![](https://static01.nyt.com/images/2019/02/26/world/26Vietnam1/merlin_151237383_05471507-7321-463e-a37a-aabd71f318cb-mediumThreeByTwo440.jpg)
By HANNAH BEECH from NYT World https://ift.tt/2tCd7MX
.FOCUS WORLD NEWS MEDIA GROUP EUROPE copy right(int/sec 23,2012), BTR-2018/VR.274058.IT-
اسلام آباد(جی سی این رپورٹ): اپوزیشن جماعتوں نے بھارتی ایئر فورس کی جانب سے دراندازی پر حکومت سے پارلیمنٹ کا مشترکہ اجلاس بلانے کا مطالبہ کیا ہے۔ ڈپٹی اسپیکر قاسم سوری کی زیرصدارت قومی اسمبلی کے اجلاس کے دوران پیپلز پارٹی کے رہنما سید خورشید شاہ نے موجودہ صورتحال پر پارلیمنٹ کا مشترکہ اجلاس بلانے کا مطالبہ کیا اور مسلم لیگ (ن) کے رہنما خواجہ آصف نے اس کی تائید کی۔خورشید شاہ نے کہا کہ ہم حالات جنگ میں آچکے ہیں، اب پارلیمنٹ کو فیصلے کرنے چاہئیں، ایسی کوئی بات نہ کی جائے جس سے اختلاف نظر آئے، ہمیں دنیا اور بھارت کو اپنا اتحاد دکھانا ہے۔خواجہ آصف نے اس موقع پر اظہار خیال کرتے ہوئے کہا کہ آج شام کو ہی مشترکہ اجلاس بلائیں، یہ قومی سلامتی کا مسئلہ ہے تاکہ ایک آواز جائے، ہمارے جوانوں اور افواج کو پتا چلے کہ قوم ان کے ساتھ کھڑی ہے۔خواجہ آصف نے کہا کہ ‘اس وقت سیاست نہ کریں، یہ اتحاد اور قومی یکجہتی کا وقت ہے’۔بھارتی دراندازی کی کوشش پر سیاسی رہنماؤں کی جانب سے بھرپور ردعمل کی آمد کا سلسلہ جاری ہے۔قومی اسمبلی میں قائد حزب اختلاف شہباز شریف نے بھارتی دراندازی کی شدید مذمت کی اور کہا کہ اگر بھارت جنگ شروع کی تو نئی دہلی پر پاکستان کا پرچم لہرائے گا، بھارتی قیادت ہوش کے ناخن لے اور جنوبی ایشیا کے امن کو اپنے ہاتھوں سے آگ میں نہ دھکیلے۔انہوں نے کہا کہ ایک طرف مودی غریبوں کے پاؤں دھو رہے ہیں، دوسری طرف بے گناہ نہتے کشمیریوں کا خون بہارہے ہیں، نریندر مودی جنوبی ایشیا کے بے گناہ انسانوں اورغریبوں کو جنگ کی بھٹی میں نہ دھکیلیں۔پیپلز پارٹی سے تعلق رکھنے والی سینیٹر شیریں رحمان کا کہنا ہے کہ بھارت نے جو طبل جنگ بجایا ہے پاکستان کی مسلح افواج اس کے لیے بالکل تیار ہیں اور بھارت کی جارحیت کا بھرپور اور فوری طور پر جواب دیں گے۔شیریں رحمان نے کہا کہ حکومت کی ذمہ داری بنتی ہے کہ موجودہ صورتحال میں پارلیمان کا فوری طور پر مشترکہ اجلاس بلائے، دنیا کو پیغام دیا جائے کہ ہم جنگ نہیں چاہتے، اگر ہم پر جنگ مسلط کی گئی تو پاکستان اس کے لیے بالکل تیار ہے۔وزیراعظم آزاد کشمیر راجا فاروق حیدر نے بھارتی طیاروں کی ایل اوسی کی خلاف ورزی کی شدید مذمت کی اور کہا کہ عالمی برادری بھارت کا جنگی جنون دیکھ لے، بزدل بھارت رات کی تاریکی میں چھپ کر وار کرنے کی کوشش کرتا ہے، ہم تیار ہیں، جس طرح پاک فضائیہ نے بھارتی طیاروں کو بھگایا وہ قابل داد ہے۔راجا فاروق حیدر نے کہا کہ کشمیری عوام ذرا برابر خوفزدہ نہیں ہیں، 45 لاکھ کشمیریوں کی لاشوں پر سے گزر کر ہی کوئی پاکستان تک پہنچےگا، آزاد کشمیر کے عوام بھارت کا جنگی جنون کئی مرتبہ دیکھ چکے ہیں۔وزیراعظم آزاد کشمیر کا مزید کہنا تھا کہ بھارت مقبوضہ کشمیر کی صورتحال سے توجہ ہٹانے کے لیے جنگی جنون کو ہوا دے رہا ہے، کشمیریوں نے بھی ٹھان لی ہے وہ بھارتی فوج کو سرینگر سے بھگا کردم لیں گے۔دوسری جانب مسلم لیگ (ن) نے موجودہ صورتحال پر پارلیمانی پارٹی کا فوری ہنگامی اجلاس طلب کرلیا جس کی صدارت شاہد خاقان عباسی کریں گے اور اجلاس میں بھارتی جارحیت کے حوالے سے امور پر مشاورت ہوگی۔وزیراعلی سندھ سید مراد علی شاہ نے اپنے بیان میں کہا کہ پاکستان کی افواج دنیا کی بہترین فوج ہیں، اگر بھارت نے جارحیت کی تو پاک فوج اس کا منہ توڑ جواب دے گی۔مراد علی شاہ کا مزید کہنا تھا کہ پاکستان کی عوام ملک کا دفاع کرنا جانتی ہے، ہم پرامن ملک ہیں اور خطے میں امن چاہتے ہیں، ہماری امن پسندی کو کمزوری نہ سمجھا جائے۔
لاہور(جی سی این رپورٹ)پاکستان مسلم لیگ (ن) کے صدر شہبازشریف نے بھارتی حملے کی شدید مذمت کرتے ہوئے کہا ہے کہ بھارت نے جنگ شروع کی تو نئی دہلی پر پاکستان کا پرچم لہرائے گا،ان شاءاللہ۔اپوزیشن لیڈر شہباز شریف نے ایک بیان میں کہا ہے کہ ایک طرف مودی غریبوں کےپاؤں دھورہےہیں،دوسری طرف بیگناہ نہتےکشمیریوں کاخون بہارہےہیں۔انہوں نے کہا کہ بھارتی قیادت ہوش کے ناخن لے،جنوبی ایشیاکے بے گناہ انسانوں اورغریبوں کوجنگ کی بھٹی میں نہ دھکیلیں،نریندرمودی خاکروبوں کے پاؤں دھونے سے بڑا اور عظیم کام کرسکتے ہیں۔انہوں نے مزید کہا کہ پاکستان کی امن پسندی اورتحمل مزاجی کوکمزوری سمجھنابھارت کی سنگین غلطی ثابت ہوگی،پوری قوم بالخصوص پاکستان مسلم لیگ ن کےورکرمسلح افواج کےساتھ مکمل یکجہتی کااظہار کریں۔شہبازشریف نے کہا کہ ہماری مسلح افواج جذبہ شہادت،پیشہ ورانہ مہارت اور بے مثال جرات و بہادری کا پیکر ہیں،ہمیں اپنے بیٹوں،مادر وطن کے سجیلے جوانوں پر ناز ہے،مادر وطن کےتحفظ،دفاع کی خاطرخون بہانے کیلیے میں محاذجنگ پرجانےکیلئےتیارہوں۔
نئی دہلی (جی سی این رپورٹ)بھارتی وزارت دفاع پاکستان میں گزشتہ رات فضائیہ کی کارروائی سے لاعلم نکلی۔بھارتی میڈیا نے وزارت دفاع کا بیان جاری کیا ہے جس میں انہوں نے کہا ہے کہ بھارتی طیاروں کی پاکستانی فضائی حدود کی خلاف ورزی سے متعلق کوئی علم نہیں۔ترجمان بھارتی وزارت دفاع کا کہنا ہے کہ انہیں پاکستانی الزامات کاکوئی علم نہیں کہ بھارتی طیاروں نے پاکستانی فضائی حدود کی خلافورزی کی ۔
راولپنڈی(جی سی این رپورٹ) بھارتی ایئر فورس کی جانب سے دراندازی کی کوشش کی گئی جس کے بعد پاک فضائیہ کی بروقت اور مؤثر کارروائی کے بعد بھارتی طیارے فرار ہوگئے۔ترجمان پاک فوج میجر جنرل آصف غفور کے مطابق بھارتی طیاروں نے مظفر آباد سیکٹر سے دراندازی کی کوشش کی اور طیارے آزاد جموں و کشمیر میں تین سے چار میل تک داخل ہوئے۔ترجمان پاک فوج نے کہا کہ پاک فضائیہ کے بروقت اور مؤثر جواب کے باعث بدحواس بھارتی طیارے اپنے ایمونیشن بالاکوٹ کے قریب گرا کر فرار ہوگئے۔ترجمان پاک فوج نے کہا کہ بھارتی دراندازی کے واقعے میں کوئی جانی یامالی نقصان نہیں ہوا تاہم پاک فضائیہ کی بروقت اور مؤثر کارروائی کے بعد بھارتی طیارے فرار ہوگئے۔میجر جنرل آصف غفور نے بھارتی طیاروں کی جانب سے کھلے علاقوں میں گرائے گئے ہتھیاروں کی تصاویر بھی جاری کردیں۔پلوامہ حملے کے بعد 40 سے زائد بھارتی اہلکاروں کی ہلاکت کے بعد بھارتی حکومت اور میڈیا بدحواس ہوچکا ہے اور پڑوسی ملک سے مسلسل پاکستان کو سبق سکھانے، سفارتی سطح پر تنہا کرنے اور جنگ کرنے جیسی آوازیں آرہی ہیں۔یاد رہے کہ گزشتہ روز سربراہ پاک فوج جنرل قمر جاوید باجوہ نے ایئر چیف مارشل مجاہد انور خان کے ہمراہ ایئر ہیڈ کوارٹرز کا دورہ کیا تھا جس کے دوران ملک کو درپیش خطرات اور بھارت کی جانب سے کسی بھی قسم کی جارحیت پر جوابی حکمت عملی پر تبادلہ خیال کیا گیا تھا۔گورنر پنجاب چوہدری محمد سرور نے اپنے بیان میں کہا ہے کہ اقوام متحدہ کو بھارتی فضائیہ کی دراندازی کی کوششوں کاسخت نوٹس لینا چاہیے۔گورنر پنجاب نے کہا کہ پاکستانی شاہینوں نے دشمن کو ہمیشہ کی طرح منہ توڑ جواب دیا، آج ملکی دفاع کے لیے پوری قوم افواج پاکستان اور حکومت کے ساتھ کھڑی ہے۔
Indian Air Force violated Line of Control. Pakistan Air Force immediately scrambled. Indian aircrafts gone back. Details to follow.
— Maj Gen Asif Ghafoor (@OfficialDGISPR) February 25, 2019
Payload of hastily escaping Indian aircrafts fell in open. pic.twitter.com/8drYtNGMsm
— Maj Gen Asif Ghafoor (@OfficialDGISPR) February 26, 2019
مولانا محمد الیاس گھمن
قرآن منبع ہدایت ہے ، جب اس کی تلاوت تمام آداب ، شرائط اور اس کے حقوق ادا کر کے نہایت غور و خوض سے کی جائے تو اللہ تعالی ہدایت عطا فرماتے ہیں اورعلم و حکمت کے دریا بہا دیتے ہیں۔قرآن کریم کی تلاوت کے احکام میں سے ایک حکم سجدہ تلاوت بھی ہے کہ بعض متعین آیات کریمہ کی تلاوت کرنے اور سننے کے بعد سجدہ کرنا واجب ہوتا ہے۔
سجدہ تلاوت کا طریقہ :
مسئلہ: سجدہ تلاوت کرنے کا ایک طریقہ تو یہ ہے کہ اللہ اکبر کہہ کر سجدہ میں چلا جائے اور اللہ اکبر کہتے وقت ہاتھ نہ اٹھائے ، سجدہ میں کم از کم تین بار سبحان ربی الاعلیٰ کہہ کر اللہ اکبر کہتے ہوئے سر اٹھا لے۔ بس سجدہ تلاوت ادا ہوگیا۔
مسئلہ: بہتر یہ ہے کہ کھڑے ہوکر بغیر ہاتھ اٹھائے پہلے اللہ اکبر کہہ کر سجدہ میں جائیں اور تین مرتبہ سبحان ربی الاعلیٰ کہیں پھر اللہ اکبر کہتے ہوئے کھڑے ہوجائیں، ورنہ بیٹھ کر اللہ اکبر کہہ کے سجدہ میں جائیں تین بار سبحان ربی الاعلیٰ کہیں اور اللہ اکبر کہہ کے بیٹھ جائیں،آپ کا سجدہ تلاوت ادا ہو گیا۔
سجدہ تلاوت کے متفرق مسائل:
مسئلہ: سجدہ کی آیت پڑھنے اور سننے والے دونوں پر سجدہ کرنا واجب ہوجاتا ہے ۔ چاہے سننے والا قرآن شریف کے سننے کی غرض سے بیٹھا ہو یا کسی اور کام میں مشغول ہو اور بغیر ارادہ کے آیت ِسجدہ سن لی ہو، اس لیے بہتر یہ ہے کہ تلاوت کرنے والا سجدہ کی آیت کو آہستہ پڑھے تاکہ کسی اور پر سجدہ واجب نہ ہو۔
مسئلہ: اگر نماز میں سجدہ کی آیت پڑھی مگر نماز ہی میں سجدہ تلاوت ادا نہ کیا تو نماز کے بعد سجدہ کرنے سے سجدہ تلاوت ادا نہ ہوگا اور وہ شخص گناہ گارہوگا اب سوائے توبہ استغفار کے اور کوئی صورت نہیں۔
مسئلہ: امام صاحب سجدہ کی آیت بھول گئے اور مقتدی نے پڑھ کر لقمہ دیا اور امام نے وہ آیت پڑھ کر سجدہ تلاوت کیا تو بس یہ ایک سجدہ ہی کافی ہے الگ الگ دو سجدے کرنا واجب نہیں۔
مسئلہ: نماز میں اگر کوئی شخص آیت سجدہ پڑھے تو فوراً سجدہ کرنا واجب ہے اگر چھوٹی تین آیتیں یا ایک لمبی آیت پڑھ کے سجدہ تلاوت کیا تو آخر میں سجدہ سہو کرنا واجب ہے اگر تین چھوٹی آیات سے کم تلاوت کر کے ہی سجدہ تلاوت کر لیا تو سجدہ سہو واجب نہیں۔
مسئلہ: تروایح میں سجدہ تلاوت کا اعلان کرنا ضروری نہیں ہے۔ اگر اعلان کرے تو منع بھی نہیں لیکن اعلان کرنے کو لازم نہ سمجھا جائے کیونکہ اعلان کرنا ثابت نہیں ۔ہاں اگر مقتدیوں کی نماز میں تشویش پیدا ہونے کا اندیشہ ہو تو اعلان کر دینا بہتر ہے۔
مسئلہ: جس رکعت میں آیت سجدہ پڑھی ہے اس رکعت میں سجدہ کرنا بھول گیا ہے تو دوسری یا تیسری رکعت میں جب بھی یاد آجائے فوراً سجدہ کر لے اور آخر میں سجدہ سہو بھی کرلے۔
مسئلہ: بغیر وضو کے سجدہ تلاوت کرنا جائز نہیں۔
مسئلہ: اگر ایک آیتِ سجدہ تلاوت کی ہے یا سنی ہے تو صرف ایک سجدہ ادا کیا جائے۔ ایک سے زائد نہیں۔
مسئلہ : اگر کئی آیات سجدہ تلاوت کی ہیں یا سنی ہیں تو جتنی تعداد آیات سجدہ کی ہے اتنے ہی سجدے ادا کیے جائیں۔ مثلا اگر 5 آیات سجدہ تلاوت کی ہیں یا سنی ہیں تو صرف 5 سجدے ہی ادا کیے جائیں۔
مسئلہ : فوراً اسی وقت سجدہ کرنا ضروری نہیں لیکن مستحب یہ ہے کہ وضو ہو تو اس وقت سجدہ کر لے شاید بعد میں یاد نہ رہے۔
مسئلہ : جو چیزیں نماز کے لیے شرط ہیں وہ سجدہ تلاوت کے لیے بھی شرط ہیں ، مثلاً وضوکا ہونا، جگہ کا پاک ہونا، بدن اور کپڑے کا پاک ہونا، قبلہ کی طرف رخ کرنا ، وغیرہ
مسئلہ : اگر کسی عورت نے حیض یا نفاس کی حالت میں کسی سے آیت سجدہ سن لی اس پر سجدہ تلاوت واجب نہیں ہوا اور اگر ایسی حالت میں آیت سجدہ سنی کہ مدت حیض یا مدت نفاس پوری ہو چکی تھی لیکن ابھی غسل نہیں کیا تھا تواب سجدہ تلاوت اس پر واجب ہو چکا ہے غسل کے بعد ادا کرنا ضروری ہے۔
مسئلہ: نماز پڑھنے کے دوران کسی اور شخص سے سجدہ کی آیت سنی تو نماز میں سجدہ نہ کیا جائے بلکہ نماز مکمل کر لینے کے بعد سجدہ ادا کریں ۔ اگر نماز ہی میں سجدہ تلاوت ادا کیا تو وہ سجدہ ادا نہیں ہوگا دوبارہ کرنا پڑے گا او رگناہ بھی ہوگا۔
مسئلہ : سجدہ کی کوئی آیت پڑھی اور سجدہ نہیں کیا ، پھر اسی جگہ نماز کی نیت کی وہی آیت نماز میں پڑھی اور نماز میں سجدہ تلاوت کیا تو یہی سجدہ تلاوت کافی ہے ، دونوں سجدے ادا ہوجائیں گے البتہ اگر جگہ بدل گئی ہو تو دوسرا سجدہ کرنا واجب ہوگا۔
مسئلہ : اگر کوئی شخص کسی امام سے آیت سجدہ سننے کے بعد اس کی اقتداءکرے تو اس کو امام کے ساتھ سجدہ کرنا چاہیے اور اگر امام سجدہ کر چکا ہو تو دو صورتیں ہیں:
پہلی صورت: جس رکعت میں امام نے آیت سجدہ تلاوت کی ہو، وہی رکعت اس کو اگر مل جائے تو اس کو سجدہ کرنے کی ضرورت نہیں اس رکعت کے مل جانے سے یہ سمجھا جائے گا کہ وہ سجدہ مل گیا۔
دوسری صورت: وہ رکعت نہ ملے تو نماز پوری کرنے کے بعد سجدہ کرنا واجب ہے۔
مسئلہ اگر آیت سجدہ کی تلاوت کے فوراً بعد یا دو تین آیا ت پڑھ کر رکوع کیا اور اس میں نیت سجدہ تلاوت کر لی تو سجدہ تلاوت ادا ہوجائے گا اور مقتدیوں کی بھی نیت کرنے کی ضرورت ہے بغیر نیت کے ان کے ذمہ سے سجدہ تلاوت ادا نہ ہوگا اور تین آیات سے زیادہ تلاوت کر لی تو اب رکوع میں نیت کرنے سے سجدہ تلاوت ادا نہ ہوگا۔
مسئلہ : اگر کسی آدمی کے ذمہ میں بہت سارے سجدہ تلاوت باقی رہ گئے اور اب بیماری کی وجہ سے زمین پر سجدہ کرنے پر قادر نہیں رہا تو اب وہ جس طرح نماز کا سجدہ اشارہ سے کرتا ہے ، سجدہ تلاوت کا سجدہ بھی اسی طرح اشارہ سے کرنے سے ادا ہو جائےگا ، اس کے بجائے فدیہ دینا کافی نہیں اور تاخیر کی وجہ سے توبہ استغفار لازم ہے۔ آیت سجدہ کا ایک جز بھی تلاوت کر لیا تو سجدہ کرنا واجب ہو جاتا ہے اگرچہ پوری آیت تلاوت نہ کی ہو۔ اگر مکروہ اوقات میں یعنی طلوع آفتاب غروب شمس اور زوال کے وقت آیت سجدہ تلاوت کی گئی تو ان اوقات میں سجدہ تلاوت کرنا جائزہے مگر یہ مکروہ ہے ، افضل اور بہتر یہ ہے کہ مکروہ اوقات نکل جانے کے بعد سجدہ کرے۔
لاہور(جی سی این رپورٹ)کسٹمز حکام نے لاہور ایئرپورٹ سے 7 کلو ہیروئن قطر اسمگل کرنے کی کوشش ناکام بنادی۔کسٹمز حکام کے مطابق غیر ملکی ایئر لائن کی دوحہ جانے والی پرواز کے ذریعے ایک نجی کمپنی کی جانب سےکنسانمنٹ بک کرائی گئی تھی جس کی تلاشی لی گئی تو اس میں سے 7کلو ہیروئن برآمد کرلی گئی۔کسٹم حکام کے مطابق ہیروئن پیکٹوں میں بھر کر بیڈ شیٹوں کی کنسائنمنٹ میں چھپائی گئی تھی جسے قبضے میں لے کر مزید کارروائی شروع کردی گئی ہے۔
وہاڑی (جی سی این رپورٹ )میلسی سدھنائی لنک نہر 84 پل کے قریب گھریلو ناچاقی پر ماں نے اپنی 2 کم سن بیٹیوں کو نہر میں پھینک دیا۔ریسکیو وہاڑی کے مطابق ضلع خانیوال کے تھانہ چھب کلاں کی حدود 84 پل پر نواحی گاؤں 85 پندرہ ایل کی رہائشی سنگ دل ماں رخسانہ شبیر نے اپنی 3 بیٹی کائنات اور 7 سالہ عائشہ کو سدھنائی میلسی لنک کینال میں پھینک دیا ۔پولیس نے ماں اور اس کے مبینہ آشنا کو گرفتار کرکے کاروائی شروع کر دی ہے، ریسکیو وہاڑی اور خانیوال کی ٹیمیں نہر سے بچیوں کو تلاش کر رہی ہیں ۔
واقعہ کی اطلاع ملتے ہی ریسکیو وہاڑی اور خانیوال کی ٹیمیں موقع پر پہنچ گئیں اور انہوں نے بچیوں کو نہر سے نکالنے کے لئے تلاش کا عمل شروع کر دیا ہے جبکہ پولیس نے ملزمہ رخسانہ بی بی کو اس کے مبینہ آشنا قمر عباس سمیت گرفتار کر کے تفتیش شروع کر دی ہے۔پولیس کے مطابق رخسانہ شبیر کا شوہر سعودی عرب میں مقیم تھا جس کا اس سے لڑائی جھگڑا رہتا تھا۔
اسلام آباد(جی سی این رپورٹ)پاکستان مسلم لیگ(ن) کی ترجمان اور سابق وزیر اطلاعات مریم اورنگزیب نے وفاقی وزیر اطلاعات فواد چوہدری کی دعوت پر ان کے چیمبر میں ان سے ملاقات کی۔مریم اورنگزیب نے فواد چوہدری سے ملاقات میں پاکستان ٹیلی ویژن (پی ٹی وی) بحران سے متعلق تبادلہ خیال کیا۔ذرائع کے مطابق سابق وزیر اطلاعات اور فواد چوہدری کے درمیان پی ٹی وی کے مینیجنگ ڈائریکٹر( ایم ڈی) ارشد خان کے تقرر سے متعلق امور زیر غور آئے۔ملاقات میں مریم اورنگزیب نے کہا ایم ڈی پی ٹی وی کی تعیناتی غیر قانونی طور پر ہوئی جس پر فواد چوہدری نے ان کے موقف کو سراہا۔ذرائع کے مطابق فواد چوہدری نے مریم اورنگزیب سے سابق ایم ڈی پی ٹی وی عطاالحق قاسمی کیس کے حل میں آگاہی لی۔پاکستان مسلم لیگ (ن) کی ترجمان نے وزیر اطلاعات سے پی ٹی وی ملازمین اور پنشنرز کو درپیش مسائل کے حل کا مطالبہ کیا جس پر فواد چوہدری نے انہیں یقین دلایا کہ پی ٹی وی ملازمین کے مسائل کو جلد حل کیا جائے گا۔مریم اورنگزیب نے وفاقی وزیر اطلاعات سے ملاقات سے متعلق جاری کیے گئے بیان میں کہا کہ انہوں نے وزیر اطلاعات کی توجہ فلم اور کلچرل پالیسی پر عملدرآمد میں تاخیر کی جانب مبذول کروائی۔انہوں نے کہا کہ اطلاعات تک رسائی کے حق سے متعلق کمیشن کے حوالے سے بھی تاحال عملدرآمد کا مرحلہ درپیش ہے۔مریم اورنگزیب نے کہا کہ انہوں نے وزیر اطلاعات کو اپوزیشن کی جانب سے ان مسائل کے حل کے حوالے سے تعاون کی یقین دہانی کرائی۔ترجمان مسلم لیگ(ن) نے وزیر اطلاعات سے پاکستان میڈیا ریگولیٹری اتھارٹی کے قیام کا معاملہ قومی اسمبلی کی قائمہ کمیٹی برائے اطلاعات میں لانے پر زور دیا۔
نئی دہلی (جی سی این رپورٹ)سابق بھارتی کپتان ساروو گنگولی نے کہا کہ بھارت اگر چاہے بھی تو پاکستان کو کرکٹ ورلڈ کپ سے باہر نہیں کروا سکتا۔14 فروری کو مقبوضہ کشمیر کے ضلع پلوامہ میں ہونے والے حملے کے بعد بھارت کی جانب سے پاکستان کے خلاف نا صرف سیاسی محاذ کھولا گیا بلکہ تجارت اور اداکاروں پر پابندیوں کے علاوہ کھیل کے میدان میں بھی پاکستان کو نشانہ بنایا گیا۔بھارتی کرکٹ بورڈ کے حکام کی جانب سے نا صرف آئی سی سی سے ورلڈ کپ میں پاکستان سے میچز نہ کھیلنے سمیت پاکستان کو ورلڈ کپ سے باہر کرنے کی باتیں بھی سامنے آئیں۔لیکن بھارت کو پاکستان کے حوالے سے نا صرف بین الاقوامی سطح پر حزیمت کا سامنا کرنا پڑا بلکہ خود بھارت میں بھی بڑے پیمانے پر مودی سرکار کو تنقید کا نشانہ بنایا جا رہا ہے۔بھارتی وزیراعظم نریندر مودی کی جانب سے خاکروبوں کے پاؤں دھونے کی ویڈیو سامنے آنے پر بھارتی اداکار اور سیاستدان راج ببر نے مودی کو ڈرامے باز قرار دیتے ہوئے کہا کہ اچھا ہوتا کہ مودی جی ان ضرورت مندوں کو کپڑے دلا دیتے۔راج ببر نے نریندر مودی کا مذاق اڑاتے ہوئے کہا کہ سوشل میڈیا پر لوگ تو یہاں تک کہہ رہے ہیں کہ مودی کے پیر دُھلانے کے دوران کسی خاتون کی پائل کھو گئی ہے، وہ ایف آئی آر کٹانے گئی ہے۔سابق بھارتی کپتان ساروو گنگولی بھی اب میدان میں آگئے ہیں اور ان کا کہنا ہے کہ بھارت چاہے بھی تو پاکستان کو کرکٹ ورلڈ کپ سے باہر نہیں کر سکتا۔گنگولی نے کہا کہ آئی سی سی بھارت کے دباؤ میں ایسا کوئی فیصلہ نہیں کرے گا، ایک فیصد بھی امکان نہیں کہ آئی سی سی بھارت کی بات مان لے۔
لاہور(جی سی این رپورٹ)سابق وزیراعظم نوازشریف کی صاحبزادی مریم نواز نے اسلام آبادہائی کورٹ کے فیصلے سے قبل کہا کہ‘‘دعاشاکرتومنگی رکھ ،دعاجانے خداجانے’’۔ سابق وزیراعظم نوازشریف کی العزیزیہ ریفرنس میں سزامعطلی کی درخواست پر محفوظ فیصلہ سے قبل مریم نواز نے سماجی رابطے کی ویب سائٹ پر ٹوئٹ کیا جس میں کارکنوں سے دعاکی درخواست کرتے ہوئے کہاکہ ‘‘دعاشاکرتومنگی رکھ دعاجانے خداجانے ’’۔
دعا شاکر تو منگی رکھ
دعا جانے خدا جانے 🤲🏼— Maryam Nawaz Sharif (@MaryamNSharif) February 25, 2019
لاہور(جی سی این رپورٹ) داروغہ والا میں دو گروپوں میں فائرنگ سے 3 سگے بھائی جاں بحق ہوگئے۔ذرائع کے مطابق لاہور کے علاقے داروغہ والا غبانپورہ میں قصاب کی دکان پر دو گروپوں کے درمیان فائرنگ ہوئی جس میں ابتدائی طور پر 2 افراد جاں بحق اور ایک شخص زخمی ہوگیا۔واقعے کے بعد پولیس کی بھاری نفری جائے وقوعہ پر پہنچ گئی اور زخمی شخص کو فوری طبی امداد کے لیے اسپتال منتقل کیا گیا جہاں وہ دورانِ علاج دم توڑ گیا۔پولیس کے مطابق واقعے میں جاں بحق ہونے والے تینوں سگے بھائی ہیں جن میں سے دو کی شناخت غنی اور لبھا کے نام سے ہوئی ہے۔پولیس کا کہناہےکہ فائرنگ کا واقعہ دیرینہ دشمنی کا شاخسانہ لگتا ہے، فائرنگ کے بعد نامعلوم افراد فرار ہوگئے جن کی تلاش کے لیے چھاپے مارے جارہے ہیں۔
کراچی(جی سی این رپورٹ)سندھ کابینہ نے ڈاکٹرز کی تنخواہیں پنجاب کے برابر کرنے کی منظوری دے دی۔وزیراعلیٰ سندھ کی زیرصدارت سندھ کابینہ کا اجلاس ہوا جس میں سندھ کے ڈاکٹروں کے سروس اسٹرکچر اور تنخواہوں کے فارمولے پر غور کیا گیا۔سندھ کابینہ نے ڈاکٹروں کے لیے نیا سیلری پیکج پنجاب کے برابر کرنے کی منظوری دے دی۔اجلاس میں فیصلہ کیا گیا کہ قانون سازی کے بعد ڈاکٹروں کی تنخواہوں میں اضافہ کیا جائے گا اور نئی تنخواہ کا اطلاق فروری 2019 سے ہوگا۔نئے پیکج کے تحت 10 ہزار روپے ماہانہ پوسٹ گریجویٹ کو اضافی دیا جائے گا جب کہ 15 ہزار فی مہینہ تمام ہاؤس افسران کو اضافی دیا جائے گا۔کابینہ کو بریفنگ میں بتایا گیا کہ تمام الاؤنسز اور تنخواہوں کے جائزہ کے بعد 5.6 بلین سالانہ خزانے پر بوجھ ہوگا۔کابینہ کے اجلاس میں بیشتر ممبران نے ڈاکٹرز کی تنخواہ بڑھانے کو اچھی کارکردگی سے منسوب کرنے کی تجویز دی۔ترجمان وزیراعلیٰ کے مطابق مراد علی شاہ نے مزید ڈاکٹروں کے تقرر کی بھی منظوری دی، نئے ڈاکٹرز کی نئی بھرتی مخصوص اسپتالوں میں ہوگی جہاں سے ٹرانسفر نہیں ہوسکے گا۔واضح رہےکہ گزشتہ دنوں سندھ بھر کے ینگ ڈاکٹرز نے تنخواہوں اور مراعات میں اضافے کے لیے احتجاجاً کام چھوڑ ہڑتال کی تھی جس کے بعد صوبائی حکومت اور ینگ ڈاکٹرز کے درمیان مذاکرات میں معاملات طے پائے تھے۔
لاہور(جی سی این رپورٹ) احتساب عدالت نے پی ٹی آئی رہنما علیم خان کے جسمانی ریمانڈ میں 5 مارچ تک توسیع کردی۔نیب حکام جسمانی ریمانڈ ختم ہونے پر سخت سیکیورٹی میں علیم خان کو لے کر لاہور کی احتساب عدالت پہنچے جہاں عدالت کے باہر پی ٹی آئی کے کارکنان کی بڑی تعداد بھی موجود تھی، اس دوران کارکنان اور پولیس کے درمیان دھکم پیل ہوئی اور پولیس نے کارکنان کو زبردستی عدالت کے دروازے سے ہٹایا۔احتساب عدالت میں سابق سینئر وزیر علیم خان کے خلاف کیس کی سماعت ہوئی تو نیب پراسیکیوٹر نے ملزم کے جسمانی ریمانڈ میں مزید توسیع کی استدعا کی جب کہ علیم خان کے وکلاء کی جانب سے جسمانی ریمانڈ میں توسیع کی استدعا کی مخالفت کی گئی۔عدالت نے فریقین کے دلائل سننے کے بعد فیصلہ محفوظ کرلیا جس کے بعد نیب حکام علیم خان کو عدالت سے لےکر واپس روانہ ہوگئے۔عدالت نے کچھ دیر بعد فیصلہ سناتے ہوئے نیب کی استدعا منظور کرلی اور علیم خان کے جسمانی ریمانڈ میں 5 مارچ تک توسیع کردی۔واضح رہے کہ نیب نے تحریک انصاف کے اہم رہنما اور پنجاب حکومت میں سابق سینئر وزیر علیم خان کو آف شور کمپنیوں کے اسکینڈل میں 6 فروری کو گرفتار کیا تھا جس کے بعد انہوں نے سینئر وزیر برائے بلدیات کی وزارت سے استعفیٰ دیا۔
ابوظہبی (جی سی این رپورٹ)اسلامی تعاون تنظیم (او آئی سی) نے مقبوضہ کشمیر میں پلوامہ میں بھارتی فوجیوں پر حملے کے بعد وادی میں بڑھتے ہوئے مظالم کے حوالے سے جائزہ لینے کے لیے 26 فروری کو رابطہ گروپ کا ہنگامی اجلاس طلب کرلیا۔او آئی سی کی جانب سے جاری اعلامیے کے مطابق رابطہ گروپ کا ہنگامی اجلاس پاکستان کی درخواست پر طلب کیا گیا ہے۔اعلامیے کے مطابق اجلاس میں پلوامہ حملے کے بعد مقبوضہ کشمیر کی صورت حال کا جائزہ لیا جائے گا اور یہ اجلاس 26 فروری کو او آئی سی کے جنرل سیکریٹریٹ میں ہوگا۔او آئی سی کی جانب سے جاری اعلامیے میں کہا گیا ہے کہ تنظیم خود موقع کا فائدہ اٹھاتے ہوئے اپنی اعلیٰ ترجیحاتی مشن کو یقینی بنائے گی۔او آئی سی کے رابطے گروپ کا معمول کے اجلاس کا 46 واں سیشن یکم مار چ سے 2 مارچ تک ابوظہبی میں شیڈول ہے جہاں رکن ممالک کے وزرا خارجہ کا اجلاس ہوگا۔یاد رہے کہ 14 فروری کو مقبوضہ کشمیر کے ضلع پلوامہ میں بھارتی فوجیوں پر خود کش حملہ ہوا تھا جس کے نتیجے میں 44 فوجی ہلاک ہوگئے تھے جس کے بعد مقبوضہ کشمیر اور بھارت کے مختلف علاقوں میں موجود کشمیریوں پر تشدد کے واقعات سامنے آئے تھے۔بھارت میں موجود تاجر، طلبا، مزدور اور دیگر افراد سمیت 700 سے زائد افراد واپس مقبوضہ کشمیر آنے پر مجبور ہوئے تھے۔بھارت کے دارالحکومت نئی دہلی میں دو روز قبل 3 کشمیری نوجوانوں پر تشدد کیا گیا تھا اسی طرح دوسرے شہر پونے میں نوجوان صحافی کو بھی نشانہ بنایا گیا تھا۔کشمیری صحافی جبران نذیر پر حملہ کرنے والے افراد نے کہا تھا کہ وہ انہیں واپس کشمیر بھیج دیں گے۔بھارت میں کشمیریوں کے خلاف بدترین تشدد پر سپریم کورٹ نے بھی پولیس سربراہ اور ریاستی حکومتوں کو ان کے تحفظ کو یقینی بنانے کا حکم دیا تھا۔دوسری جانب پاکستان نے بھی اقوام متحدہ کے سیکریٹری جنرل انتونیو گوتریس اور انسانی حقوق کے سربراہ کو بھی کشمیریوں کے خلاف تشدد پر نوٹس لے کر بھارت کو ان مظالم سے روکنے کے لیے اقدامات کرنے کا مطالبہ کیا تھا۔وزیر خارجہ شاہ محمود قریشی نے اقوام متحدہ کی سلامتی کونسل کے صدر انتونیو ندونگ مبا کو اپنے خط پلوامہ واقعے کے بعد درپیش صورت حال سے آگاہ کرتے ہوئے کہا تھا کہ بھارت کے پیدا کردہ ہیجان کے نتیجے میں مقبوضہ کشمیر کے عوام پر تشدد کی نئی لہر مسلط کردی گئی ہے اور کشمیری عوام کو خودارادیت کے ناقابل تنسیخ حق کا مطالبہ کرنے پر ظلم وتشدد کا نشانہ بنایا جارہا ہے۔سلامتی کونسل کو کردار ادا کرنے کی درخواست کرتے ہوئے ان کا کہنا تھا کہ مقبوضہ جموں وکشمیر کے عوام بین الاقوامی برادری کی طرف دیکھ رہے ہیں کہ وہ ان کی حالت زار پرتوجہ دیں اوران پر بہیمانہ بھارتی مظالم رکوانے کے لیے فوری اقدامات کیے جائیں۔
پیرس(جی سی این رپورٹ)دنیا کی سب سے بڑی مکھی جس کی جسامت انسانی انگوٹھے کے برابر ہے، کو انڈونیشیا کے نواحی علاقے میں 40 سال بعد دوبارہ دریافت کیا گیا۔گلوبل وائلڈ لائف کنزرویشن (عالمی سطح پر حیوانات کو تحفظ فراہم کرنے والا ادارہ) کا کہنا ہے کہ اس کے بڑے ہونے کے باوجود 19 ویں صدی میں قدرت پر تحقیق کرنے والے الفریڈ رسل والیس کی جانب سے دریافت کی گئی اس کے بعد اس مکھی پر کسی نے توجہ نہیں دی تھی۔انہوں نے بتایا کہ والیس نے اس مکھی کا نام ’فلائنگ بل ڈوگ‘ (اڑنے والا بڑے جسم کا کتا) رکھا تھا۔مکھیوں کی تصاویر کھینچنے میں ماہر جنہوں نے اس مکھی کی بھی تصویر کھینچی ہے، کا کہنا ہے کہ ’اس جاندار کی خوبصورتی اسے زندہ دیکھنے میں ہے، اس کے بڑے پروں کی آواز حیرت انگیز ہے‘۔انہوں نے کہا کہ ’میرا خواب ہے کہ اس مکھی کو انڈونیشیا کے اس حصے میں نایاب ہونے کا رتبہ دلاؤں تاکہ یہاں کے مقامیوں کو اس پر فخر ہو۔مکھی جزیرہ نما خطے انڈونیشیا کے شمالی مولوکاس میں پائی گئی جہاں یہ دیمک کی بنائی گئی مٹی کے ٹیلوں میں رہتی ہے جہاں یہ اپنے بڑے پروں کا استعمال کرکے دیمک سے اپنے گھر کو محفوظ کرتی ہے۔آئی یو سی این ریڈ لسٹ برائے خطرناک حیوانات کی فہرست میں اس مکھی کو ’ولنر ایبل‘ (خطرناک) قرار دیا گیا ہے جس کا مطلب ہے اس کی تعداد زیادہ ہے لیکن اس کی آبادی صرف ایک جگہ پر ہونے کی وجہ سے اس کے بارے میں تحقیق مشکل ہوگئی ہے۔اس سے قبل اس خطے میں مختلف مہمات کے درمیان اس مکھی کی نشاندہی نہیں کی گئی تھی۔
نیویارک (جی سی این رپورٹ)یقین کرنا مشکل ہوگا مگر ایک 12 لڑکے نے کچھ ایسا کردکھایا جس نے دنیا بھر کے سائنسدانوں کو اپنا سر پکڑنے پر مجبور کردیا ہے۔جی ہاں محض 12 سال کی عمر میں ایک امریکی لڑکے جیکس اوسالٹ نے اپنے گھر کے ایک کمرے میں جوہری فیوژن ری ایکٹر بنانے میں کامیابی حاصل کرلی۔ممفس سے تعلق رکھنے والا یہ لڑکا، جس کی عمر اب 14 سال ہے، کے بارے میں مانا جاتا ہے کہ وہ ایک فعال جوہری ری ایکٹر تیار کرنے والا کم عمر ترین فرد ہے۔یہ مشین کسٹمائز ویکیومز، پمپس اور چیمبر سے تیار کی گئی جو اس لڑکے نے ای بے سے خریدے اور اس پر کل خرچہ 10 ہزار ڈالرز ہوا۔اس کی مشین ایٹموں کو اتنی طاقت سے دباتی ہے جس سے توانائی خارج ہوکر اٹیم کے اندر پھنس جاتی ہے۔اس بچے نے مشین کی تیاری کی تفصیلات انٹرنیٹ سے حاصل کیں اور اپنی 13 سالگرہ سے چند دن قبل گزشتہ سال جنوری میں جوہری ری ایکٹر بنانے میں کامیابی حاصل کرلی۔
اس سے قبل اس طرح جوہری ری ایکٹر بنانے میں کامیابی حاصل کرنے والا کم عمر ترین فرد 14 سال ٹیلر ولسن تھا۔جیکسن اوسالٹ نے بتایا کہ اس کو بنانے کا آغاز اس وقت ہوا جب اسے معلوم ہوا کہ کس طرح دیگر افراد نے فیوژن ری ایکٹر بنانے میں کامیابی حاصل کی۔اس کا کہنا تھا کہ یہ سب جاننے کے بعد ای بے سے پرزے کریدے اور پھر ان کو جوڑ کر اس میں کامیابی حاصل کرلی۔تاہم یہ بچہ اس توانائی کو بجلی میں منتقل کرنے میں ناکام رہا اور اس کے بقول یہ خامی اس وجہ سے ہے کیونکہ وہ ارب پتی نہیں۔
اسلام آباد(جی سی این رپورٹ)جب توند کی چربی گھلانے اور جسمانی وزن سے نجات کی بات ہوتی ہے تو اکثر افراد سب سے پہلے کاربوہائیڈریٹس (نشاستہ دار غذائیں) کو چھوڑنے کا فیصلہ کرتے ہیں۔مگر یہ جان کر حیرت ہوگی کہ ہر طرح کے کاربوہائیڈریٹ موٹاپے کا باعث نہیں بنتے، درحقیقت کچھ اقسام توند سے نجات دلانے میں بھی مدد دیتی ہیں۔جسمانی وزن میں کمی کے لیے فائدہ مند کاربوہائیڈریٹس عام دستیاب غذاؤں میں مل جاتے ہیں۔درج ذیل میں ایسی ہی کاربوہائیڈریٹس سے بھرپور غذاؤں کا ذکر ہے جو موٹاپے سے نجات کی رفتار تیز کرسکتی ہیں۔
جو
جو فائبر سے بھرپور غذا ہے اور کسی سپرفوڈ سے کم نہیں، جو کے آٹے کی روٹی یا برڈ معدے کے ہارمونز کو حرکت میں لاتے ہیں، جس سے میٹابولزم اور کھانے کی اشتہا کو کنٹرول کرنے میں مدد ملتی ہے، اس میں موجود فائبر پیٹ کو زیادہ دیر تک بھرے رکھنے میں مدد دیتے ہیں۔
دالیں
چنے، بیج اور دالیں بسیار خوری سے روکنے میں مدد دے سکتے ہیں، جس سے جسمانی وزن کو کنٹرول میں رکھنا آسان ہوجاتا ہے۔
ناشپاتی
روزانہ 30 گرام فائبر کھانا ایک سال میں 2 کلو وزن کم کرسکتا ہے، ناشپاتی میں 6 گرام فائبر موجود ہوتی ہے اور یہ مقدار بیشتر پھلوں کے مقابلے میں کافی زیادہ ہے تو اس سے اندازہ لگایا جاسکتا ہے کہ یہ پھل توند سے نجات کے لیے کتنا فائدہ مند ہے۔
شکرقندی
ایک درمیانی شکرقندی میں 27 گرام کاربوہائیڈریٹس ہوتے ہیں، یہ مزیدار سوغات جسم میں ایک ہارمون adiponectin کی مقدار بڑھاتی ہے جو کہ بلڈشوگر لیول کو ریگولیٹ کرنے کے ساتھ میٹابولزم کو متحرک کرتا ہے۔ شکرقندی چربی سے پاک ہوتی ہے اور کیلوریز نہ ہونے کے برابر ہوتی ہیں۔
مٹر
آدھا کپ مٹر کے دانوں میں 4 گرام پروٹین اور فائبر ہوتی ہے جبکہ کاربوہائیڈریٹس کی مقدار 12.5 گرام ہوتی ہے، اتنے مٹر کھانے سے جسم کو روزانہ درکار زنک کی 12 فیصد مقدار بھی ملتی ہے۔
سادہ چاول
ایک امریکی تحقیق میں دریافت کیا گیا کہ سادہ چاول میں موجود کاربوہائیڈریٹس دیر سے ہضم ہوتے ہیں اور معدے میں فیٹی ایسڈز میں تبدیل ہوجاتے ہیں، جن کو ہمارا جسم توانائی کے لیے استعمال کرتا ہے، یہ کاربوہائیڈریٹس سفید ڈبل روٹی یا میٹھی اشیاءمیں پائے جانے والے کاربوہائیڈریٹس سے مختلف ہوتے ہیں جو فوری طور پر جسم میں جذب ہوکر جلنے کی بجائے چربی کا ذخیرہ کرتے ہیں اور موٹاپے کا باعث بنتے ہیں۔اس تحقیق میں پہلی بار یہ بات سامنے آئی ہے کہ سفید چاول اور پاستا میں موٹاپے سے تحفظ دینے والے کاربوہائیڈریٹس پائے جاتے ہیں اور سادہ چاول کا اکثر استعمال موٹاپے سے تحفظ میں مددگار ثابت ہوتا ہے۔
کیلے
کیلے فائبر سے بھرپور ہوتے ہیں اور انہیں کھانے کے بعد آپ کے اندر مزید کچھ کھانے کی خواہش کافی دیر تک پیدا نہیں ہوتی، کیلوں میں نشاستہ کی بھی ایک قسم ہے جو کھانے کی اشتہا کم کرتی ہے اور وزن میں اضافے کی روک تھام کرتی ہے۔ اسی طرح یہ خون میں شوگر کی سطح کم کرکے جسم میں انسولین کی حساسیت بڑھاتی ہے، اگر جسمانی خلیات انسولین کے حوالے سے حساس نہ ہو تو وہ گلوکوز جذب نہیں کرپاتے اور لبلبلہ ان کی بڑی مقدار ذخیرہ کرلیتا ہے۔
اسلام آباد(جی سی این رپورٹ)اپنڈکس یا ضمیمہ انسانی جسم کا وہ عضو ہے جسے اکثر افراد آپریشن کرکے نکلوا دیتے ہیں اور سمجھتے ہیں کہ اس کے بغیر بھی ہم ٹھیک ہی رہیں گے۔ویسے اگر اسے نہ بھی نکلوایا جائے تو اکثر اس میں کسی گڑبڑ کا اندازہ لوگ درد کی شکل میں لگاتے ہیں۔تاہم بڑی آنت سے جڑا یہ عضو جو کہ معدے کے دائیں جانب نچلے حصے میں ہوتا ہے، کی علامات کچھ ہٹ کر بھی سامنے آسکتی ہیں۔ویسے تو درد ناف کے قریب سے شروع ہوکر بتدریج اُس جانب پھیلتا ہے جہاں اپنڈکس ہوتا ہے مگر جیسا کہ بتایا جاچکا ہے کہ یہ سب سے عام علامت ہے۔مگر اس کی کچھ ایسی علامات بھی ہوتی ہیں جن سے لوگ واقف نہیں ہوتے اور ان کو جان لینے سے صرف ادویات سے بھی علاج ممکن ہوجاتا ہے اور سرجری کی ضرورت نہیں رہتی۔
پیٹ میں ایسا درد جس کی وجہ سمجھ نہ آئے
طبی ماہرین کے مطابق معدے میں درد اپنڈکس کی کلاسیک علامات میں سے ایک ہے، اپنڈکس کی نالی چھوٹی آنت سے رابطے میں رہتی ہے اور غذا کو بڑی آنت میں فضلے میں بدلنے میں مدد دیتی ہے۔ جب اپنڈکس کا مسئلہ پیدا ہوتا ہے تو یہ نالی ورم کا شکار ہوجاتی ہے جس سے انتہائی درد محسوس ہوتا ہے کیونکہ ہضم نہ ہونے والے کھانے کے ٹکڑے پھنس جاتے ہیں۔
درد میں وقت کے ساتھ کمی نہ آنا
پیٹ کے مختلف مسائل سے ہٹ کر اپنڈکس کے درد میں کچھ دیر کے بعد کمی کا احساس نہیں ہوتا، یہ مسلسل ہوتا ہے اور اس دوران ایسا لگتا ہے جیسے شکم کو کوئی کھرچ رہا ہو اور وقت کے ساتھ یہ بدتر ہوتا جاتا ہے۔
مخصوص مقام پر درد کا احساس
وقت کے ساتھ اپنڈکس کا درد حرکت کرکے معدے کے نچلے دائیں حصے میں منتقل ہوجاتا ہے، جب اپنڈکس کی نالی تھنگ ہوتی ہے تو وہ شکم کے اندرونی حصے سے ٹکرانے لگتی ہے، جس سے وہ ورم کا شکار ہوکر موٹی جاتی ہے۔
خون کے سفید خلیات کی مقدار بڑھ جانا
اپنڈکس کے مسئلے میں جسم انفیکشن سے لڑنے کے لیے اپنا ردعمل ظاہر کرتا ہے جس کے نتیجے میں خون کے سفید خلیات کی زیادہ مقدار خارج ہوتی ہے، ویسے تو اپنڈکس کے حوالے سے خون کا کوئی مخصوص ٹیسٹ نہیں، تاہم اگر آپ کو شک ہو تو ڈاکٹر سے ایک بلڈٹیسٹ کروائے تاکہ خون کے سفید خلیات کی مقدار معلوم ہوسکے۔
ناف دبانے سے درد ہونا
اپنڈکس کی تشخیص کے لیے طبی ماہرین عام طور پر ناف کے نچلے حصے کو نرمی سے دباتے ہیں، ایسا کرنے پر درد کا احساس ہوتا ہے چاہے ڈاکٹر دباؤ ختم بھی کردے۔
چلنے پھرنے سے قاصر ہوجانا
جب اپنڈکس کا درد بڑھتا ہے تو یہ اتنا شدید ہوتا ہے کہ متاثرہ فرد بمشکل حرکت کرپاتا ہے، بلکہ حرکت کرنے پر یہ درد مزید بڑھ جاتا ہے، اگر متاثرہ فرد اچھلنے کے قابل ہو تو یہ درد ممکنہ طور پر اپنڈکس کا نہیں ہوگا۔
ادویات سے درد ختم نہ ہونا
کئی بار لوگ اپنڈکس کے درد کو بدہضمی یا کسی اور قسم کا درد سمجھ لیتے ہیں، ایسا عام طور پر اس وقت ہوتا ہے جب درد کی شدت بہت زیادہ نہیں ہوتی، تاہم اس مرحلے پر درد کش ادویات کے استعمال سے بھی کوئی فائدہ نہیں ہوتا بلکہ درد زیادہ بدتر ہوسکتا ہے اور یہ بھی اپنڈکس کی علامت ہوسکتی ہے۔
کھانے کی خواہش ختم ہوجانا
اگر اچانک سے آپ کو بھوک لگنا ختم ہوجائے (چاہے ناشتہ ہو، دوپہر یا رات کا کھانا) تو یہ اس بات کا اشارہ ہے کہ معدہ کسی گڑبڑ کی جانب نشاندہی کررہا ہے، طبی ماہرین کے مطابق اپنڈکس کے مریضوں میں عام طور پر کھانے کی خواہش ختم ہوجاتی ہے۔
قے آنا
ویسے تو متلی یا قے کی شکایت کئی وجوہات کی بناء پر ہوسکتی ہے تاہم اگر اپنڈکس کے مرض کی علامت ہو تو منہ سے نکلنا والا مواد ہمیشہ جسم میں درد کی لہر بھی دوڑاتا ہے جس پر توجہ دینے کی ضرورت ہوتی ہے۔
قبض یا ہیضہ
غذائی نالی میں انفیکشن یا ورم کے نتیجے میں نظام ہاضمہ متاثر ہوتا ہے جس سے قبض یا ہیضے کا مرض لاحق ہوجاتا ہے، یہی وجہ ہے کہ اپنڈکس کے شکار اکثر افراد میں یہ دونوں امراض شروع میں سامنے آتے ہیں جنھیں آسانی سے نظرانداز کردیا جاتا ہے، اسی طرح پیٹ پھولنا، گیس یا درد وغیرہ کی شکایت بھی ہوسکتی ہے۔
بخار
بخار عام طور پر یہ بتاتا ہے کہ جسم کو کسی مسئلے کا سامنا ہے، اپنڈکس کے دوران بھی یہ علامت سامنے آتی ہے جو کہتی ہے کہ ہسپتال کا رخ کیا جائے، ماہرین کے مطابق اپنڈکس کے مریضوں میں بخار اس مرض کے آگے بڑھنے کا اشارہ کرتا ہے۔
بے چینی ہونا
معدے کے مسائل سے ہٹ کر اپنڈکس کے شکار افراد میں بے چیی کا احساس عام ہوتا ہے، جیسے میں خود کو بہتر محسوس نہیں کررہا/کررہی وغیرہ، تو اگر ایسی بے چینی ہو اور طبیعت گری گری محسوس ہو تو ڈاکٹر سے رجوع کرنا چاہیے۔
یہ علامات بہت تیزی سے سامنے آسکتی ہیں
معدے کے دیگر امراض سے ہٹ کر اپنڈکس بہت تیزی سے نمودار ہوتا ہے، طبی ماہرین کے مطابق اپنڈکس کی علامات 24 گھنٹے کے دوران سامنے آسکتی ہیں، ماہرین کا کہنا ہے کہ اگر آپ کو اچانک شدید درد کا سامنا ہو جو بدتر ہوتا جائے اور ساتھ میں دیگر علامات سامنے آئے تو طبی امداد کے لیے فوری رجوع کرنا چاہئے۔
اسلام آباد(جی سی این رپورٹ)پاکستانی کرکٹ ٹیم کے مصروف اور نان اسٹاپ سیزن کے بعد پاکستانی ٹیم انتظامیہ آسٹریلیا کے خلاف سیریز میں کپتان سرفراز احمد سمیت کئی اہم کھلاڑیوں کو آرام دینے کی منصوبہ بندی کررہی ہے تاکہ انگلینڈ کے خلاف پانچ ون ڈے میچوں اور ورلڈ کپ میں کھلاڑی ترو تازہ ہوکر شرکت کرسکیں۔ذمہ دار ذرائع کے مطابق سرفراز احمد کو کم از کم دو ون ڈے انٹر نیشنل میچز میں آرام دیا جاسکتا ہے، آرام دینے کی تجویز قابل عمل ہوگئی تو قیادت کی ذمہ داری نوجوان شاداب خان کو دی جاسکتی ہے اور وکٹ کیپنگ محمد رضوان کریں گے۔حیران کن طور پر ہونے والی پیش رفت کے طور پر شاداب خان کی موجودگی میں لیگ اسپنر یاسر شاہ کو بھی دو میچوں میں موقع دیا جائے گاتاکہ ورلڈ کپ سے پہلے یاسر شاہ کو بھی ون ڈے میچوں میں چیک کیا جاسکے۔شاداب خان نے پاکستان سپر لیگ میں محمد سمیع کے ان فٹ ہونے کے بعد کپتانی کے فرائض سر انجام دیئے ہیں اور انہیں ذہین کرکٹر مانا جاتا ہے۔سلیکٹرز چاہتے ہیں کہ شاداب خان کو کپتانی دے کر مستقبل کیلئے ان کی قائدانہ صلاحیتوں کو پرکھا کیا جائے۔حددرجہ ذمہ دار ذرائع کا کہنا ہے کہ چیف سلیکٹر انضمام الحق اور سلیکٹر وجاہت اللہ واسطی، مکی آرتھر اور سرفراز احمد سے ملاقات کریں گے تاکہ جن کھلاڑیوں کو آرام دینا ہے ان کے بارے میں فیصلہ کیا جاسکے۔ذرائع نے بتایا کہ پاکستانی ٹیم انتظامیہ چھ سے 7 لڑکوں کو آزمانا چاہتی ہے جب کہ کچھ نئے لڑکوں کو بھی آزمایا جائے گا جن میں عمر اکمل، عابد علی، وہاب ریاض کو بھی موقع دیا جاسکتا ہے تاہم لاہور قلندرز کے فاسٹ بولر حارث رؤف کو فی الحال کھلانے کی کوئی تجویز نہیں ہے۔چیف سلیکٹر انضمام الحق نے بات چیت کرتے ہوئے کہا کہ ستمبر میں ایشیا کپ سے پاکستانی ٹیم مسلسل کرکٹ کھیل رہی ہے، ایشیا کپ کے بعد آسٹریلیا اور نیوزی لینڈ کی سیریز پھر جنوبی افریقا کا دورہ اور اب پی ایس ایل نے لڑکوں کو تھکا دیا ہے۔انہوں نے کہا کہ سرفراز احمد بھی تینوں فارمیٹ میں کھیل رہے ہیں اور ہم چاہتے ہیں کہ کچھ لڑکوں کو آرام دیا جائے تاہم حتمی فیصلہ سرفراز احمد اور مکی آرتھر سے مشاورت کے بعد کیا جائے گا۔ان کا کہنا ہے کہ سرفراز احمد کو ورلڈ کپ کا کپتان بنانے کیلئے میں نے جنوبی افریقا سے آکر بورڈ سے بات کی تھی کیوں کہ میڈیا میں ہونے والی قیاس آرائیوں سے ابہام پیدا ہورہا تھا۔ہیڈکوچ مکی آرتھر نے دبئی میں پریس کانفرنس میں کہا کہ پاکستانی کرکٹرز چار ماہ سے مسلسل کھیل کر تھکاوٹ کا شکار ہیں، بابر اعظم، شاداب خان، فہیم اشرف اور حسن علی کا ورلڈکپ تک فٹ رہنا ضروری ہے۔ہیڈ کوچ مکی آرتھر نے کہا کہ تینوں فارمیٹ کھیلنے والے کھلاڑیوں کو آسٹریلیا کی سیریز میں باری باری آرام دیا جائے گا اور انضمام الحق سے بات کرکے آسٹریلیا کے خلاف بینچ اسٹرینتھ کو آزمائیں گے۔
شارجہ (جی سی این رپورٹ)کراچی کنگز کی جانب سے غیر ملکی کھلاڑی کولن انگرام نے پی ایس ایل 4 کی پہلی سنچری اپنے نام کی۔کولن انگرام کے برق رفتار 100 رنز نے ہدف کے تعاقب میں کراچی کنگز کی پوزیشن مستحکم کردی ہے۔ کراچی کو میچ میں فتح کیلئے 17 گیندوں پر 23 رنز درکار ہیں۔ٹورنامنٹ میں کوئٹہ گلیڈی ایٹرز پوائنٹس ٹیبل پر اب تک ناقابل شکست ہے اور گلیڈی ایٹرز نے 4 میچ کھیلے ہیں اور سب میں ہی کامیابی حاصل کی ہے۔ کراچی کنگز کو 4 میچز میں سے 3 میں شکست اور ایک میں کامیابی حاصل ہوئی ہے۔
شارجہ،پاکستان سپر لیگ فور کی پہلی سنچری سکور کرنے والی کولن انگرام مین آف دی میچ اعزاز اٹھائے کھڑے ہیں
کراچی(جی سی این رپورٹ) پاکستان سُپر لیگ فور کے پاکستان میں ہونے والے 8 میچز کے ٹکٹس کی فروخت آج سے ملک کے 55 مختلف سینٹرز پر شروع ہوگی۔پی ایس ایل کے پاکستان میں ہونے والے 8 میں سے تین میچز لاہور اور فائنل سمیت پانچ میچز کراچی کے نیشنل اسٹیڈیم میں کھیلے جائیں گے جس کے ٹکٹس آج سے فروخت کے لیے پیش کیے جائیں گے۔شائقین کرکٹ کراچی کے 27 اور لاہور کے 12 مقررہ سینٹرز سے ٹکٹس حاصل کرسکیں گے، پی ایس ایل کے تمام ٹکٹس کوریئر سروس ‘ٹی سی ایس’ کے مختص کردہ سینٹرز پر دستیاب ہوں گے۔ایلیمینیٹرز اور کوالیفائرز میچ کے ٹکٹس کی مالیت 500 روپے سے 3 ہزار روپے تک ہے جب کہ کراچی میں کھیلے جانے والے ایونٹ کے فائنل میچ کے ٹکٹس 500 سے 8 ہزار روپے تک ہیں۔اس سے قبل میچز کے آن لائن ٹکٹس بھی فروخت کے لیے پیش کیے گئے تھے جو مجموعی ٹکٹوں کا 20 فیصد تھا، ایسے شائقین جو آن لائن ٹکٹ بُک کروا چکے ہیں انہیں مقررہ سینٹر پر جاکر اپنا ٹکٹ وصول کرنا ہوگا۔
شارجہ(جی سی این رپورٹ) پاکستان سپر لیگ (پی ایس ایل) کے چوتھے ایڈیشن کے 15 ویں میچ میں کولن انگرام کی ناقابل شکست سنچری نے میچ کا پانسہ پلٹ دیا، کراچی کنگز نے کوئٹہ کو 6 وکٹوں سے شکست دے دی۔ کوئٹہ گلیڈی ایٹرز نے کراچی کنگز کو جیت کیلئے 187 رنز کا ہدف دیا جو اس نے 4 وکٹوں کے نقصان پر پورا کرلیا۔ کولن انگرام نے 59 گیندوں پر 127 رنز کی ناقابل شکست اننگز کھیلی اور ٹیم کو فتح دلائی۔یہ پی ایس ایل 4 میں کوئٹہ گلیڈی ایٹرز کی پہلی شکست ہے۔شارجہ کرکٹ اسٹیڈیم میں کھیلے گئے میچ میں کراچی کنگز نے ٹاس جیت کر کوئٹہ گلیڈی ایٹرز کو پہلے بیٹنگ کرنے کی دعوت دی۔کوئٹہ کی جانب سے اننگز کا آغاز شین واٹسن اور احسن علی نے کیا تاہم احسن علی 7 رنز بناکر آؤٹ ہوگئے۔ روسو اور عمر اکمل کی ذمہ دارانہ بیٹنگ نے مدمقابل ٹیم کو بڑا ہدف دینے میں اہم کردار ادا کیا۔ آخری 2 اوورز میں انور علی نے جارحانہ بیٹنگ کی اور 6 گیندوں پر 4 چھکوں کی مدد سے 27 رنز بناکر ناٹ آؤٹ رہے۔ کوئٹہ گلیڈی ایٹرز نے مقررہ 20 اوورز 186 رنز بنائے اور اس کے 5 کھلاڑی آؤٹ ہوئے۔ گلیڈی ایٹرز کی جانب سے عمر اکمل 55، روسو 44، انور علی 27 اور شین واٹسن 25 رنز بناکر نمایاں رہے۔ کراچی کنگز کی جانب سے عامر یامین نے 3 کھلاڑیوں کو آؤٹ کیا جب کہ سب سے مہنگے بولر محمد عامر ثابت ہوئے جنہوں نے 4 اوورز میں 39 رنز دے کر ایک وکٹ حاصل کی۔کراچی کی جانب سے اننگز کا اغاز بابر اعظم اور کولن منرو نے کیا تاہم بابر اعظم پہلی ہی گیند پر بغیر کوئی رن بنائے آؤٹ ہوگئے۔اس کے بعد کولن منرو 3 اور اویس ضیاء 19 رنز بناکر آؤٹ ہوگئے۔ چوتھی وکٹر انگرام اور لیونگ اسٹون نے شاندار کھیل پیش کیا اور ٹیم کا اسکور 145 تک پہنچایا۔ لیونگ اسٹون 18 رنز بناکر آؤٹ ہوئے۔
فی الحال اس کی تشخیص کے لیے کوئی ٹیسٹ نہیں تاہم مریض کی میڈیکل ہسٹری، جسمانی معائنہ اورمتاثرہ شخص میں موجود دیگر امراض کی بنیاد پر اس کی تشخ...
جملہ حقوق ©
WAKEUPCALL WITH ZIAMUGHAL
Anag Amor Theme by FOCUS MEDIA | Bloggerized by ZIAMUGHAL