![](https://static01.nyt.com/images/2019/04/11/autossell/11wheels-vidpic1/11wheels-vidpic1-mediumThreeByTwo440.jpg)
By BRADLEY BERMAN and AARON WOJACK from NYT Business https://nyti.ms/2P7Dx3m
.FOCUS WORLD NEWS MEDIA GROUP EUROPE copy right(int/sec 23,2012), BTR-2018/VR.274058.IT-
اسلام آباد(جی سی این رپورٹ)پاکستان میں فٹبال کا بحران مزید شدید تر ہو گیا ہے اور پاکستان میں حقائق کی چھان بین کے لیے آنے والے فیفا اور ایشین فٹبال کنفیڈریشن کے وفد کا دورہ مئی تک ملتوی ہو گیا ہے۔ایک اخبار کی رپورٹ کے مطابق فٹبال کی عالمی گورننگ باڈی فیفا اور ایشین فٹبال کنفیڈریشن(اے ایف سی) کے وفد نے رواں ماہ پاکستان کا دورہ کرنا تاکہ وہ پاکستان فٹبال فیڈریشن کو موجودہ بحرانی صورتحال سے نکال سکے لیکن اب یہ وفد اب مئی میں آئے گا۔فیفا کے ترجمان نے ڈان سے گفتگو کرتے ہوئے بتایا کہ اس وفد کو پاکستان فٹبال فیڈریشن کے صدر اور جنرل سیکریٹری کی درخواست پر ابتدائی طور پر 24 سے 25اپریل دو روزہ دورہ کرنا تھا تاہم اب اسے مئی تک ملتوی کردیا گیا ہے۔یہاں دلچسپ امر یہ ہے کہ فیفا آفیشلز اس دھڑے کی جانب اشارہ کر رہے تھے جسے وہ تسلیم کرتے ہیں جو پی ایف ایف کے صدر فیصل صلاح حیات اور جنرل سیکریٹری کرنل ریٹائرڈ احمد یار خان لودھی پر مشتمل ہے۔تاہم پاکستان فٹبال فیڈریشن اشفاق احسین شاہ اور کی زیر سربراہی دھڑے کو تسلیم کرتا ہے جنہیں گزشتہ سال دسمبر میں سپریم کورٹ کے حکم پر ہونے والے انتخابات میں صدر منتخب کیا گیا تھا۔جب ان سے پوچھا گیا کہ آپ نے اپنا دورہ ملتوی کیوں کیا تو فیفا آفیشل کا کہنا تھا کہ آپ اس کا جواب پی ایف ایف سے طلب کر سکتے ہیں۔فیفا نے گزشتہ ہفتے تین اپریل کو اپنی ممبر ایسوسی ایشن کے اجلاس کے بعد اعلان کیا تھا کہ وہ اے ایف سی کے ہمراہ ایک مشترکہ مشن پاکستان بھیجے گا۔جب فیصل صالح حیات پر مشتمل پی ایف ایف کے دھڑے سے اس بارے میں سوال کیا گیا کہ مشترکہ مشن نے اپنا دورہ کیوں ملتوی کیا گیا تو انہوں نے اس کا جواب نہیں دیا۔یاد رہے کہ گزشتہ ہفتے ہی فیصل صالح ایشین فٹبال کنفیڈریشن کے نائب صدر منتخب ہوئے تھے۔اس مشن کی آمد میں تاخیر کے سبب پاکستان 2022 کے فیفا ورلڈ کپ کے پہلے کوالیفائنگ راؤنڈ اور 2023 کے اے ایف سی ایشین کپ کے کوالیفائنگ راؤنڈز میں شرکت سے محروم ہو سکتا ہے۔ورلڈ کپ کے پہلے کوالیفائنگ راؤنڈ میں ایشیا 12بدترین ٹیمیں شرکت کرتی ہیں جس کے لیے ڈراز 17اپریل کو ہوں گے اور اس کا آغاز 6جون سے ہو گا۔ورلڈ کپ اور ایشین کپ کے کوالیفائنگ راؤنڈز میں عدم شرکت مسائل میں گھری پاکستان فٹبال کے لیے کسی بڑے دھچکے سے کم نہ ہو گی جو پاکستان فٹبال فیڈریشن کے دو دھروں کے درمیان 4سال سے جاری محاذ آرائی کی وجہ سے پہلے ہی بحران کا شکار ہے۔
The post پاکستان فٹبال کا بحران شدید،ایک اور بڑا دھچکا لگ گیا appeared first on Global Current News.
نئی دہلی (جی سی این رپورٹ)بھارتی سیاستدان ووٹ کیلئے رقص کرنے پر مجبور کردیا ہے۔بھارت میں الیکشن کا دنگل سجنے کو ہے اور اس موقع پر امیدوار ووٹر کو اپنے حق میں ووٹ دینے کیلئے ہر ممکن کوشش کر رہے ہیں اور ووٹوں کی اسی جنگ نے بھارتی سیاستدانوں کو رقص کرنے پر مجبور کردیا ہے۔کرناتکا ہاؤسنگ منسٹراور گانریس کے وزیر ایم ٹی بی ناگراج کو ہی دیکھ لیں جو اپنے ووٹرز کو خوش کرنے اور انہیں اپنے حق میں ووٹ دینے پر اُکسانے کیلئے ناگن ڈانس کر رہے ہیں۔بھارتی وزیر کی یہ ویڈیو سوشل میڈیا پر وائرل ہوچکی ہے۔واضح رہے بھارت میں آج سے الیکشن کا آغاز ہو رہا ہے ۔
The post ناچ میری بلبل تجھے ۔۔۔بھارتی سیاست دان ووٹ لینے کیلئے ناچنے پر مجبور،ویڈیو دیکھیں appeared first on Global Current News.
اسلام آباد(جی سی این رپورٹ)اسلام آباد ہائی کورٹ نے مسلمان ہوکر روینا اور رینا سے آسیہ اور نادیہ کے نام رکھ لینے والیگھوٹکی کی دونوں بہنوں کی مذہب کی تبدیلی درست قرار دیتے ہوئے دونوں بہنوں کو ان کے شوہروں کے ساتھ جانے کی اجازت بھی دے دی۔چیف جسٹس اسلام آباد ہائیکورٹ اطہر من اللہ نے گھوٹکی کی 2 بہنوں کی تحفظ کے لیے درخواست پر سماعت کی جس کے دوران وفاقی سیکریٹری داخلہ ذاتی حیثیت میں عدالت میں پیش ہوئے۔چیف جسٹس اطہر من اللہ نے ان سے استفسار کیا کہ بتائیں ابھی تک کیا کیا ہے؟وفاقی سیکریٹری داخلہ نے جواب دیاکہ عدالتی احکامات کے مطابق لڑکیوں کو تحفظ فراہم کیا ہے، عدالت نے ہمیں کمیشن ممبران کو اکٹھے کرنے کا بھی کہا تھا۔انہوں نے کہا کہ کمیشن کے 2 ممبران ملک میں نہیں تھے، باقی سب سے رابطہ ہو گیا ہے،میں اور آئی آر رحمان صاحب دونوں لڑکوں سے مل کران کی رائے جانیں گے۔وفاقی سیکریٹری داخلہ نے مزید کہا کہ شیریں مزاری دوسری خاتون ممبر سمیت لڑکیوں سے ملیں گی، بظاہر یہ زبردستی مذہب تبدیلی کا کیس نہیں لگتا، میڈیکل بورڈ کے مطابق آسیہ کی عمر 19 اور نادیہ کی 18 سال ہے۔وفاقی سیکرٹری داخلہ نے میڈیکل بورڈ کی رپورٹ بھی عدالت میں پیش کر دی۔انکوائری کمیشن کے رکن آئی اے رحمان بھی عدالت میں پیش ہوئے جنہوں نے عدالت کو بتایا کہ ہماری انکوائری کے مطابق لڑکیوں نے مذہب زبردستی تبدیل نہیں کیا۔انہوں نے مزید کہا کہ یہ تاثر ضرور ہے کہ ایک منظم گروپ گھوٹکی میں لوگوں کو تبدیلی مذہب کی ترغیب دیتا ہے، عدالت اگر اس گروپ سے متعلق ہدایات جاری کر دے تو بہتر ہو گا۔چیف جسٹس اسلام آباد ہائی کورٹ اطہر من اللہ نے کہا کہ مسئلہ یہ ہے کہ سندھ اس عدالت کے دائرہ کار میں نہیں آتا، اقلیتوں کے حقوق کا نہ صرف تحفظ ہونا چاہیے بلکہ تحفظ نظر بھی آنا چاہیے۔جسٹس اطہرمن اللہ نے یہ بھی کہا کہ یہ بات سامنے آ چکی ہے کہ لڑکیاں بالغ ہیں اور انہوں نے اپنی مرضی سے مذہب تبدیل کیا، لڑکیوں کو اجازت دے رہے ہیں کہ وہ اپنے شوہروں کے ساتھ رہ سکیں۔
The post مذہبی کی تبدیلی،نو مسلم بہنوں کے بارے میں عدالت کا فیصلہ آگیا appeared first on Global Current News.
لاہور(جی سی این رپورٹ)لاہور ہائی کورٹ نے سانحہ ماڈل ٹاؤن کی نئی جے آئی ٹی کی تشکیل کے خلاف درخواستوں پر سماعت کے دوران پنجاب کے وزیراعلیٰ عثمان بزدار، وزیر قانون، چیف سیکریٹری اور سیکریٹری قانون کو طلب کر لیا۔سانحہ ماڈل ٹاؤن کی نئی جے آئی ٹی کی تشکیل کے خلاف درخواستوں پر لاہور ہائی کورٹ میں سماعت ہوئی۔عدالت نے ریمارکس دیے کہ ایڈووکیٹ جنرل پنجاب احمد اویس کے خلاف توہین عدالت کے نوٹسز جاری ہوئے ہیں، کیا حکومت نئی جے آئی ٹی کیس کی احمد اویس سے پیروی کرائے گی؟لاہور ہائی کورٹ نے آج 3 بجے پنجاب کے وزیر اعلیٰ سردار عثمان بزدار، وزیرقانون اور متعلقہ سیکریٹریز کو عدالت پہنچنے کا حکم دے دیا ۔
The post عدالت نے وزیر اعلیٰ پنجاب کو بھی طلب کرلیا،یہ طلبی کیوں ہوئی؟ appeared first on Global Current News.
لاہور(جی سی این رپورٹ)کومت نے ملک میں موجود تاریخی اہمیت کے حامل 400 مندروں کی بحالی اور انہیں کھولنے کی پالیسی تیار کرلی ہے۔ایک رپورٹ کے مطابق کرتار پور راہداری کے بعد وفاقی حکومت نے پاکستان میں غیر مسلم عبادت گاہوں بالخصوص تاریخی اہمیت کے مندروں کی بحالی اور تزئین و آرائش کی پالیسی تیار کرلی ہے، ملک میں موجود 400 کے قریب موجود غیر فعال مندروں میں سے تاریخی اہمیت کے حامل بعض مندروں کی سالانہ بنیادوں پر مرحلہ وار تزئین و آرائش کی جائے گی۔متروکہ وقف املاک بورڈ کے ذرائع کے مطابق اس وقت ملک بھر میں موجود 400 مندروں میں سے صرف 13 مندر ہیں جہاں ہندو برادری اپنی مذہبی رسومات اداکرتی ہے اور پوجاپاٹ ہوتی ہے، جن میں سے 4 پنجاب، سندھ میں 7 اور 2 مندر خیبر پختونخواہ میں ہیں، تاہم اب حکومت کی جانب سے بنائی گئی پالیسی کے مطابق ایک سال میں کم ازکم 1 سے 2 مندروں کو آرائش ومرمت کے بعد مذہبی رسومات کے لئے کھول دیا جائے گا۔مندروں کی تزئین و آرائش کے بعد بھارت، کینیڈا، برطانیہ، امریکہ سمیت دنیا میں بسنے والے ہندو مذہب کے پیروکار مذہبی ویزہ حاصل کر کے ان تاریخی مندروں کی یاترا کے لئے پاکستان آ سکیں گے، مندروں کی بحالی کے کام کا آغاز پنج تیرتھ مندر چاچا یونس پارک پشاور اور سیالکوٹ کے ایک مندر سے کی جائے گی۔پنجاب کے فعال مندروں میں کرشنا مندر راولپنڈی، کٹاس راج مندر چکوال، کرشنا مندر لاہور، بالمیک مندر نیلا گنبد لاہور شامل ہیں، اسی طرح سندھ میں سادھو بیلا سکھر،گورو گرپت مندر حیدرآباد، سنت بابا بھگت رام دربارمندر دادو، جھولے لال مندر کراچی، بھائی سنت تھاون داس مندر مہر دادو، تحصیل نتھن شاہ مندر رادھن ٹاؤن مہر دادو کے نام شامل بھی شامل ہیں جب کہ خیبر پختونخواہ کے فنکشنل مندروں میں کالی باڑی بازار مندر پشاور اور شیو مندر مانسہرہ کے نام شامل ہیں۔
The post حکومت نے ملک میں موجود تاریخی مندروں کے بارے میں بڑا فیصلہ کرلیا appeared first on Global Current News.
کراچی(جی سی این رپورٹ) برطانوی پاکستانی چیمبرآف کامرس نے قومی اثاثے کو مستحکم کرنے کےلئے پی آئی اے کو طیارہ دینے اور اس میں سرمایہ کاری کرنے کی پیشکش کی ہے۔ تفصیلات کے مطابق برطانیہ پاکستان چیمبرز آف کامرس کے وفد نے پی آئی اے ہیڈ آفس کراچی کا دورہ کیااور سی ای او پی آئی اے ایئرمارشل ارشد ملک سے ملاقات کی۔ اس موقع پر یو کے پاکستان چیمبر آف کامرس کے 7 رکنی وفد کی قیادت میاں محمد وحید نے کی۔برطانوی وفد کا کہنا تھا کہ برطانیہ میں موجود پاکستانی سرمایہ کار وزیراعظم عمران خان کے ویژن سے متاثر ہیں، اور پاکستان میں مختلف شعبوں میں سرمایہ کاری کرنا چاہتے ہیں، پی آئی اے پاکستان کا قومہ اثاثہ ہے، برطانیہ میں مقیم پاکستانی پی آئی اے کے زریعے ہی اپنے سفر کو ترجیح دیتے ہیں، پاکستانی سرمایہ کار پی آئی اے کے شیئرز بھی خریدنا چاہتے ہیں تاکہ اس کو مزید ترقی دی جاسکے۔برطانوی وفد نے پی آئی اے کے شیئرز کی خریداری میں دلچسپی کا اظہار کرتے ہوئے کہا کہ یوکے پاکستان چیمبرآف کامرس کی سرمایہ کاری سے قومی ایئرلائن مزید مستحکم ہوگی۔ وفد نے پہلے مرحلے میں پی آئی اے کو طیارہ دینے کی پیشکش کرتے ہوئے کہا کہ دوسرے مرحلے میں پی آئی اے کو مزید طیارے بھی دیے جائیں گے۔
The post پاکستان انٹرنیشنل ایئرلائنز کیلئے اچھی خبر appeared first on Global Current News.
راولپنڈی (جی سی این رپورٹ)بین الاقوامی میڈیاکابالاکوٹ کےعلاقےجبہ کادورہ، آئی ایس پی آر کے مطابق میڈیامیں بھارتی صحافیوں سمیت مختلف ممالک کےسفارتکار شامل تھے، وفد میں شامل صحافیوں میں زیادہ ترکا تعلق بھارت سے تھا ،دورہ کرنےوالوں میں کئی ممالک کے دفاعی اتاشی بھی شامل تھے،وفد نے 26 فروری کو بھارتی ایئرفورس کی جانب سے کی گئی خلاف ورزی اور بالاکوٹ کے علاقے جبہ میں مبینہ طور پر دہشت گردوں کے ٹھکانے کو تباہ کرنے کے دعوئوں کی حقیقت اپنی آنکھوں سے دیکھ لی ، ڈی جی آئی ایس پی آر نے وفد کو 26 فروری کے واقعات اور زمینی حقائق کے بارے میں بریفنگ دیتے ہوئے بھارت کی جانب سے دہشت گردوں کے کیمپ کو تباہ کرنے کے دعوئوں کو جھوٹ پر مبنی قرار دے دیا ، انھوں نے کہا کہ بھارت بار بار جھوٹے دعوے کر رہا ہے ،وفد کو بتایا گیا کہ بھارت کی جانب سے کھلے ایریا میں بم گرائے گئے جس سے کوئی جانی یا مالی نقصان نہیں ہوا ، وفد کو قریب میں موجود اس مدرسے کا بھی دورہ کرایا گیا جسے بھارت کی جانب سے اب تک تباہ کرنے اور اس کے نتیجے میں سینکڑوں دہشتگردوں کی ہلاکتوں کے دعوے کئے جاتے رہے ، آئی ایس پی آر کے مطابق وفد کے اراکین نے مدرسے کے طلبہ ، اساتذہ سےآزادانہ طور پر تبادلہ خیال کیا اور اس بات کا مشاہد ہ کیا کہ مدرسہ اپنی جگہ پر موجود ہے جس کو کسی قسم کا کوئی نقصان نہیں پہنچا اور یہاں صرف مقامی بچے ہی زیر تعلیم ہیں
ڈی جی آئی ایس پی آر نے کہا کہ بھارت کو مسلسل جھوٹے دعوئوں کی رٹ لگائے رکھنےکی بجائے حقائق کو تسلیم کرنا اور خطے مین امن کے لئے ایک ذمہ دار ریاست کا کردار ادا کرنا چاہئے ،اسے یہ دیکھنا چاہئے کہ مقبوضہ کشمیر میں حالات کیوں خراب ہو رہے ہیں، بعدازاں گروپ نے اے پی ایس سوات کا دورہ کیا اور یہاں موجود جد ید ترین تعلیمی سہولیات کا جائزہ لیا،وفد کو ادارے میں موجود کمپیوٹر اور سائنس لیب ، آڈیٹوریم اور سپوٹس کمپلیکس کا بھی دورہ کرایا گیا ، یہ تعلیمی ادارہ پاک فوج کی جانب سے سوات کے عوام کو ان کی دہشت گردی کو شکست دینے کے لئے دی گئی قربانیوں کے اعتراف میں بطور تحفہ عطیہ کیا گیا ہے کیونکہ سوات ہی وہ ایریا ہے جہاں تعلیمی اداروں کو بیحد نقصان پہنچایا گیا ،وفد کو مالاکنڈ میں بحالی سینٹر کا بھی دورہ کرایا گیا جہاں جسمانی طور پرمعذوروں کو مصنوعی اعضا کے ذریعے دوبارہ معاشرے کارآمد شہری بننے میں مدد دی جاتی ہے ۔
The post بھارتی دعوئوں کا پول کھل گیا ،بین الاقوامی میڈیاکابالاکوٹ کےعلاقےجبہ کادورہ appeared first on Global Current News.
جکارتہ (جی سی این رپورٹ)آج سے لگ بھگ 3 سال قبل انڈونیشیا سے تعلق رکھنے والا ایک بچہ آریا پرمانا اس وقت دنیا بھر کی توجہ کا مرکز بن گیا جب اسے دنیا کا سب سے موٹا بچہ قرار دیا گیا۔اس وقت بچے کی عمر 10 سال تھی اور اس کا وزن 192 کلوگرام تک ہوچکا تھا مگر اب 3 سال بعد وہ مکمل طور پر بدل چکا ہے۔نوڈلز، میٹھے مشروبات اور تلی ہوئے پکوان کھانے کی عادت کے نتیجے میں اس بچے کا وزن 192 کلوگرام تک پہنچ گیا تھا اور وہ اتنا زیادہ ہوگیا تھا کہ چلنے پھرنے سے معذور ہوگیا تھا جس کے بعد والدین کو اسکول سے نکال کر گھر میں ہی اسے پڑھانا پڑا۔یہ جسمانی وزن اس کی زندگی کے لیے بھی خطرہ بن گیا تھا جس کے بعد یہ دنیا کا سب سے کم عمر فرد بنا جس نے جسمانی وزن کم کرانے والی سرجری کرائی۔اس سرجری سے کے دوران آریا کی غذا پر سخت پابندی لگائی گئی اور گرل فش اور سبزیوں تک محدود کردیا گیا جس کے نتیجے میں اب اس بچے کا وزن کم ہوکر 106 کلوگرام تک پہنچ چکا ہے یعنی لگ بھگ 50 فیصد وزن کم کرنے میں کامیاب رہا مگر اس کے نتیجے میں اب اسے کھال لٹکنے کے مسئلے کا سامنا ہے۔اسے ایک سرجن نے اس لٹکنے والی کھال امتحانات کے بعد نکالنے کی پیشکش کی ہے۔جب اس کا وزن بڑھ رہا تھا اس کے والدین نے صحت بخش غذا کھلانے کی کوش کی مگر اس کے مطالبات کے سامنے ہار مان لی۔
آریا کے والد کے مطابق اس زمانے میں یعنی جب وہ ساڑھے 5 سال کا تھا تو وہ اتنا موٹا ہوچکا تھا کہ مجھے اعتراف کرنا پڑا کہ میں نے اسے خراب کردیا ہے۔ان کے بقول وہ جو کچھ بھی کھانے پینے کو مانگتا، ہم اسے دے دیتے۔یہی وجہ تھی کہ دن میں 5 بار بہت زیادہ خوراک جزو بدن بناتا جس کے نتیجے میں وہ بتدریج اتنا موٹا ہوگیا کہ پانچ میٹر تک چلنے پر بھی سانس پھول جاتی۔مغربی جاوا سے تعلق رکھنے والے اس خاندان نے آغاز میں بچے کی سرجری کرانے سے انکار کیا مگر جب احساس ہوا کہ اس سے زندگی کو خطرہ لاحق ہوسکتا ہے تو پھر تیار ہوگئے۔جکارتہ میں اس کی 5 گھنٹے کی سرجری ہوئی جس کے ایک ماہ بعد اس کا وزن 70 پونڈ کم ہوگیا اور اس میں کمی آتی چلی گئی۔مگر وہ بچہ طرز زندگی میں تبدیلی پر زیادہ خوش نہیں تھا اور شروع میں چڑچڑا رہتا تھا کیونکہ اسے اپنے دل پسند مشغلے کھانے سے دوری اختیار کرنا پڑی تھی، مگر سرجری کے بعد زیادہ کھانے پر اسے الٹی ہوجاتی۔پھر وہ مچھلی، سبزیوں، سوپ اور پھلوں تک ہی محدود ہوگیا جس سے وزن اتنا کم ہوگیا کہ وہ روزانہ اسکول تک ایک میل چلنے کے قابل ہوگیا اور پھر بھی اتنی توانائی باقی ہوتی ہے کہ دوستوں کے ساتھ کھیل پاتا۔اب وہ فٹبالر بننے کا خواب دیکھتا ہے جو اس سے پہلے وہ کھیلنے کا تصور بھی نہیں کرسکتا تھا۔جسمانی وزن میں کمی کے بعد وہ خوش مزاج بھی ہوگیا جس کی وجہ دوستوں کے ساتھ کھیلنے کا موقع ملنا تھا، جبکہ وہ پہلے سے زیادہ پراعتماد بھی ہوگیا۔مگر جسمانی وزن میں اتنی زیادہ کمی کے نتیجے میں بازؤں اور سینے پر کھال لٹکنا شروع ہوگئی اور بچے کو توقع ہے کہ ایک اور سرجری سے اس مسئلے سے نجات مل جائے گی۔
The post 3سال قبل سامنے آنے والا یہ بھاری بھرکم بچہ اب کیسا ہے؟ appeared first on Global Current News.
اسلام آباد(جی سی این رپورٹ)سابق صدر اور پاکستان پیپلز پارٹی (پی پی پی) کے شریک چیئرمین آصف علی زرداری کا کہنا ہے کہ حکومت کو چلتا نہیں کیا تو نقصانات کو کور نہیں کر سکیں گے جبکہ کپتان کو گھر جانا ہوگا۔جمعیت علمائے اسلام (ف) کے سربراہ مولانا فضل الرحمٰن کے ہمراہ میڈیا سے گفتگو کرتے ہوئے آصف علی زرداری نے کہا کہ ‘سیاست میں ایک ہی نظریے پر ہیں کہ حکومت کو چلتا نہیں کیا تو نقصانات کو کور نہیں کر سکیں گے، جبکہ حکومت کے خلاف آواز بلند نہیں کی تو آنے والی نسل معاف نہیں کرے گی۔’انہوں نے کہا کہ ‘کپتان کو گھر جانا پڑے گا لیکن اِن ہاؤس تبدیلی ہوگی یا وسط مدتی انتخابات ہوں گے یہ وقت بتائے گا، جبکہ ہم نے قیادت نہیں کی تو کوئی اور طاقت آئے گی۔’سابق وزیر اعظم نواز شریف کی عیادت سے متعلق سوال کے جواب میں سابق صدر نے کہا کہ ‘بلاول بھٹو، نواز شریف کی عیادت کر چکے ہیں۔’حکومت کے خلاف عملی طور پر تحریک کے آغاز کے وقت کے حوالے سے انہوں نے کہا کہ ‘یہ وقت اور موسم پر منحصر ہے۔اس موقع پر مولانا فضل الرحمٰن کا کہنا تھا کہ ‘ملاقاتیں معمول کا حصہ ہیں، آج کی ملاقات بھی کھانے کی دعوت تھی جبکہ نواز شریف سے بھی ملاقات میں تفصیلی باتیں ہوئی تھیں۔’انہوں نے کہا کہ ‘آج عشائیہ میں شرکت کے علاوہ کوئی ایجنڈا نہیں تھا۔’ان کا کہنا تھا کہ ‘موجودہ سیاسی صورتحال پر مکمل یکجہتی اور ہم آہنگی ہے جبکہ جعلی حکمرانوں سے قوم کو نجات دلانے کے لیے یکسو ہیں۔’ایک صحافی نے سوال کیا کہ عمران خان کہتے ہیں مسئلہ کشمیر کے حل کے لیے نریندر مودی کا جیتنا ضروری ہے، جس پر مولانا فضل الرحمٰن نے کہا کہ ‘مودی کا جو یار ہے، غدار ہے غدار ہے۔’قبل ازیں زرداری ہاؤس اسلام آباد میں مولانا فضل الرحمٰن نے سابق صدر آصف علی زرداری سے ملاقات کی۔باخبر ذرائع کے مطابق ملاقات میں سربراہ جے یو آئی (ف) نے آصف زرداری کو نواز شریف سے ملاقات سے متعلق آگاہ کیا اور انہیں سابق وزیر اعظم کی عیادت کرنے کی تجویز دی۔مولانا فضل الرحمٰن کا کہنا تھا کہ موجودہ حالات میں اپوزیشن کا متحد ہونا وقت کی ضرورت ہے۔ذرائع کا کہنا تھا کہ دونوں رہنماؤں نے قومی احتساب بیورو (نیب) کی کارروائیوں پر تشویش کا اظہار کیا اور حکومت کے خلاف اپوزیشن جماعتوں کی پارلیمنٹ کے اندر اور باہر کی حکمت عملی پر مشاورت کی۔
The post نواز شریف کے بعد مولانا فضل الرحمان کی آصف زرداری سے ملاقات،بڑے فیصلے سامنے آگئے appeared first on Global Current News.
برلن(جی سی این رپورٹ ) جرمنی میں بھارتی خفیہ ایجنسی ‘را’ کے لئے جاسوس کرنے والا بھارتی جوڑا گرفتار ہوگیا۔جس کے بعد بھارت کا مقروہ چہرہ بین الاقوامی سطح پر بے نقاب ہوگیا۔تفصیلات کے مطابق جرمنی میں بھارتی خفیہ ایجنسی را کے لیے جاسوسی کرنے والے گرفتار بھارتی مرد عورت نے اپنے جرم کا اعتراف کرلیا۔غیر ملکی خبر رساں ادارے کا کہنا ہے کہ برلن کی عدالت میں پیش کیے جانے والے بھارتیوں پر فرد جرم عائد کر دی گئی، جبکہ عالمی سطح پر بھارت کو شدید تنقید کا نشانہ بنایا جارہا ہے۔اپنے اعترافی بیان میں بھارتی جوڑے نے عدالت کو بتایا کہ وہ جرمنی میں کشمیریوں اور سکھوں کی جاسوسی پر مامور تھے، اور را کو تمام تر تفصیلات فراہم کرتے تھے۔ایک جانب بھارت نے اپنے جاسوس کشمیریوں بالخصوص پاکستان کے خلاف کئی ممالک میں چھوڑ رکھے ہیں دوسری جانب مقبوضہ واد میں بربریت کا بھی بازار گرم کررکھا ہے۔
The post را کیلئے کام کرنے والا یہ بھارتی جاسوس جوڑا کہاں سے گرفتار ہوا؟ appeared first on Global Current News.
نئی دہلی(جی سی این رپورٹ)بھارت میں عام انتخابات کے پہلے مرحلے کیلئے ووٹنگ کل ہو گی، سات مراحل میں ہونے والے الیکشن کے نتائج کا اعلان 23 مئی کو ہو گا۔بھارت میں عام انتخابات کا پہلا مرحلہ آج ہو گا جس میں 91 نشستوں کیلئے آندھرا پردیش، آسام، بہار، اڑیسہ اور اترپردیش سمیت بیس ریاستوں میں ووٹنگ ہو گی۔مقبوضہ کشمیر میں لوک سبھا کی چھ نشستوں کیلئے بھی ووٹ ڈالے جائیں گے،پہلے مرحلے میں جموں اور بارہمولہ کی نشستوں کیلئے ووٹنگ ہوگی۔بھارتی میڈیا کے مطابق لوک سبھا کی 543 نشستوں کیلئے انتخابات سات مرحلوں میں مکمل ہوں گے،جن میں 90کروڑ شہری اپنا حق رائے دہی استعمال کریں گے،ان انتخابات پر امریکی انتخابات سے چھ اعشاریہ پانچ ارب ڈالرزیادہ لاگت آئے گی،دس ارب خرچ ہونگے جبکہ چھ ہفتوں تک جاری رہنے والے انتخابات کی ووٹنگ کیلئے ملک بھر میں دس لاکھ پولنگ بوتھ قائم کیے گئے ہیں،سکیورٹی کیلئے ایک کروڑ اہلکار تعینات کیے گئے ہیں۔دوسرامرحلہ 18 اپریل ،تیسرا 23 اپریل ،چوتھا 29 اپریل ،پانچواں 6 مئی ،چھٹا 12مئی جبکہ ساتواں مرحلہ 19مئی کو ہوگا۔انتخابات میں90 کروڑووٹر میں سے8 کروڑ 40 لاکھ ووٹر پہلی بار ووٹ ڈالیں گے۔انتخابات کے حتمی نتائج کا اعلان بھارتی الیکشن کمیشن کی طرف سے 23 مئی کو سنایا جائے گا۔
The post بھارتی انتخابات،پہلا مرحلہ کل سے،کتنی نشتوں کیلئے کہاں کہاں ووٹنگ ہوگی؟ appeared first on Global Current News.
اسلام آباد(جی سی این رپورٹ)وزیر اعظم عمران خان 27 اپریل کو تین روزہ دورے پر بیجنگ روانہ ہوں گے۔وزیر خارجہ شاہ محمود قریشی اور وزیر خزانہ اسد عمر سمیت کابینہ کے دیگر ارکان بھی ان کے ہمراہ ہوں گے۔ذرائع کا کہنا ہے کہ وزیر اعظم عمران خان دوسرے ون بیلٹ ون روڈ فورم میں شرکت کریں گے۔فورم میں دنیا بھر سے سو سے زائد ممالک کے سربرہان اور مندوبین شرکت کریں گے۔ذرائع کا کہنا ہے کہ وزیر اعظم فورم کی سائیڈ لائن پر عالمی رہنماؤں سے ملاقاتیں بھی کریں گے۔عمران خان دورہ چین کے دوران صدر ، وزیر اعظم سمیت اعلٰی قیادت سے ملاقاتیں کریں گے۔ذرائع کا کہنا ہے کہ ملاقاتوں میں پاک چین راہ داری منصوبے پر بات چیت ہوگی۔وزیر اعظم عمران خان کو دورے کی دعوت چینی صدر شی جن پینگ نے دی تھی۔
The post وزیراعظم عمران 27اپریل کو کس ملک کے دورے پر جائینگے؟ appeared first on Global Current News.
راولپنڈی(جی سی این رپورٹ)آرمی چیف جنرل قمر جاوید باجوہ کا کہنا ہے کہ امن و استحکام ہمارے افسران اور جوانوں کی بے لوث لگن اور قربانیوں کا ثمر ہے۔پاک فوج کے شعبہ تعلقات عامہ (آئی ایس پی آر) کے مطابق جنرل ہیڈکوارٹرز (جی ایچ کیو) میں ایوارڈز دینے کی تقریب ہوئی جس میں آرمی چیف جنرل قمر جاوید باجوہ نے فوجی افسران و جوانوں میں ایوارڈز تقسیم کیے۔آئی ایس پی آر نے بتایا کہ فوجی افسران و جوانوں کو مختلف آپریشنز کے دوران بہادری پر ایوارڈز دیے گئے جب کہ تقریب میں فوج کے شہداء اور غازیوں کے اہل خانہ نے بھی شرکت کی۔آئی ایس پی آر کا کہنا ہے کہ 35 افسران کو ستارہ امتیاز (ملٹری)، 36 افسران و جوانوں کو تمغہ بسالت اور 7 جوانوں کو یو این (اقوام متحدہ) میڈل دیے گئے جب کہ شہداء کے میڈلز ان کے اہل خانہ نے وصول کیے۔اس موقع پر تقریب سے خطاب میں آرمی چیف جنرل قمر جاوید باجوہ کا کہنا تھا کہ امن و استحکام ہمارے ان افسران اور جوانوں کی بے لوث لگن اور قربانیوں کا ثمر ہے اور قربانیاں دینے والے افسران و جوان ہمارے اصل ہیروز ہیں۔انہوں نے کہا کہ مادر وطن کے دفاع میں جان قربان کرنے سے بڑھ کر کوئی عمل نہیں، ہمارے شہداء کی قربانیاں رائیگاں نہیں جائیں گی۔آرمی چیف نے ملک کے لیے قربانی دینے والے شہداء کی فیملیز کو خراج تحسین کیا۔
Investiture Ceremony held at GHQ. Shaheeds and Ghazis of last year conferred with gallantry awards. COAS shared strength behind motivation and achievements of Pakistan Armed Forces. Acknowledging their support thanked resilient Pakistani Nation.#PakistanZindabad pic.twitter.com/obDhw2XJ8C
— Maj Gen Asif Ghafoor (@OfficialDGISPR) April 10, 2019
The post اصل ہیرو کون؟آرمی چیف جنرل قمر جاوید باجوہ نے بتا دیا۔۔ appeared first on Global Current News.
لاہور (جی سی این رپورٹ)برطانیہ میں مقیم پاکستانی نژاد تاجر سرفراز مرچنٹ نے کہا ہے کہ بانی متحدہ لندن میں 4 جائیدادیں بیچ چکے ہیں۔انہیں ٹیکس نہ دینے کی وجہ سے80 لاکھ سے ایک کروڑ پائونڈ جرمانہ ہوسکتا ہے۔نجی ٹی وی چینل پروگرام میں گفتگو کرتے ہوئے پاکستانی نژاد تاجر نے کہا کہ کراچی والوں کی لاتعلقی کے بعد متحدہ بانی پیسے نہ ہونے پر لندن میں 4جائیدادیں بیچ چکے ہیں، ایم کیو ایم کے مالی امور کے انچارج محمد انور تھے لیکن متحدہ بانی اب کسی پربھروسہ نہیں کرتے،وہ ساری چیزوں کوخودکنٹرول کررہے ہیں،انہوں نے اپنی اہلیہ متحدہ بانی نےاپنی بیوی کےحصہ مانگنےپرٹرسٹ قائم کردیاتھا،جس کے بعد ساری جائیدادٹرسٹ کےنام ہوگئی تھی، 4جائیدادوں میں سے2 محمدانور،محمدطارق کےنام پرتھیں،برطانوی حکومت کےپاس محمدانورکااعترافی بیان موجود ہے۔میزبان “دنیا کامران خان کے ساتھ “کے مطابق اپوزیشن اور حکومت کے درمیان آج واقعی برف پگھلی ہے ،شہباز شریف نے وزیر اعظم کو ایک مفاہمتی پیغام دیا ہے جب وہ اپنی اس ضد یا پوزیشن سے پیچھے ہٹ گئے اور وزیر اعظم عمران خان کے خط کا خط کے ذریعے جواب بھیج دیا ہے اور الیکشن کمیشن کے بلوچستان اور سندھ کے ارکان کے نام تجویز کر دئیےہیں، اس طرح آئینی ڈیڈ لاک پیدا ہونے کی صورت حال ختم ہو گئی ہے، موجودہ حالات کے لحاظ سے ؕیہ ایک اہم اور معنی خیز پیش رفت ہے،شہباز شریف نے ایسا کیوں کیا ہے ؟ اس حوالے سے سینئر تجزیہ کار مجیب الرحمان شامی نے پروگرام میں گفتگو کرتے ہوئے کہا کہ شہباز شریف کا یہ اقدام اس بات کی غمازی کرتا ہے کہ وہ ابھی تک سسٹم سے مایوس نہیں ہوئے ؕ۔شہباز شریف سسٹم کے اندر رہ کر کام کرنا چاہتے ہیں اور چاہتے ہیں کہ کوئی ایسا راستہ نکلے کہ پر امن بقائے باہمی ہوسکے ۔ حمزہ شہباز پر کافی پریشر کے باوجود انہوں نے کہاکہ ہم میثاق معیشت کرنا چاہتے ہیں ۔ابھی بھی ان کا خاندان دبائو میں ہے ۔فضل الرحمان نے اس بات پر بھی احتجاج کیا ہے کہ شہباز شریف نے وزیر اعظم کو یہ خط کیوں لکھا ہے ،وہ سمجھتے ہیں الیکشن کمیشن کو تسلیم ہی نہیں کیا جانا چاہیے ۔یہ ایک کشمکش ہے اگر عمران خان ذرا تدبر سے کام لیں اور اپوزیشن کو تھوڑا سا راستہ دیں ۔خود اپوزیشن بننے کا رویہ ترک کردیں تو معاملات کو بخوبی سنبھالا جاسکتا ہےبنیادی بات یہ ہے کہ ایک ورکنگ ریلیشن شپ ہو جائے ،دوسری طرف وفاقی وزیر قانون فروغ نسیم نے کہا کہ نیب قانون میں ترمیم کو حتمی شکل دیدی گئی ہے ،بہت جلد نیب قانون میں اصلاحات لائی جائیں گی ، نیب کو غیر فعال نہیں بلکہ فعال ادارہ بنائیں گے ۔جہاں تک نیب کے غلط استعمال کی بات ہے اسے دور کرنے کی کوشش کی جائے گی۔ میڈیا کو دیکھنا ہوگا کہ قانون سازی کس کی وجہ سے نہیں ہورہی ،کیا حکومت کی غلطی ہے یا اپوزیشن کی ضد کی وجہ سے قانون سازی نہیں ہورہی؟
The post بانی متحدہ لندن کراچی سے فنڈنگ بند ہونے کے بعد اخراجات کیسے پورے کر رہے ہیں؟ appeared first on Global Current News.
اسلام آباد (جی سی این رپورٹ)الیکشن کمیشن نے بلوچستان عوامی پارٹی کے رکن اسمبلی محمد خان طور جعلی ڈگری معاملے پر نااہل قرار دیدیا ۔ بدھ کو چیف الیکشن کمشنر سردار محمد رضا کی سربراہی میں تین رکنی کمیشن نے فیصلہ سنایا۔حمد خان طور بلوچستان عوامی پارٹی کے ٹکٹ پر پی بی 4 لورالائی سے رکن صوبائی اسمبلی منتخب ہوئے
The post جعلی ڈگری کیس،اہم جماعت کا اہم رکن اسمبلی نااہل appeared first on Global Current News.
فی الحال اس کی تشخیص کے لیے کوئی ٹیسٹ نہیں تاہم مریض کی میڈیکل ہسٹری، جسمانی معائنہ اورمتاثرہ شخص میں موجود دیگر امراض کی بنیاد پر اس کی تشخ...
جملہ حقوق ©
WAKEUPCALL WITH ZIAMUGHAL
Anag Amor Theme by FOCUS MEDIA | Bloggerized by ZIAMUGHAL