خرطوم(جی سی این رپورٹ) سوڈان کی فوج نے صدر عمر حسن البشیر کو معزول کرکے ساتھیوں سمیت گرفتار کرلیا ہے۔گزشتہ 6 روز سے صدر عمر حسن البشیر کے خلاف احتجاجاً ہزاروں افراد آرمی ہیڈ کوارٹر کے باہر جمع تھے جہاں صدر کی رہائش گاہ اور وزارت دفاع کا دفتر بھی ہے۔
سوڈان کے وزیر دفاع اور فوجی سربراہ جنرل عوض بن عوف نے قوم سے ٹی وی خطاب کرتے ہوئے کہا کہ فوج طویل عرصے سے ملکی اداروں میں جاری بدعنوانیوں، بےضابطگیوں، بدتر اقتصادی حالت کا جائزہ لے رہی تھی۔جنرل عوض بن عوف کے مطابق فوج کو امید تھی حکومت وقت اپنی روش تبدیل کرکے ملک کو تباہی کی جانب جانے بچائے، تاہم صدر البشیر نے عوامی احتجاج پر کان نہ دھرنے کا فیصلہ کرتے ہوئے مظاہرین کا قتل عام شروع کردیا تھا۔
جنرل عوف نے مزید کہا کہ جنرل عمر حسن البشیر کو معزول کردیا گیا اور انھیں ساتھیوں کے ساتھ حراست میں لے کر محفوظ مقام میں منتقل کردیا۔ فوجی اقدام کے بعد سوڈان کے صدر عمر حسن البشیر کے تقریباً تین دہائی پر محیط اقتدار کا خاتمہ ہوگیا۔یاد رہے کہ 1956 میں سوڈان کی آزادی کے بعد سے اب تک عمر حسن البشیر کو طویل ترین عرصے تک صدارت کے عہدے پر فائز رہنے کا اعزاز حاصل ہے، انہوں نے یہ منصب 16 اکتوبر 1993 کو سنبھالا تھا۔
The post سوڈان میں حالات کشیدہ،صدر کہاں گئے،اقتدار کس نے سنبھال لیا؟ appeared first on Global Current News.
from Global Current News http://bit.ly/2P5a21Y
via IFTTT
0 comments:
آپ بھی اپنا تبصرہ تحریر کریں
اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔اگر آپ کے کمپوٹر میں اردو کی بورڈ انسٹال نہیں ہے تو اردو میں تبصرہ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کرکے شائع کردیں۔