حالت میں آئی سی یو میں زیرِ علاج ہیں۔یاد رہے کہ گزشتہ روز آسٹریلوی دہشت گرد برینٹن ٹیرینٹ نے کرائسٹ چرچ کی دو مساجد میں نماز جمعہ کے دوران گھس کر اندھا دھند فائرنگ کی جس کے نتیجے میں 50 افراد جاں بحق اور متعدد زخمی ہوئے۔
The post سانحہ نیوزی لینڈ میں کتنے پاکستان لاپتا،فہرست سامنے آگئی appeared first on Global Current News.
لاہور(جی سی این رپورٹ) سابق وزیراعظم نوازشریف نے ضمانت سے قبل علاج کی غرض سے اسپتال جانے سے انکار کردیا۔ایڈیشنل چیف سیکریٹری پنجاب فضیل اصغر نے جیونیوز سے گفتگو کرتے ہوئے بتایا کہ نوازشریف نے طبی سہولتوں کی فراہمی سے متعلق ہمارے خط کا زبانی جواب دے دیا ہے، سابق وزیراعظم نے کہا ہےکہ وہ ضمانت سے قبل علاج کی غرض سے اسپتال نہیں جائیں گے۔ایڈیشنل چیف سیکریٹری کا کہنا تھاکہ نوازشریف کی اسپتال منتقلی کے لیے مختلف شخصیات کے ذریعے کوشش کی گئی، ان کے لیے اسپتال میں فل لوڈڈ ایمبولینس اور ڈاکٹر موجود رہتا ہے، ایمبولینس میں زندگی بچانے والی ادویات اور طبی سہولتیں موجود ہیں جب کہ نواز شریف کی بیرک میں ایک مشقتی کے علاوہ خصوصی گارڈ بھی تعینات کردیا گیاہے جو سابق وزیراعظم کی طبعیت سے متعلق جیل انتظامیہ کو آگاہ کرے گا۔فضیل اصغر نے مزید بتایا کہ نواز شریف کو صبح سے شام 5 بجے تک چہل قدمی کی اجازت ہوتی ہے، انہیں 5 بجے کے بعد سیل میں بند کردیا جاتا ہے۔یاد رہے کہ سابق وزیراعظم نواز شریف العزیزیہ ریفرنس میں 7 سال قید کی سزا کے باعث لاہور کی کوٹ لکھپت جیل میں قید ہیں۔
The post نواز شریف نے اپنے علاج کے بارے میں بڑا اعلان کردیا appeared first on Global Current News.
چودہ اور پندرہ مارچ کی درمیانی شب اسلام آباد کے ایک گھر میں بریگیڈئیرریٹائرڈ اسد منیر اپنی اہلیہ کے ساتھ موجود تھے۔ وہ سخت پریشان تھے۔ انہوں نے اپنی پستول نکالی اور اسے کنپٹی پر رکھ کر فائر کرنے کی کوشش کی۔ اہلیہ جاگ رہی تھیں انہوں نے پستول پکڑ لیا اور اسد منیر کو سمجھایا بجھایا۔ اسد بضد تھا کہ اس کو ہتھکڑی لگا کر اسکی توہین کی جائے گی۔ اہلیہ نے تسلی دی اور سلا دیا۔ وہ سمجھیں کہ شاید اب سب نارمل ہوگیا ہے۔ دونوں سوگئے۔ مگر اہلیہ کو کیا پتہ تھا کہ اسد منیر کے ذہن میں تو طوفان بپا تھا۔ اس نے اپنا آخری خط بھی لکھ رکھا تھا۔ نیند اس سے کوسوں دور تھی اور شاید وہ اپنی موت کے نت نئے منصوبے بنا رہا تھا۔
اسد منیر کا ملازم صبح چار بجے اٹھ کر چائے بناتا ہے کیونکہ وہ تہجد پڑھنے کا عادی ہے۔ صبح اسد کی اہلیہ بھی چار بجے اٹھیں تو دیکھا اسد موجود نہیں تھا۔ ایک کمرے سے دوسرے کمرے میں آواز دی مگر تیسرے کمرے میں اسد کی لاش چھت سے لٹک رہی تھی اس کی دنیا لٹ چکی تھی۔ اسد منیر کا ایک بھائی کرنل ریٹائرڈ خالد منیر ہے۔ بڑا سمجھدار اور دیدہ ور۔ اسے خبر دی گئی۔ لاش پوسٹمارٹم کے لیے اسپتال پہنچائی گئی اور اسد منیر کی موت کی خبر کچھ ہی دیر میں ٹی وی چینلزکی سرخیوں کا حصہ بن گئی۔ جولوگ اسد منیر کو جانتے ہیں ان سب کے لیے اسد منیر کی خودکشی کی خبر شاید اتنی حیران کن نہ تھی۔ وجہ سب کو معلوم ہے کہ اسد منیر اپنی عزت کا کس قدر قائل تھا۔ وہ اپنی توہین برداشت کرتا تھا نہ کوئی ایسا کام کرتا تھا جس سے اسے پشیمانی ہو۔ اس نے 1971میں فوج میں کمیشن لیا تھا۔ 1998میں ملٹری انٹیلی جنس میں آیا اور سال 2002میں وہ خیبر پختونخوامیں آئی ایس آئی کا کمانڈر تھا۔ اس کا ایک نام تھا عہدے کا اثر ایسا تھا کہ بڑے بڑے لوگ اس کے نام سے ڈرتے تھے مگر وہ ذاتی طورپر مختلف انسان تھا۔مگر وہ مختلف آدمی تھا۔ دوستوں کا دوست، قہقہوں کا شہزادہ۔ گپ شپ کا شیدائی اور گیان کا طالب۔ اسے اس کی خدمات کے عوض 2003میں ستارہ امتیاز سے نوازا گیا تھا۔ ایجنسی سے ریٹائرمنٹ کے بعد وہ سال 2006سے سال 2010تک سی ڈی اے شعبہ اسٹیٹ کا ممبر تھا۔ یہاں کرپشن عروج پرتھی مگر اسے خدا نے سب دے رکھا تھا۔ نام اور پیسے کے ساتھ ساتھ دو پیاری بیٹیوں کی دولت بھی اس کے پاس تھی۔ جن کی اس نے وقت پر شادی بھی کرڈالی تھی۔ وہ خود ذمہ داریوں سے آزاد تھا روپے پیسے کی ضرورت نہ تھی۔ سی ڈی اے آکر اس نے کرپشن بند کی شہریوں کے لیے آسانیاں پیدا کیں۔ کرپشن کرتا تو کرتا بھی کس کے لیے ؟سی ڈی اے کی کوریج کے لیے مشہورصحافی راجہ خالد بتاتے ہیں کہ اسد منیر بڑا سیدھا افسر تھا۔ کرپشن کا مخالف اور سخت ایماندار۔ سی ڈی اے میں ملازمت مکمل ہوئی تو وہ ایک غیر سرکاری ادارے سے منسلک ہوا اور معمول کی زندگی گزارنے لگا۔ وہ میڈیا پر انٹرویوز دیتا۔ اخبارات میں مضامین لکھتا اور دوستوں سے گپیں لگاتا۔ میری اسد منیر سے یاد اللہ ان کے مضامین پڑھ کر ہوئی۔ جب کبھی فوج یا انٹیلی جینس کے بارے کچھ سمجھنا ہو اکثر اسد بھائی سے رابطہ رہتا۔ اسد منیر اپریل 2017سے پریشان تھے۔ کیونکہ نیب نے اسے تنگ کرنا شروع کررکھا تھا۔ اس کا جرم صرف یہ تھا کہ اس نے ایک شہری کا سی ڈی اے کی طرف سے منسوخ شدہ پلاٹ قائدے کے مطابق بحال کرنے کی تحریری سفارش کی تھی جسے اس وقت کے چیئرمین نے درست سمجھتے ہوئے بحال کردیا تھا۔ اسی جرم کی پاداش میں نیب راولپنڈی کے حکام اسد منیر کو بلاتے ، انتظار کرواتے الٹے سیدھے سوال کرتے اور گھر بھیج دیتے۔ وہ اس کام کے لیے اپنے تعلقات استعمال کرتا نہ اپنی سابقہ طاقتور اداروں کا رعب۔ یہ شرافت ہی تھی کہ اسکا نام نیب کی سفارش پر نومبر 2017میں ای سی ایل پر ڈال دیا گیا۔ سال 2018میں اس کے خلاف کیسز بنائے جانے لگے اور نیب کی پریس ریلیز میں اس کا نام نمایاں کرکے شائع کیا گیا۔ وہ اس سے بہت پریشان تھا دو روزقبل بھی نیب کی طرف سے جاری اعلامیے میں اس کا نام لیا گیا تھا۔ وہ ہر بار ٹی وی اور اخبارات میں اپنا نام کرپشن کے معاملے پر دیکھتا تو تڑپ اٹھتا۔ اسے تکلیف اس بات کی تھی کہ نیب راولپنڈی کو اس نے جون 2018میں اپنے اثاثوں کی تفصیلات بھی دے رکھی تھیں مگر نیب کے تفتیشی مطمئن نہیں تھے۔ اس کی مسلسل تذلیل کی جارہی تھی جو اسے قبول نہ تھی۔ اس کے اعصاب جواب دے چکے تھے اسے رہ رہ کر خوف آتا تھا کہ اسے ہتھکڑیاں لگا کر میڈیا نمائندوں کے سامنے پریڈ کروائی جائے گی۔اس نے اپنے آخری خط میں چیف جسٹس آف پاکستان سے یہی درخواست کی کہ اس نظام میں بہتری لائی جائے جہاں نا اہل لوگ شریف لوگوں کی توہین کرتے ہیں۔ میرے ذاتی علم میں ایف آئی اے کے ایک افسر مظہر الحق کاکا خیل کا بھی اسی سے ملتا جلتا معاملہ ہے۔ نیب نے کسی دوسرے افسر کا تسلیم شدہ جرم اس افسر کے سر پر بھی ڈالا۔ بیچارہ مرتا کیا نہ کرتا ایسی ہی بے عزتی سے بچنے کے لیے جان چھڑائی مگر باتیں اور خبریں بیچارے کا آج بھی پیچھا نہیں چھوڑتیں۔نیب نے کچھ عرصہ قبل سابق وزیراعظم نوازشریف کے خلاف بھارت میں منی لانڈرنگ کرنے کا الزام بھی لگایا تھا جب ثابت ہوا کہ ایسا کوئی معاملہ سرے سے موجود ہی نہیں تو معذرت بھی نہ کی گئی۔ مسلم لیگ ن اور پیپلزپارٹی اپنے اپنے ادوار میں مصلحتوں کے باعث نیب قوانین میں کوئی تبدیلی نہیں لاسکے شاید تبدیلی کا نعرہ لگانے والے عمران خان کو اسد منیر کی لاش نیب قوانین میں تبدیلی پر آمادہ کردے؟ مگر کوئی امید نہیں صرف ایک خیال ہی ہے۔
آج کے دور میں کسی پر کرپشن کا الزام لگانا گوشت کی زبان کو ہلانے سے زیادہ کچھ نہیں۔ تحقیق، ثبوت ، گواہ کسی چیز کی کوئی ضرورت نہیں۔ محض شک کی بنا پر آپ کسی کو کرپٹ کہہ دیں ، چور کہہ ڈالیں یا پھر لفافہ۔ کہنے سے کیا فرق پڑتا ہے، تحقیق کی ضرورت ہی نہیں چاہے کسی کی جان جائے ؟ دراصل یہ خود ایک کرپٹ ذہنیت کی عکاسی ہے۔ نیب کی طرف سے آئے روز لوگوں پر کرپشن کے کیسز کھولنے کے بیانات جاری ہوتے ہیں۔ نیب کے ایگزیکٹو بورڈ اجلاس کے بعد جاری ہونے والا اعلامیہ ہم میڈیا والے بڑے چٹ پٹے انداز میں پیش کرتے ہیں۔ سوچتے بھی نہیں کہ یہ محض الزامات ہیں ابھی ثابت کچھ نہیں ہوا۔ کسی ملزم کو نیب گرفتار کرلے اور عدالت کے سامنے پیش کرے تو ہم کیمروں پر اس کی فوٹیج دکھانا بھی نہیں بھولتے۔ یہ الگ بات کہ جب وہی عدالت اسی ملزم کو باعزت بری کردے گی توکوئی شہ سرخی شائع کرے گا نہ ٹی وی بریکنگ نیوز نشر کرے گا۔سچ یہ ہے کہ بنا عدالتی احکامات لوگوں کو کرپٹ قراردینا اور کرپٹ کے طور پر پیش کرنا ہم سب کا جرم ہے۔ کوئی مانے یا نہ مانے مجھے نہیں لگتا کہ بریگیڈئیرریٹائرڈ اسد منیر نے کوئی خود کشی کی ہے سچ تو یہ ہے کہ اسد منیر کا قتل کیا گیا ہے اور اس قتل میں نیب کی پریس ریلیز اور ٹی وی چینلز کی سرخیاں اصل مجرم ہیں۔
The post بریگیڈئر (ر)اسد منیر کو قتل کیا گیا؟قاتل کون ؟جانیئے اس رپورٹ میں ۔۔۔ appeared first on Global Current News.
لندن (جی سی این رپورٹ)نیوزی لینڈ میں 2 مساجد میں حملے کے چند گھنٹوں بعد مشرقی لندن کی مسجد کے باہر ایک نمازی کو ہتھوڑے مارکر زخمی کردیا گیا۔ایک چشم دید گواہ کا کہنا ہے کہ کینن اسٹریٹ روڈ پر واقع مسجد کے قریب 3 افراد پر مشتمل گروپ نے اسلام کے خلاف نازیبا کلمات کہے۔چشم دید گواہ نے بتایا کہ تینوں افراد نے جمعہ کی نماز کے لیے آنے والوں کو ’’دہشت گرد‘‘ کہا۔پولیس کا کہنا ہے کہ حملہ آوروں نے ہتھوڑے کے وار سے ایک 27 سالہ شخص کو زخمی کردیا، اس کے سر پر زخم آئے ہیں۔حملہ آور واقعے کے بعد فرار ہوگئے۔اسپتال ذرائع کے مطابق واقعے میں ایک شخص معمولی زخمی ہوا ، جس کی حالت خطرے سے باہر ہے اور اسے طبی امداد کے بعد فارغ کردیا گیا ہے۔واقعے کی تحقیقات جاری ہیں تاہم اب تک کوئی گرفتاری عمل میں نہیں آسکی ہے۔
The post نیوزی لینڈ میں افسوسناک واقعہ کے بعد لندن کی مسجد سے بھی بری خبر آگئی appeared first on Global Current News.
کرائسٹ چرچ (جی سی این رپورٹ)نیوزی لینڈ کی دو مساجد میں فائرنگ کرنے والے دہشت گرد برینٹن ٹیرینٹ کو کرائسٹ چرچ کی عدالت میں پیش کر دیا گیا۔پولیس کے مطابق 28 برس کے مبینہ حملہ آور پر فی الحال قتل کا الزام عائد کیا گیا ہے، دیگر الزامات بعد میں لگیں گے۔مقامی میڈیا کے مطابق دائیں بازو کا سفید فام نسل پرست 28 سالہ برینٹن ٹیرینٹ آسٹریلوی شہری ہے ۔واقعے کے بعد نیوزی لینڈ بھر میں پولیس کاگشت بڑھا دیا گیا ہے، مساجد کی سیکیورٹی بھی سخت کردی گئی ہے
The post مساجد میں خون کی ندیاں بہنے والا دہشگرد عدالت میں پیش appeared first on Global Current News.
کرائسٹ چرچ(جی سی این رپورٹ)کرائسٹ چرچ میں مسجد پر حملے کے دوران ایبٹ آباد کے نعیم راشد نے دہشت گرد کو دبوچ لیا اور بیٹے طلحہٰ نعیم سمیت شہید ہو گیا ، ان کے اہل خانہ نے دونوں کی شہادت کی تصدیق کر دی ،نعیم راشد کے بھائی ڈاکٹر خورشید نے بتایا نعیم راشد ٹیچر تھے جو تدریس کے سلسلے میں وہاں مقیم تھے ، عینی شاہد کے مطابق دہشت گرد ایک مسجد میں قتل عام کرنے کے بعد جب دوسری مسجد میں پہنچا تو ایک نوجوان نے زندگی کی پروا نہ کرتے ہوئے اس پر چھلانگ لگا دی اور دہشت گرد کی گولیوں کا نشانہ بن گیا جبکہ زخمیوں میں حافظ آباد کا محمد امین بھی شامل ہے جس کے سینے اور پسلی میں گولیاں لگیں،اس کی حالت تشویشناک ہے، کراچی کا 27 سالہ اریب بھی زخمی ہوا جو فیڈرل بی ایریا کا رہائشی اور والدین کا اکلوتا بیٹا ہے،اریب چارٹرڈ اکاؤنٹنٹ ہے، اس کی فرم نے اسے نیوزی لینڈ بھیجا تھا، اس کی ٹانگ میں گولی لگی ،دوسری جانب ترجمان دفتر خارجہ نے 4 پاکستانیوں کے زخمی ہونے کی تصدیق کردی،ایک ٹویٹ میں ڈاکٹر محمد فیصل نے بتایا 5افراد لاپتا ہیں،پاکستانی ہائی کمیشن مسلسل رابطے میں ہے ،پولیٹیکل منسٹر سید معظم کو فوکل پرسن مقرر کر دیا گیا ، جن سے پاکستانیوں کی خیریت جاننے کےلئے رابطہ کیا جا سکتا ہے۔
The post نیوزی لینڈ مساجد میں حملہ، پاکستانی نوجوان کی بہادری، آپ داد دیئے بغیر نہ رہ سکیں گے appeared first on Global Current News.
ملتان(جی سی این رپورٹ)وزیرخارجہ شاہ محمود قریشی کا کہنا ہے کہ پیپلزپارٹی سے سابقہ ادوار کی لوٹ مار کا حساب مانگا تو بلاول زرداری کو عوام یاد آگئی، جب کہ مسلم لیگ (ن) بھی نوازشریف کی صحت پر سیاست کررہی ہے۔ملتان میں تقریب سے خطاب کرتے ہوئے وزیرخارجہ شاہ محمود قریشی کا کہنا تھا کہ پیپلزپارٹی اور مسلم لیگ (ن) سے حساب مانگتے ہیں تو وہ شور مچانا شروع کردیتے ہیں، احتساب کا وقت آیا تو دونوں جماعتوں نے چلانا شروع کردیا، پی پی سے سابقہ ادوار کی لوٹ مار کا حساب مانگا تو بلاول زرداری کو عوام یاد آگئی، جب کہ (ن) لیگ بھی نواز شریف کی صحت پر سیاست کررہی ہے، حالانکہ حکومت نے نواز شریف کو علاج معالجے کی بہترین سہولیات کی پیشکش کی ہے۔شاہ محمود قریشی کا کہنا تھا کہ ہم پاکستان کو آگے لے جانے کی بھرپور کوشش کررہے ہیں، خارجہ پالیسی کو پاکستان اور عوام کے مفاد میں تشکیل دے رہے ہیں، ملکی تاریخ میں پہلی بار وزیراعظم پاکستان نے تھر کے عوام کے لئے ہیلتھ کارڈ پانی اور سولر سسٹم جیسے منصوبے شروع کئے ہیں، قوم کو لٹیروں سے نجات دلائیں گے۔
The post شاہ محمود قریشی کے ن لیگ اور پیپلزپارٹی پر وار appeared first on Global Current News.
پشاور(جی سی این رپورٹ)خيبر پختونخوا حکومت نے صوبے بھر میں شاپنگ بیگز کے استعمال پر پابندی عائد کرتے ہوئے دفعہ 144 نافذ کردی جب کہ خلاف ورزی کرنے والوں پر 50 ہزار سے 50 لاکھ روپے جرمانہ اور دو سے تین سال قید ہوگی۔وزیراعلیٰ محمود خان کی جانب سے شاپنگ بیگز کے معاملے پر بنائی خصوصی کمیٹی کا اجلاس شوکت یوسف زئی کی صدارت میں ہوا جس میں محکمہ ماحولیات اور متعلقہ اداروں کے افسرآن نے شرکت کی۔شوکت یوسفزئی نے بتایا کہ شاپنگ بیگز کے استعمال پر فوری پابندی لگادی گئی ہے اور تمام ڈپٹی کمشنرز کو ہدایت جاری کری گئی ہے کہ شاپنگ بیگز کے استعمال کو روکنے کے لیے دفعہ 144 عائد کی جائے تاکہ اس کی اسمگلنگ کو بھی روکا جاسکے۔انہوں نے کہا کہ شاپنگ بیگز کے لیے خصوصی معیار مقرر کیا گیا اور اس فارمولے کے بغیر بنائے گئے شاپنگ بیگز کے استعمال پر پابندی ہوگی شاپنگ بیگز کے استعمال کو روکنے کے لیے قانون بنایا گیا ہے جو اس کی خلاف ورزی کرے گا اسے 50 ہزار سے 50 لاکھ روپے جرمانہ ہوگا اور دوبارہ خلاف ورزی کی تو دو سے تین سال قید کی سزا ہوگی۔
The post شاپنگ بیگز استعمال کرنے والے ہوجائیں گے ہوشیار ورنہ۔۔۔ appeared first on Global Current News.
کراچی(جی سی این رپورٹ)وفاقی وزیرشیخ رشید کا کہنا ہے کہ میرے چاہنے والوں کی تعداد بہت زیادہ ہے، اگر میں نے ٹویٹ کرنا سیکھ لی تو بلاول کے کپڑے پھٹ جائیں گے۔کراچی ائیرپورٹ پرصحافیوں سے گفتگو کرتے ہوئے وفاقی وزیر ریلوے شیخ رشید احمد کا کہنا تھا کہ مسلم لیگ (ن) اپنے کیسز لاہور میں اور پیپلز پارٹی اپنے مقدمات کراچی میں چلوانا چاہتی ہے، اپنے مقدمات اپنی مرضی کے شہر میں چلانے کا مطالبہ کرنے والے جمہوریت کے چیمپئن نہیں بلکہ یہ سب نیب زدہ، چور اور لٹیرے ہیں، نوازشریف اور زرداری نے ملک کو بری طرح نوچا ہے، میں چیف جسٹس سے اپیل کرتا ہوں کہ دونوں جماعتوں کے مطالبات کا نوٹس لیں۔شیخ رشید کا کہنا تھا کہ بلاول زرداری نے اگر اپنی زبان بند نہ کی تو میں سیاست کو سمجھتا ہوں، میرے چاہنے والوں کی تعداد بہت زیادہ ہے، کہیں ایسا نہ ہو کہ میں ٹوئٹ کرنا سیکھ لوں تو بلاول کے کپڑے پھٹ جائیں، بہتر ہوگا کہ بلاول اپنی سیات کریں زرداری کی سیات نہ کریں، بلاول جیل بھرو تحریک کیا چلائیں گے دیکھ لیں کہیں ایسانہ ہوکہ میانوالی کی جیل چلے جائیں۔وفاقی وزیر نے کہا کہ پوری کو شش ہے کہ ریلوے کو اصل حالت میں بحال کیا جائے، ریلوے کو لوگوں نے مفت کا مال سمجھا ہوا ہے، اربوں روپے کی اراضی پر قبضہ کر رکھا ہے، کراچی میں ٹریفک کا مسئلہ بسیں چلانے سے نہیں بلکہ سرکلر ریلوے کی بحالی سے ختم ہوگا۔
The post شیخ رشید کی بلاول کو بڑی دھمکی appeared first on Global Current News.
مقبوضہ بیت المقدس(جی سی این رپورٹ)اسرائیلی فوج نے نہتے فلسطینیوں پر 100راکٹ داغ کرنئی لڑائی چھیڑ دی۔ فلسطینیوں نے مسجد اقصیٰ کی تقسیم کاصہیونی فارمولامسترد کردیا۔ رپورٹ کے مطابق اسرائیلی فوج نے فلسطینی عسکری تنظیم حماس کے ٹھکانوں پر راکٹوں کی بارش کردی ۔ صہیونی فوج کے ترجمان نے دعویٰ کیا کہ تل ابیب پر حماس کی طرف سے دو راکٹ حملوں کے بعد اسرائیلی فوج نے راکٹ حملے شروع کئے جو رات بھر جاری رہے ۔ فوج کے ابتدائی اندازے کے مطابق دونوں راکٹ غلطی سے تل ابیب پر فائر ہوئے۔ اسرائیلی فوج نے ان راکٹ حملوں کے جواب میں دفاعی آئرن ڈوم میزائل نظام فعال کر دیا جس نے تباہ حال فلسطینی علاقوں میں مزید تباہی مچا دی ۔
اسرائیلی حکام نے ان حملوں میں حماس کے راکٹ سازی کے متعدد ٹھکانے تباہ کر نے کا دعویٰ کیا ہے ۔دوسری طرف حماس اور اسلامک جہاد کا مؤقف ہے کہ تل ابیب پر تازہ راکٹ حملوں میں وہ ہرگز ملوث نہیں ہیں۔ دوسری جانب خلاف توقع غزہ کی مارچ کمیٹی نے اسرائیلی سرحد پر ہفتہ وار مظاہرہ منسوخ کردیا۔ بیان کے مطابق یہ منسوخی مزید کشیدگی اور فلسطینی ہلاکتوں سے بچنے کیلئے کی گئی ہے۔ادھر فلسطینی وزارت خارجہ نے مسجد اقصیٰ کی نگرانی اور اس کی تقسیم کے اسرائیلی فارمولے کی سخت الفاظ میں مذمت کرتے ہوئے مسترد کردیاہے ۔ فلسطینی حکام نے کہاکہ جن اسرائیلی عہدیداروں نے مسجد اقصیٰ کی نگرانی کا کام تقسیم کرنے اور مسجد اقصیٰ کے حصے بخرے کرنے سے متعلق بیانات دیئے ہیں وہ طاقت کے غرور میں مبتلا ہیں۔ وہ غاصبانہ قبضے اور اس کی پالیسیوں کی لامحدود امریکی شہ سے ناجائز فائدہ اٹھا رہے ہیں۔انہوں نے کہا انتہا پسند اور نسل پرست اسرائیلی قائدین کو منہ کی کھانی پڑے گی۔اسرائیلی فوج کی حراست میں فلسطینی رکن پارلیمان احمد عطون کی قید میں مزید 4 ماہ کی توسیع کر دی ۔فلسطین اسیران کے حقوق کے لیے کام کرنے والے اداروں کی رپورٹ کے مطابق اسرائیلی فوج نے فروری میں روز مرہ کی بنیاد پر جاری کریک ڈاؤن میں 78 بچوں اور13 خواتین سمیت 569 فلسطینیوں کو حراست میں لے کر جیلوں میں ڈال دیا۔
The post دنیا کو نیوزی لینڈ کی دہشتگردی میں مگن کرکے اسرائیل نے نہتے فلسطینیوں پر ظلم کے پہاڑ توڑ ڈالے appeared first on Global Current News.
کراچی (جی سی این رپورٹ)شادی کا سیزن قریب ہے اور خواتین کو تقریبات میں پہننے کے لیے جوڑوں کے لیے نت نئے خیالات کی ضرورت پڑتی رہتی ہے۔اس ہی حوالے سے کراچی میں فیشن پاکستان ویک منعقد کیا گیا جس میں پاکستانی نامور ڈیزائنر جوڑی ثنا سفیناز کے سولو شو کو شائقین نے بےحد پسند کیا۔اس فیشن شو میں دلہنوں کے لیے شاندار عروسی جوڑے پیش کیے گئے جبکہ شادیوں کی تقریبات میں شرکت کرنے والی خواتین کے لیے بھی بہت سے خوبصورت جوڑے پیش کیے گئے جن سے متاثر ہونا بہت آسان ہے۔
اس فیشن شو میں نمائش کے لیے پیش کردہ 9 شاندار جوڑے مندرجہ ذیل ہیں:
یہ منفرد کام کے ساتھ بنائی قمیض اوور کوٹ کا لک پیش کررہی ہیں، اس کا سیاہ رنگ، بھاری کام شائقین کو متاثر کرنے میں کامیاب رہا۔
شادیوں میں ہمیشہ ایک ہی انداز کے جوڑے زیب تن کیے جاتے ہیں لیکن خوبصورت رنگوں اور کام کے ساتھ بنائی گئی یہ خوبصورت جیکٹ آپ کے انداز کو ایک الگ لک دے دے گی۔
سرخ رنگ کا یہ جوڑا یقیناً آپ اپنی کسی دوست یا کزن کی شادی میں ضرور پہننے کی خواہش مند ہوں گی۔
ویسے تو دلہنیں مہندی اور مایوں کی تقریبات میں ہمیشہ ایک ہی انداز کے جوڑے زیب تن کیے نظر آتی ہیں تاہم یہ نیا انداز آپ کو سب سے منفرد دکھا سکتا ہے۔
نوجوان لڑکیوں کو اپنے عروسی جوڑے کو منفرد اور دلچسپ بنانا ہے تو یہ جوڑا یقیناً ایک بہترین آپشن ہوگا۔
عموماً یہ پرنٹس خواتین کے لان کے جوڑوں میں دیکھائی دیتے ہیں تاہم ان کو عروسی جوڑوں کا حصہ بنانا یقیناً منفرد ہوگا۔
اگر آپ کو بھاری جوڑا بھی پہننا ہے اور گہرا رنگ کا انتخاب نہیں کرنا چاہ رہی تو یہ جوڑا بہترین انتخاب ہوگا۔
اگر آپ اپنی کزن یا دوست کی شادی میں ماڈرن نظر آنا چاہتی ہیں تو اس لباس کا انتخاب کریں۔
ماڈل حسنین لہری کی جانب سے پہنی جانے والی یہ سادہ سیاہ شیروانی نوجوان لڑکوں کے لیے شادی پر پہننے کا بہترین انتخاب ہوگا۔
The post برائڈل شو میں منفرد عروسی ملبوسات کی دھوم ،تصویری رپورٹ appeared first on Global Current News.
اسلام آباد(جی سی این رپورٹ)کیا آپ امراض قلب کو ہمیشہ خود سے دور رکھنا چاہتے ہیں؟تو سخت ورزش کی بجائے بس اپنے جسمانی طور پر اپنی سرگرمیوں کا دورانیہ بڑھا دیں جس سے امراض قلب کا خطرہ 22 فیصد تک کم ہوجاتا ہے۔یہ بات امریکا میں ہونے والی ایک طبی تحقیق میں سامنے آئی۔کیلیفورنیا یونیورسٹی کی تحقیق میں بتایا گیا کہ ہلکی پھلکی ورزش بھی ہارٹ اٹیک سے موت کا خطرہ 42 فیصد تک کم کرنے کے لیے کافی ہے۔تحقیق میں دریافت کیا گیا کہ ہلکی پھلکی جسمانی سرگرمیاں یعنی روزمرہ کی مصروفیات جیسے چہل قدمی، لباس پہننا، برتن دھونا، سائیکل چلانا یا سیڑھیاں چڑھنا وغیرہ دل کی صحت کو بہتر بناتی ہیں۔اس تحقیق کے دوران 6 ہزار صحت مند خواتین کے ڈیٹا کا تجزیہ کیا گیا جس کے دوران ایک ہفتے تک فٹنس ٹریکرز انہیں پہنائے گئے۔اس کے بعد 5 سال تک ان کی صحت کا جائزہ لیا گیا، جس کے دوران 670 سے زائد خواتین میں امراض قلب یا خون کی شریانوں کے دیگر امراض سامنے آئے۔محققین نے دریافت کیا کہ روزانہ 5 سے 10 گھنٹے تک جسمانی طور پر مصروف رہنا دل کی صحت کو بہتر بناتا ہے۔چونکہ سب کے لیے پانچ گھنٹے تک مصروف رہنا ممکن نہیں تو جس حد تک ممکن ہو جسمانی سرگرمیاں بڑھا دینا بھی امراض قلب کو دور رکھنے میں مدد دے سکتا ہے، یعنی دن بھر میں آدھے گھنٹے کی اضافی سرگرمی جلد موت کا خطرہ کم کرسکتی ہے۔
The post دل کی بیماریوں کو ہمیشہ دور رکھنا چاہتے ہیں؟ appeared first on Global Current News.
اسلام آباد(جی سی این رپورٹ)سابق ممبر اسٹیٹ سی ڈی اے بریگیڈیئر ریٹائرڈ اسد منیر نے خودکشی کرلی۔پولیس ذرائع کے مطابق بریگیڈیئر (ر) اسد منیر کی لاش ڈپلومیٹک انکلیو میں ان کے فلیٹ پر پنکھے سے لٹکی ہوئی ملی ہے۔گزشتہ روز قومی احتساب بیورو (نیب) ایگزیکٹو بورڈ اجلاس میں اسد منیر کے خلاف ریفرنس دائر کرنےکی منظوری دی گئی تھی، ان پر نیب نے اختیارات کا ناجائز استعمال کرتے ہوئے ایف 11 میں پلاٹ بحال کرنے کا الزام لگایا گیا تھا۔خاندانی ذرائع کے مطابق اسد منیر گزشتہ روز سے میڈیا پر چلنے والی خبروں پر کافی پریشان تھے اور خاندانی ذرائع نے پولیس کو اپنے بیان میں کہا کہ اسد منیر نے کہا تھا کہ یہ نیب میرا پیچھا کیوں نہیں چھوڑتا۔دوسری جانب بریگیڈیئر (ر) اسد منیر کے اہلخانہ نے اسلام آباد انتظامیہ نے پوسٹ مارٹم نہ کرانے کی درخواست کی جسے ڈپٹی کمشنر اسلام آباد نے منظور کرلیا۔یاد رہے کہ بریگیڈیئر (ر) اسد منیر عسکری انٹیلی جینس ایجنسی پشاور کے ڈائریکٹر بھی رہے ہیں۔
The post سی ڈی اے ایک سابق اہم عہدیدار نے خود کشی کیوں کرلی؟ appeared first on Global Current News.
کراچی(جی سی این رپورٹ) بینکنگ کورٹ نے میگا منی لانڈرنگ کیس میں آصف زرداری اور فریال تالپور کی ضمانتیں واپس لیتے ہوئے مقدمے کو اسلام آباد منتقل کرنے کا حکم دے دیا۔کراچی کی بینکنگ کورٹ نے میگا منی لانڈرنگ کیس کا فیصلہ محفوظ کیا تھا جسے جمعہ کے روز سنایا گیا۔عدالت نے اپنے فیصلے میں میگا منی لانڈرنگ کے کیس کو کراچی سے اسلام آباد منتقل کرنے کا حکم دیا جب کہ عدالت نے سابق صدر آصف زرداری اور فریال تالپور سمیت دیگرملزمان کی ضمانتیں واپس لیتے ہوئے تمام ملزمان کی زر ضمانت بھی خارج کرنے کا حکم دیا۔دوسری جانب آصف زرداری کیس کے سلسلے میں بینکنگ کورٹ میں پیش ہوئے اور اپنی آخری حاضری لگائی۔اس موقع پر صحافی نے سابق صدر سے سوال کیا کہ آپ کا کیس اسلام آباد منتقل ہوگیا ہے اس پر کیا کہیں گے؟ اس پر آصف زرداری نے جواب دیا کہ کیس ٹرانسفر ہونے سے کوئی فرق نہیں پڑتا۔دوسری جانب ذرائع کا کہنا ہےکہ آصف زرداری اور فریال تالپور نے بینکنگ کورٹ کے حکم کو چیلنج کرنے کا فیصلہ کیا ہے اور فیصلے کے خلاف ایک دو روز میں ہائی کورٹ سے رجوع کیا جائے گا۔
The post منی لاڈرنگ کیس، پاکستان پیپلزپارٹی کیلئے بری خبر آگئی appeared first on Global Current News.
کرائسٹ چرچ (جی سی این رپورٹ)نیوزی لینڈ کے دورے پر آئی ہوئی بنگلا دیش کی کرکٹ ٹیم فائرنگ کی زد میں آنے سے بال بال بچ گئی ہے، جس کے کھلاڑی فائرنگ کے وقت نماز جمعہ ادا کرنے کے لیے مسجد آئے ہوئے تھے۔پریس کانفرنس کرتے ہوئے بنگلا دیش کرکٹ ٹیم کے کپتان تمیم اقبال نے کہا کہ بنگلا دیشی کرکٹ ٹیم کے تمام کھلاڑی اس واقعے میں محفوظ رہے۔بنگلا دیشی کرکٹر مشفق الرحیم نے اس موقع پر کہا کہ مسجد میں بنگلا دیشی ٹیم بھی موجود تھی جو اس واقعے میں محفوظ رہی۔انہوں نے کہا کہ ہم بہت خوش قسمت رہے کہ فائرنگ کے اس واقعے میں اللہ تعالیٰ نے ہمیں محفوظ رکھا، ہم کبھی نہیں چاہیں گے کہ ایسا دوبارہ ہو۔فائرنگ کے واقعے کے بعد نیوزی لینڈ اور بنگلادیش کے درمیان کل سے کرائسٹ چرچ میں کھیلا جانے والا تیسرا ٹیسٹ منسوخ کر دیا گیا ہے جس کے بعد بنگلا دیش ٹیم نے دورۂ نیوزی لینڈ ختم کرتے ہوئے واپسی کے انتظامات شروع کردیے ہیں۔
Bangladesh team escaped from a mosque near Hagley Park where there were active shooters. They ran back through Hagley Park back to the Oval. pic.twitter.com/VtkqSrljjV
— Mohammad Isam (@Isam84) March 15, 2019
The post نیوزی لینڈ کے دورے پرموجود بنگلہ دیش کرکٹ ٹیم پر مساجد حملوں میں کیا ہوا؟ویڈیو دیکھیں appeared first on Global Current News.
لاہور (جی سی این رپورٹ)منی لانڈرنگ کے الزامات پر معروف صنعت کار میاں منشاء نیب لاہور میں پیش ہوگئے جبکہ ان کے بیٹے طلب کئے جانے کے باوجود پیش نہیں ہوئے۔میاں منشا سے نیب کی مشترکہ تفتیشی ٹیم نے ڈھائی گھنٹے تک پوچھ گچھ کی۔تفصیلات کے مطابق نیب نے منی لانڈرنگ کیس میں صنعتکار میاں منشا اور ان کے بیٹوں میاں حسن منشاء اور میاں عمر منشاء کو طلب کیا تھا تاہم جمعرات کے روز میاں منشا اکیلے نیب کے روبرو پیش ہوئے جہاں پر تفتیشی ٹیم نے ان سے ڈھائی گھنٹے تک پوچھ گچھ کی۔نیب ذرائع کے مطابق میاں منشاء نے غیر قانونی طور پر لاکھوں پاؤنڈ کی رقم پاکستان سے برطانیہ منتقل کی جس سے برطانیہ میں سینٹ جیمز ہوٹل اینڈ کلب خریدا۔ نیب کی تفتیشی ٹیم نے میاں منشا اور ان کے بیٹوں کو سینٹ جیمز اینڈ کلب کی خریداری کا مکمل منی ٹریل دینے اور کلب کے مالکانہ دستاویزات بھی جمع کرانے کی ہدایت کی ہے۔نیب میاں منشاء اور ان کے بیٹوں کو دومرتبہ پہلے بھی طلب کرچکا ہے تاہم میاں منشا صرف ایک بار جبکہ انکے بیٹے ایک بار بھی نیب میں پیش نہیں ہوئے۔
The post میاں منشا نیب میں پیش،ان پر کیا الزامات ہیں، کتنے گھنٹے تفتیش کی گئی؟ appeared first on Global Current News.
لاہور(جی سی این رپورٹ ) تھانہ ملت پارک کے علاقہ میں مبینہ طور پر سسرالیوں نے 35سالہ بہو کو پٹرول چھڑک کر آگ لگا کر زندہ جلا دیا۔ خاتون کی تین ماہ پہلے شادی ہوئی تھی ۔ پولیس نے خاتون کی لاش مردہ خانے جمع کرواتے ہوئے قانونی کارروائی شروع کردی ۔تفصیلات کے مطابق مانگا منڈی کی رہائشی نسرین کی تین ماہ قبل ملت پارک کے علاقہ اعظم چوک کے رہائشی شہزاد سے شادی ہوئی تھی۔شادی کے چند روز بعد ہی دونوں میاں بیوی کے در میان لڑائی جھگڑئے شروع ہو گئے۔ اسکا خاوند چھوٹی چھوٹی بات پر اسکو تشدد کا نشانہ بناتا رہتا تھا اس تشدد کے بارے میں اس نے اپنے والدین کو بھی آگاہ کر دیا تھا ۔ گزشتہ روز نسرین کو اس کے شوہر شہزاد نے اپنے بھائی اور والدہ کے ساتھ ملکر پٹرول چھڑک کر آگ لگادی جس سے وہ بری طرح جھلس گئی،ملزموں نے نسرین کے اہل خانہ کو اطلاع دی کہ نسرین گرم پانی گرنے سے جھلس گئی ہے۔خاتون کو طبی امداد کے لئے جناح ہسپتال منتقل کیا گیا جہاں وہ چند گھنٹے زیر علاج رہنے کے بعد دم توڑ گئی ۔جھلس کر ہلاک ہونے والی خاتون کی بہن کا کہنا ہے کہ جب سے میری بہن کی شادی ہوئی ہے تب سے یہ میری بہن پر تشدد کر رہے ہیں میر ی بہن کو اسکے خاوند نے اپنے گھر والوں سے ملکر پٹرول چھڑک کر زندہ جلا دیا ہے ہمارے ساتھ بہت ظلم کیا گیا ہے ۔ اعلیٰ حکام نوٹس لیں اور ملزموں کو سزا دلوائیں ۔ پولیس کے مطابق خاتون کے والدشفقت محمود کے بیان پر واقعہ کا مقدمہ درج کرلیا گیا ۔مقدمہ میں مقتولہ کے شوہر شہزاد اسکے بھائی اور اسکی والدہ کو نامزد کیا گیا۔مقتولہ کے شوہر کو گرفتار کرلیا گیا ہے۔
The post ایک اور حوا کی بیٹی کو زندہ جلا دیا گیا،افسوسناک واقعہ میں کون کون ملوث؟ appeared first on Global Current News.
اسلام آباد(جی سی این رپورٹ)اگر آپ کانوں کی صفائی کے لیے کاٹن سواب یا روئی کی سلائی کا استعمال کرتے ہیں تو اس عادت کو ترک کردینا ہی بہتر ہے کیونکہ یہ فائدے کی بجائے نقصان پہنچا سکتی ہے۔ایسا ہی ایک واقعہ برطانیہ میں پیش آیا جہاں ایک شخص نے کانوں کی صفائی کے لیے روئی کی ان سلائیوں کا استعمال کیا تو اسے جان لیوا انفیکشن ہوگیا جو نہ صرف سماعت کو متاثر کرنے کا باعث بننا بلکہ وہ دماغی تک پھیل گیا۔اس 31 سالہ شخص کو اس مسئلے کا سامنا اس وقت ہوا جب اس سلائی سے روئی اس کے کان کے پردے میں پھنس گئی۔اگرچہ کچھ مقدار میں روئی کا کان میں رہ جانا بظاہر بے ضرر لگتا ہے مگر اس معاملے میں یہ تباہ کن ثابت ہوا کیونکہ اسے شدید بیکٹریل انفیکشن کا سامنا ہوا جو کان کے پردے سے پھیل کر کھوپڑی تک پہنچا اور پھر دماغ تک جاپہنچا۔اس کے بعد ڈاکٹر نے آپریشن کرکے روئی کو نکالا اور مریض کو ایک ہفتے تک ہسپتال میں گزارنا پڑا جبکہ 2 ماہ کے لیے ادویات کے کورس سے بھی گزرنا پڑا جس کے بعد اب سے سننے یا سوچنے کے مسائل کا سامنا نہیں۔اس سے قبل بھی ایک طبی تحقیق میں کہا گیا ہے کان صاف کرنے والی یہ سلائی استعمال کرنا درحقیقت بڑی غلطی ہے، کیونکہ کان میں جمع ہونے والا مواد نقصان دہ نہیں ہوتا۔عام طور پر جب کوئی شخص اس سلائی کو کان کے اندر ڈالتا ہے تو وہ مواد یا میل کو زیادہ صاف نہیں کرتا بلکہ اسے دھکیل کر پردے کی جانب لے جاتا ہے۔کان کے پردے کو آواز کی ارتعاش یا وائبریشن کی ضرورت ہوتی ہے اور اگر آپ اس مواد کو قریب لے جاتے ہیں تو قوت سماعت کو نقصان پہنچ سکتا ہے۔یہاں تک کہ متعدد ممالک میں ان کاٹن سواپ کے ڈبوں پر یہ وارننگ بھی ہوتی ہے ‘ اسے اپنے کان کے اندر نہ ڈالیں’۔مریکن اکیڈمی آف Otolaryngology نے اس حوالے ہدایات جاری کرتے ہوئے خبردار کیا ہے کہ ان سلایوں کو کسی صورت کانوں کی صفائی کے لیے استعمال نہ کریں۔ہدایات کے مطابق ‘ اس سلائیوں میں لگی روئی کانوں کے اندر الگ ہوسکتی ہے اور ایسا ایک کیس بھی سامنے آیا تھا جس کے نتیجے میں ایک شخص کو دماغی طور پر نقصان پہنچا’۔واضح رہے کہ کان میں جمع ہونے والا مواد ایک حفاظتی ڈھال کا کام کرتی ہے جو کان کے پردے کو کیڑوں مکوڑوں سے بچانے کا کام کرتا ہے۔اسی طرح محققین کا کہنا ہے کہ کان کا مواد تیزابی ہوتا ہے جو فنگس کو کان کے اندر پھیلنے سے روکتا ہے جبکہ اس میں بال، مٹی اور مردہ جلد کے ذرات بھی پھنس جاتے ہیں جو کسی طرح کان تک پہنچ جاتے ہیں۔
The post کانوں کی صفائی میں یہ احتیاط لازمی کریں۔۔ appeared first on Global Current News.
نئی دہلی (جی سی این رپورٹ)پولیس نے بھارتی ٹیم کے فاسٹ باؤلر محمد شامی کے خلاف تشدد سمیت جنسی طورپر ہراساں کرنے کا مقدمہ درج کرلیا۔خبررساں ادارے اے ایف پی کے مطابق محمد شامی کے اہلیہ حسین جہان نے الزام عائد کیا کہ ان کے شوہر جسمانی و جنسی تشدد سمیت دیگر جرائم میں بھی ملوث ہیں۔واضح رہے کہ مارچ 2018 میں محمد شامی اور ان کی اہلیہ کے مابین تنازع سامنے آیا جس میں شریک حیات نے سنگین الزامات لگائے تھے۔دوسری جانب انگلینڈ اور ویلز میں کھیلے جانے والے کرکٹ ورلڈ کپ میں محمد شامی بھارت بالروں کی رہنمائی کریں گے۔خیال رہے کہ محمد شامی کی اہلیہ سابق ماڈل ہیں اور انہوں نے عوامی سطح پر الزام لگایا تھا کہ محمد شامی کے متعدد لڑکیوں کے ساتھ تعلقات ہیں۔کلکلتہ میں پبلک پراسیکیوٹر ڈیپ نارائن پارکاشی نے بتایا کہ ’محمد شامی کے خلاف انڈین پینل کوڈ کی شق 498 اے (ذہنی، جسمانی تشدد اور جہیز کے نام پر ہراساں کرنا) اور 354 اے (تشدد اور جنسی ہراساں) کے تحت چارج شیٹ درج کی جا چکی ہے۔ان کا کہنا تھا کہ ’اگر محمد شامی کے خلاف الزامات درست ثابت ہوئے توانہیں 5 برس قید کی سزا ہو سکتی ہے‘۔ دوسری جانب ان کی اہلیہ کی جانب سے عائد کردہ تمام الزامات کو محمد شامی مسترد کر چکے ہیں۔اس حوالے سے بتایا گیا کہ بھارتی کرکٹ بورڈ نے محمد شامی کے ساتھ طے پانے والے معاہدہ کو تاحال حتمی شکل نہیں دی۔خیال رہے کہ بھارتی کرکٹ بارڈ کی جانب سے حال میں محمد شامی کو تمام کرپشن الزامات میں بری قرار دیا گیا تھا جس کے بعد انہیں دنیا کے امیر ترین کرکٹ بورڈ کی جانب سے ازسر نو معاہدہ طے کرنے کی پیشکش کی تھی۔محمد شامی آئی پی ایل میں دہلی ڈیئر ڈیولز کی نمائندگی کرتے ہیں اور موجودہ تنازع کے بعد فرنچائز نے انہیں نہ کھلانے کے حوالے سے سوچ بچار شروع کردی ہے۔دہلی ڈیئر ڈیولز کے چیف ایگزیکٹو نے اپنے بیان میں کہا کہ شامی کی آئی پی ایل میں شرکت کے حوالے سے ہم نے بی سی سی آئی سے رابطہ کیا ہے اور وہ جو بھی ہدایات دیں گے اس کے بعد ہی ان کی لیگ میں شرکت کے بارے معلوم ہو گا۔
The post بھارتی کرکٹر محمد شامی بڑی مشکل میں گرفتار appeared first on Global Current News.
اسلام آباد(طارق عزیز)چینی صدر شی جن پنگ کے زیر صدارت‘‘ون بیلٹ ون روڈ’’ کانفرنس 25سے 27 اپریل کو بیجنگ میں ہوگی جس میں وزیراعظم عمران خان، روسی صدر پوٹن، ڈاکٹر مہاتیر محمد سمیت 20سے زائد ممالک کے سربراہان مملکت شریک ہوں گے، کانفرنس کی سائیڈلائن پروزیراعظم عمران خان کی روسی صدر پوٹن سے ملاقات متوقع ہے جس کیلئے وزارت خارجہ نے ہوم ورک شروع کر دیا ہے ، کانفرنس میں حکومتی وفد کے علاوہ چینی سفارتخانہ اپنے طور پر پاکستان سے مختلف شعبہ ہائے زندگی سے تعلق رکھنے والے افراد کو مدعو کریگا، علاوہ ازیں اپوزیشن جماعتوں سے تعلق رکھنے والے ارکان پارلیمنٹ بھی ون بیلٹ ون روڈ میں چین کی دعوت پر شریک ہوں گے،کانفرنس میں جی سیون ممالک سے اٹلی کے وزیراعظم بھی شرکت کریں گے اور عرب ممالک کے سربراہان کی شرکت بھی متوقع ہے، سری لنکا، نیپال، فلپائن کے سربراہوں نے کانفرنس میں شرکت کی چین کو یقین دہانی کرا دی ہے۔
The post بیجنگ میں ون بیلٹ ون روڈ کانفرنس،عمران خان کی کس بڑے عالمی رہنما سے ملاقات متوقع appeared first on Global Current News.
میری رہائش یونیورسٹی کے اندر پروفیسرز کالونی میں ہے آج جب پاکستان کے شاہینوں نے دشمن کے دو مگ (۲۱) جہازوں کو مار گرایا تو اس وقت میں آفس جانے کی تیاری کر رہا تھا پاس کوئی بھی نہیں تھا لیکن خود پاکستان زندہ باد، پاک فوج اور فضائیہ زندہ باد کے ساتھ ساتھ نعرہ تکبیر بھی لگا رہا تھا اور جواب بھی اپنے آپکو خود دے رہے تھا
سر فخر سے بلند تھا اور گھر سے نکلا سوچا ترک عوام کو پتہ نہیں ہوگا لیکن جوں ہی یونیورسٹی کیمپس میں داخل ہوا تو میل اور فی میل دونوں سٹوڈنٹس دور سے فتح کا نشان بناکر سلام دے رہے تھے اس پر مسرت اور جذباتی لمحات میں ایک بجے کلاس داخل ہوا اور چہرہ خوشی سے تمتما رہا تھا کہ میرے داخل ہوتے ہی کلاس میں موجود طالب علموں نے پاکستان زندہ باد کے نعرے لگانے شروع کردیے مجھے بھی موقع ملا کہ کوئی جواب اور ساتھ دینے والا ہے اس لیے اور خوب نعرہ بازی کی جسکو سنتے ہوئے ساتھ والے کلاس روم سے مصری کولیگ اور طالب علم بھی نکل ائے اور ہمارے ساتھ شریک ہوئے میں نے فخر سے اپنے شاہینوں کے دشمن کو دندان شکست جواب پر مفصل روشنی ڈالی اور انھوں نے خوشی اور شاباش کے ساتھ پاکستان عوام کے ساتھ دلی وابستگی کا اظہار کیا۔
کلاس کے بعد کولیگز اور دیگر دوستوں کے آنے کا سلسلہ جاری رہا اور میں فخر سے ان سے مبارکباد وصول کر رہا تھا یوں محسوس ہو رہا تھا کہ ان جہازوں کو حسن محمود نے نہیں بلکہ میں نے گرایا ہے، اور ساتھ شکر گزار بھی تھا کہ ایک تو اللہ تعالی نے ہمارے سینوں کی آگ ٹھنڈی کی اور دشمن کو منہ توڑ جواب مل گیا جو آئندہ نسلوں کے لیے تاریخ کی کتب میں محفوظ رہے گا اور ساتھ اللہ کا شکر گزار تھا کہ جس قوم کے بارے میں میرا یقین تھا کہ یہ ہمارا خون ہیں اور ان کے بارے میں اکثر لکھتا تھا آج انھوں نے ثابت کیا کہ واقعی ترکی ہمارا گھر اور ترک ہمارا خون ہیں۔
واقعی دنیا میں کلمہ کے رشتے سے بڑھ کر کوئی رشتہ نہیں، اور اس غیرت مند قوم نے سرکاری وغیر سرکاری سطح پہ پاکستان کا ساتھ دینے کا اعلان کیا جس سے میرا سر فخر سے اتنا بلند ہوا جتنا آج کی کاروائی میں کامیابی پہ بلند ہوا تھا کیونکہ ترک عوام اور اردوغان کے حوالے سے لکھنے پر اکثر نادان دوستوں سے بہت باتیں سنی ہیں۔
ایک وقت تھا جب ترکی نے فضائی حدود کی خلاف ورزی پر روسی جنگی جہاز مار گرایا تھا تو ہم ترکی سے سوشل میڈیا پہ ساتھ ہونے کے لیے ٹرینڈ چلا رہے تھے آج وہی قوم ہمارے ساتھ اظہار محبت اور ساتھ ہونے کے لیے سوشل میڈیا پہ سر گرم ہیں اور پاکستانی عوام کے ساتھ دل دھڑکنے کی باتیں کرتے ہیں۔
پاک ترک دوستی زندہ باد
پاکستان پائندہ باد
عالم خان_ترکی
The post جب بھارتی میگ 21کی تباہی پر ترکی میں بھی پاکستان زندہ باد کے نعرے لگے۔۔ appeared first on Global Current News.
اسلام آباد(جی سی این رپورٹ) انٹرنیشنل پبلک انسٹی ٹیوٹ نے پاکستان میں نئی حکومت کے حوالے سے تازہ سروے جاری کردیا جس کے مطابق ملک کی کمزور معیشت پاکستانیوں کے لئے فکر مندی کا باعث ہے۔ایک رپورٹ کے مطابق کے مطابق انٹرنیشنل پبلک انسٹی ٹیوٹ کی جانب سے پاکستان کی نئی حکومت کے حوالے سے سروے جاری کردیا گیا ہے، یکم نومبر سے 22 نومبر تک کئے گئے سروے میں 18سال سے زائد عمر کے 3 ہزار 991 افراد کی رائے لی گئی۔سروے رپورٹ کے مطابق جولائی 2018کے انتخابات کو اکثریت نے منصفانہ قرار دیا، 84 فیصد اکثریت نے انتخابی نتائج کو بالکل درست، 46 نے صرف درست قرار دیا، مجموعی طور پر83 فیصد افراد نے انتخابات کو مکمل طور پر آزاد و منصفانہ جب کہ 50 فیصد نے صرف آزاد اور منصفانہ قرار دیا۔رپورٹ میں بتایا گیا ہے کہ پاکستان میں بہترین جمہوریت کے حامی 16 فیصد، اچھی ہے 43 فیصد، درست نہیں 6 فیصد اور زیادہ درست نہیں 32 فیصد کی رائے ہے، اب تک مجموعی طور پر56 فیصد افراد نے حکومت پر اعتماد کا اظہارکیا، 57 فیصد لوگوں کا خیال ہے وزیراعظم بہت اچھا جارہے ہیں، 17 فیصد اچھا اور 40 فیصد کہتے ہیں اب تک ٹھیک ہیں۔پاکستانی عوام حکومت کو الیکشن میں کئے گے وعدوں پرعمل کے لئے وقت دینے کی حامی ہے، 40 فیصد نے وعدے پورے کرنے کے لئے ایک سال جب کہ 26 فیصد نے حکومت کو 2 سال دینے کی حمایت کی ہے۔ریجنل ڈائریکٹر ایشیاء آئی آر آئی جوہانہ کاؤ کے مطابق ملک کی کمزور معیشت پاکستانیوں کے لئے فکر مندی کا باعث ہے۔رپورٹ میں کہا گیا ہے کہ عوام نے ملکی معیشت پر تشویش کا اظہار کیا ہے، 60 فیصد پاکستانی ملک کی سماجی و اقتصادی صورتحال سے غیر مطمئن، 38 فیصد کا اظہارِاطمینان ہے، معیشت کو 9 فیصد نے درست سمت، 29 فیصد نے غلط اور38 نے لاعلمی کااظہار کیا۔39 فیصد عوام کو امید ہے معیشت بہتر ہوگی۔ 39 فیصد افراد نے افراط زر، 15 فیصد نے بے روزگاری اور 18فیصد نے غربت کو اہم مسئلہ قرار دیا، جبکہ 18 سے 35 سال کے77 فیصد افراد نے روزگار کی کمی کو بڑا چیلنج قرار دیا ہے۔رپورٹ کے مطابق سیکیورٹی صورتحال کو17 فیصد نے درست، 39 فیصد نے غلط اور 29 فیصد نے لاعلمی کا اظہار کیا، جب کہ آئندہ سالوں کے لئے 43 فیصد نے سیکیورٹی صورتحال کی بہتری کی امید ظاہر کی۔نئے صوبوں کے حوالے سے رپورٹ میں بتایا گیا ہے کہ تقریباً 46 فیصد افراد نے نئے صوبوں کی حمایت 18 فیصد نے مخالفت اور 21 فیصد نے سخت مخالفت کی، 39 فیصد نے جنوبی پنجاب صوبہ کی حمایت، 26 فیصد نے مخالفت 28 فیصد نے سخت مخالفت کی ہے۔ 59 فیصد نے فاٹا کو خیبر پختونخواہ میں شامل کرنے، 24 فیصد نے مخالفت اور 7 فیصد نے سخت مخالفت کی۔رپورٹ کے مطابق 35 فیصد کا خیال ہے لوڈ شیڈنگ کی صورتحال بہتر ہوگی، 30 فیصد کے مطابق صورتحال بہتر نہیں ہوگی اور25 فیصد نے کوئی جواب نہیں دیا۔ پینے کے پانی کی فراہمی کی صورتحال کو 9 فیصد نے درست31 فیصد نے غلط اور29 فیصد نے لاعلمی کااظہار کیا۔
The post حکومت کی معاشی پالیسیوں بارے تازہ سروے، عوام کیا کہتی ہے؟ appeared first on Global Current News.
کراچی (جی سی این رپورٹ)پاکستان سپر لیگ کے فائنل میں فوجی کیپس پہن کر شرکت سے متعلق سوال پر ترجمان پاک فوج نے کہا کہ کھیل سیاست سے مبرا ہوتے ہیں۔بھارت نے آسٹریلیا کے خلاف ہوم سیریز کے تیسرے ایک روزہ میچ میں فوجی ٹوپیاں پہن کر شرکت کی تھی جس پر پاکستان کرکٹ بورڈ نے آئی سی سی سے ایکشن لینے کا مطالبہ کیا تھا۔وزیر خارجہ شاہ محمود قریشی اور وزیر اطلاعات فواد چوہدری نے بھی بھارتی اقدام کی مذمت کرتے ہوئے کہا تھا کہ کھیل کو سیاست نذر نہ کیا جائے۔اب سوشل میڈیا پر اس حوالے سے باقاعدہ مہم بھی شروع ہو گئی کہ پی ایس ایل کا فائنل فوجی کیپس پہن کر کھیلا جائے اور بھارت کو منہ توڑ جواب دیا جائے۔ڈی جی آئی ایس پی آر میجر جنرل آصف غفور نے سوشل میڈیا پر اپنے ٹوئٹ میں لکھا کہ پیارے پاکستانی پی ایس ایل فائنل میں فوجی کیپس اور شرٹس دیکھنا چاہتے ہیں، پاک فوج پاکستانیوں کی محبت اور حمایت کی قدر کرتی ہے لیکن کھیل سیاست سے مبرا ہوتے ہیں۔میجر جنرل آصف غفور نے مزید کہا کہ ہمارا اتحاد ایسے جذبہ خیر سگالی سے بھی بڑھ کر ہے، روشنیوں کے شہر میں کھیل سے لطف اندوز ہوں۔
Dear Pakistanis u are desirous to put on military style caps/shirts during PSL Final. Pak Armed Forces humbly acknowledge your love & support. Sports are beyond politics & we believe that our bondage is beyond such gestures alone. Enjoy the game in CityOfLights.#PakistanZindabad
— Maj Gen Asif Ghafoor (@OfficialDGISPR) March 14, 2019
The post پی ایس ایل کے فائنل میں فوجی ٹوپیاں پہننے کے سوال پر پاک فوج کا دبنگ جواب آگیا appeared first on Global Current News.
*ﺍﯾﮏ شخص ﺭﺳﻮﻝ ﺍﻟﻠﮧ ﺻﻠﯽ ﺍﻟﻠﮧ ﻋﻠﯿﮧ و آلہ ﻭﺳﻠﻢ کی خدمت میں حاضر ہوا اور* *اس نے ﺍﭘﻨﮯ ﺑﺎﭖ ﮐﯽ ﺷﮑﺎﯾﺖ ﮐﯽﮐﮧ ﯾﺎ ﺭﺳﻮﻝ ﺍﻟﻠﮧ ﺻﻠﯽ ﺍﻟﻠﮧ ﻋﻠﯿﮧ و آلہ ﻭﺳﻠﻢ !*
*ﻣﯿﺮﺍ ﺑﺎﭖ ﻣﺠﮫ ﺳﮯﭘﻮﭼﮭﺘﺎ نہیں ﺍﻭﺭ ﻣﯿﺮﺍ ﺳﺎﺭﺍ ﻣﺎﻝ ﺧﺮﭺ ﮐﺮ ﺩﯾﺘﺎ ﮬﮯ.*
*ﺁﭖ ﺻﻠﯽ ﺍﻟﻠﮧ ﻋﻠﯿﮧ و آلہ ﻭﺳﻠﻢ ﻧﮯ ﺍﻥ ﮐﮯ والد محترم ﮐﻮ بلوایا،*
*ﺟﺐ ﺍﻥ ﮐﮯ ﻭﺍﻟﺪ ﮐﻮ ﭘﺘﺎ ﭼﻼ ﮐﮧ ﻣﯿﺮﮮ ﺑﯿﭩﮯ ﻧﮯ ﺭﺳﻮﻝﺍﻟﻠﮧ ﺻﻠﯽ ﺍﻟﻠﮧ ﻋﻠﯿﮧ ﻭ آلہ و ﺳﻠﻢ ﺳﮯ ﻣﯿﺮﯼ ﺷﮑﺎﯾﺖ ﮐﯽ ﮬﮯ ﺗﻮﺩﻝ ﻣﯿﮟ ﺭﻧﺠﯿﺪﮦ ﮬﻮﺋﮯ…*
*ﺍﻭﺭ ﺭﺳﻮﻝ ﺍﻟﻠﮧ ﺻﻠﯽ ﺍﻟﻠﮧ ﻋﻠﯿﮧ و آلہ ﻭﺳﻠﻢ ﮐﯽ ﺧﺪﻣﺖ ﻣﯿﮟﺣﺎﺿﺮﯼ ﮐﮯ ﻟﺌﮯ ﭼﻠﮯ…*
*ﭼﻮﻧﮑﮧ ﻋﺮﺏ ﮐﯽ ﮔﮭﭩﯽ ﻣﯿﮟ ﺷﺎﻋﺮﯼ ﺗﮭﯽ*
*ﺗﻮ ﺭﺍﺳﺘﮯ ﻣﯿﮟ ﮐﺠﮫ ﺍﺷﻌﺎﺭ ﺫﮨﻦ ﻣﯿﮟ کہتے ہوئے پہنچے.*
*ﺍﺩﮬﺮ ﺑﺎﺭﮔﺎﮦ ﺭﺳﺎﻟﺖ ﻣﯿﮟ ﭘﮩﻨﭽﻨﮯ ﺳﮯ ﭘﮩﻠﮯﺣﻀﺮﺕ ﺟﺒﺮﺍﺋﻞ ﺁﭖ ﺻﻠﯽ ﺍﻟﻠﮧ ﻋﻠﯿﮧ و آلہ ﻭﺳﻠﻢ ﮐﯽ ﺧﺪﻣﺖ* *ﻣﯿﮟ ﺣﺎﺿﺮ ﮬﻮﺋﮯ ﺍﻭﺭ ﻓﺮﻣﺎﯾﺎ*
*ﮐﮧﺍﻟﻠﮧ ﺳﺒﺤﺎﻧﮧ ﻭ ﺗﻌﺎلیٰ ﻧﮯ ﻓﺮﻣﺎﯾﺎ ﮬﮯ ﮐﮧ ﺍﻥ ﮐﺎ معاملہ ﺑﻌﺪﻣﯿﮟ ﺳﻨﺌﯿﮯ ﮔﺎ ﭘﮩﻠﮯ ﻭﮦ ﺍﺷﻌﺎﺭ ﺳﻨﯿﮟ ﺟﻮ ﻭﮦ ﺳﻮﭼﺘﮯ ﮨﻮﮮﺁ ﺭﮨﮯ ﮬﯿﮟ.*
*ﺟﺐ ﻭﮦ ﺣﺎﺿﺮ ﮨﻮﮮ ﺗﻮ ﺁﭖ ﺻﻠﯽ ﺍﻟﻠﮧ ﻋﻠﯿﮧ و آلہ ﻭﺳﻠﻢ ﻧﮯﻓﺮﻣﺎﯾﺎ*
*ﮐﮧﺁﭖ ﮐﺎ ﻣﺴﺌﻠﮧ ﺑﻌﺪ ﻣﯿﻦ ﺳﻨﺎ ﺟﺎﺋﮯ ﮔﺎ ﭘﮩﻠﮯ ﻭﮦ ﺍﺷﻌﺎﺭﺳﻨﺎﺋﯿﮯ ﺟﻮ ﺁﭖ ﺳﻮﭼﺘﮯ ﮬﻮﮮ ﺁﺋﮯ ﮬﯿﮟ.*
*ﻭﮦ ﻣﺨﻠﺺ ﺻﺤﺎﺑﯽ ﺗﮭﮯ*
*ﯾﮧ ﺳﻦ ﮐﺮ ﻭﮦ ﺭﻭﻧﮯ ﻟﮕﮯ… ﮐﮧ*
*ﺟﻮ ﺍﺷﻌﺎﺭ ﺍﺑﮭﯽ ﻣﯿﺮﯼ ﺯﺑﺎﻥ ﺳﮯ ﺍﺩﺍ بھی ﻧﮩﯿﮟ ہوئے، ﻣﯿﺮﮮ اپنے ﮐﺎﻧﻮﮞ ﻧﮯ ابھی ﻧﮩﯿﮟ ﺳﻨﮯ…*
*ﺁﭖ کے ﺭﺏ ﻧﮯ ﻭﮦ ﺑﮭﯽ ﺳﻦ ﻟﺌﯿﮯ….*
*اور آپ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ کو بتا بهی دیا. ﺁﭖ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﮯ ﻓﺮﻣﺎﯾﺎ ﮐﮧ ﻭﮦ ﮐﯿﺎ ﺍﺷﻌﺎﺭ ﺗﮭﮯ*
*ﮨﻤﯿﮟ ﺳﻨﺎﺋﯿﮟ*
*ﺍﻥ ﺻﺤﺎﺑﯽ ﻧﮯ ﺍﺷﻌﺎﺭ ﭘﮍﮬﻨﺎ ﺷﺮﻭﻉ ﮐﯿﮯ*
*( ﺁﭖ ﮐﻮ ﺍﻥ ﮐﺎ آسان ﺗﺮﺟﻤﮧ بتانے کی کوشش کرتے ہیں، کیونکہ جو اشعار تھے اور جس اعلیٰ پائے کے تھے اور جو جذبات کی کیفیت تھی، ان کی صحیح ترجمانی اردو میں مشکل ہے بہرحال اشعار کچھ اس طرح سے تھے کہ )*
*ﺍﮮ ﻣﯿﺮﮮ ﺑﯿﭩﮯ !*
*ﺟﺲ ﺩﻥ ﺗﻮ ﭘﯿﺪﺍ ﮬﻮﺍ*
*ﮨﻤﺎﺭﯼ محنت ﮐﮯ ﺩﻥ ﺗﺒﮭﯽ ﺳﮯ ﺷﺮﻭﻉ ﮬﻮﮔﺌﮯ ﺗﮭﮯ.*
*ﺗﻮ ﺭﻭﺗﺎ ﺗﮭﺎ ، ﮨﻢ ﺳﻮ ﻧﮩﯿﮟﺳﮑﺘﮯﺗﮭﮯ.*
*ﺗﻮ ﻧﮩﯿﮟ ﮐﮭﺎﺗﺎ ﺗﻮ ﮨﻢ ﮐﮭﺎ ﻧﮩﯿﮟ ﺳﮑﺘﮯ ﺗﮭﮯ.*
*ﺗﻮ ﺑﯿﻤﺎﺭ ﮬﻮ ﺟﺎﺗﺎ ﺗﻮ ﺗﺠﮭﮯ ﻟﯿﺌﮯ ﻟﯿﺌﮯ ﮐﺒﮭﯽ ﮐﺴﯽ ﻃﺒﯿﺐﮐﮯ ﭘﺎﺱ علاج معالجے کے لیے مارے مارے پھرتے تھے ﮐﮧ ﮐﮩﯿﮟ تجھے کچھ ہو نہ جائے.*
*ﮐﮩﯿﮟ ﻣﺮ ﻧﮧ ﺟﺎﺋﮯ*
*حالانکہ ﻣﻮﺕ ﺍﻟﮓ ﭼﯿﺰ ﮬﮯ ﺍﻭﺭ ﺑﯿﻤﺎﺭﯼ ﺍﻟﮓ ﭼﯿﺰ ﮬﮯ*
*ﭘﮭﺮ ﺗﺠﮭﮯ ﮔﺮﻣﯽ ﺳﮯ ﺑﭽﺎﻧﮯ ﮐﮯ ﻟﺌﮯ ﻣﯿﮟ ﺩﻥ ﺭﺍﺕ ﮐﺎﻡ ﮐﺮﺗﺎﺭﮨﺎ*
*ﮐﮧﻣﯿﺮﮮ ﺑﯿﭩﮯ ﮐﻮ ﭨﮭﻨﮉﯼ ﭼﮭﺎؤﮞ ﻣﻞ ﺟﺎﺋﮯ*
*ﭨﮭﻨﮉ ﺳﮯ ﺑﭽﺎﻧﮯ ﮐﮯ ﻟﺌﮯ ﻣﯿﮟ ﻧﮯ ﭘﺘﮭﺮ ﺗﻮﮌﮮ*
*ﺗﻐﺎﺭﯾﺎﮞ ﺍﭨﮭﺎﺋﯿﮟ ﮐﮧ ﻣﯿﺮﮮ ﺑﭽﮯ ﮐﻮ ﮔﺮمی ﻣﻞ ﺟﺎﺋﮯ*
*ﺟﻮ ﮐﻤﺎﯾﺎ ﺗﯿﺮﮮ ﻟﯿﺌﮯ*
*ﺟﻮ ﺑﭽﺎﯾﺎ ﺗﯿﺮﮮ ﻟﯿﺌﮯ*
*ﺗﯿﺮﯼ ﺟﻮﺍﻧﯽ ﮐﮯ ﺧﻮﺍﺏ ﺩﯾﮑﮭﻨﮯ ﮐﮯ ﻟﯿﺌﮯ ﻣﯿﮟ ﻧﮯ ﺩﻥ ﺭﺍﺕﺍﺗﻨﯽ ﻣﺤﻨﺖ ﮐﯽ ﮐﮧ اب ﻣﯿﺮﯼ ﮨﮉﯾﺎﮞ تک کمزور ﮨﻮ گئی ہیں لیکن تو کڑیل جوان ہو گیا ہے….*
*ﭘﮭﺮ….*
*ﻣﺠﮫ ﭘﺮ ﺧﺰﺍﮞ ﻧﮯ ﮈﯾﺮﮮ ڈال ﻟﺌﮯ لیکن ﺗﺠﮫ ﭘﺮ ﺑﮩﺎﺭ ﺁﮔﺌﯽ…*
*ﻣﯿﮟ ﺟﮭﮏ ﮔﯿﺎ*
*ﺗﻮ ﺳﯿﺪﮬﺎ ﮨﻮ ﮔﯿﺎ*
*ﺍﺏ میری خواہش اور ﺍﻣﯿﺪ پوری ہوئی*
*ﮐﮧ ﺍﺏ ﺗﻮ ﮨﺮﺍ ﺑﮭﺮﺍ ﮬﻮ ﮔﯿﺎ ﮬﮯ*
*ﭼﻞﺍﺏ ﺯﻧﺪﮔﯽ ﮐﯽ ﺁﺧﺮﯼ ﺳﺎﻧﺴﯿﮟ ﺗﯿﺮﯼ ﭼﮭﺎﻭﮞ ﻣﯿﮟ ﺑﯿﭩﮫ ﮐﺮ*
*ﮔﺰﺍﺭﻭﮞ ﮔﺎ*
*ﻣﮕﺮﯾﮧ ﮐﯿﺎ ﮐﮧ ﺟﻮﺍﻧﯽ ﺁﺗﮯ ﮬﯽ*
*ﺗﯿﺮﮮ ﺗﯿﻮﺭ ﺑﺪﻝ ﮔﺌﮯ….*
*ﺗﯿﺮﯼ ﺁﻧﮑﮭﯿﮟ ﻣﺎﺗﮭﮯ ﭘﺮ ﭼﮍﮪ ﮔﺌﯿﮟ….*
*ﺗﻮ ﺍﯾﺴﮯ ﺑﺎﺕ ﮐﺮﺗﺎ ہے ﮐﮧ جیسے ﻣﯿﺮﺍ ﺳﯿﻨﮧ ﭘﮭﺎﮌ ﮐﺮ ﺭﮐﮫ ﺩﯾﺘﺎ ہے*
*ﺗﻮ ﺍﯾﺴﮯ ﺑﺎﺕ ﮐﺮﺗﺎ ﮐﮧ ﮐوئی غلام ﺳﮯ ﺑﮭﯽ ﺍﯾﺴﮯ ﻧﮩﯿں کرتا…*
*ﭘﮭﺮ*
*ﻣﯿﮟ ﻧﮯ ﺍﭘﻨﯽ ساری زندگی کی ﻣﺤﻨﺖ ﮐﻮ ﺟﮭﭩﻼ ﺩﯾﺎﮐﮧ*
*ﻣﯿﮟ ﺗﯿﺮﺍ ﺑﺎﭖ ﻧﮩﯿﮟ ﻧﻮﮐﺮ ﮬﻮﮞ….*
*ﻧﻮﮐﺮ ﮐﻮ ﺑﮭﯽ ﮐﻮئی ﺍﯾﮏ ﻭﻗﺖ ﮐﯽ ﺭﻭﭨﯽ ﺩﮮ ﮨﯽ ﺩﯾﺘﺎ ﮬﮯ…*
*ﺗﻮ ﻧﻮﮐﺮ ﺳﻤﺠﮫ ﮐﺮ ﮨﯽ ﻣﺠﮭﮯﺭﻭﭨﯽ ﺩﮮ ﺩﯾﺎ ﮐﺮ….*
*ﯾﮧ ﺍﺷﻌﺎﺭ ﺳﻨﺎﺗﮯ ﺳﻨﺎﺗﮯ ﺍﻥ ﮐﯽ ﻧﻈﺮ ﺍﻟﻠﮧ ﮐﮯ ﺭﺳﻮﻝ صلی اللہ علیہ والہ و سلم کے چہرہ مبارک ﭘﺮ پڑی تو دیکھا کہ*
*ﺁﭖ ﺻﻠﯽ ﺍﻟﻠﮧ ﻋﻠﯿﮧ و آلہ ﻭﺳﻠﻢ ﺍﺗﻨﺎ ﺭﻭﺋﮯ ﮐﮧ ﺁﭖ ﺻﻠﯽ ﺍﻟﻠﮧ ﻋﻠﯿﮧ و آلہ ﻭﺳﻠﻢ ﮐﯽ ﺩﺍﮌﮬﯽ ﻣﺒﺎﺭﮎ ﺗﺮ ﮨﻮ ﮔﺌﯽ.*
*ﺁﭖ ﺻﻠﯽ ﺍﻟﻠﮧ ﻋﻠﯿﮧ و آلہ ﻭﺳﻠﻢ جلال ﻣﯿﮟ ﺍﭘﻨﯽ ﺟﮕﮧ ﺳﮯ ﺍﭨﮭﮯ ﺍﻭﺭ ﺑﯿﭩﮯ کا گریبان پکڑ کر ﻓﺮﻣﺎﯾﺎ ﮐﮧ*
*انت و ما لک لا بیک*
*ﺗﻮ ﺍﻭﺭ ﺗﯿﺮﺍ ﺳﺐ ﮐﭽﮫ ﺗﯿﺮﮮ ﺑﺎﭖ ﮐﺎ ﮨﮯ*
*ﺗﻮ ﺍﻭﺭ ﺗﯿﺮﺍ ﺳﺐ ﮐﭽﮫ ﺗﯿﺮﮮ ﺑﺎﭖ ﮐﺎ ﮨﮯ*
*ﺗﻮ ﺍﻭﺭ ﺗﯿﺮﺍ ﺳﺐ ﮐﭽﮫ ﺗﯿﺮﮮ ﺑﺎﭖ ﮐﺎ ﮨﮯ*
*( تفسیر قرطبی)*
The post *باپ کی عظمت کا ایک اہم واقعہ * appeared first on Global Current News.
لاہور( جی سی این رپورٹ )احتساب عدالت نمبر2کے جج محمد ارشدملک کی عدالت نے سانحہ ماڈل ٹاؤن میں تفتیش کیلئے پنجاب پولیس کونوازشریف سے ملاقات کی اجازت دے دی۔گذشتہ روز پنجاب پولیس کے ڈی ایس پی محمد اقبال نے اپنی درخواست پرعدالت کے روبرو پیش ہوتے ہوئے موقف اختیارکیاکہ ماڈل ٹائون واقعہ کی تفتیش سے متعلق نواز شریف سے جیل میں ملنے کی اجازت دی جائے،جس پرنیب پراسیکیوٹرمرزا عثمان نے درخواست کی مخالفت کرتے ہوئے کہاکہ درخواست گزار کو متعلقہ پلیٹ فارم سے رجوع کرنا چاہئے اورمتعلقہ پلیٹ فارم اسلام آباد ہائی کورٹ بنتا ہے،عدالت نے وکلا کے دلائل سننے کے بعد درخواست گزار کی استدعا منظور کرتے ہوئے نواز شریف سے ملنے کی اجازت دے دی۔ ادھر سابق وزیر اعظم نواز شریف سے کوٹ لکھپت جیل میں خاندان کے افراد نے ملاقات کر کے ہسپتال میں علاج کیلئے منانے کی کوشش کی تاہم نوازشریف نے ایک بار پھر کسی بھی ہسپتال جانے سے انکارکردیا،نوازشریف سے آج جمعہ کو جمعیت علمااسلام (ف) کے سربراہ مولانا فضل الرحمن کی بھی کوٹ لکھپت جیل میں ملاقات کا امکان ہے ۔تفصیلات کے مطابق کوٹ لکھپت جیل میں نواز شریف سے انکی والدہ بیگم شمیم اختر ،بھائی شہباز شریف ، صاحبزادی مریم نواز ، بھتیجے حمزہ شہباز سمیت دیگر نے ملاقات کر کے انکی خیریت دریافت کی ۔انکی بگڑتی صحت پر خاندان کے افراد نے تشویش کا اظہار کیا مگر نواز شریف نے اصرار کے باوجود ہسپتال جانے سے انکار کر دیا۔شہبازشریف نے بڑے بھائی سے کہاکہ آپ کی طبیعت خراب ہے علاج کروائیں تاہم نوازشریف نے کہاکہ اپنا معاملہ اللہ پر چھوڑدیا۔اپنے والد سے ملاقات کے دوران مریم نوازجذباتی ہوگئیں ۔جس پر نوازشریف نے کہا کہ حوصلہ رکھو ، مضبوط بنو۔نواز شریف کی والدہ نے جلد صحت یابی کے لئے دعائیں دیں ۔نواز شریف نے خاندان کے افراد کے ساتھ کھانا بھی کھایا ۔خاندان کے لوگوں سے ساڑھے تین گھنٹے تک ملاقات جاری رہی جس میں موجودہ سیاسی و ملکی مجموعی صورتحال پر تبادلہ خیال کیا گیا۔ خواجہ آصف نے پارلیمنٹ کی کارروائی سے نواز شریف کو آگاہ بھی کیا۔ سابق وزیراعظم نوازشریف سے جیل کے باہر کارکنو ں نے اظہار یکجہتی اور انکی جلد صحت یابی کے لئے قرآن خوانی بھی کی ۔کوٹ لکھپت جیل کے باہر لیگی خواتین آپس میں لڑ پڑیں اور ایک دوسرے پر نا مناسب الزامات لگائے ۔ لیگی کارکن مونا نے کہا کہ مجھے دھکے دیئے گئے اور گالیاں دی گئیں ، کچھ خواتین مجھے (ن) لیگ میں جگہ بنانے سے روک رہی ہیں ۔ لیگی خواتین نے کہا کہ کل پارٹی میں آئی ہیں آج ہم سے آگے بڑھنا چاہتی ہیں۔دوسری جانب مسلم لیگ(ن) کے ذرائع کے مطابق نوازشریف سے آج مولانا فضل الرحمن کی بھی کوٹ لکھپت جیل میں ملاقات کا امکان ہے ۔
The post نواز شریف سے آج جیل میں کون سی بڑی سیاسی شخصیت ملاقات کرنے والی ہے؟ appeared first on Global Current News.
فی الحال اس کی تشخیص کے لیے کوئی ٹیسٹ نہیں تاہم مریض کی میڈیکل ہسٹری، جسمانی معائنہ اورمتاثرہ شخص میں موجود دیگر امراض کی بنیاد پر اس کی تشخ...
جملہ حقوق ©
WAKEUPCALL WITH ZIAMUGHAL
Anag Amor Theme by FOCUS MEDIA | Bloggerized by ZIAMUGHAL