آسڑیلوی کرکٹ ٹیم کیلئے بری خبر (بی بی سی رپورٹ )

شارجہ (جی سی این رپورٹ)آسٹریلین فاسٹ بالر جھائے رچرڈسن پاکستان کے خلاف دوسری ون ڈے میچ کے دوران زخمی ہو کر سیریز سے باہر ہو گئے ہیں اور ان کی ورلڈ کپ میں بھی شرکت مشکوک ہو گئی ہے۔شارجہ میں کھیلے گئے دوسرے ون ڈے میچ میں رچرڈسن نے پانچ اوورز میں 16 رن دے کر دو وکٹیں لیں لیکن میچ کے 11ویں اوور میں فیلڈنگ کرتے ہوئے بری طرح گر گئے اور میدان سے باہر چکے گئے۔کرکٹ آسٹریلیا نے فاسٹ بالر کی انجری کی تصدیق کرتے ہوئے بتایا کہ رچرڈسن کا کنڈھا اتر گیا ہے اور وہ وطن واپس لوٹ رہے ہیں۔بورڈ نے مزید بتایا کہ 22سالہ فاسٹ بالر پیر کو پرتھ لوٹیں گے اور وہاں طبی معائنے کے بعد اس بات کا اندازہ ہو گا کہ ان کی انجری کس حد تک سنگین نوعیت کی ہے۔آسٹریلین اسپنر نیتھن لایون نے رچرڈسن کی انجری پر مایوسی کا اظہار کرتے ہوئے کہا کہ فاسٹ بالر بہت اچھی فارم میں تھے اور اور انجری کی وجہ سے وہ بہت زیادہ مایوس ہیں۔اس انجری کے سبب رچرڈسن کی رواں سال انگلینڈ میں شیڈول ورلڈ کپ میں شرکت پر بھی سوالیہ نشان لگ گیا ہے اور اگر وہ عالمی کپ میں شرکت نہیں کر پاتے تو یہ دفاعی چیممپیئن آسٹریلیا کے لیے بہت بڑا دھچکا ہو گا۔واضح رہے کہ تجربہ آسٹریلین فاسٹ بالر مچل اسٹارک اور جوش ہیزل وڈ بھی انجری کا شکار ہیں اور ان کی ورلڈ کپ میں شرکت تاحال مشکوک ہے۔

The post آسڑیلوی کرکٹ ٹیم کیلئے بری خبر appeared first on Global Current News.

from Global Current News https://ift.tt/2uq1w3Z
via IFTTT